ئێمە لە تۆرە کۆمەڵایەتیەکان

کوردستان

بەشیر حەداد: گەڕانەوەی شاندی هەرێم بۆ بەغدا ئەمجارە بۆ واژۆكردنی ڕێككەوتنە

خەڵك – بەشی هەواڵ

جێگری سەرۆكی ئەنجومەنی نوێنەرانی عیراق ڕایگەیاند، گەڕانەوەی شاندی هەرێمی كوردستان بۆ بەغدا ئەمجارە بۆ واژۆكردنی ئەو ڕێككەوتنەیە كە خەریكە لەگەڵ حكومەتی عیراق پێی دەگەن.

بەشیر حەداد، جێگری سەرۆكی ئەنجومەنی نوێنەرانی عیراق ئاماژەی بەوەش كرد، بەغدا شتێك نادات بە هەرێمی كوردستان ئەگەر پابەند نەبێت بە هەندێك بەرپرسیارێتییەوە، حكومەتی هەرێمیش نكۆڵیی لەوە نەكردووە و كێشەی لەگەڵ ئەوەدا نییە ئیلتیزاماتە دەستوورییەكانی جێبەجێ بكات، ئەگەر بەغداش ئیلتیزاماتە دەستوورییەكانی بەتەواوی جێبەجێ بكات.

بە وتەی بەشیر حەداد، ئەو ڕێككەوتنەی لەگەڵ مستەفا كازمی دەكرێت، ڕێككەوتنێكی كاتییە و تا كاتی هەڵبژاردنە، دوای هەڵبژاردن دەبێت ڕێككەوتنێكی تر لەگەڵ حكومەت بكرێتەوە.

کوردستان

شەنگال.. ئۆتۆمبێلێكی بۆمبڕێژكراو تەقییەوە

خەڵك – بەشی هەواڵ

ئۆتۆمبێلێكی بۆمبڕێژكراو لە باكووری شەنگال تەقییەوە.

بەپێی زانیارییەكان، كاتژمێر 9:30 خولەكی‌ ئەمشەو ئۆتۆمبێلێكی بۆمبڕێژكراو لەجۆری ئۆپڵ لە باكووری شەنگال تەقییەوە.

تەقینەوەكە كیلۆمەترێك لە مەزارگەی شێخ شەرەفەدین دوورە و تا ئێستا زیانەكانی ئەو تەقینەوەیە ئاشكرا نەكراوە.

پاش ڕووداوەكەش هێزە ئەمنییەكان گەیشتوونەتە ناوچەكە و لێكۆڵینەوە لە ڕووداوەكە دەستیپێكردووە.

بەردەوام بە لە خوێندنەوە

کوردستان

سلێمانی.. مامۆستایانی ناڕازی و ئەنجومەنی فشار و مامۆستایانی زانكۆ هەڵوێست ڕادەگەیەنن

خەڵك – بەشی هەواڵ

مامۆستایانی ناڕازی و ئەنجومەنی فشار و مامۆستایانی زانكۆ و پەیمانگاكان لە ئاگادارینامەیەكدا ڕایدەگەیەنن، سبەینێ‌ دووشەممە ڕێكەوتی 21/9/2020 كاتژمێر 11ی پێش نیوەڕۆ لە بەردەم پەروەردەی ڕۆژئاوا، ئەنجومەنی فشار، مامۆستایانی ناڕازی، مامۆستایانی زانكۆ و پەیمانگاكان، بەیەكەوە لەكۆنگرەیەكی ڕۆژنامەوانیدا هەڵوێستی هاوبەش ڕادەگەیەنن.

مامۆستا دڵشاد بابانی ئەندامی ئەنجومەنی فشار بە (تۆڕی میدیایی خەڵك)ی ڕاگەیاند، سبەینێ‌ لەو كۆنفڕانسە ڕۆژنامەوانییەدا ڕاگەیەنراوێكدا بۆ ڕای گشتی بڵاودەكەنەوە لە هەمان كاتدا چەند داواكارییەك دەخەنەڕوو.

مامۆستا دڵشاد بابانی وتیشی، لەو كۆنفڕانسە ڕۆژنامەوانییەدا بە هەماهەنگی لەگەڵ مامۆستایانی ناڕازی و مامۆستایانی زانكۆ و پەیمانگاكان وادەی ئەنجامدانی خۆپیشاندانی سەرتاسەری ڕادەگەیەنن.

بەردەوام بە لە خوێندنەوە

کوردستان

هاوسەری جەعفەر شێخ مستەفا جێگری سەرۆكی هەرێم كۆچی دوایی كرد

خەڵك – بەشی هەواڵ

كەمێك پێش ئێستا پرشنگ ڕەشید عەبدولكەریم خێزانی شێخ جەعفەر شێخ مستەفا جێگری سەرۆكی هەرێمی كوردستان كۆچی دوایی كرد.

بەردەوام بە لە خوێندنەوە

کوردستان