ئێمە لە تۆرە کۆمەڵایەتیەکان

کوردستان

شێوازێكی دیكەی گواستنەوەی ڤایرۆسی كۆرۆنا ئاشكرا دەكرێت

خەڵك-بەشی هەواڵ

لێكۆڵینەوەیەكی نوێ سەبارەت بە تووشبوون بە ڤایرۆسی كۆرۆنا ئەوە دەردەخات كە گواستنەوەی كۆرۆنا لە كاتی سەرمادا لە ماوەی 8 مەتر دەگوازرێتەوە.
تۆڕی سپوتنیك بڵاویكردەوە، لێكۆڵەرەوانی ئەڵمانیا لە كوشتارگەیەكدا دركیان بەو بابەتە كردووە كە ڤایرۆسی كۆرۆنا لە هەوای سارددا دەتوانێت بۆ ماوەی 8 متر لە هەوادا بمێنێتەوە و ئەو كەسەی كە هەڵگری ڤایرۆسەكەیە بەهۆی ئەوەی كە لە هەوای ساردایە و لە ژینگەیەكی داخراودایە، بۆ ماوەی 8 مەتر ئەو كەسانەی دەوروبەری تووشی ڤایرۆسەكە دەكات.
لێكۆڵینەوە ئەوەش ئاشكرا دەكات، كە ژینگەی سارد بەبێ ئەوەی بەخێرایی هەواگۆڕێكی تێدای بێت مەترسی بڵاوبوونەوەی ڤایرۆسەكەی زیاتر لێدەكرێت.
بەشێك لە هاووڵاتیان لەو بارەوە نیگەرانن و پێیان وایە ئەگەر بەو شێوەیە بێت لە وەرزەكانی پاییز و زستانی داهاتوو ڕووبەڕووی شەپۆلێكی دیكەی كۆرۆنا دەبنەوە، پێشیان وایە دەبێت هەمووان بەپێی ڕێنماییەكان هەڵسوكەت بكەن تاكو بەدوور بن لەو ڤایرۆسە.

کوردستان

کەرنەڤاڵێکی شیعری لەسەر ئارامگەی شێركۆ بێكەس ئەنجامدەدرێت

خەڵک – بەشی هەواڵ

 

بڕیارە دوو شەممەی داهاتوو کەرنەڤاڵێکی شیعریی لەسەر ئارامگەی شێركۆ بێكەس لە پاركی ئازادیی لەسلێمانی ئەنجامبدرێت.

 

لەژێر ناونیشانی  (با شیعر بکەینە سەنگەری بەرگری) ڕێکخراوی نوێگەر بۆ گەشەپێدانی هونەری کەرنەڤاڵێکی شیعری لەسەر ئارامگەی شێركۆ بێكەس لە پاركی ئازادیی لەسلێمانی ڕێکدەخات.

 

کەرنەڤاڵەکە لە ڕۆژی ۱۰ی۸ی۲۰۲۰ دووشەممە، کاتژمێر ٦ی ئێوارە ئەنجامدەدرێت

 

لەکەرنەڤاڵە شیعیرییەکەدا هەریەک لەم شاعیرانەى خوارەوە بەشداری دەکەن:

بەندی عەلی
ڕۆژ هەڵەبجەیی
فاتیح سەلام
سروە عوسمان
سەردار قادر
هەڵاڵە شەوکەت لهۆنی
هاوشان عەزیز
ڕەوەند ساڵح
مەریوان قەرەداغی

بەردەوام بە لە خوێندنەوە

کوردستان

ڤیدیۆ؛ توركیا دیمەنی نوێی هێرشە ئاسمانی و زەمینییەكانی بۆ سەر هەرێمی كوردستان بڵاوكردەوە

خەڵك – بەشی هەواڵ
ئەمڕۆ هەینی سوپای توركیا لە ڕێی هەژماری فەرمی خۆیەوە لە تویتەر، دیمەنی نوێی هێرشە ئاسمانی و زەمینییەكانی بۆ سەر هەرێمی كوردستان بڵاوكردەوە.

توركیا هاوكات لەگەڵ هێرشەكانی بۆ سەر هەرێمی كوردستان، لە باكوور و ڕۆژئاوای كوردستانیش هێرش و ئۆپەراسیۆنی سەربازیی ئەنجام دەدات.

ئەمڕۆ وەزارەتی بەرگری توركیا بانگەشەی ئەوەی كردووە كە لە ماوەی 24 كاتژمێری ڕابردوودا 17 گەریلای پەكەكەیان كردووەتە ئامانج، بەڵام پەكەكە ئەو زانیارییانەی پشتڕاست نەكردووەتەوە.

بڵاوكردنەوەی دیمەنە ڤیدیۆییەكەش هاوكاتە لەگەڵ بۆردومانەكەی ئەمڕۆی فڕۆكە جەنگییەكانی سوپای توركیا بۆ سەر گوندی قامیشی سەر بە شارۆچكەی ماوەت لە سنووری ناوچەی شارباژێڕی سلێمانی.

بەردەوام بە لە خوێندنەوە

کوردستان

فڕۆكە جەنگییەكانی توركیا ناوچەی شارباژێڕیان بۆردومان كرد

خەڵك – بەشی هەواڵ
ئەمڕۆ هەینی فڕۆكە جەنگییەكانی توركیا چەند گوندی قامیشی سەر بە ناوچەی شارباژێڕی سلێمانییان بۆردومان كرد.

بە پێی زانیارییە سەرەتاییەكان بۆردومانەكە بووەتە هۆی ئاگركەوتنەوە لە ناوچەكە، بەڵام ئەگەری بوونی زیانی گیانی لەو هێرشەدا نەزانراوە.

سوپای توركیا چەند ناوچەیەكی سنووری شارباژێڕی سلێمانییان وەك سنووری چالاكی پەكەكە دەستنیشان كردووە و ناوبەناو بەو بیانووە بۆردومانی دەكەن.

بەردەوام بە لە خوێندنەوە

کوردستان