ئێمە لە تۆرە کۆمەڵایەتیەکان

جیهان

تەندروستی جیهانی: سەبارەت بە ڤاكسینی كۆرۆنا لەگەڵ ڕوسیا لە پەیوەندی بەردەوامداین

خەڵك – بەشی هەواڵ

وتەبێژی ڕێكخراوی تەندروستی جیهانی ڕایگەیاند، ڕێكخراوەكەیان سەبارەت بە ڤاكسینی نوێی دژی ڤایرۆسی كۆرۆنا (كۆڤید-19) كە لەلایەن وڵاتی ڕوسیاوە بەرهەم هێنراوە، لەگەڵ لێپرسراوانی تەندروستی ئەو وڵاتە تاووتوێی پڕۆسەی پشتبەستن و ئامادەكاری پێشوەختەی ڕێكخراوەكە بۆ ڤاكسینەكە دەكەن.

تاریق جەسارفیتش وتەبێژی ڕێكخراوی تەندروستی جیهانی، ئەمڕۆ سێشەممە لە شاری جنێف ڕایگەیاند: ڕێكخراوی تەندروستی لەگەڵ بەرپرسانی تەندروستی ڕوسیادا لەپەیوەندی بەردوامدایە، گفتوگۆكانیش لەبارەی ئامادەسازی پێشوەختەی ڕێكخراوەكە سەبارەت بەم ڤاكسینە بەردەوامە.

وتەبێژی ڕێكخراوی تەندروستی جیهانی وتیشی: دەبێت جارێكی تر لەچوارچێوەی ئامادەسازیی پێشوەختە، پێداچوونەوە و هەڵسەنگاندنی تەواو بۆ هەموو داتاكانی سەلامەتی و كاریگەری پێویستی ڤاكسینەكە بكرێت.
ئەمەش لە كاتێكدایە، ئەمڕۆ ڤلادیمێر پوتن سەرۆكی ڕوسیا، تۆماركردنی یەكەم ڤاكسینی دژ بە ڤایرۆسی كۆرۆنای لە جیهاندا ڕاگەیاند.

سەرۆكی ڕوسیا لە كۆبوونەوەیەدا لەگەڵ ئەندامانی حكومەت لەڕێی تەكنیكی (ڤیدیۆ كۆنفرانس) ڕایگەیاند”پێیان ڕاگەیاندم كە ئەم بەیانییە یەكەم ڤاكسینی دژ بە ڤایرۆسی كۆرۆنا تۆماركرا”.

بە وتەی پوتن”لەكاتی داواكاریی وردەكارییەكان لە میخائیل مۆراشكۆ وەزیری تەندروستی لەبارەی ڤاكسینەكەوە، پێیان ڕاگەیاندووم كە ڤاكسینەكە بەشێوەیەكی زۆر كاریگەر كاردەكات و بەرگرییەكی جێگیر دروستدەكات، دووبارەشی دەكەمەوە كە هەموو تاقیكردنەوە پێویستەكانی تێپەڕاندووە”.

دواتریش میخائیل مۆراشكۆ وەزیری تەندروستی ڕوسیاوە بڵاویكردەوە”لەئێستادا دەستكراوە بە بەرهەمهێنانی ڤاكسینەكە لە دوو ناوەند كە ئەوانیش( ناوەندی گومالی سەر بە وەزارەتی تەندروستی ڕوسیا و زكۆمپانیای بینۆڤارم)ن”.

جیهان

كۆشكی سپی ژمارەی ئەو وڵاتانە ئاشكرا دەكات كە پەیوەندییەكانیان لەگەڵ ئیسرائیل ئاسایی دەكەنەوە

خەڵك – بەشی هەواڵ

كۆشكی سپی ئەمریكا ئاشكرایدەكات، پێنج وڵاتی تر كە سیانیان لە ڕۆژهەڵاتی ناوەڕاست و دووانیان لە دەرەوەی ناوچەكەن زۆر نزیكن لەوەی لەگەڵ ئیسرائیل پەیوەندییەكانیان ئاسایی بكەنەوە.

مارك میدۆس سەرۆكی كارمەندانی كۆشكی سپی و سكرتێری دۆناڵد ترەمپ سەرۆكی ئەمریكا بۆ كەمپینی هەڵبژاردنەكان لە لێدوانێكدا باسی لە گرنگیی ڕێككەوتنەكانی ئاساییكردنەوەی پەیوەندییەكان نێوان ئیمارات و بەحرەین كرد لەگەڵ ئیسرائیلدا و ڕایگەیاند، پێنج وڵاتی تر بە جددی بیر لە ئاساییكردنەوەی پەیوەندییەكانیان دەكەن لەگەڵ ئیسرائیلدا، لەوانەش سیانیان لە ناوچەكەن و دووانیشیان لە دەرەوەی ناوچەكەن، بەڵام ئاماژەی بە ناوی وڵاتەكان نەكرد.

میدۆوس ئەوەشی خستەڕوو، ترەمپ سەردانی نیویۆرك ناكات بە مەبەستی پێشكەش كردنی وتارەكەی لە چوارچێوەی كۆبوونەوەكانی ئەنجومەنی گشتیی نەتەوە یەكگرتووەكان كە ڕۆژی سێ شەممە سازدەكرێت، بەڵكو لە كۆشكی سپییەوە وتارەكەی پێشكەش دەكات.

بەردەوام بە لە خوێندنەوە

جیهان

ڕوسیا: گەلی سوریا قوربانی سەرەكی سزاكانی ئەمریكان

خەڵك – بەشی هەواڵ

وەزیری دەرەوەی ڕوسیا ڕایدەگەیەنێت: سزاكانی ئەمریكا كاریگەری ڕاستەوخۆی لەسەر گەلی سوریا دەبێت.

سێرگی لاڤرۆڤ وەزیری دەرەوەی ڕوسیا ڕەخنەی توندی لەو سزایانە گرت كە ئەمریكا بەسەر حكومەتی سوریایدا سەپاندووە و ئاماژەی بەوەكرد، لێپرسراوانی ئەمریكا وەك خۆیان دەڵێن ئامانجیانە لەڕێگەی ئەو سزایانەوە لێپرسراوانە پلەباڵاكانی سوریا بخنكێنن، بەڵام لەڕاستیدا گەلی سوریا قوربانی سەرەكی سزاكانن.

وەزیری دەرەوەی ڕوسیا باسی لەوەشكرد، هەفتەی رابردوو نەتەوە یەكگرتووەكان گفتوگۆی لەبارەی سزاكانی ئەمریكاوە كردووە و وڵاتانی ڕۆژئاوا داكۆكیان لێكردووە و ڕایانگەیاندووە ئامانجی سزاكان دژ بە لێپرسراوانی سوریایە.

لاڤرۆڤ ڕاشیگەیاند، پێویست بوو ئەو وڵاتانە بیر لەگەیاندنی كاروانی هاوكارییە مرۆییەكان بكەنەوە بۆ سوریا كەتائێستا ئامادە نین هیچ كۆمەكێك پێشكەش بەو وڵاتە بكەن.

یاسای سیزەر كە لەلایەن كۆمارییەكان و دیموكراتەكانی ئەمریكاوە بەهاوبەشی لە كۆنگرێس تێپەڕێنراوە، خۆی لەسەپاندنی سزا بەسەر تەواوی ئەو گەورە كۆمپانیا و دەزگای هەواڵگری و سەربازییانەدا دەبینێتەوە كەبەهەر شێوەیەك بێت هاوكاری پێشكەش بەحكومەتی سوریا و لێپرسراوانی باڵای ئەو وڵاتە دەكەن.

بەردەوام بە لە خوێندنەوە

ئابوری

تیکتۆک و ویچات قەدەغەدەکرێن

 

خەڵک – بەشی هەواڵ

تیکتۆک و ویچات لەڕۆژی یەک شەممەوە لەئەپ ستۆر و پلەی ستۆری ئەمریکا قەدەغەدەکرێن.

 

بەپێی بڕیارێکی ولایەتە یەکگرتووەکانی ئەمریکا، ڕێگری دەکرێت لەداونلۆدکردنی هەردوو ئەپلیکەیشنی تیکتۆک و ویچات لەئەپستۆر و پلەی ستۆری ئەمریکا.

 

بڕیارەکە لەیەک شەممەی داهاتووەوە دەچێتە بواری جێبەجێکردنەوە و بەتەواویش لەبەرواری ١٢/١١/٢٠٢٠ بەکارهێنانی قەدەغەدەکرێن.

 

ئەم بڕیارە  لەکاتێکدایە ئەمریکا پێیوایە ئەم ئەپلیکەشنانە هەڕەشەن بۆسەر ئاسایشی نیشتیمانی.

 

ئەو دوو ئەپلیکەیشتە لەلایەن دوو کۆمپانیای چینییەوە بەرهەمهێنراون و بەڕێوەدەبرێن، بۆیە گرژییەکانی نێوان ئەمریکا و چین وایکردووە ئەم جۆرە بڕیارانە دەربکرێن.

 

بەردەوام بە لە خوێندنەوە

کوردستان