ئێمە لە تۆرە کۆمەڵایەتیەکان

کوردستان

وەزیری كارەبای هەرێم: ڕۆژانە 20 كاتژمێر كارەبامان دابین كردووە

خەڵك – بەشی هەواڵ

وەزیری كارەبا ڕایگەیاند: ترلیۆنێك و 162 ملیار دینار قەرزیان لای هاووڵاتییانە و جێی شانازیشە هەرێمی كوردستان لە ڕووی دابینكردنی كارەباوە پشتیوانی عیراق دەكات.

كەمال محەمەد وەزیری كارەبای هەرێمی كوردستان لەمیانی بەشداریكردنی لە بەرنامەیەكی كەناڵی كوردستان 24 ڕایگەیاند: حكومەت ترلیۆنێك و 162 ملیار دینار قەرزی لای هاووڵاتییانە.

كەمال محەمەد ئەوەشی خستەڕوو، لە 28ی تەمموزەوە توانیویمانە ڕۆژانە 20 كاتژمێر كارەبا بۆ هاووڵاتییان دابین بكەین.

سەبارەت بە پرسی فرۆشتی كارەباش بە حكومەتی عیراق وەزیری كارەبا ڕایگەیاند، دەبێت هەموولایەك شانازی بكەن بەوەی هەرێمی كوردستان لە ڕووی دابینكردنی كارەباوە پشتیوانی دەوڵەتی عیراق بكات كە لە ساڵی 1920ەوە دروست بووە.

کوردستان

شەنگال.. ئۆتۆمبێلێكی بۆمبڕێژكراو تەقییەوە

خەڵك – بەشی هەواڵ

ئۆتۆمبێلێكی بۆمبڕێژكراو لە باكووری شەنگال تەقییەوە.

بەپێی زانیارییەكان، كاتژمێر 9:30 خولەكی‌ ئەمشەو ئۆتۆمبێلێكی بۆمبڕێژكراو لەجۆری ئۆپڵ لە باكووری شەنگال تەقییەوە.

تەقینەوەكە كیلۆمەترێك لە مەزارگەی شێخ شەرەفەدین دوورە و تا ئێستا زیانەكانی ئەو تەقینەوەیە ئاشكرا نەكراوە.

پاش ڕووداوەكەش هێزە ئەمنییەكان گەیشتوونەتە ناوچەكە و لێكۆڵینەوە لە ڕووداوەكە دەستیپێكردووە.

بەردەوام بە لە خوێندنەوە

کوردستان

سلێمانی.. مامۆستایانی ناڕازی و ئەنجومەنی فشار و مامۆستایانی زانكۆ هەڵوێست ڕادەگەیەنن

خەڵك – بەشی هەواڵ

مامۆستایانی ناڕازی و ئەنجومەنی فشار و مامۆستایانی زانكۆ و پەیمانگاكان لە ئاگادارینامەیەكدا ڕایدەگەیەنن، سبەینێ‌ دووشەممە ڕێكەوتی 21/9/2020 كاتژمێر 11ی پێش نیوەڕۆ لە بەردەم پەروەردەی ڕۆژئاوا، ئەنجومەنی فشار، مامۆستایانی ناڕازی، مامۆستایانی زانكۆ و پەیمانگاكان، بەیەكەوە لەكۆنگرەیەكی ڕۆژنامەوانیدا هەڵوێستی هاوبەش ڕادەگەیەنن.

مامۆستا دڵشاد بابانی ئەندامی ئەنجومەنی فشار بە (تۆڕی میدیایی خەڵك)ی ڕاگەیاند، سبەینێ‌ لەو كۆنفڕانسە ڕۆژنامەوانییەدا ڕاگەیەنراوێكدا بۆ ڕای گشتی بڵاودەكەنەوە لە هەمان كاتدا چەند داواكارییەك دەخەنەڕوو.

مامۆستا دڵشاد بابانی وتیشی، لەو كۆنفڕانسە ڕۆژنامەوانییەدا بە هەماهەنگی لەگەڵ مامۆستایانی ناڕازی و مامۆستایانی زانكۆ و پەیمانگاكان وادەی ئەنجامدانی خۆپیشاندانی سەرتاسەری ڕادەگەیەنن.

بەردەوام بە لە خوێندنەوە

کوردستان

هاوسەری جەعفەر شێخ مستەفا جێگری سەرۆكی هەرێم كۆچی دوایی كرد

خەڵك – بەشی هەواڵ

كەمێك پێش ئێستا پرشنگ ڕەشید عەبدولكەریم خێزانی شێخ جەعفەر شێخ مستەفا جێگری سەرۆكی هەرێمی كوردستان كۆچی دوایی كرد.

بەردەوام بە لە خوێندنەوە

کوردستان