ئێمە لە تۆرە کۆمەڵایەتیەکان

کوردستان

حكومەتی هەرێم بە مەرج كارەبا بە حكومەتی ناوەند دەدات

خەڵك-بەشی هەواڵ

 

وتەبێژی وەزارەتی كارەبای حكومەتی هەرێمی كوردستان ڕایدەگەیەنێت، حكومەتی عیراق بەنیازە بڕە كارەبایەك لە هەرێمی كوردستان و توركیا بۆ شارەكانی خۆی ڕابكێشێت و لە ئەگەری ئەو كارە، مەرجی خۆیان دەبێت.

ئومێد ئەحمەد وتەبێژی وەزارەتی كارەبای حكومەتی هەرێم لە ڕاگەیەنراوێكدا ئاماژە بۆ ئەوە دەكات، زانیاریمان پێگەیشتووە كە حكومەتی عیراق بەرنامەی هەیە بڕە كارەبایەك لە هەرێمی كوردستان و توركیا بكڕێت، بۆ ئەو مەبەستەش ئەو بابەتەمان وەك وەزارەتی كارەبا تاوتوێ كردووە و بەڵێنمانداوە بە مەرج ڕێگە پێدانەكە بە بەغدا بدەین.
وتیشی”نابێت ئەو كارەبا پێدانە هیچ كاریگەرییەكی لەسەر كەمكردنەوەی كارەبای نیشتمانی لە هەرێمی كوردستان هەبێت و بەغداش سووتەمەنی بۆ یەكە لەكاركەوتووەكانی كارەبای هەرێمی كوردستان دابین بكات و كارەباكە لەو یەكانەوە ببات”.
جەختی لەوەش كردەوە، هەرچەندە ئەو یەكانەی لەكاركەوتوون هی وەبەرهێنەرانە، بەڵام هەركات حكومەتی عیراق ئەو مەرجانەی جێبەجێ كرد و حكومەتی هەرێمی كوردستانیش ڕەزامەند بوون، ئەوكات ڕێگەی پێدەدرێت.

کوردستان

شەنگال.. ئۆتۆمبێلێكی بۆمبڕێژكراو تەقییەوە

خەڵك – بەشی هەواڵ

ئۆتۆمبێلێكی بۆمبڕێژكراو لە باكووری شەنگال تەقییەوە.

بەپێی زانیارییەكان، كاتژمێر 9:30 خولەكی‌ ئەمشەو ئۆتۆمبێلێكی بۆمبڕێژكراو لەجۆری ئۆپڵ لە باكووری شەنگال تەقییەوە.

تەقینەوەكە كیلۆمەترێك لە مەزارگەی شێخ شەرەفەدین دوورە و تا ئێستا زیانەكانی ئەو تەقینەوەیە ئاشكرا نەكراوە.

پاش ڕووداوەكەش هێزە ئەمنییەكان گەیشتوونەتە ناوچەكە و لێكۆڵینەوە لە ڕووداوەكە دەستیپێكردووە.

بەردەوام بە لە خوێندنەوە

کوردستان

سلێمانی.. مامۆستایانی ناڕازی و ئەنجومەنی فشار و مامۆستایانی زانكۆ هەڵوێست ڕادەگەیەنن

خەڵك – بەشی هەواڵ

مامۆستایانی ناڕازی و ئەنجومەنی فشار و مامۆستایانی زانكۆ و پەیمانگاكان لە ئاگادارینامەیەكدا ڕایدەگەیەنن، سبەینێ‌ دووشەممە ڕێكەوتی 21/9/2020 كاتژمێر 11ی پێش نیوەڕۆ لە بەردەم پەروەردەی ڕۆژئاوا، ئەنجومەنی فشار، مامۆستایانی ناڕازی، مامۆستایانی زانكۆ و پەیمانگاكان، بەیەكەوە لەكۆنگرەیەكی ڕۆژنامەوانیدا هەڵوێستی هاوبەش ڕادەگەیەنن.

مامۆستا دڵشاد بابانی ئەندامی ئەنجومەنی فشار بە (تۆڕی میدیایی خەڵك)ی ڕاگەیاند، سبەینێ‌ لەو كۆنفڕانسە ڕۆژنامەوانییەدا ڕاگەیەنراوێكدا بۆ ڕای گشتی بڵاودەكەنەوە لە هەمان كاتدا چەند داواكارییەك دەخەنەڕوو.

مامۆستا دڵشاد بابانی وتیشی، لەو كۆنفڕانسە ڕۆژنامەوانییەدا بە هەماهەنگی لەگەڵ مامۆستایانی ناڕازی و مامۆستایانی زانكۆ و پەیمانگاكان وادەی ئەنجامدانی خۆپیشاندانی سەرتاسەری ڕادەگەیەنن.

بەردەوام بە لە خوێندنەوە

کوردستان

هاوسەری جەعفەر شێخ مستەفا جێگری سەرۆكی هەرێم كۆچی دوایی كرد

خەڵك – بەشی هەواڵ

كەمێك پێش ئێستا پرشنگ ڕەشید عەبدولكەریم خێزانی شێخ جەعفەر شێخ مستەفا جێگری سەرۆكی هەرێمی كوردستان كۆچی دوایی كرد.

بەردەوام بە لە خوێندنەوە

کوردستان