ئێمە لە تۆرە کۆمەڵایەتیەکان

کوردستان

پەروەردە بڕیارێكی بۆ ساڵی نوێی خوێندن دەركرد

خەڵك- بەشی هەواڵ
بەڕێوەبەرایەتییەكی سەر بە پەروەردەی گشتی سلێمانی كاتی تۆماركردنی ناوی منداڵان لە باخچەكانی منداڵان بۆ ساڵی نوێی خوێندن دیاری دەكات و جەختیشدەكاتەوە، لە هەفتەی داهاتووەوە دەستپێدەكات و منداڵانی لەدایكبووی 2015 و 2016 تۆمار دەكرێن.

بەپێی گشتاندنێكی بەڕێوەبەرایەتی پەروەردەی ڕۆژئاوای سلێمانی، كە وێنەی دراوە بە (خەڵك)، بڕیار دراوە بۆ ساڵی نوێی خوێندن لە ڕۆژی یەك شەممەوە 16-8-2020 منداڵانی لەدایكبوونی ساڵانی (2015 و 2016) دەست بە تۆماركردنیان بكرێت بۆ باخچەكانی منداڵان.

ڕاشیگەیاندووە، كە دەبێت منداڵانی چوار ساڵان و پێنج ساڵان لە باخچەكان تۆمار بكرێن و دەستەی كارگێڕی لیژنەیەك پێكبهێنن بۆ تۆماركردنی منداڵان بەپێی فۆڕمی تایبەت بە باخچە.

کوردستان

شەنگال.. ئۆتۆمبێلێكی بۆمبڕێژكراو تەقییەوە

خەڵك – بەشی هەواڵ

ئۆتۆمبێلێكی بۆمبڕێژكراو لە باكووری شەنگال تەقییەوە.

بەپێی زانیارییەكان، كاتژمێر 9:30 خولەكی‌ ئەمشەو ئۆتۆمبێلێكی بۆمبڕێژكراو لەجۆری ئۆپڵ لە باكووری شەنگال تەقییەوە.

تەقینەوەكە كیلۆمەترێك لە مەزارگەی شێخ شەرەفەدین دوورە و تا ئێستا زیانەكانی ئەو تەقینەوەیە ئاشكرا نەكراوە.

پاش ڕووداوەكەش هێزە ئەمنییەكان گەیشتوونەتە ناوچەكە و لێكۆڵینەوە لە ڕووداوەكە دەستیپێكردووە.

بەردەوام بە لە خوێندنەوە

کوردستان

سلێمانی.. مامۆستایانی ناڕازی و ئەنجومەنی فشار و مامۆستایانی زانكۆ هەڵوێست ڕادەگەیەنن

خەڵك – بەشی هەواڵ

مامۆستایانی ناڕازی و ئەنجومەنی فشار و مامۆستایانی زانكۆ و پەیمانگاكان لە ئاگادارینامەیەكدا ڕایدەگەیەنن، سبەینێ‌ دووشەممە ڕێكەوتی 21/9/2020 كاتژمێر 11ی پێش نیوەڕۆ لە بەردەم پەروەردەی ڕۆژئاوا، ئەنجومەنی فشار، مامۆستایانی ناڕازی، مامۆستایانی زانكۆ و پەیمانگاكان، بەیەكەوە لەكۆنگرەیەكی ڕۆژنامەوانیدا هەڵوێستی هاوبەش ڕادەگەیەنن.

مامۆستا دڵشاد بابانی ئەندامی ئەنجومەنی فشار بە (تۆڕی میدیایی خەڵك)ی ڕاگەیاند، سبەینێ‌ لەو كۆنفڕانسە ڕۆژنامەوانییەدا ڕاگەیەنراوێكدا بۆ ڕای گشتی بڵاودەكەنەوە لە هەمان كاتدا چەند داواكارییەك دەخەنەڕوو.

مامۆستا دڵشاد بابانی وتیشی، لەو كۆنفڕانسە ڕۆژنامەوانییەدا بە هەماهەنگی لەگەڵ مامۆستایانی ناڕازی و مامۆستایانی زانكۆ و پەیمانگاكان وادەی ئەنجامدانی خۆپیشاندانی سەرتاسەری ڕادەگەیەنن.

بەردەوام بە لە خوێندنەوە

کوردستان

هاوسەری جەعفەر شێخ مستەفا جێگری سەرۆكی هەرێم كۆچی دوایی كرد

خەڵك – بەشی هەواڵ

كەمێك پێش ئێستا پرشنگ ڕەشید عەبدولكەریم خێزانی شێخ جەعفەر شێخ مستەفا جێگری سەرۆكی هەرێمی كوردستان كۆچی دوایی كرد.

بەردەوام بە لە خوێندنەوە

کوردستان