ئێمە لە تۆرە کۆمەڵایەتیەکان

عێراق

كازمی چەند بڕیارێكی دەركرد و بەرپرسێكی دوورخستەوە

خەڵك- بەشی هەواڵ
سەرۆك وەزیرانی عیراق ژمارەیەك بڕیاری دەركردووە و فەرمانی كردووە بە وەزیرەكان تاوەكو موڵك و ماڵی خۆیان بۆ دەستەی دەستپاكی ئاشكرابكەن و بەرپرسێكیشی لە پۆستەكەی دوورخستەوە.

ئەنجوومەنی وەزیرانی عیراق بە سەرۆكایەتی مستەفا كازمی كۆبووەوە و بڕیاریدا لە كۆبوونەوەی داهاتوویدا گفتوگۆ دەربارەی دەستپێكردنەوەی پڕۆسەی خوێندن لە ساڵی نوێدا بكات.

ئەحمەد مولا تەڵال، وتەبێژی سەرۆكی ئەنجوومەنی وەزیرانی عیراق لە كۆنفڕانسێكی ڕۆژنامەوانیدا ڕایگەیاند، كازمی داوای لە وەزیرەكان كردوە سامانی خۆیان بۆ دەستەی نەزاهە ئاشكرابكەن و لەسەر دۆسیەی دواكەوتنی گەشتەكەی لوبنان-یش بەڕێوەبەری هێڵی ئاسمانی عیراق لە پۆستەكەی دوورخرایەوە و ڕەوانەی دادگا دەكرێت.

ئاماژەی بەوەشكرد، حكومەت پڕۆژەی یاسای بەرەنگاربونەوەی توندوتیژی خێزانی پەسەندكرد و ڕەوانەی پەڕلەمان دەكرێت بۆ دەنگدان لەسەری.

هاوكات بەپێی نووسراوێكی سەرۆكایەتی ئەنجوومەنی وەزیرانی عیراق، كە واژۆی بەڕێوەبەری نووسینگەكەی كازمی لەسەرە و ئاڕاستەی وەزیری گواستنەوە كراوە ئاماژە بەوەكراوە، دانانی (عەلی موحسین هاشم) لە پۆستی بەڕێوەبەری كۆمپانیای گشتی هێڵی ئاسمانیی عیراق پێچەوانەی بڕیاری سەرۆك وەزیرانە، كە وەزارەتەكان پابەند دەكات بەوەی بەبێ ڕەزامەندی سەرۆك وەزیران هیچ گۆڕانكارییەك لە پۆستەكاندا نەكەن، بۆیە بڕیارەكەت هەڵوەشێندرایەوە و (عەلی موحسین هاشم) گەڕێندرایەوە بۆسەر كاری پێشووی خۆی.

ئاماژە بەوەشكراوە، ئەوەی ڕۆژی ٣٠ی مانگی ڕابردوو خزمێكی وەزیری گواستنەوە بەناوی (ئەحمەد عاسم حسێن بەندەر) كردوویەتی و بۆتە هۆی دواكەوتنی گەشتی فڕۆكەیەك لە بەغدادەوە بۆ بەیروت بۆ ماوەیەكی درێژ، سەرپێچی یاسایە و جۆرێكە لە گەندەڵی ئیداری لەڕێگەی بەكارهێنانی هەژمونەوە بۆ دەستخستنی بەرژەوەندییەكی تایبەتی، لێكۆڵینەوەی بەرایی لیژنەی تایبەتمەند دەریخستووە ئەم كارە بە یارمەتی هەریەكە لە (قەحتان مەحمود ئیسماعیل) بەڕێوەبەری وێستگەی بەغداد كراوە كە چوەتە لای كاپتنی فڕۆكەكە (محەمەد خەیری محەمە)و فەرمانی پێكردووە كاونتر بكاتەوە و ئەمەش بۆتە هۆی ئەوەی فڕۆكەكە (٥٥ خولەك) لە كاتی دیاریكراو لە فڕین دوابكەوێت.

عێراق

كازمی: وڵات لە دۆخێكی هەستیاری ئابووری و تەندروستی و ئاسایشدایە

خەڵك – بەشی هەواڵ

سەرۆك وەزیرانی‌ عیراق ڕایدەگەیەنێت: وڵات لە دۆخێكی هەستیاری ئابووری و تەندروستی و ئاسایشدایە.

نووسینگەی ڕۆژنامەوانی سەرۆك وەزیرانی عیراق لە ڕاگەیەنراوێكدا ئەوەی خستەڕوو، لەمیانەی كۆبوونەوەی لەگەڵ دەستەی باڵای هەماهەنگی نێوان پارێزگاكان، مستەفا كازمی سەرۆك وەزیرانی عیراق جەختی لەسەر گرنگی مامەڵەكردن لەگەڵ ئاڵنگارییەكانی ئێستا كردووەتەوە كە لەڕووی هونەرییەوە پارێزگاكان دووچاری بوون.

ڕوونیشكراوەتەوە، لە كۆبوونەوەكەدا دورخستنەوەی پاڵنەرە سیاسییەكان لەپێناو بەردەستخستنی پێداویستییەكان بەشێوەیەكی خێرا و زیاتر پیشەیی، تاووتوێ كراوە و مستەفا كازمی ڕایگەیاندووە:”وڵات لەدۆخێكی هەستیاری ئابووری و تەندروستی و ئاسایشدایە و خواستی خەڵكیشیان لەسەرە”.

كازمی جەختیشی‌ لەوە كردووەتەوە:”بەئامانجی لابردنی بەربەستەكان و دەستەبەركردنی پێدوایستییە واقیعییەكان، حكومەت هەموو هەوڵەكان دەخاتەگەڕ”.

هەروەك سەرۆك وەزیرانی عیراق داواشی كردووە دەستەی باڵای هەماهەنگی نێوان پارێزگاكان بەگیانی یەك تیم بۆ بەجێهێنانی داواكارییەكانی خەڵكی كار بكەن.

بەردەوام بە لە خوێندنەوە

عێراق

سبەینێ‌ پەڕلەمانی عیراق كۆدەبێتەوە

خەڵك- بەشی هەواڵ
سبەینێ‌ پەڕلەمانی عیراق كۆدەبێتەوە و گفتوگۆ لەسەر 10 پڕۆژە یاسا دەكرێت.

بەپێی نووسراوێك، كە سەرۆكایەتی پەڕلەمانی عیراق بڵاویكردۆتەوە، سبەینێ‌ دوو شەممە لە كاتژمێر 12ی نیوەڕۆ كۆبوونەوەی پەڕلەمان ئەنجام دەدرێت.

بەپێی نووسراوەكە، گفتوگۆ و خوێندنەوەی یەكەم و دووەم بۆ 10 پڕۆژە یاسا دەكرێت و دواتر 15 خوولەك بۆ گفتوگۆی گشتی تەرخان دەكرێت.

بەردەوام بە لە خوێندنەوە

عێراق

ڕاوێژكارێكی پێشووی بەرهەم ساڵح: دەبێت غەدری سەر فەرمانبەران لابرێت

خەڵك – بەشی هەواڵ
ڕاوێژكارێكی پێشووی سەرۆكایەتی كۆماری عیراق ڕادەگەیەنێت، بودجەی ئەمساڵی عیراق زەبەلاحترین بودجەیە لە مێژووی وڵاتەكدا، كە ۱٤۸ ترلیۆن دینارە بۆ ساڵی ۲٠۲٠ لە بودجەی چەندین وڵاتی ناوچەكە زیاترە، دەشڵێت: “پێویستە ئەو غەدرە لەسەر فەرمانبەرانی كوردستان هەڵبگیرێت و قوتی خەڵك نەبێتە قوربانی ململانێكان”.

سالار مەحمود، ڕاوێژكاری پێشووی سەرۆك كۆماری عیراق لە هەژماری تایبەتی خۆی لە فەیسبووك ڕایگەیاندووە، عیراق بەقەیرانێكی ئابووری مەترسیداردا تێپەڕ ئەبێت و هەرێمی كوردستانیش لە قوڵترین قەیرانی ئابوریدایە، بۆیە ڕێككەوتنی كوردستان و عیراق بەشێك لەنەهامەتییەكانی خەڵك بۆ قۆناغێك كەم ئەكاتەوە، بەردەوامبونی ئەم دۆخە نیگەرانی و نەهامەتیەكان زیاتر دەكات.

وتیشی، “بەڕێككەوتن پشكی مووچەی هەرێم لە بودجە بچەسپێنرێت و پێویستە ئەو غەدرە لەسەر فەرمانبەرانی كوردستان هەڵبگیرێت و قوتی خەڵك نەبێتە قوربانی ململانێكان”.

ڕاشیگەیاندووە، نوێنەرانی كورد لەپەڕلەمانی بەغدا پێویستە بەیەك دەنگ خۆیان بۆ شەڕی قوتی خەڵكی كورستان حازر بكەن، داكۆكی لە قوتی خەڵك واجبی یاسایی و ئەخلاقیە.

ئاماژەی بۆ ئەوەشكردوە، گەورەترین كورتهێنان لە مێژووی عیراقدا لە پڕۆژە بودجەی ئەمساڵدایە، كە ۸۱ ترلیۆن دینارە، لەبەر ئەوە جگە لەدابینكردنی مووچە ناتوانرێ پڕۆژەی خزمەتگوزاری پێویست بۆ شارەكان و خەڵكەكە دەستەبەر بكرێت.

ئاشكراشی كردووە، بودجەی ساڵی ۲٠۱۹ی عیراق ۱٤۲ ترلیۆن دینار بوو، جگە لەمووچە هیچ پڕۆژەیەكی ستراتیژی پێ جێبەجێ نەكرا.

بەردەوام بە لە خوێندنەوە

کوردستان