ئێمە لە تۆرە کۆمەڵایەتیەکان

کوردستان

توركیا گوندەكانی سنووری پارێزگای دهۆك بۆردوومان دەكات

خەڵك – بەشی هەواڵ

فڕۆكە جەنگییەكان و تۆپخانەكانی توركیا هاوینەهەوار و گوندەكانی شارەدێی شیلادزێ و باتیفا و دەركار لە سنووری پارێزگای دهۆك بۆردوومان دەكەن و بەهۆیەوە زیانێكی زۆر بەر دارستان و ڕەز و باغی هاووڵاتیان دەكەوێت.

ئەمڕۆ، توركیا لە ڕێگەی تۆپخانەكانییەوە گوندەكانی دەڤەری (نهێل)یان لە شارەدێی شیلادزێی سەر بە پارێزگای دهۆك تۆپباران كرد و لە ڕێگەی فڕۆكە جەنگییەكانیشەوە (چیای گارە و گوندی سیتە) و هاوینەهەواری (گەلی ڕێكا)یان لە سنووری هەمان شارەدێ‌ بۆردومانكردووە و ڕووبەرێكی زۆر لە دارستانی ناوچەكە سوتاوە.

ڕۆژانە فڕۆكە جەنگییەكان و تۆپخانەكانی توركیا سنووری شارەدێكانی باتیفا و دەركار لە پارێزگای دهۆك بۆردوومان دەكەن.

جێی ئاماژەیە، سوپای توركیا لە سەرەتای لەشكركێشییەكانییەوە تائێستا زیاتر لە ٣٠ كیلۆمەتر هاتووەتە ناو خاكی هەرێمی كوردستان و زیاتر لە ٥٠٠ گوندیش بەهۆی مەترسی بۆردوومانەكانەوە چۆڵكراون.

کوردستان

شەنگال.. ئۆتۆمبێلێكی بۆمبڕێژكراو تەقییەوە

خەڵك – بەشی هەواڵ

ئۆتۆمبێلێكی بۆمبڕێژكراو لە باكووری شەنگال تەقییەوە.

بەپێی زانیارییەكان، كاتژمێر 9:30 خولەكی‌ ئەمشەو ئۆتۆمبێلێكی بۆمبڕێژكراو لەجۆری ئۆپڵ لە باكووری شەنگال تەقییەوە.

تەقینەوەكە كیلۆمەترێك لە مەزارگەی شێخ شەرەفەدین دوورە و تا ئێستا زیانەكانی ئەو تەقینەوەیە ئاشكرا نەكراوە.

پاش ڕووداوەكەش هێزە ئەمنییەكان گەیشتوونەتە ناوچەكە و لێكۆڵینەوە لە ڕووداوەكە دەستیپێكردووە.

بەردەوام بە لە خوێندنەوە

کوردستان

سلێمانی.. مامۆستایانی ناڕازی و ئەنجومەنی فشار و مامۆستایانی زانكۆ هەڵوێست ڕادەگەیەنن

خەڵك – بەشی هەواڵ

مامۆستایانی ناڕازی و ئەنجومەنی فشار و مامۆستایانی زانكۆ و پەیمانگاكان لە ئاگادارینامەیەكدا ڕایدەگەیەنن، سبەینێ‌ دووشەممە ڕێكەوتی 21/9/2020 كاتژمێر 11ی پێش نیوەڕۆ لە بەردەم پەروەردەی ڕۆژئاوا، ئەنجومەنی فشار، مامۆستایانی ناڕازی، مامۆستایانی زانكۆ و پەیمانگاكان، بەیەكەوە لەكۆنگرەیەكی ڕۆژنامەوانیدا هەڵوێستی هاوبەش ڕادەگەیەنن.

مامۆستا دڵشاد بابانی ئەندامی ئەنجومەنی فشار بە (تۆڕی میدیایی خەڵك)ی ڕاگەیاند، سبەینێ‌ لەو كۆنفڕانسە ڕۆژنامەوانییەدا ڕاگەیەنراوێكدا بۆ ڕای گشتی بڵاودەكەنەوە لە هەمان كاتدا چەند داواكارییەك دەخەنەڕوو.

مامۆستا دڵشاد بابانی وتیشی، لەو كۆنفڕانسە ڕۆژنامەوانییەدا بە هەماهەنگی لەگەڵ مامۆستایانی ناڕازی و مامۆستایانی زانكۆ و پەیمانگاكان وادەی ئەنجامدانی خۆپیشاندانی سەرتاسەری ڕادەگەیەنن.

بەردەوام بە لە خوێندنەوە

کوردستان

هاوسەری جەعفەر شێخ مستەفا جێگری سەرۆكی هەرێم كۆچی دوایی كرد

خەڵك – بەشی هەواڵ

كەمێك پێش ئێستا پرشنگ ڕەشید عەبدولكەریم خێزانی شێخ جەعفەر شێخ مستەفا جێگری سەرۆكی هەرێمی كوردستان كۆچی دوایی كرد.

بەردەوام بە لە خوێندنەوە

کوردستان