ئێمە لە تۆرە کۆمەڵایەتیەکان

ئابوری

نرخی نەوت جارێكی دیكە بەرزبووەوە

خەڵك- بەشی هەواڵ
لەگەڵ كەمبوونەوەی مەترسییەكانی كۆرۆنا و دەستپێكردنەوەی جوڵەی ئابووری، نرخی نەوت بەردەوام ڕووی لە بەرزكردنەوە كردووە و نرخی بەرمیلێك گەیشتۆتە سەرووی 40 دۆلار.

بەپێی ڕاپۆرتێكی ئاژانسی (ڕۆیتەرز) هەفتەی ڕابردوو جۆرێك لە بەرزی و نرمی لە نرخی نەوت ڕوویداوە بەجۆرێك نرخی بەرمیلێك لەنێوان 40 بۆ 44 دۆلار گۆڕانكاری بەسەردا هاتووە.

بەپێی ڕاپۆرتەكە، هۆكاری ئەو بەرزی و نزمیە بۆ مەترسی زیادبوونی ژمارەی حاڵەتەكانی تووشبووون بە كۆرۆنا دەگەڕێتەوە، كە دووبارە مەترسی ئەوە هەبووە قەدەغەی هاتووچۆ و كەرەنتینە دەستپێبكاتەوە، كە ئەوەش كاریگەری گەورەی لەسەر ئابووری دەبێت.

ئاماژە بەوەشدراوە، كە ماوەی دوو ڕۆژە نرخی نەوت ڕووی لە بەرزبوونەوە كردووە، كە ئەوەش بەرزترین نرخە لەدوای مانگی تشرینی یەكەمی ساڵی ڕابردووەوە.

وەك لە ڕاپۆرتەكەدا هاتووە، نرخی بەرمیلێك نەوتی برێنت بەڕێژەی 0.39% بەرزبۆتەوە و گەیشتۆتە 43.64 دۆلار و هەروەها نرخی بەرمیلێك نەوتی خاوی ئەمریكی بەڕێژەی 0.52% بەرزبۆتەوە و گەیشتۆتە 40.44 دۆلار.

ئابوری

ئاوات شێخ جەناب: ڕاگەیەندراوەكەی دارایی عیراق ڕاست نییە و وەڵاممان دەبێت

خەڵك – بەشی هەواڵ
وەزیری دارایی هەرێم ڕاگەیەندراوەكەی وەزارەتی دارایی عیراق ڕەتدەكاتەوە و بڕیارە حكومەتی هەرێمی كوردستانیش وەڵامی بداتەوە.

مەم بورهان ئەندامی پەرلەمانی كوردستان لە هەژماری خۆی لە فەیسبووك ڕایگەیاند كە دەربارەی ڕاگەیەندراوەكەی شەوی ڕابردووی وەزارەتی دارایی عیراق بەدواداچوونیان كردووە.

پەرلەمانتارەكە نووسیوێتی: ئاوات شێخ جەناب “وەزیری دارایی هەرێم، پێیراگەیاندم (راگەیەندراوەكەی وەزارەتی دارایی عیراق) راست نییە و حکومەتی هەرێم وەڵامی بۆ ئەو راگەیەندراوە دەبێت”.

مەم بورهان پێشنیازیشی كرد كە “لە نزیکەوە هەردوو پەرلەمانی عیراق و کوردستان چاودێری دانوستانەکانی نێوان هەرێم و بەغدا بکەن و بێلایەنانە ڕاستییەکان بۆ خەڵکی کوردستان و عیراق رابگەیەنن”.

شەوی ڕابردوو وەزارەتی دارایی عیراق وەڵامێكی تونددا راگەیەندراوەكەی كۆبوونەوەی ئەنجومەنی وەزیرانی هەرێمی كوردستانی دایەوە و بەرپرسیارێتی ڕێكنكەوتنی هەولێر و بەغداشی خستە ئەستۆی حكومەتی هەرێم.

بەردەوام بە لە خوێندنەوە

ئابوری

نرخی زێڕ و دراوەکان

خەڵك – بەشی هەواڵ

نرخی زێڕ و نەوت و دراوەکان بۆ ئەمڕۆ پێنج شەممە بەم شێوەیە کە لە زەڕنگەری پێشین لە سلێمانی وەرگیراوە.

زێڕ

Oz: 1931$

24K: 384,000

21K: 336,000

18K: 288,000

Lira 22K= 409$

دراوەکان

100$= 123.750

100€= 145,000

100£= 159,000

100$= 733 لیرەی تورکی

100$= 2,170,000 تمەن (نەقدی)

100$= 2,270,000 تمەن (حەواڵە)

بەردەوام بە لە خوێندنەوە

ئابوری

ئاڵوگۆڕی بازرگانی عیراق و ئێران دەگاتە 20 ملیار دۆلار

خەڵك – بەشی هەواڵ
ئیرەج مەسجیدی باڵیۆزی ئێرنا لە بەغدا دوای دیدارێكی لەگەڵ ئەحمەد حسێن وەزیری بازرگانی عیراق ڕایگەیاند ئاسی ئاڵوگۆڕی بازرگانی نێوان هەردوو وڵات بۆ 20 ملیار دۆلار بەرزدەكرێتەوە.

لە دیدارەكەدا وەزیری بازرگانی عیراق و باڵیۆزی ئێران باسیان لە پرسی چۆنێتی پێدانی كرێی هاوردەكردنی كارەبا و غازی ئێران كرد كە تاران خوازیارە بە دۆلاری ئەمریكی بێت.

بەڵام تا ئێستا عیراق لە پێناو خۆپاراستن لە سزاكانی ئەمریكا، ئامادە نییە ئەو داواكارییەی ئێران جێبەجێ بكات.

پێشتر ئەمریكا هۆشداری دابوو لەوەی هەر وڵاتێك بە دۆلار مامەڵە لەگەڵ ئێران بكات، ڕووبەڕووی سزای واشنتۆن دەبێتەوە.

بەردەوام بە لە خوێندنەوە

کوردستان