ئێمە لە تۆرە کۆمەڵایەتیەکان

کوردستان

یەكێتی ئەوروپا فەندی یەك ملیۆن یۆرۆ پێشكەش بە وەزارەتی خوێندنی باڵای هەرێم دەكات

خەڵك – بەشی هەواڵ

وەزارەتی خوێندنی باڵا و توێژینەوەی زانستی هەرێم ڕاگەیاند:بەمەبەستی ئەنجامدانی مەشق و ڕاهێنان بۆ فەرمانبەرانی وەزارەتی خوێندنی باڵا و ژمارەیەك زانكۆی هەرێمی كوردستان لە بوارەكانی دڵنیایی جۆری و حوكمڕانی لە پڕۆسەی بۆلۆنیا، یەكێتی ئەوروپا فەندی یەك ملیۆن یۆرۆ دەداتە وەزارەتی خوێندنی باڵا و توێژینەوەی زانستی حكومەتی هەرێمی كوردستان.

وەزارەتی خوێندنی باڵا و توێژینەوەی زانستی هەرێم ڕوونیشیكردەوە، فەندەكە لە ڕێگەی بەرنامەی ئیراسمۆس پڵەس CBHE,KA2 پڕۆژەی دیاریكردن (APPRAISAL) دەبێت، كە بریتییە لە ئەنجامدانی مەشق و ڕاهێنان بۆ فەرمانبەرانی وەزارەتی خوێندنی باڵا و هەشت زانكۆی هەرێمی كوردستان بۆ ماوەی سێ ساڵ لە بوارەكانی دڵنیایی جۆری و حوكمڕانی لە پڕۆسەی بۆڵۆنیا.

وەزارەتی خوێندنی باڵا و توێژینەوەی زانستی هەرێم ئەوەوشی خستەڕوو، سەنتەری ئیڕاسمۆس پڵەس لە زانكۆی دهۆك دەستپێشخەری پڕۆژەكەی كردووە و دواتریش لە ساڵی پار بەرزكراوەتەوە بۆ دەزگای سەرپەرشتی و دڵنیایی جۆری لە وەزارەت. بۆ ئەمەش هەریەك لە دەزگای سەرپەرشتی ودڵنیایی جۆری و زانكۆی دهۆك و سەنتەری ئیراسمۆس پڵەس و یونیمێدی ئیتاڵی لەنزیكەوە كاریان كرد لەسەر پێشكەشكردنی پڕۆپۆزەڵێكی سەركەوتو بۆ پڕۆژەكە.

سەرەنجام ڕەزامەندی درا لەسەر تەرخانكردنی (فەندەكە) بۆ پڕۆپۆزەڵی دیاریكردن (APPRAISAL ) كە بودجەكەی لەلایەن یەكێتی ئەوروپا تەرخانكراوە، هەروەها یونیمێدی ئیتاڵی لایەنی سەرەكی و هەماهەنگی پڕۆژەكەیە لە ئەوروپا.

وەزارەتی خوێندنی باڵا و توێژینەوەی زانستی هەرێم ئاماژەی بەوەشدا، لەو چوارچێوەیەدا د. ئارام محەمەد قادر وەزیری خوێندنی باڵا و توێژینەوەی زانستی پیرۆزبایی و دەستخۆشی لە لایەنە بەشدارەكانی ئەم پڕۆژەیە كرد، بەتایبەت دەستپێشخەری زانكۆی دهۆك لەگەڵ دەزگای سەرپەرشتی و دڵنیایی جۆری بۆ سەركەوتنی پڕۆژەكە و وەرگرتنی فەندی یەكێتی ئەوروپا بۆ سود و بەرژەوەندی فەرمانبەران و بەرزكردنەوەی توانا مرۆییەكانی نێو وەزارەت و زانكۆكانی كوردستان.

د. ئارام محەمەد قادر جەختیشی كردەوە، وەزارەتی خوێندنی باڵا و توێژینەوەی زانستی بەردەوام دەبێت بۆ هەماهەنگی لەگەڵ ڕێكخراوە نێودەوڵەتییەكان بەمەبەستی دابینكردنی فەند لە بواری جیا جیا بۆ دامودەزگاكانی خوێندنی باڵا لە بوارەكانی توێژینەوە و مەشق و ڕاهێنان و جێبەجێكردنی بەرنامە نێودەوڵەتییەكان لە زانكۆكانی كوردستان.

جێی ئاماژەیە، وەزارەتی خوێندنی باڵا و توێژینەوەی زانستی حكومەتی هەرێمی كوردستان یەكێك لەو١٦٤فەندەی بۆ دەرچووە كە بۆ وڵاتانی جیهان تەرخانكراوە، لە ئێستاشدا وەزارەتی خوێندنی باڵا چاوەڕوانی دەستپێكردنی قۆناغی یەكەمی پڕۆژەكە دەكات لە (٢٠٢٠/١٠/١٥)، زانكۆ بەشدارەكان لەم پڕۆژەیە بریتین لە زانكۆكانی، (دهۆك، زاخۆ، پۆلیتەكنیكی دهۆك، سەڵاحەدین، سلێمانی، هەڵەبجە، چەرمو، گەرمیان).

 

کوردستان

شەنگال.. ئۆتۆمبێلێكی بۆمبڕێژكراو تەقییەوە

خەڵك – بەشی هەواڵ

ئۆتۆمبێلێكی بۆمبڕێژكراو لە باكووری شەنگال تەقییەوە.

بەپێی زانیارییەكان، كاتژمێر 9:30 خولەكی‌ ئەمشەو ئۆتۆمبێلێكی بۆمبڕێژكراو لەجۆری ئۆپڵ لە باكووری شەنگال تەقییەوە.

تەقینەوەكە كیلۆمەترێك لە مەزارگەی شێخ شەرەفەدین دوورە و تا ئێستا زیانەكانی ئەو تەقینەوەیە ئاشكرا نەكراوە.

پاش ڕووداوەكەش هێزە ئەمنییەكان گەیشتوونەتە ناوچەكە و لێكۆڵینەوە لە ڕووداوەكە دەستیپێكردووە.

بەردەوام بە لە خوێندنەوە

کوردستان

سلێمانی.. مامۆستایانی ناڕازی و ئەنجومەنی فشار و مامۆستایانی زانكۆ هەڵوێست ڕادەگەیەنن

خەڵك – بەشی هەواڵ

مامۆستایانی ناڕازی و ئەنجومەنی فشار و مامۆستایانی زانكۆ و پەیمانگاكان لە ئاگادارینامەیەكدا ڕایدەگەیەنن، سبەینێ‌ دووشەممە ڕێكەوتی 21/9/2020 كاتژمێر 11ی پێش نیوەڕۆ لە بەردەم پەروەردەی ڕۆژئاوا، ئەنجومەنی فشار، مامۆستایانی ناڕازی، مامۆستایانی زانكۆ و پەیمانگاكان، بەیەكەوە لەكۆنگرەیەكی ڕۆژنامەوانیدا هەڵوێستی هاوبەش ڕادەگەیەنن.

مامۆستا دڵشاد بابانی ئەندامی ئەنجومەنی فشار بە (تۆڕی میدیایی خەڵك)ی ڕاگەیاند، سبەینێ‌ لەو كۆنفڕانسە ڕۆژنامەوانییەدا ڕاگەیەنراوێكدا بۆ ڕای گشتی بڵاودەكەنەوە لە هەمان كاتدا چەند داواكارییەك دەخەنەڕوو.

مامۆستا دڵشاد بابانی وتیشی، لەو كۆنفڕانسە ڕۆژنامەوانییەدا بە هەماهەنگی لەگەڵ مامۆستایانی ناڕازی و مامۆستایانی زانكۆ و پەیمانگاكان وادەی ئەنجامدانی خۆپیشاندانی سەرتاسەری ڕادەگەیەنن.

بەردەوام بە لە خوێندنەوە

کوردستان

هاوسەری جەعفەر شێخ مستەفا جێگری سەرۆكی هەرێم كۆچی دوایی كرد

خەڵك – بەشی هەواڵ

كەمێك پێش ئێستا پرشنگ ڕەشید عەبدولكەریم خێزانی شێخ جەعفەر شێخ مستەفا جێگری سەرۆكی هەرێمی كوردستان كۆچی دوایی كرد.

بەردەوام بە لە خوێندنەوە

کوردستان