ئێمە لە تۆرە کۆمەڵایەتیەکان

کوردستان

فڕۆكەخانەی سلێمانی كرایەوە و یەكەم گەشت دیاریكرا

خەڵك-بەشی هەواڵ
بەڕێوەبەری فڕۆكەخانەی نێودەوڵەتی سلێمانی ئاشكرای دەكات، كە لەمڕۆوە فڕۆكەخانەكە بەڕووی گەشتیاراندا دەكرێتەوە و ئەمشەو یەكەم گەشت بۆ توركیا ئەنجام دەدرێت.

تاهیر عەبدوڵا، بەڕێوەبەری فڕۆكەخانەی نێودەوڵەتی سلێمانی لە كۆنفرانسێكی ڕۆژنامەوانیدا ئاماژەی بەوەكرد، ئەمڕۆ شەممە 1ی ئاب، گەشتەكانی فڕۆكەخانەی نێودەوڵەتی سلێمانی بەڕەچاوكردنی ڕێنماییە تەندروستییەكان و خۆپاراستن لە بڵاوبوونەوەی ڤایرۆسی كۆرۆنا دەستپێدەكەنەوە.

ڕاشیگەیاند، پێویستە گەشتیاران تەواوی ڕێنماییە خۆپارێزییەكان پەیڕەو بكەن و 4 كاتژمێر بەرلە گەشتەكان ڕێكارەكان تەواو بكەن، لەگەڵ بەستنی دەمامك و هێنانی پشكنینی پزیشكی تایبەت بە كۆرۆنا لە فڕۆكەخانەی سلێمانی ئامادەبن و هەر گەشتیارێكیش لە یەك كەس زیاتری لەگەڵ نەبێت، كە دێتە ناو فڕۆكەخانە.

وتیشی، “دەستپێكردنەوەی گەشتەكان، كە ماوەی زیاتر لە چوار مانگە ڕاگیراون پێویستیان بە كاتی زیاتر هەیە بۆ ئەوەی بتوانین كارئاسانی بۆ هاووڵاتیان بكەین و هەروەها رێگریش لە بڵاوبونەوەی كۆرۆنا بكرێت”.

ئاشكراشی كرد، بە گوێرەی خشتەی گەشتەكان، كاتژمێر 12:15 خولەكی ئەمشەو یەكەمین گەشت لە فڕۆكەخانەنی نێودەوڵەتی سلێمانی بۆ شاری ئیستەنبوڵ لە وڵاتی توركیا دەبێت.

کوردستان

تەندروستی سلێمانی: لە 24 كاتژمێری ڕابردوودا 26 تووشبووی كۆرۆنا چاكبوونەتەوە

خەڵك – بەشی هەواڵ

وتەبێژی بەڕێوەبەرایەتی‌ گشتی‌ تەندروستی‌ سلێمانی‌ ڕایدەگەیەنێت، لە ماوەی 24 كاتژمێری ڕابردوودا 26 تووشبووی كۆرۆنا چاكبوونەتەوە و 6 تووشبووش گیانیان لەدەستداوە.

د.یاد نەقشبەندی‌ وتەبێژی‌ بەڕێوەبەرایەتی‌ گشتی‌ تەندروستی‌ سلێمانی‌ لە ڕاگەیەندراوێكدا ئاشكرایكرد: لە 24 كاتژمێری‌ ڕابردوودا 35 نەخۆش داخڵی‌ نەخۆشخانەكانی‌ كۆرۆنا بوون و 26 تووشبووش نەخۆشخانەیان جێهێشتووە.

وتەبێژی بەڕێوەبەرایەتی‌ گشتی‌ تەندروستی‌ سلێمانی ‌ئاماژەی بەوەشداوە: كۆیی گشتی قەرەوێڵە لە نەخۆشخانەكانی تایبەت بە كۆرۆنا 362 قەرەوێڵەیە و 146 تووشبوو لە نەخۆشخانەكان ماونەتەوە و لەو ژمارەیە 31 تووشبوو لە چاودێری‌ چڕن و هاوكات لە 24 كاتژمێری‌ ڕابردوو 6 تووشبووی‌ كۆرۆنا گیانیان لەدەستداوە.

No description available.

بەردەوام بە لە خوێندنەوە

کوردستان

هەولێر ؛ قۆناغی دووەمی كەمكردنەوەی نرخی 9 یەكەی نیشتەجێبوون كەوتە بواری جێبەجێكردنەوە

خەڵك – بەشی هەواڵ

پارێزگاری هەولێر ڕایدەگەیەنێت ، قۆناغی دووەمی كەمكردنەوەی نرخی 9 یەكەی نیشتەجێبوون كەوتە بواری جێبەجێكردنەوە ، دەشڵێت،”هەر یەكێك لەو شوێنی نیشتەجێبوونانە پابەندی ئەو نرخانە نەبێت ڕووبەڕووی یاسا دەكرێنەوە”.

د. فەرسەت سۆفی پارێزگاری هەولێر لە نوسراوێكدا، كە واژۆی خۆی لەسەرە و ڕۆژی 12ی ئابی 2020 دەرچووە بڕیاردراوە بە جێ بەجێ‌ كردنی قۆناغی دووەمی كەمكردنەوەی نرخی 9 یەكەی نیشتەجێبوون كەوتۆتە بواری جێبەجێكردنەوە، ئەمەش لە پاش دیراسەكردنی ئەو لیژنەیەی سەردانی ئەو یەكانەی كردووە .

لە نوسراوەكەدا هاتووە ، پێویستە لەسەر ئەو یەكانەی ناوەكانیان دیاریكراوە، كە پابەندی كەمكردنەوەی نرخەكان بن، بە پێچەوانەوە توشی ڕێكاری یاسایی دەبنەوە و یان جارێكی دیكە خزمەتگوزارییەكان دەدرێتەوە بە تەندەرینگ .

No description available.No description available.No description available.

بەردەوام بە لە خوێندنەوە

کوردستان

دهۆك ژمارەیەك تووشبووی كۆرۆنا چاكبوونەوە

خەڵك- بەشی هەواڵ

بەڕێوەبەرایەتی گشتی تەندروستی دهۆك ئاشكرای دەكات، كە 43 نەخۆشی تووشبوو بە ڤایرۆسی كۆرۆنا چاكبوونەتەوە و بەوەش ژمارەی چاكبوونەوە گەیشتە 621 كەس.

بەڕێوەبەرایەتی گشتی تەندروستی دهۆك لە ڕاگەیەنراوێكدا ئاماژەی بەوەكردووە، ئەمڕۆ پێنجشەممە 13ی ئابی 2020 چل و سێ نەخۆشی تووشبوو بە ڤایرۆسی كۆرۆنای نوێ‌ بەتەواوی چارەسەر بوون و گەڕانەوە ماڵەوە.

ڕاشیگەیاندووە، ئەو نەخۆشانە هەموو پشكنینەكانیان بۆ ئەنجامدرا و دەركەوت بەتەواوی چاكبوونەوە و سەلامەت، بۆیە نەخۆشخانەیان جێهێشت.

ئاشكراشی كردووە، تاوەكو ئێستا 621 تووشبووی كۆرۆنا چاكبوونەتەوە و 904 كەسیش لەژێر چارەسەری پزیشكی لە نەخۆشخانە ماون.

 

بەردەوام بە لە خوێندنەوە

کوردستان