ئێمە لە تۆرە کۆمەڵایەتیەکان

کوردستان

ڕاوێژكارێكی كازمی: هەڵبژاردن بەشێك لە كێشەی ناوچە جێناكۆكەكان چارەسەر دەكات

خەڵك – بەشی هەواڵ

ڕاوێژكاری سەرۆك وەزیرانی عیراق بۆ كاروباری هەلبژاردن جەختدەكاتەوە لەوەی ئەنجامدانی هەڵبژاردن چارەسەری بەشێكی كێشەی ناوچە جێناكۆكەكان دەكات.

عەبدولحسێن هینداوی ڕاوێژكاری مستەفا كازمی سەرۆك وەزیرانی عیراق بۆ كاروباری هەڵبژاردن ڕایگەیاند: كۆمسیۆنی باڵای سەربەخۆی هەڵبژاردنەكان بەڵێنیداوە ئاسانكاری بۆ ڕێوشوێنەكانی تایبەت بە هەڵبژاردنی پێشوەختە بەئەنجام بگەیەنێت و هەموو ئامادەكارییەكیش بكات.

عەبدولحسێن هینداوی ڕاشیگەیاند: حكومەت وادەیەكی گونجاوی بۆ هەڵبژاردنی پێشوەختە دەستنیشانكردووە كە دەكەوێتە ناوەڕاستی ساڵی داهاتووەوە و پێویستە دەسەڵاتی یاسادانانیش چەند ڕێوشوێنێك هەیە بەئەنجامی بگەیەنێت بەتایبەت دەركردنی یاسای هەڵبژاردن و یەكلاكردنەوەی ئەو یاسایانەی تر كە تایبەتە بە پڕۆسەكەوە.

ڕاوێژكارەكەی كازمی ئاماژەی بەوەشكردووە، ڕەخساندنی بارودۆخی ئەمنی و سەقامگیری ناوچەكەش گرنگە كە پێویستە نەتەوە یەكگرتووەكان و ڕێكخراوە نێودەوڵەتییەكانیش هەماهەنگ بن.

عەبدولحسێن هینداوی ئەوەشی خستەڕوو، ئەو كێشانەی لەناوچە جێناكۆكان بوونیان هەیە دەتوانرێت بەو یاسایەی ئێستا هەیە چارەسەری بەشێك لەكێشەكانی پێبكرێت ئەگەركاری لەسەر بكرێت كە ئەویش بریتییە لە بوونی بازنەی هەڵبژاردنی بچووك و ئەوەش وادەكات نەخرێنە سەر بازنەی هەڵبژاردنی پارێزگاكان.

کوردستان

مەسعود بارزانی بەشێوەیەكی جیاواز یادی ریفراندۆم دەكاتەوە

خەڵك- بەشی هەواڵ
سەرۆكی پارتی دیموكراتی كوردستان لە سێیەم ساڵیادی ریفراندۆمدا ڕایگەیاند “خۆناچەمێنین”.

ئەمڕۆ هەینی 25ی ئەیلولی 2020، مەسعود بارزانی سەرۆكی پارتی دیموكراتی كوردستان لەڕێی توێتێكەوە لەسەر تۆڕی كۆمەڵایەتی (تویتەر) و لە یادی سێ ساڵەی ڕاپرسی لە هەرێمی كوردستان پەیامێكی بڵاوكردەوە.

پەیامەكەی بارزانی لە مساڵدا بەبۆنەی تێپەڕینی سێ‌ ساڵ بەسەر پرۆسەكەدا جیاوازبوو، چونكە تەنیا بو وشەی “خۆناچەمێنین” یادەكەی كردەوە.

سێ ساڵ لەمەوبەر لە هەرێمی كوردستان، بە پشتیوانی زۆربەی هەرە زۆری هێزە كوردستانییەكان پرۆسەی ریفراندۆم بۆ سەربەخۆیی ئەنجامدرا و ڕێژەی 92.7%ی بەشداربوانیش بە “بەڵێ‌” دەنگیاندا بۆ سەربەخۆیی كوردستان.

بەردەوام بە لە خوێندنەوە

کوردستان

ئەمڕۆ ساڵیادی ریفراندۆمە

خەڵك- بەشی هەواڵ
سێ‌ ساڵ لەمەوبەر پرۆسەی ڕاپرسی یان ریفراندۆم لەسەر جیابوونەوەی هەرێمی كوردستان لە عیراق و دروستكردنی دەوڵەتی سەربەخۆی كوردستان ئەنجامدرا كە بووە خاڵێكی وەرچەرخان لە مێژووی كورد،  بە بۆچوونی زۆرێكیش پرۆسەكە لە ئایندەی میللەتی كورددا وەك هەنگاوێكی ئەرێنی دەمێنێتەوە.

ریفراندۆم لە 25ی ئەیلولی 2017 ئەنجامدرا و زۆربەی هێزە سیاسییەكانی كوردستان پاڵپشت و پشتیوانی پرۆسەكە بوون، گەلی كوردیش لە دەنگدانەكەدا بە ڕێژی زیاتر 90% دەنگی بە “بەڵێ”دا بۆ سەربەخۆیی كوردستان و دروستكردنی دەوڵەتی كوردی.

هەرچەندە پرۆسەكە ئامانجی خوازراوی خۆی نەهێنایەدی و دواتر هەرێمی كوردستان لەلایەن حكومەتی فیدراڵ و وڵاتانی دراوسێوە گوشارێكی زۆری خرایەسەر، بەڵام بەپێی لێكدانەوەی زۆرێك لە شرۆڤەكاران، هەنگاوەكە قۆناغێكی مێژوويی تری بۆ گەلی كورد هێنایەپێش و كورد جارێكی تر خواستی خۆی بۆ سەربەخۆی و دەوڵەتی سەربەخۆ، بەگوێی جیهاندادا.

ریفراندۆم دەنگی گەلی كورد بوو بۆ سەربەخۆی و ناكرێت بەرگی حزبایەتی و كەسێتییە دیاركراوەكانی بەبەردا بكرێت، جوڵە و بزاوتنێكی تری كوردانەش بوو بەرەو ئەو ئامانجەی كە دەبێت ڕۆژێك لەڕۆژان بێتەدی.

بەردەوام بە لە خوێندنەوە

کوردستان

وێنە.. لە هەولێر كەسێك بە تۆمەتی بەكارهێنانی ماددەی كریستاڵ دەستگیركرا

خەڵك – بەشی هەواڵ

بەڕێوەبەرایەتی پۆلیسی پارێزگای هەولێر ڕایدەگەیەنێت، كەسێكیان بە تۆمەتی بەكارهێنانی ماددەی هۆشبەر دەستگیركردووە.

بەڕێوەبەرایەتی پۆلیسی پارێزگای هەولێر لە لاپەڕەی فەڕمی خۆی لە تۆڕی كۆمەڵایەتی فەیسبوك بڵاویكردەوە، هێزەكانیان ئاگاداركرانەوە لەوەی ئۆتۆمبێلێكی جۆری (مارسیدس) بۆ ماوەیەكی زۆر لە شەقامی كۆیە وەستاوە، دوای گەیشتنی پۆلیس دەركەوت كە شۆفێری ئۆتۆمبێلەكە بە هۆی بەكارهێنانی ماددەی هۆشبەرەوە بێ هۆش بووە.

پۆلیسی هەولێر ڕوونیشیكردووەتەوە، تۆمەتبارەكە ناوی (هـ.ن.ر)ە، بڕێكی زۆر ماددەی هۆشبەری لە جۆری (كریستاڵ) و حەب و كەلوپەلی بەكارهێنانی ماددەی هۆشبەر و چەقۆ پێبووە.

پۆلیسی هەولێر ئەوەشیخستووەتەڕوو، پەڕاوی لێكۆڵینەوە بۆ تۆمەتبار كراوەتەوە و بەپێی ماددەی (١٤)ی ماددە هۆشبەرەكان ڕاگیراوە.

 

بەردەوام بە لە خوێندنەوە

کوردستان