ئێمە لە تۆرە کۆمەڵایەتیەکان

کوردستان

هەڵمەتی پاڵەوانانی ڤایۆلێت بۆ کچە تەندروستکارەکان بەڕێوەدەچێت

خەڵک – بەشی هەواڵ

 

هەڵمەتی پاڵەوانانی ڤایۆلێت بۆ ڕێزلێنان لە کچە تەندروسکارەکانی هەرێمی کوردستان بەڕێوەدەچێت.

 

شنۆ نووری ئەندامی دەستەى دامەزرێنەری ڕێکخراوی ڤایۆلێت بە(خەڵک)ی ڕاگەیاند، ئامانجی سەرەکییان لەھەڵمەتی دەستخۆشی بە ناونیشانی پاڵەوانانی ڤایۆلێت، برەودانە بە تواناکانی کچان و ھاندان و ھاوکاریکردنیانە بۆ دۆزینەوە و گەشتن بەھیواو ئامانجەکانیان.

شنۆ نووری، ئەندامی دەستەى دامەزرێنەری ڕێکخراوی ڤایۆلێت

ئاماژەی بەئەوەشدا، لەم بارودۆخەی ئێستای جیھان کە کوردستانیش لێی بەدەر نییە، کارمەندانی تەندروستی یەکێکن لە ماندووترین چین و توێژەکانی کۆمەڵگە کە ئەرکێکی زۆر قورسیان لەسەرشانە، و ئەوان ماندوو نەناسانە کاردەکەن بۆ پاراستنی تەندروستی و سەلامەتی ھەموومان ، بۆیە بە ئەرکی خۆمان زانی کە ڕێز لەو ماندووبوونەی ئەوان بگرین و دەسخۆشییان لێبکەین و ھەڵمەتێکی دەسخۆشی ڕابگەیەنین بۆ ئەوکاسانەی کە لە کەرتی تەندوستیدا خزمەت دەکەن.

وتیشی: ئێمە سوپاس و دەسخۆشیمان بۆ ھەموو پزیشک و پەرستار و ھەموو کارماندانی تەندروستی ھەیە بەبێ جیاوازی، کە ماندونەناسانە و بە دڵسۆزییەوە بەردەوامن لە خزمەتکردن، بەڵام ئێمە لەرێگەی خۆمان و ئەو ھاوڕێ و کەسانەی دەیانناسین کارمانکرد لەسەر کۆکردنەوەی سیڤی و وێنەی ئەو خاتونانە، لەناوچە جیاوازەکانی ھەرێمی کوردستان و نەخۆشخانەو شوێنە جیاوازەکاندا کاردەکەن.

 

دەشڵێت، ئێمە دەستخۆشی و سوپاسی خۆمان پێڕاگەیاندوون، لەگەڵ ئەوەشدا بەخەڵکیان دەناسێنن تا کۆمەڵگەش ئەم کەسە دڵسۆزانە بناسن و ڕێزیان لێبگرن.

 

ئەم هەڵمەتە لى تۆڕە کۆمەڵایەتییەکانەوە ئەنجامدەدرێت لەڕێگەی ھەردوو پەڕەی فەرمی ڕێکخراوی ڤایۆلێت (violet _org) لە ئینستاگرام و (violet organization ) لە تۆری کۆمەڵایەتی فەیس بووک.

 

شنۆ داوای لێبوردنی لەو کەسانەش کرد،  کە نەیانتوانیوە پێیان بگەن، چونکە پێیوایە ئەو کەسانەی کە لە ڕێگەی ئەم هەڵمەتەوە دەسخۆشییان لێکردوون بەشێکی کەمن لەناو دەیان و سەدان کەسی دڵسۆز و ماندوونەناس، کە لە کەرتی تەندروستیدا بەردەوام خزمەت پێشکەشی ھاوڵاتییان دەکەن.

 

ڕێخراوی ڤایۆلێت، ڕێکخراوێکی ناحکومییە، هەوڵی بەرەوپێشبردنی کۆمەڵگە  و بەرز کردنەوەی ئاستی هۆشیاری تاک و بەدەستهێنانی یەکسانی ڕەگەزی دەدات، هاوکات پشتگیری خانمان دەکەن و گرنگی بەتواناکانیان دەدەن، و هەوڵی کەمکردنەوەی توندوتیژییەکان بەتایبەت توندوتیژی ڕەگەزی دەدەن.

 

لەسەرەتای بڵاوبوونەوەی ڤایرۆسی کۆرۆنا تەندروستکاران خۆنەویستانە خزمەتی تووشبووانى کۆرۆنایان کرد و لەبەرامبەر ئەمەدا، بەشێوازی جۆراوجۆر ڕێزیان لێنرا.

 

چەند نمونەیەک لەهەڵمەتی پاڵەوانانی ڤایۆلێت:

ریکلام

کوردستان

لایەنەكان لەسەر (مەرجەعی باڵای كوردی) ڕێككەوتن

خەڵك – بەشی هەواڵ

ئەندامێكی دەستەی هاوسەرۆكایەتی پارتی یەكێتی دیموكرات لە سوریا ڕایدەگەیەنێت، لایەنە كوردییەكانی ڕۆژئاوای كوردستان لە قۆناغی دووەمی گفتوگۆكانیاندا ڕێككەوتوون لەسەر دروستكردنی مەرجەعی باڵای سیاسی.

ئاڵدار خەلیل ئەندامی دەستەی هاوسەرۆكایەتی پارتی یەكێتی دیموكرات لە سوریا لە لێدوانێكدا ئاشكرایكرد، لە قۆناغی یەكەمی گفتۆگۆكاندا بۆچوونی سیاسی هاوبەش دروستبووە و بە سەركەوتووی ئەنجامدرا، قۆناغی دووەمیش لە سێ خال پێكدێت، كە بریتین لە دروستكردنی مەرجەعی باڵای سیاسی و دۆخی خۆبەڕێوەبردن و پرسی سەربازی و ئەمنی.

ئاڵدار خەلیل وتیشی، پارتەكانی یەكێتی نیشتمانی كوردی و ئەنجومەنی نیشتمانی كورد لە سوریا لەسەر مەرجەعی سیاسی ڕێككەوتوون و ناوەكەشی (مەرجەعی باڵای كوردی) دەبێت.

لە مانگی نیسانی ئەمساڵەوە بە سەرپەرشتی نوێنەری ئەمەریكا لە هاوپەیمانی نێودەوڵەتی و مەزڵوم كۆبانێ فەرماندەی گشتی هێزەكانی سوریای دیموكرات (هەسەدە)، پڕۆسەی یەكخستنی نێو ماڵی كورد لە ڕۆژئاوای كوردستان دەستیپێكردووە و تا ئێستاش دیدار و كۆبوونەوەكان بەردەوامە.

بەردەوام بە لە خوێندنەوە

کوردستان

نەتەوە یەكگرتووەكان: چەكدارانی سەر بە توركیا چەندین تاوانیان لە ڕۆژئاوای كوردستان ئەنجامداوە

خەڵك – بەشی هەواڵ

لەنوێترین ڕاپۆرتی ڕێكخراوی نەتەوە یەكگرتووەكاندا ئاماژە بەوەكراوە كە گروپە چەكدارەكانی سەر توركیا چەندین پێشێلكاریان لە عەفرین و سەرێكانی و ناوچەكانی تری ڕۆژئاوای كوردستان ئەنجامداوە.

ئەنجومەنی مافەكانی مرۆڤی سەر بە نەتەوە یەكگرتووەكان لە ڕاپۆرتێكدا باسی لەو توندوتیژی و پێشێلكاریانە كردووە، كە گروپەكانی سەر بە توركیا لە ڕۆژئاوای كوردستان ئەنجامیانداون، لەوانە دەستبەسەرداگرتنی موڵكە و ماڵی هاووڵاتیانی كورد و ڕفاندن و ئەشكەنجەدان.

هانی مەجلی كۆمیسیاری نەتەوە یەكگرتووەكان بۆ كاروباری سوریا ڕایگەیاند، ئاماریان لەبەردەست نییە بۆئەوەی بڵێین چەند كەس دەست بەسەر ماڵ و موڵكیدا گیراوە یان دەركراوە، بەڵام هەندێك كەیسی تایبەتیمان دۆكیۆمێنت كردوون. لە هەندێك لە كەیسەكان بینیومانە كە خەڵك داوایان لێكراوە ماڵی خۆیان جێبهێڵن، ئەوەش لەلایەن سوپای نیشتمانیی سوریاوە. خەڵكی هەڵاتوون و بینیویانە كە ماڵ و موڵكیان دەستی بەسەردا گیراوە و زەحمەتیش بووە بۆئەوەی بگەڕێنەوە سەر موڵكیان.

كۆمیسیاری نەتەوە یەكگرتووەكان بۆ كاروباری سوریا ڕاشیگەیاند، پێشێلكاریی زۆر خراپتریان بینیوە، لەوانەش دەستگیركردن و زیندانیكردن و ئەشكەنجەدان و توندوتیژیی سێكسی كە لە زیندانەكان ڕوویداوە.

بەردەوام بە لە خوێندنەوە

کوردستان

مەسرور بارزانی: لەگەڵ حکومەتى عیراق دەگەینە ڕێکەوتنی کۆتایی

 

خەڵک – بەشی هەواڵ

 

مەسرور بارزانی ڕایدەگەیەنێت، گەشبینە، کە دەتوانن لەگەڵ حکومەتی فیدراڵی بگەن بە رێککەوتنی کۆتایی.

 

سەرۆکی حکومەتى هەرێم لەتویتێکدا ڕایگەیاند، لەکاتێکدا کۆمەڵێک بەربەست بوونیان هەیە، تیمێکی بەهێزیان هەیە، بۆ دانوستان لەنێوان حکومەتى هەرێم و حکومەتى عیراق.

 

ئاماژەى بەئەوەشدا، پەیوەندییە بنیاتنەرانەکانی نێوان هەولێر و بەغداد گرنگە بۆ سەقامگیری هەرێمی کوردستان و عیراقیش.

 

باسی لەئەوەشکرد، گەشبینە، کە دەتوانن لەگەڵ حکومەتی فیدراڵی بگەن بە رێککەوتنی کۆتایی.

 

سەرۆکی حکومەتی ھەرێمی کوردستان ئەوەشی خستەڕوو، ناکۆکیەکانیان لەگەڵ حکومەتی عیراق زۆرن و کیشەی ئێستا نین و دەمێکە ئەو کێشانە ھەن، دەیانەوێت دڵنیایی بگەڕێننەوە بۆ ھاوبەشی ستراتیژی نێوانیان.

بەردەوام بە لە خوێندنەوە

کوردستان