ئێمە لە تۆرە کۆمەڵایەتیەکان

کوردستان

ڕۆژئاوای كوردستان.. ئاسایش 5 ژنی داعش دەستگیر دەكات

خەڵك – بەشی هەواڵ

لە ڕۆژئاوای كوردستان هێزەكانی ئاسایشی ناوخۆ توانییان 5 ژنی داعش كە هەڵگری ڕەگەزنامەی ڕوسین، لە كەمپی هۆل دەستگیربكەن كە هەوڵیانداوە هەڵبێن.

هێزەكانی ئاسایشی ناوخۆی ڕۆژئاوای كوردستان ڕایگەیاند: ئێوارەی ڕۆژی هەینی، 5 ژنی داعش بەناوەكانی (ڤیكتۆریا نیكۆلا و لەگەڵ سێ منداڵكەی، عایشە ئەحمەد خان و منداڵەكەی، ماریت موراد و دوو منداڵەكەی، عایشە مەولود كە پێشتر چەكداری داعش بووە و قاچێكیشی بڕاوەتەوە، حەوا موسلیم و منداڵێكی) كە سەرجەمیان ڕەگەزنامەی ڕوسییان هەیە، هەوڵیانداوە لە كەمپی هۆڵ هەڵبێن.

پێشتر، ئەو ژنە داعشانە بەهەماهەنگی لەگەڵ كەسوكاریان و لەڕێگەی قاچاغچییەكەوە، پلانیان بۆ ئەوە داڕشتبوو لە كەمپەكە هەڵبێن، بەڵام دوای ئاشكرابوونیان لەلایەن هێزەكانی ئاسایشی ناوخۆوە، سەرجەمیان دەستگیركران، جگەلە قاچاغچییەكە نەبێت كەتوانی هەڵبێت.

هێزەكانی ئاسایشی ناوخۆی ڕۆژئاوای كوردستان ڕاشیگەیاند: قاچاغچییەكان ڕاستەوخۆ پەیوەندییان بە وڵاتی توركیاوە هەیە، توركیا پلان بۆ دەركردنی ئەو ژنە داعشانە لە كەمپی هۆڵ دادەنێت و تا بیانگەیەنێتە ناو خاكی توركیا و ڕەوانەی وڵاتەكانیان بكاتەوە.

حەوا كە یەكێكە لەو ژنە داعشە دەستگیركراوانە، ڕایگەیاند: حكومەتی توركیا جێگە و ڕێگەی تایبەتی بۆ دابین كردوون تا ئەو كاتەی لەو وڵاتە دەردەچن.

جێی ئاماژەیە، ماوەیەكە بەهۆی سەپاندنی قەدەغەی هاتووچۆ لەدژی ڤایرۆسی كۆرۆنا لە لایەن ئیدارەی خۆسەرییەوە، قاچاغچییەكان هەوڵی دەركردنی ژنە داعشەكان لە كەمپەكە دەدەن.

کوردستان

شەنگال.. ئۆتۆمبێلێكی بۆمبڕێژكراو تەقییەوە

خەڵك – بەشی هەواڵ

ئۆتۆمبێلێكی بۆمبڕێژكراو لە باكووری شەنگال تەقییەوە.

بەپێی زانیارییەكان، كاتژمێر 9:30 خولەكی‌ ئەمشەو ئۆتۆمبێلێكی بۆمبڕێژكراو لەجۆری ئۆپڵ لە باكووری شەنگال تەقییەوە.

تەقینەوەكە كیلۆمەترێك لە مەزارگەی شێخ شەرەفەدین دوورە و تا ئێستا زیانەكانی ئەو تەقینەوەیە ئاشكرا نەكراوە.

پاش ڕووداوەكەش هێزە ئەمنییەكان گەیشتوونەتە ناوچەكە و لێكۆڵینەوە لە ڕووداوەكە دەستیپێكردووە.

بەردەوام بە لە خوێندنەوە

کوردستان

سلێمانی.. مامۆستایانی ناڕازی و ئەنجومەنی فشار و مامۆستایانی زانكۆ هەڵوێست ڕادەگەیەنن

خەڵك – بەشی هەواڵ

مامۆستایانی ناڕازی و ئەنجومەنی فشار و مامۆستایانی زانكۆ و پەیمانگاكان لە ئاگادارینامەیەكدا ڕایدەگەیەنن، سبەینێ‌ دووشەممە ڕێكەوتی 21/9/2020 كاتژمێر 11ی پێش نیوەڕۆ لە بەردەم پەروەردەی ڕۆژئاوا، ئەنجومەنی فشار، مامۆستایانی ناڕازی، مامۆستایانی زانكۆ و پەیمانگاكان، بەیەكەوە لەكۆنگرەیەكی ڕۆژنامەوانیدا هەڵوێستی هاوبەش ڕادەگەیەنن.

مامۆستا دڵشاد بابانی ئەندامی ئەنجومەنی فشار بە (تۆڕی میدیایی خەڵك)ی ڕاگەیاند، سبەینێ‌ لەو كۆنفڕانسە ڕۆژنامەوانییەدا ڕاگەیەنراوێكدا بۆ ڕای گشتی بڵاودەكەنەوە لە هەمان كاتدا چەند داواكارییەك دەخەنەڕوو.

مامۆستا دڵشاد بابانی وتیشی، لەو كۆنفڕانسە ڕۆژنامەوانییەدا بە هەماهەنگی لەگەڵ مامۆستایانی ناڕازی و مامۆستایانی زانكۆ و پەیمانگاكان وادەی ئەنجامدانی خۆپیشاندانی سەرتاسەری ڕادەگەیەنن.

بەردەوام بە لە خوێندنەوە

کوردستان

هاوسەری جەعفەر شێخ مستەفا جێگری سەرۆكی هەرێم كۆچی دوایی كرد

خەڵك – بەشی هەواڵ

كەمێك پێش ئێستا پرشنگ ڕەشید عەبدولكەریم خێزانی شێخ جەعفەر شێخ مستەفا جێگری سەرۆكی هەرێمی كوردستان كۆچی دوایی كرد.

بەردەوام بە لە خوێندنەوە

کوردستان