ئێمە لە تۆرە کۆمەڵایەتیەکان

کوردستان

ئیدارەی تڕەمپ، دان بە ئیدارەی خۆرئاوا-دا دەنێت

خەڵك-لوقمان غەفوور

 

لیندسی گراهان سیناتۆری سەر بە كۆمارییەكان و كەسێكی نزیك لە دۆناڵد تڕەمپ-ی سەرۆكی ئەمەریكا ئێوارەی ڕۆژی 30ی تەمموز لەبەردەم كۆنگرێسی ئەمەریكی بەئامادەبوونی مایكل پۆمبیۆ-ی وەزیری دەرەوە باسی لەو گرێبەستەكرد كە هێزەكانی سوریای دیموكرات لەگەڵ كۆمپانیایەكی ئەمریكی كردوویانە بۆ وەبەرهێنانی نەوتی خۆرهەڵاتی فورات.

بەپێی ڕاپۆرتێكی ئێوارەی 1ی ئاب -ی سی ئێن ئێن، ئەم هەنگاوەی واشنتۆن دانپێدانانە بە ئیدارەی خۆرئاوا و پارێزگاری لێیان و مانەوەی هێزەكانی ئەمریكا بە یەكجاری.

بەپێی ڕاپۆرتە تەلەفیزیۆنییەكەی سی ئێن ئێن ئەو ڕێكەوتنە كە مەزلوم عەبدی سەركردەی هێزەكانی سوریای دیموكرات لەگەڵ ئەو كۆمپانیا ئەمریكییە كردویەتی بۆ هەناردەكردنی 20 هەزار بەرمیل نەوتە لە رۆژێكدا.

مایكل پۆمبیۆ لەبەردەم كۆنگرێسدا وتویەتی “پشتیوانی ئیدارەی خۆرئاوا ئەركێكی پێویستە”.

وتیشی”رێكەوتنەكە كاتی زیاتریشی ئەوێت، هەرچەندە ئێستا لە چوارچێوەی جێبەجێكردندایە”.

بەپێی سی ئێن ئێن ئەو كۆمپانیایەی كە ڕێكەوتنەكەی كردووە لەگەڵ هێزەكانی سوریای دیموكرات كۆمپانیای دەلتا كریسنت ئینرجی-یە.

بەپێی راپۆرتە تەلەفیزیۆنییەكە گراهام ڕۆڵی هەبووە لەم بوارەدا هەروەك چۆن پێشتر رۆڵی هەبووە لە هاندانی ترەمپ بۆ مانەوەی هێزەكانی ئەمەریكا لەخۆرهەڵاتی فورات.

هەروەها مارك ئیسپیر وەزیری بەرگری ئەمەریكا ڕایگەیاندووە كە پێشتریش ڕێوشوێنی پێویستیان گرتووەتەبەر بۆ ئەوەی داعش دەستی نەگات بە كیڵگە نەوتییەكانی خۆرئاوا لە دیرەزور و بۆ ئەوەش 500 سەربازیان هێشتۆتەوە.

بەپێی ڕێكەوتنەكە بودجەی وەبەرهێنانی نەوتەكە بۆ ئاوەدانكردنەوەی ناوچەكانی پاشماوەی جەنگە.

کوردستان

هەولێر ؛ قۆناغی دووەمی كەمكردنەوەی نرخی 9 یەكەی نیشتەجێبوون كەوتە بواری جێبەجێكردنەوە

خەڵك – بەشی هەواڵ

پارێزگاری هەولێر ڕایدەگەیەنێت ، قۆناغی دووەمی كەمكردنەوەی نرخی 9 یەكەی نیشتەجێبوون كەوتە بواری جێبەجێكردنەوە ، دەشڵێت،”هەر یەكێك لەو شوێنی نیشتەجێبوونانە پابەندی ئەو نرخانە نەبێت ڕووبەڕووی یاسا دەكرێنەوە”.

د. فەرسەت سۆفی پارێزگاری هەولێر لە نوسراوێكدا، كە واژۆی خۆی لەسەرە و ڕۆژی 12ی ئابی 2020 دەرچووە بڕیاردراوە بە جێ بەجێ‌ كردنی قۆناغی دووەمی كەمكردنەوەی نرخی 9 یەكەی نیشتەجێبوون كەوتۆتە بواری جێبەجێكردنەوە، ئەمەش لە پاش دیراسەكردنی ئەو لیژنەیەی سەردانی ئەو یەكانەی كردووە .

لە نوسراوەكەدا هاتووە ، پێویستە لەسەر ئەو یەكانەی ناوەكانیان دیاریكراوە، كە پابەندی كەمكردنەوەی نرخەكان بن، بە پێچەوانەوە توشی ڕێكاری یاسایی دەبنەوە و یان جارێكی دیكە خزمەتگوزارییەكان دەدرێتەوە بە تەندەرینگ .

No description available.No description available.No description available.

بەردەوام بە لە خوێندنەوە

کوردستان

دهۆك ژمارەیەك تووشبووی كۆرۆنا چاكبوونەوە

خەڵك- بەشی هەواڵ

بەڕێوەبەرایەتی گشتی تەندروستی دهۆك ئاشكرای دەكات، كە 43 نەخۆشی تووشبوو بە ڤایرۆسی كۆرۆنا چاكبوونەتەوە و بەوەش ژمارەی چاكبوونەوە گەیشتە 621 كەس.

بەڕێوەبەرایەتی گشتی تەندروستی دهۆك لە ڕاگەیەنراوێكدا ئاماژەی بەوەكردووە، ئەمڕۆ پێنجشەممە 13ی ئابی 2020 چل و سێ نەخۆشی تووشبوو بە ڤایرۆسی كۆرۆنای نوێ‌ بەتەواوی چارەسەر بوون و گەڕانەوە ماڵەوە.

ڕاشیگەیاندووە، ئەو نەخۆشانە هەموو پشكنینەكانیان بۆ ئەنجامدرا و دەركەوت بەتەواوی چاكبوونەوە و سەلامەت، بۆیە نەخۆشخانەیان جێهێشت.

ئاشكراشی كردووە، تاوەكو ئێستا 621 تووشبووی كۆرۆنا چاكبوونەتەوە و 904 كەسیش لەژێر چارەسەری پزیشكی لە نەخۆشخانە ماون.

 

بەردەوام بە لە خوێندنەوە

کوردستان

لاهور شێخ جەنگی؛بەتەلەفون پیرۆزبایی لە یەكەمەكانی 12ی ئامادەیی كرد

خەڵك – بەشی هەواڵ

هاوسەرۆكی یەكێتی نیشتمانی كوردستان لە ڕێگەی پەیوەندی تەلەفونیەوە پیرۆزبایی لە یەكەمەكانی بەشی زانستی دەكات لەسەر ئاستی هەرێم و هیوای سەركەوتنی زیاتری بۆ خواستن لەسەرجەم كایەكانی ژیانیاندا.

لاهور شێخ جەنگی، هاوسەرۆكی یەكێتی نیشتمانی كوردستان پەیوەندی تەلەفۆنی لەگەڵ هەر یەك لە (ڤانیا شێركۆ و لەنیا فەلاح) ئەنجامدا، كە توانییان لە پۆلی 12ی زانسی لەسەر ئاستی هەرێمی كوردستان پلەی یەكەم بەدەستبێنن و وێڕای پرۆزبایی ، هیوای سەركەوتنی زیاتری بۆ خواستن لەسەرجەم كایەكانی ژیانیاندا.

ئەمە لەكاتێكدایە ، چوار خوێندكاری بەشی زانسی توانییان لەسەر ئاستی هەرێمی كوردستان بەبەدەستهێنانی كۆنمری 700، ببنە یەكەم كە دووانیان لە پارێزگای هەڵەبجە بوون و یەكێكیش لە هەولێر و ئەوەی دیكەشیان لە دهۆك.

بەردەوام بە لە خوێندنەوە

کوردستان