ئێمە لە تۆرە کۆمەڵایەتیەکان

جیهان

ئەنجامی بەرایی قوربانیانی ڕووداوەكەش ڕاگەیەندرا
ئەمریكا هەڵوێستی خۆی لەبارەی تەقینەوەكەی بەیروت ئاشكرادەكات

خەڵك- بەشی هەواڵ
وەزارەتی بەرگری ئەمریكا (پنتاگۆن)، هەڵوێستی وڵاتەكەی لەبارەی تەقینەوەكەی بەیروتەوە ئاشكرا دەكات.

وتەبێژی پنتانگۆن لە لێدوانێكیدا بۆ میدیاكانی ئەمریكا ڕایگەیاند:”لە نزیكەوە چاودێری پەرەسەندنی تەقینەوەكەی بەیروت دەكەین، بەڵام هیچ شتێكمان نییە لەبارەی هۆكاریی تەقینەوەكە، یان دەرهاویشتەكانی تا پێشكەشی بكەین”.

وتەبێژەكەی وەزارەتی بەرگری ئەمریكا وتی:”هەست بە نیگەرانییەكی زۆر دەكەین بەوهۆیەی قوربانییەكەی زۆر و كاولكارییەكی گەورە لە بەیروت كەوتەوە”.

لەلایەكی ترەوە، ئاژانسی (رۆیتەز)  ئەنجامی بەرایی قوربانیانی تەقینەوە گەورەكەی بەیروتی پایتەختی لوبنانی ڕاگەیاند.

ئاژانسەكە لە زاری سەرچاوە ئەمنی و نیشتمانییەكانەوە بڵاویكردەوە”ئەنجامی بەرایی قوربانیانی تەقینەوەكەی بەیروت، كوژرانی لانی كەم 10 كەسه”.

پێشتر حەمەد حەسەن وەزیری تەندروستی لوبنانی هۆكاریی تەقینەوەكەی بەندەری بەیروتی ڕاگەیاند كە بە وتەی ئەو :”لە ئەنجامی تەقینەوەی یاریی ئاگرینەوە بوو”.

بە هەمان شێوە سەرچاوە ئەمنییەكانی لوبنان ڕایانگەیاند، هۆكاریی ڕووداوەكە تەقینەوەی بڕێكی زۆر لەو یارییە ئاگرینانە بوو كە بۆ بۆنەكان تەرخانكرابوو.

جیهان

وەزیری دەرەوەی فەڕەنسا: داهاتووی لوبنان لە مەترسیدایە

خەڵك – بەشی هەواڵ

فەڕەنسا داوای سەپاندنی گوشاری نێودەوڵەتی بەهێزی كۆمەڵی نێودەوڵەتی دەكات لەپێناو پێكهێنانی حكومەتێكی نوێ لە لوبنان و ڕزگاركردنی ئەو وڵاتە لەو قەیرانە قوڵەی تێی كەوتووە.

ژان ئیف لۆدریان وەزیری دەرەوەی فەڕەنسا ڕایگەیاند، هێزە سیاسییەكانی ئەو وڵاتە سەركەوتوو نەبوون لەگەیشتنە ڕێككەوتن لەسەر پێكهێنانی حكومەتی نوێ و ئاماژەی بەوەكرد گوشاركردنی بەهێز بووەتە پێویستییەك لەپێناو هاندانی لێپرسراوانی لوبنان بۆ ڕێزگرتن لەپابەندی و بەڵێنەكان.

وەزیری دەرەوەی فەڕەنسا ئەوەشی خستەڕوو، داهاتووی لوبنان لە مەترسیدایە و بەبێ ئەنجامدانی چاكسازیی ئەوا یارمەتی دارایی نێودەوڵەتی بۆ ئەو وڵاتە دابین ناكرێت.

بەردەوام بە لە خوێندنەوە

جیهان

سعودیە، تەنیا 498 حاڵەتی تووشبوونی نوێ بە كۆرۆنا تۆماركرا

خەڵك- بەشی هەواڵ
وزارەتی تەندروستی سعودیە، تۆماركردنی 498 تووشبووی نوێ‌ بە ڤایرۆسی كۆرۆنا لە ماوەی 24 كاتژمێری ڕابردوودا لە شانشینی عەرەبی ڕادەگەیەنێت، ئەمەش بەراورد بەڕۆژانی پێشوو بە ژمارەیەكی كەمتر دادەنرێت.

ئەمڕۆ پێنج شەممە، وەزارەتی تەندروستی سعودیە لە بەیاننامەیەكدا ڕایگەیاند”لەماوەی 24 كاتژمێری ڕابردوودا 498 حاڵەتی توشبوونی نوێ‌ بە ڤایرۆسی كۆرۆنا‌ (كۆڤید-19) تۆماركرا”، ئەم ژمارەیەش بە دەستەواژەیەكی باش بۆ پاشەكشەكردنی ژمارەی تووشبوان لە وڵاتەكەدا كە بەڕێژەی 75% ڕووی لە كەمبوونەوە كردووە، دادەنرێت.

وەزارەتی تەندروستی سعودیە دەڵێت”لەماوەی 24 كاتژمێری ڕابردوو 30 حاڵەتی گیانلەدەستدان بەهۆی ڤایرۆسەكەوە تۆماركرا، بەمەش كۆی گشتی ژمارەی ئەوانەی بەهۆی كۆرۆناوە لە سعودیەوە گیانیانلەدەستداوە گەیشتە 4599 كەس، لەئێستاشدا كۆی گشتی ئەوانەی لە سعودیە دووچاری ڤایرۆسی كۆرۆنا بوون، بۆ 330798 حاڵەت بەرزبۆتەوە”.

هەر بەپێی بەیاننامەكەی وەزارەتی تەندروستی سعودیە، لەماوەی 24 كاتژمێری ڕابردوودا، 1007 كەس نەخۆشییەكەیان پەڕاندووە و چاكبوونەتەوە، بەمەش كۆی گشتی ژمارەی ئەوانەی چاكبوونەتەوە، گەیشتە 314793 كەس.

بەردەوام بە لە خوێندنەوە

جیهان

ترەمپ دەسەڵات رادەست ناكات

خەڵك- بەشی هەواڵ

دۆناڵد ترەمپ سەرۆكی ئەمریكا رەتیكردەوە لە حاڵی دۆڕاندنیدا لە هەڵبژاردنەكاندا بە ئاشتی دەسەڵات رادەستی ركابەرەكەی بكات.

ترەمپ وتویەتی پێویستە ئەوە ببینێت كە روو دەدات و گومانی دەربارەی وردی كارتەكانی دەنگدان لە رێگەی ئەلیكترۆنیەوە هەیە.

وتیشی: پێویستە ببینین كە چی روو دەدات گومانم هەیە لە كارتەكانی دەنگدان.

ترەمپ دەڵێت :لەكاتی فشاركردندا ناكرێت دەسەڵات رادەست بكرێت بەبێ كارتی دەنگدانی ئەلیكترۆنی و هەڵبژاردن دەبەمەوە بەبێ فراوانكردنی دەنگدان لە رێگەی پۆستەوە.

ئاماژەی بەوەشكرد خۆرزگاركردن لە كارتی دەنگدان دەبێتەهۆی راست و دروستی، بەراستی گواستنەوە نییە، بەردەوام دەبم، كارتەكانی دەنگدان لە دەرەوەی كۆنترۆڵن، ئێوە دەزانن باشترم لە هەموو كەسێكی تر دیموكراتییەكان باش ئەوە دەزانن.

پێشتریش ترەمپ رەتیكردبووەوە پابەند بێت بە ئنجامی هەڵبژاردنەكانەوە و پێویستە ببینێت.

چەند جارێك ترەمپ بابەتی فراوانكردنی چوارچێوەی دەنگدانی لە رێگەی پۆستەوە وروژاندووە كە دەبێتەهۆی ساختەكاری.

بەردەوام بە لە خوێندنەوە

کوردستان