ئێمە لە تۆرە کۆمەڵایەتیەکان

عێراق

دكتۆر مەحمود: ئەنجامدانی هەڵبژاردنی پێشوەخت لە عیراق ئاسان نییە

خەڵك – بەشی هەواڵ
سیاسەتمەداری كورد و ئەندامی پێشووی پەڕلەمانی عیراق ڕایدەگەیەنێت، ئەنجامدانی هەڵبژاردنی پێشوەخت لە عیراق ئاسان نییە و زۆربەی لایەنەكان لەگەڵ تەواوكردنی خولی ئێستای پەڕلەماندان و دژی ئەنجامدانی هەڵبژاردنی پێشوەختن.

دكتۆر مەحمود عوسمان، سیاسەتمەداری كورد و ئەندامی پێشووی پەڕلەمانی عیراق بە (دەنگی ئەمریكا)ی ڕاگەیاندووە، هەڵبژاردنی پێشوەخت یان پاشوەخت گرنگ نییە، گرنگ ئەنجامدانیەتی بێ تەزویر و ساختەكاری، بۆ ئەمەش دەبێت سەرژمێری ئەنجام بدرێت و لیستەكان لە ناوی زیادە و مردوو پاك بكرێنەوە.

ڕاشیگەیاندووە، پێش پڕۆسەی هەڵبژاردن دەبێت چەكیش لە میلیشیاكان وەربگیرێتەوە، چونكە چەك هۆكاری ساختەكارییە لە هەڵبژاردنەكاندا، هەرچەندە ئەمریكا پشتگیری كازمی دەكات و دەیەوێ سەری بخات و هەڵبژاردنی پێشوەختیش داواكاری خۆپیشاندەران و شەقامی عیراقە.

ئاشكراشیكردووە، توركیا زۆر دەستوەردان ناكات لەكاروباری هەڵبژاردندا، بەڵام ئێرانیەكان گرفتن و هاوشێوەی لایەنە شیعیەكانی نزیكیان لەگەڵ هەڵبژاردندا نین، دەیانەوێت دۆخەكە وەكو ئێستا بێت، بۆیە ئەنجامدانی هەڵبژاردنی پێشوەخت بۆ كازمی ئاسان نیە، زەمینەسازی دەوێت.

دكتۆر مەحمود عوسمان دەڵێت: “پێویستە كازمی باڵانس لەنێوان وڵاتە زلهێزە نێودەوڵەتی و ئیقلیمیەكاندا ڕابگرێت و نەبێتە بەشێك لە كێشەی نێوانیان، بەڵام لەگەڵ ئەوەشدا، ڕاگرتنی ئەو باڵانسە و ڕازیكردنی هەموو لایەنەكان ئاسان نییە بۆ كازمیگ.

عێراق

ئێران: پێویستە عیراق گیانی دیپلۆماتكارەكانمان بپارێزێت

خەڵك – بەشی هەواڵ

وتەبێژی وەزارەتی دەرەوەی ئێران ڕایدەگەیەنێت: هێرش و پێشێلكارییەكان دژ بەهاووڵاتیانی ئێران لە عیراق بەشێوەیەكی بەرچاو زیادیكردووە.

سەعید خەتیب زادە وتەبێژی وەزارەتی دەرەوەی ئێران لە كۆنفڕانسێكی ڕۆژنامەوانیدا ئیدانەی ئەو هێرشانەی كرد كە لە بەغدای پایتەختی عیراق دەكرێنە سەر دیپلۆماتكار و كەسانی بیانی بەتایبەت ئێرانییەكان.

وتەبێژی وەزارەتی دەرەوەی ئێران ئاماژەی بەوەشدا، هێرش و پێشێلكارییەكان دژ بەهاووڵاتیانی ئێران لەو وڵاتە بەشێوەیەكی بەرچاو زیادیكردووە.

سەعید خەتیب زادە داواشیكرد، حكومەتی عیراق ئاسایشی هاووڵاتیانیان بپارێزێت و ڕاشیگەیاند، ئەركی هێزە ئەمنییەكانی ئەو وڵاتەیە گیانی دیپلۆماتكار و كەسانی بیانی بپارێزن و ڕێكاری توند بۆ ئەو مەبەستە بگرنەبەر.

بەردەوام بە لە خوێندنەوە

عێراق

سەڵاحەدین.. بۆمبێك بەكاروانێكی لۆجیستی هاوپەیمانان تەقییەوە

خەڵك – بەشی هەواڵ

لە سنووری پارێزگای سەڵاحەدین بۆمبێك بە كاروانێكی هاوپەیمانان تەقییەوە و سەربازێكی عیراقی برینداربوو.

شانەی ئەمنی عیراق بڵاویكردەوە، لە شارۆچكەیەكی سەر بە پارێزگای سەڵاحەدین بۆمبێكی چێنراو بەكاروانێكی لۆجیستی هێزەكانی هاوپەیمانی نێودەوڵەتی دژ بە داعش تەقیوەتەوە.

شانەی ئەمنی عیراقی ئەوەشی خستووەتەڕوو: بۆمبێك بەكاروانێكی لۆجیستی هێزەكانی هاوپەیمانی نێودەوڵەتی دژ بەداعش لە شارۆچكەی ئیسحاقی لە سنووری پارێزگای سەڵاحەدین تەقیوەتەوە و بەوهۆیەوە سەربازێكی هێزەكانی سوپای عیراق برینداربووە.

بەردەوام بە لە خوێندنەوە

جیهان

کازمی سەردانی فەرەنسا دەکات

 

خەڵک – بەشی هەواڵ

 

ئامادەکاری دەکرێت بۆئەوەی لەمانگی داهاتوودا سەرۆک وەزیرانی عیراق سەردانی فەرەنسا بکات.

 

وەزارەتی دەرەوەی عیراق ڕاگەیەندراوێکی بڵاوکردەوە، کە تێیدا باس لەسەردان و کۆبوونەوەی وەزیری دەرەوەی عیراق و وەزیری دەرەوەی فەرەنسا کراوە و لەخاڵێکدا ئاماژە بەئەوەکراوە، ئامادەکاری دەکەن بۆئەوەی لەمانگی داهاتوودا مستەفا کازمی سەردانی فەرەنسا بکات.

 

لەو ڕاگەیەندراوەدا ئاماژە بەئەوەشدراوە، لەکۆبوونەوەى هەردوو وەزیردا باس لەدۆخی سیاسی و ئەمنی عیراق و بەردەوامیدان بە پەیوەندییەکان کراوە.

 

ئەمە لەکاتێکدایە لەماوەى ڕابردوودا سەرۆکی فەرەنسا بەسەردانێک گەیشتە پایتەختی عیراق و لەگەڵ بەرپرسانی باڵای عیراق کۆبۆوە.

بەردەوام بە لە خوێندنەوە

کوردستان