ئێمە لە تۆرە کۆمەڵایەتیەکان

کوردستان

د.محەمەد خۆشناو داوایەک لەهاوڵاتییان دەکات

خەڵک – بەشی هەواڵ

د.محەمەد خۆشناو داوا لەهاوڵاتییان دەکات، ئەگەر پزیشکی پسپۆر وتی داخڵ بە نەخۆشخانەبە، بەگوێی بکە و لەماڵەوە مەمێنەوە، چونکە زۆر حاڵەت لەئەنجامی ترس لە نەخۆشخانە، گەیشتوونەتە بارودۆخی زۆر ترسناک.

 

پزیشکی ناوبارو، کە وتەبێژی وەزارەتی تەندروستییە وەک پزیشکێک داوا لەهاوڵاتییان دەکات ، ئەگەر پزیشکی پسپۆر وتی داخڵ بە نەخۆشخانەبە، بەگوێی بکە و لەماڵەوە مەمێنەوە، چونکە زۆر حاڵەت لەئەنجامی ترس لە نەخۆشخانە، گەیشتوونەتە بارودۆخی زۆر ترسناک.

 

وتیشی: ئەگەر پزیشکی پسپۆر وتی کۆرۆنایە، مەڵێ سپلیت و موبەریدە و گەرما و سەرمایە، ئیشی من نیە باسی چەلەحانێی سیاسی و شەڕی میدیاکان بکەم، بەڵام چاک دەزانن هیچ میدیایەک بەبێ پاڵپشتی لایەنێک ناتوانێ بەردەوامبێت، بۆیە تکایە متمانەت بە پزیشک و نەخۆشخانەکان، تێکەڵ مەکە بە شەڕی میدیایی و چەلەحانێی حزبی.

 

دەقی پەیامەکە:

تکایە تکایە تکایە
ئەو هەڵەیە دووبارە مەکەنەوە
وەزعەکە لەرادەبەدەر خراپە و زۆریش ترسناکە

تێبینی* ئەو نووسینەم پەیوەندی بە وەزیفەکەمەوە نیە لە وەزارەت، وەکو ئەرکێکی مرۆڤایەتی دەیبینم.

خزمان، دۆستان، ئازیزان

پێرێ بەداخەوە کارگەی ئۆکسجینی رزگاری بۆماوەیەک وەستا و بە ئیش کەوتەوە، لەو ماوەیەش سوود لە بتڵی ئۆکسجین وەرگیرا، نەخۆش و هاوەڵی نەخۆشیش ترس دایگرت (کە بێگومان منیش لەو بارودۆخە ترس دامدەگرێت). قسەی زۆری لەسەرکرا و هیچی دیکە هەلناگرێت.
وەزارەت و تەندروستی هەولێر و نەخۆشخانەی رزگاری روونیانکردوەتەوەو دەوەستێتە سەر بیرکردنەوەی خۆت و ئازادی.

بەڵام
نەخۆشخانەی رزگاری، خەمخۆرترین پزیشک و کارمەندی لێیە و لەلووتکەی ماندووبوون دان.
رێژەی چاکبوونەوە لە ناو نەخۆشخانەکان زۆر باشە.
بەپێی توانا، لەلایەن بەرێوەبەرایەتی گشتی تەندروستی هەولێر پێداویستی بۆ دابین دەکرێت.
ئەگەر پزیشکی پسپۆر وتی داخل بە، بەگوێی بکە و لەماڵەوە مەمێنەوە، چونکە زۆر حاڵەت لەئەنجامی ترس لە نەخۆشخانە، گەیشتوونەتە بارودۆخی زۆر ترسناک.
ئەگەر پزیشکی پسپۆر وتی کۆرۆنایە، مەڵێ سپلیت و موبەریدە و گەرما و سەرمایە.

ئیشی من نیە باسی چەلەحانێی سیاسی و شەڕی میدیاکان بکەم، بەڵام چاک دەزانن هیچ میدیایەک بەبێ پاڵپشتی لایەنێک ناتوانێ بەردەوامبێت
بۆیە

تکایە تکایە تکایە متمانەت بە پزیشک و نەخۆشخانەکان، تێکەڵ مەکە بە شەڕی میدیایی و چەلەحانێی حزبی.
هەر ئەو بەزمە گەیاندنی بەم رۆژە.

حکومەت سەد لە سەد کامل نیە، تەندروستیمان لەمستەوای سوید و ئەڵمانیا نیە.
بەڵام پێویستە بە گوێی پزیشکان بکەین، تەنها و تەنها هاوڵاتی لەم بابەتە زەرەرمەندە.
پزیشک هیچ سوودێک لەوە نابینێت، تۆ پاراستۆڵیک بخۆیت یان نا.

تێروانینی سیاسیت چۆنە، کەیفی خۆتە، بەڵام ئەگەر ئەمەش تێکەڵ بە سیاسی و میدیا بکەیت، زەرەر لەخۆت و خێزانت دەدەیت.

هەرکۆمێنتێک هەست بکەم زەرەری هەیە لەسەر تەندروستی خزم و دۆستانم، دەیسڕمەوە.

ریکلام

کوردستان

یەكەمین پاسپۆرت لە چەمچەماڵ درایە دوو تاقانەی شەهید و ئەنفالكراو

خەڵك- بەشی هەواڵ
لێپرسراوانی باڵای وەزارەتی ناوخۆی حكومەتی هەرێمی كوردستان سەردانی قەزای چەمچەماڵ یان كرد و لەرێی كردنەوەی نوسینگەی پاسپۆرتی قەزاكەوە، یەكەمین پاسپۆرتیان بەخشییە دوو تاقانەی شەهید و ئەنفالكراوی سنورەكە.

لەسەردانەكەی ئەمڕۆدا و لەمەراسیمێكدا، “رێبەر ئەحمەد” وەزیر و “چەتۆ ساڵح” بریكاری وەزارەتی ناوخۆ هاوڕێ لەگەڵ ژمارەیەك لەلێپرسراوانی حكومی پارێزگای سلێمانی، نوسینگەی پاسپۆرتی چەمچەماڵیان كردەوە و بەشەكانیان بەسەركردەوە و لەنزیكەوە لەچۆنێتی بەرێوەچوونی كاروباری ئەفسەر و كارمەندانی نوسینگەكەیان كۆڵییەوە.

دواتر و لەكۆنفرانسێكی رۆژنامەییدا، “رێبەر ئەحمەد” وەزیری ناوخۆ گرنگی كردنەوەی نوسینگەی پاسپۆرتی بۆ قەزاكە خستەروو بەتایبەت كەزیاتر لە 7500 بنەماڵەی شەهیدان لێرەن كەبەشێكی زۆریان خاوەنی چەندین كەسی ئەنفالكراون، وتیشی ئێمە هاتوین بەشێك لەو خزمەتگوزارییانەی كەحكومەت پێشكەشی هاوڵاتیانی دەكات بۆ هاوڵاتیانی ئەم سنورە بەردەست بكەین.

هەر لەكۆنفراسەكەدا، “چەتۆ ساڵح” بریكاری وەزارەتی ناوخۆ ڕایانگەیاند: خزمەتكردنی كەسوكاری شەهیدان و ئەنفالكراوان بەئەركی سەرشانی خۆمان دەزانین لەم پێناوەشدا هەنگاوەكانمان زۆری ماوە بۆ خزمەتكردن، وتیشی شەرەفمەندین كە لەناوكەس و كارەكەی خۆماندا ئەمڕۆ یەكەم پاسپۆرت دەبەخشینە دوو تاقانەی شەهید و ئەنفالكراو.

لەو مەراسیمەدا وەزیر و بریكاری وەزارەتی ناوخۆ، یەكەمین دوو پاسپۆرتی چاپكراوی نوسینگەكەیان بەخشییە دوو كوڕی تاقانە كەباوكیان شەهید و ئەنفالكراوە بەناوەكانی (ژیار ئاسۆ شەهاب، هەڤاڵ غالب محمد).

جێی باسە كردنەوەی نوسینگەی پاسپۆرتی چەمچەماڵ،‎ هەنگاوێكی تری خزمەت و كارئاسانییە بۆ كەسوكاری شەهید و ئەنفالكراوانی سنورەكە، هەموو ئەو دەسەڵاتانەش كەلەبەرێوەبەرایەتی گشتی پاسپۆرتی سلێمانی بۆ وەرگرتنی پاسپۆرت و نوێكردنەوەی ئەنجام دەدرێت، لەنوسینگەی پاسپۆرتی چەمچەماڵیش دەبێت.

دواتر وەفدەكەی وەزارەتی ناوخۆ بەسەرۆكایەتی “رێبەر ئەحمەد” و “لیوا چەتۆ ساڵح” و وەفدی هاورێیان، بەمەبەستی دابەشكردنی پێداویستی (15) فەرمانگە و بەرێوەبەرایەتی، سەردانی كۆگای نوێی پارێزگای سلێمانی بۆ هەماهەنگی قەیرانەكان كرد.

ئەم هەوڵەش دەرەنجامی سەردانە بەردەوامەكانی “چەتۆ ساڵح” بریكاری وەزارەتی ناوخۆ دێت بۆ ناوچە جیاوازەكان و بەدواداچوون بۆ داواكاری فەرمانگەكانی سەر بەوەزارەتەكەی و گه یاندنی ئه و داواكاریانه ش بۆ سەروی خۆی لە وەزیری ناوخۆو بەڕێز كاك “قوباد تاڵەبانی “جێگری سەرۆكی ئەنجومەنی وەزیران

دابین كردنی ئەم پێداویستیانەش بەمەبەستی باشتر پێشكەشكردنی خزمەتگوزارییەكان بەهاوڵاتیان و بەدەنگەوەهاتنی داواكاری و خواستی بەرێوەبەرایەتییەكان.

 

بەردەوام بە لە خوێندنەوە

کوردستان

ئاسایشی ڕۆژئاوایی سلێمانی؛ 3 كەس لە تەقەكەرانی چەمچەماڵ دەستگیر كران

خەڵك – بەشی هەواڵ

بەڕێوەبەرایەتی ئاسایشی ڕۆژئاوایی سلێمانی ڕایدەگەیەنێت ، لە هەوڵەكانی هێزەكانیان بۆ دەستگیركردن و ڕێگریكردن لەو كەسانەی، كە بەتەقەی هەڕەمەكی دەیانەوێت ئارامی هاووڵاتیان تێك بدەن 3 كەس دەستگیركران.

بەڕێوەبەرایەتی ئاسایشی ڕۆژئاوایی سلێمانی لە ڕاگەیەنراوێكدا ، كەوێنەیەكی دەست (خەڵك) كەوتووە ڕایگەیاندووە، لە لایەن هێزەكانیانەوە 3 كەس بەناوەكانی (س،ف،ع ) (گ،ن،م) (چ،ش،ح) نزیك زانكۆی چەرمۆ لەچەمچەماڵ، كەتەقەی هەڕەمەكیان كردبوو لەلایەن هێزەكانمانەوە دەستگیركران .

ڕاشیگەیاندووە، تۆمەتباران دانیشتوی چەمچەماڵن، لەئێستادا بەفەرمانی دادوەری دادگای لێكۆڵینەوە بەبڕیاری (570) ڕاگیراون ، 2 دەمانچە و یەك كڵاشینكۆف و ئۆتۆمبێلێكی جۆری قەمەرە (ئۆپترا)ی تەقەكەرەكان دەستی بەسەردا گیراوە.

 

بەردەوام بە لە خوێندنەوە

کوردستان

دهۆك؛ بەهۆی ڕووداوێكی هاتووچۆ وە 2 كەس گیانی لەدەستدا و 4 كەسی دیكەش برینداربوون

خەڵك – بەشی هەواڵ

بەڕێوەبەرایەتی هاتووچۆی دهۆك ڕایدەگەیەنێت، ڕووداوێكی وەرگەڕان لەسەر ڕێگای دهۆك هەولێر لە شارەدێی ڕۆڤیا دروستبووە و ئۆتۆمبێلێكی دیكە بەخێرایەكی زۆر خۆی كرد بەناو ژمارەیەك هاووڵاتی كە نزیك ڕووداوەكە بوون و 2 لەو هاووڵاتیانە گیانی لەدەستداو 4ی دیكەش برینداربوون.

ئازاد تەها ، وتەبێژی بەڕێوەبەرایەتی هاتووچۆی دهۆك بڵاویكردەوە ، پاش نیوەڕۆی ئەمڕۆ پێنج شەممە 26-11-2020 لەسەر ڕێگای هەولێر- دهۆك و نزیك گوندی پلاسانی سەر بە شارەدێی ڕۆڤیا ئۆتۆمبێلێك وەرگەڕا و ژمارەیەك هاووڵاتی لە نزیك ڕووداوەكە كۆبونەوە.

وتیشی ،”لەكاتی ڕووداوەكە ئۆتۆمبێلێكی دیكە خۆی كرد بەناو ئەو ژمارە هاووڵاتیەی نزیك ڕووداوی وەرگەڕانەكە بوون ، كە بەو هۆیەوە 2 هاووڵاتی گیانیان لەدەستدا و 4 هاووڵاتی دیكە برینداربوون”.

ڕاشیگەیاندووە، ئەو دوو كەسەی گیانیان لەدەستداوە یەكێكیان خەڵكی گوندی پلاسان و ئەوەی دیكە خەڵكی زاخۆیە و بریندارەكانیش ڕەوانەی نەخۆشخانە كران بۆ وەرگرتنی چارەسەر.

بەردەوام بە لە خوێندنەوە

کوردستان