ئێمە لە تۆرە کۆمەڵایەتیەکان

عێراق

سەرۆكی پەڕلەمان هەڵوێستی لەسەر هەڵبژاردنی پێشوەختە ڕاگەیاند

خەڵك- بەشی هەواڵ
دوای دیاری كردنی ڕۆژی هەڵبژاردنی پێشوەختە لەلایەن سەرۆك وەزیرانی عیراقەوە، سەرۆكی پەڕلەمان ڕەخنە لە بڕیارەكە دەگرێت و داوای كۆبوونەوەی نائاسایی پەڕلەمان دەكات و دەشڵێت: “ئێمەش هەڵبژاردنی پێشوەختمان دەبێت، بەڵام بەپێی ڕێكارەكانی دەستوور”.

دوێنی هەینی، مستەفا كازمی، سەرۆك وەزیرانی عیراق بڕیاریدا لە ڕۆژی 6-6-2021 هەڵبژاردنی پێشوەختە لە عیراق ئەنجام بدرێت.

لای خۆشیەوە، محەمەد حەلبوسی، سەرۆكی پەڕلەمانی عیراق لە هەژماری خۆی لە فەیسبووك ڕایگەیاند، كە پێویستە كۆبوونەوەی نائاسایی و كراوە بە ئامادەبوونی سەرۆكایەتییەكان ئەنجام بدرێت بۆ گفتوگۆ كردن لەسەر هەڵبژاردنی پێشوەختە و هەڵوەشاندنەوەی پەڕلەمان.

دەشڵێت: “ئێمەش هەڵبژاردنی پێشوەختمان دەبێت، بەڵام بەپێی ڕێكارەكانی دەستوور”.

حەلبوسی وەك ناڕەزاییەك بەرامبەر بڕیارەكەی كازمی، دەقی ڕێكارە دەستورییەكانی بۆ هەڵبژاردنی پێشوەخت و هەڵوەشاندنەوەی پەڕلەمان بڵاوكردۆتەوە، كە تێیدا بەڕوونی ئاماژە بەوە دراوە، كە یان بەزۆرینەی ڕەهای ژمارەی پەڕلەمانتاران هەڵدەوەشێتەوە بە داواكاری دوو لەسەر سێی پەڕلەمانتاران و یان بە داوای سەرۆك وەزیران و بە ڕەزامەندی سەرۆك كۆمار، هەروەها سەرۆك كۆمار بانگەواز دەكات بۆ هەڵبژاردنی پێشوەختە.

عێراق

فەتح هەڕەشە لە كازمی دەكات

خەڵك- بەشی هەواڵ
هاوپەیمانی فەتح، هەڕەشەی بانگهێشتكردنی مستەفا كازمی سەرۆك وەزیرانى عيراق دەكات، گەر بودجەی 2021 ڕەوانەی پەرلەمان نەكات.

زەهرە بەجاری پەرلەمانتاری هاوپەیمانی فەتح لە لێدوانێكی ڕۆژنامەوانیدا ڕایگەیاند:”هاتنی ئەمڕۆی سەرۆك وەزیران بۆ پەرلەمان، لە چەند خولەكێك تێنەپەڕی”.

بە وتەی ئەو پەرلەمانتارەی هاوپەیمانی فەتح”كازمی بۆ ئامادەبوون لە پرسەی كۆچی دوایی پەرلەمانتار زوهێری هاتبوو، دوابەدوای ئەوەش ڕاستەوخۆ پەرلەمانی بەجێهێشت”.

بەجاری دەڵێت”پەرلەمان لە دانیشتنەكانی داهاتوويدا، كازمی ناچار دەكات ئامادەی بەردەم پەرلەمان بێت، گەر لەماوەی چەند ڕۆژی داهاتوودا بودجەی 2021 ڕەوانەی پەرلەمان نەكات”.

بەردەوام بە لە خوێندنەوە

عێراق

وەزارەتی دەرەوەی عیراق: ئیمارات بە فەرمی لەبارەى ڕاگرتنی ڤیزەوە ئاگاداری نەكردووین

خەڵك- بەشی هەواڵ

وەزارەتی دەرەوەی عیراق ڕایدەگەیەنێت، بەشێوەیەكی فەرمی لەبارەی ئەو ڕێكارانەی ئیماراتەوە ئاگادارنەكراوە كە بۆ ڕاگرتنی ڤیزەی چوونە ناوەوەی هاووڵاتیانی عیراق بۆ وڵاتەكە جێبەجێ دەكرێن.

بەپێی بەیاننامەیەك كە ئەمڕۆ پێنج شەممە لەلایەن وەزارەتی دەرەوەی عیراقەوە بڵاوكرایەوە”بە فەرمی لەبارەی ئەو ڕێوشوێنانەوە ئاگادارنەكراون كە دەوڵەتی ئیماراتی عەرەبی یەكگرتوو، سەبارەت بە ڕاگرتنی ڤیزەی چوونەناوەوەی هاووڵاتیانی عیراق بۆ وڵاتەكە دەیانگرێتەبەر”.

هەر لە بەیاننامەكەدا هاتووە”لیستی ڕاگرتنی ڤیزە لەلایەن ئیماراتەوە چەند وڵاتێك لەخۆدەگرێت كە عیراقیشی تێدایە، بۆیە وەزارەتەكەیان لەڕێڕەوە دیپلۆماسییەكانییەوە بەدواداچوون بۆ ئەو بابەتە دەكات، وەزارەتی دەرەوەش باڵیۆزی كۆماری عیراقی لە ئەبوزەبی لەو بارەیەوە ئاگاداركردۆتەوە”.

بەردەوام بە لە خوێندنەوە

عێراق

كۆمپانیای دەرمانی سامەڕا دۆزینەوەی چارەسەری كۆرۆنا ڕادەگەیەنێت

 

خەڵك- بەشی هەواڵ

كۆمپانیای گشتی پیشەسازی دەرمان و پێداویستییە پزیشكییەكان لە سامەڕا كە یەكێكە لە پێكهاتەكانی وەزارەتی پیشەسازی و كانزاكانی سەر بە حكومەتی فیدراڵ، بەرهەمهێنانی گیراوەی “سامافیری نوێ‌” ڕادەگەیەنێت كە دەبێتە مایەی چارەسەری ڤایرۆسی كۆرۆنا، خواستی خۆشی بۆ ڕەوانەكردنی دەرمانەكە بۆ وەزارەتی تەندروستی دەردەبڕێت.

ئەمڕۆ پێنج شەممە، عەبدولحەمید عەبدولڕەحمان سالم، بەڕێوەبەری كۆمپانیاكە لە بەیاننامەیەكدا ڕایگەیاند:”وەك جێبەجێكردنی ڕێنماییەكانی وەزیری پیشەسازی و كانزاكان و بە ڕێكەوتن لەگەڵ وەزارەتی تەندروستی و ژینگە، كادرە زانستی و تەكنیكییەكانی بەشی توێژینەوە و پەرەپێدان، وەجبەیەكی نوێژینەوەی تایبەتی لە گیراوەی سامافیری نوێ‌ بەرهەمهێنا كە وەك دژە ڤایرۆسی كۆرۆنا پۆلێن دەكرێت و كاریگەریی زۆری هەبووە لە چارەسەركردنی تووشبوان بە ڤایرۆسی كۆرۆنا، ئەمەش دوای ئەنجامدانی تاقیكردنەوەی تایبەت بۆ چارەسەری تووشبوان”.

بە وتەی، بەرپرسەكەی كۆمپانیای دەرمانی سامەڕا”كۆمپانیاكەیان بەنیازە لەو گیراوە نوێیە بڕی پێویست بۆ وەزارەتی تەندروستی ڕەوانە بكات، ئەمەش وەك پاڵپشتی كۆمپانیاكەیان بۆ سوپای سپی و هاوبەشیكردن لە بەرەنگاربوونەوەی بڵاوبوونەوەی ڤایرۆسەكە”.

سالم دەڵێت”كۆمپانیای دەرمانی سامەڕا لە سەرەتای دەستپێكردنی تەنگژەی پەتای كۆرۆنا، هەوڵەكانی پۆ پشتیوانی لە وەزارەتی تەندروستی خستۆتەگەڕ، لەپێناو بەرگرتن لە زیاتر بڵاوبوونەوەی پەتاكە لەڕێی بەرهەمهێنانی گیراوەی (ئەزترۆسام) و مەوادی پاككەرەوەى كهولی پزیشكی و سبتۆڵ، وێڕای بەردەوامبوونی كارەكان لە كارگەی بەغدا كە سەر بە كۆمپانیای سامەڕایە، تا بڕی پێویست لە ئۆكسجینی پزیشكی بۆ هاووڵاتیان لە نەخۆشخانەكاندا بەرهەمبهێنێت”.

بەردەوام بە لە خوێندنەوە

کوردستان