ئێمە لە تۆرە کۆمەڵایەتیەکان

کوردستان

مەسرور بارزانی: داوالە حكومەتی فیدراڵ دەكەین قەرەبووی خوشك و برا ئێزدییەكان بكاتەوە

خەڵك- بەشی هەواڵ

سەرۆكی حكومەتی هەرێمی كوردستان شەشەمین ساڵیادی كۆمەڵكوژی ئێزدییەكان لەلایەن ڕێكخراوی داعش، : داوالە حكومەتی فیدراڵ دەكات قەرەبووی “خوشك و برا ئێزدییەكان بكاتەوە و یارمەتی ئاوارەكان بدات و زەمینە خۆش بكات، بۆ ئەوەی بە سەربەرزی بگەڕێنەوە بۆ ناوچەكانیان”.

مەسرور بارزانی، سەرۆكی حكومەتی هەرێمی كوردستان پەیامێكی لە شەشەمین ساڵیادی داگیركردنی شنگال بڵاوكردەوە و ڕایگەیاند، “بە خەم و كۆڤانەوە یادی شەهیدانی ئەو كۆمەڵكوژییە دەكەینەوە كە لە ئەنجامی هێرشی دڕندانەی تیرۆریستانی داعش، بە هەزاران مرۆڤی بێتاوان دوچاری كۆمەڵكوژی و رفاندن و ئاوارەبون بونەوە”.

مەسرور بارزانی لە پەیامەكەیدا دەڵێت”كۆمەڵكوژی شنگال و دەوربەری، بە یەكێك لە دڕندانەترین تاوان لە دژی مرۆڤایەتی دادەنرێت لە مێژوی هاوچەرخدا، كە بە شێك بو لە هێرشی بەرفراوانی تیرۆریستان لە دژی گەلی كوردستان، سەرەڕای هەمو ئەو كارەسات و فەرمان و كۆمەڵكوژییانەی ڕوبەڕوی خوشك وبرایانی ئێزدی بوەتەوە، بەڵام بەردەوامن لە بەرگریكردن لە زمان و ناسنامە و كولتوور و ئاینی خۆیان.

بە وتەی سەرۆكی حكومەتی هەرێمی كوردستان”لەم یادە خەمناكەدا، پێویستە بەڕێزەوە یادی قوربانیدانی پێشمەرگە قارەمانەكان بكەینەوە لە رزگاركردنی شنگال و دەوروبەری بە سەركردایەتی مەسعود بارزانی، هەروەها ستایشی هەڵوێستی خەڵكی كوردستان دەكەین لە بە هاناوەچونی خوشك و برا ئێزدییەكانمان”.

مەسرور بارزانی بەپێویستی دەزانێت، هەموو لایەنەكان هاوكاربن بۆ ئاوەدانكردنەوە و ئاساییكردنەوەی دۆخی شنگال “بەشێوەیەك كە هیچ هێزێكی چەكداری بیانی و میلیشیاكان لە شنگال نەمێنن و حكومەتی هەرێمی كوردستان و حكومەتی فیدراڵی، هەماهەنگ بن بۆ پاراستنی ئاسایشی ئەو ناوچانە”.

سەرۆكی حكومەتی هەرێم ڕایگەیاندووە كە حكومەتی هەرێمی كوردستان لە هەوڵەكانی بەردەوام دەبێت بۆ ئازادكردن و گەڕاندنەوەی ئەو رفێندراوانەی تا ئێستا ماون و ژمارەیەكی زۆریان پێشتر بە هەوڵی حكومەتی هەرێم رزگاركراون، داواش لە”حكومەتی فیدراڵی دەكات، قەرەبوی خوشك و برا ئێزدییەكان بكاتەوە و یارمەتی ئاوارەكان بدات و زەمینە خۆش بكات، بۆ ئەوەی بە سەربەرزی بگەڕێنەوە بۆ ناوچەكانیان”.

کوردستان

شەنگال.. ئۆتۆمبێلێكی بۆمبڕێژكراو تەقییەوە

خەڵك – بەشی هەواڵ

ئۆتۆمبێلێكی بۆمبڕێژكراو لە باكووری شەنگال تەقییەوە.

بەپێی زانیارییەكان، كاتژمێر 9:30 خولەكی‌ ئەمشەو ئۆتۆمبێلێكی بۆمبڕێژكراو لەجۆری ئۆپڵ لە باكووری شەنگال تەقییەوە.

تەقینەوەكە كیلۆمەترێك لە مەزارگەی شێخ شەرەفەدین دوورە و تا ئێستا زیانەكانی ئەو تەقینەوەیە ئاشكرا نەكراوە.

پاش ڕووداوەكەش هێزە ئەمنییەكان گەیشتوونەتە ناوچەكە و لێكۆڵینەوە لە ڕووداوەكە دەستیپێكردووە.

بەردەوام بە لە خوێندنەوە

کوردستان

سلێمانی.. مامۆستایانی ناڕازی و ئەنجومەنی فشار و مامۆستایانی زانكۆ هەڵوێست ڕادەگەیەنن

خەڵك – بەشی هەواڵ

مامۆستایانی ناڕازی و ئەنجومەنی فشار و مامۆستایانی زانكۆ و پەیمانگاكان لە ئاگادارینامەیەكدا ڕایدەگەیەنن، سبەینێ‌ دووشەممە ڕێكەوتی 21/9/2020 كاتژمێر 11ی پێش نیوەڕۆ لە بەردەم پەروەردەی ڕۆژئاوا، ئەنجومەنی فشار، مامۆستایانی ناڕازی، مامۆستایانی زانكۆ و پەیمانگاكان، بەیەكەوە لەكۆنگرەیەكی ڕۆژنامەوانیدا هەڵوێستی هاوبەش ڕادەگەیەنن.

مامۆستا دڵشاد بابانی ئەندامی ئەنجومەنی فشار بە (تۆڕی میدیایی خەڵك)ی ڕاگەیاند، سبەینێ‌ لەو كۆنفڕانسە ڕۆژنامەوانییەدا ڕاگەیەنراوێكدا بۆ ڕای گشتی بڵاودەكەنەوە لە هەمان كاتدا چەند داواكارییەك دەخەنەڕوو.

مامۆستا دڵشاد بابانی وتیشی، لەو كۆنفڕانسە ڕۆژنامەوانییەدا بە هەماهەنگی لەگەڵ مامۆستایانی ناڕازی و مامۆستایانی زانكۆ و پەیمانگاكان وادەی ئەنجامدانی خۆپیشاندانی سەرتاسەری ڕادەگەیەنن.

بەردەوام بە لە خوێندنەوە

کوردستان

هاوسەری جەعفەر شێخ مستەفا جێگری سەرۆكی هەرێم كۆچی دوایی كرد

خەڵك – بەشی هەواڵ

كەمێك پێش ئێستا پرشنگ ڕەشید عەبدولكەریم خێزانی شێخ جەعفەر شێخ مستەفا جێگری سەرۆكی هەرێمی كوردستان كۆچی دوایی كرد.

بەردەوام بە لە خوێندنەوە

کوردستان