ئێمە لە تۆرە کۆمەڵایەتیەکان

ژینگە

هۆشیاری توند دەدرێتە ئەو کەسانەی لەسەر شه‌قام و گه‌ڕه‌كه‌كان ئاژه‌ڵ سەردەبڕن

خەڵک  – بەشی هەواڵ

سەرۆکی لیژنه‌ هاوبه‌شه‌كانی قایمقامیه‌تی سلێمانی هۆشیاری توند دەداتە ئەو کەسانەی لەسەر شه‌قام و گه‌ڕه‌كه‌كان ئاژه‌ڵ سەردەبڕن و ئاماژە بەوەش دەکات؛ ئه‌و ئاژه‌ڵانه‌ی له‌ كۆڵان و شه‌قامه‌كان سه‌رده‌بڕدرێن، پشكنینیان بۆ نه‌كراوه‌ نازانرێت هه‌ڵگری چ جۆره‌ نه‌خۆشیه‌كن.

له‌شكر حه‌مید، سه‌رۆكی لیژنه‌ هاوبه‌شه‌كانی قایمقامیه‌تی سلێمانی رایگه‌یاند؛ لیژنه‌كانیان ده‌ستیان به‌سه‌ر ژماره‌یه‌ك ئاژه‌ڵی سه‌ربڕدراودا گرتووه‌، كه‌ گۆشته‌كه‌ی شیاوی خواردن و به‌كارهێنان نییه‌‌ و بێ هیچ پشکنینێکی پزیشکی سەربڕدراون.

وتیشی: “ئه‌و كوشتارگەیانه‌ی به‌ڕێوه‌به‌رایه‌تی ڤێتێرنه‌ری سلێمانی‌ سه‌رپه‌رشتییان ده‌كات، پێش سه‌ربڕین و پاش سه‌ربڕین، پشكنین بۆ ئاژه‌ڵه‌كه ده‌كه‌ن‌ تابزانرێت ئاژه‌ڵه‌كه‌ بۆ سه‌ربڕین شیاوه‌، دواتر بۆ دڵنیابونه‌وه‌ له‌ ته‌ندروستی گۆشته‌كه‌ بۆ خواردن پشكنینی بۆ ده‌كرێته‌وه‌ پاشان مۆر ده‌كرێت، به‌ڵام ئه‌و ئاژه‌ڵانه‌ی له‌ كۆڵان و شه‌قامه‌كان سه‌رده‌بڕدرێن، پشكنینیان بۆ نه‌كراوه‌ نازانرێت هه‌ڵگری چ جۆره‌ نه‌خۆشیه‌كن بۆیه‌ له‌لایه‌ن لیژنه‌ هاوبه‌شه‌كانی قایمقامیه‌تی سلێمانیه‌وه‌ رێگری له‌ سه‌ربڕین و فرۆشتنیان ده‌كرێت”.

له‌شكر حه‌مید ئەوەشی خستەڕوو؛ لە هەڵمەتیکیشیاندا بۆ ئەو جێگایەنەی بێ مۆڵەت و بێ پشکنین ئاژەڵ سەردەبڕن، چەندین سەر ئاژەڵی سەربردراویان دەست بەسردا گرتووە و خاوەنەکانیان ڕووبەڕووی یاسا دەکەنەوە و گۆشتەکانیش لە کوشتارگە لە ناو دەبەن.

لەسکر حەمید سه‌رۆكی لیژنه‌ هاوبەشەكانی قایمقامیه‌تی سلێمانی ئه‌وه‌شی وت، لیژنه‌كانی قایمقامیه‌ت به‌هاوكاری به‌ڕێوه‌به‌رایه‌تی ئاسایش و لیوای یه‌كی پاراستنی سلێمانی،‌ رۆژانی جه‌ژنی قوربان له‌ئه‌ركدا ده‌بن بۆ به‌دواداچونی سه‌ربڕینی ئاژه‌ڵ له‌ شه‌قام و كۆڵان و گه‌ڕه‌كه‌كان.

ژینگە

وەزارەتی سەرچاوە ئاوییەكان: لافاوێكی گەورە بەڕێوەیە

خەڵك- بەشی هەواڵ
وەزارەتی سەرچاوە ئاوییەكانی حكومەتی فیدراڵ ڕایدەگەیەنێت، بەنداوەكان ئامادەن بۆ وەرگرتنی ئەو بڕە بارانە زۆرەی چاوەڕوانی بارینی دەكرێت.

عەون زیاب، وتەبێژی وەزارەتی سەرچاوە ئاوییەكان لە لێدوانێكیدا بۆ ئاژانسی فەرمی (العراقیە) ڕایگەیاند”وەزارەتەكەیان ئامادەیە بۆ ڕووبەڕووبوونەوەی ئەو بارانە زۆرەی ئەگەری بارینی دەكرێت لەماوەی چەند ڕۆژی داهاتوو”، پێشبینیشی كرد لە بەری خۆرهەڵاتی وڵاتەوە بارانەكە ببێتە مایەی دروستكردنی لافاو.

بە وتەی عەون زیاب”بەنداوەكان ئامادەی وەرگرتنی ئەو بڕە بارانە زۆرە چاوەڕوانكراوەن، بۆشاییەكی فراوان هەیە بۆ عەمباركردن لە ناوچەكانی ناوەڕاست و باشوور كە ئامادەكراون بۆ وەرگرتنی ئەو بڕە ئاوە، وەزارەتی سەرچاوە ئاوییەكانیش پێویستییەكی زۆری بەو بڕە ئاوەیە، تا بۆ وەرزی كشتوكاڵی زستان و هاوینی داهاتوو بەكاریی بهێنێت”.

پێشتر وەزارەتی سەرچاوە ئاوییەكان هۆشداریی دابوو لە نزمە پاڵەپەستۆیەكی هەوا كە بارانێكی زۆر لەگەڵ خۆیدا دێنێت و هەندێك لە پارێزگەكانی ناوەڕاست و باشوور دەگرێتەوە و دەبێتە مایەی دروستكردنی لافاو بە تایبەت لە سنورەكانی خۆرهەڵاتی وڵاتەوە.

بەپێی نوسراوێكیش كە لەلایەن سەرچاوە ئاویییەكانەوە لە 25ی تشرینی دووەمی 2020 دەرچووە”نزمە پاڵەپەستۆ هەواكە كاریگەریی لەسەر دیالە و بەغدا و كوت و میسان و بەسرە و موسەننا و زیقار دەبێت، پێشبینیش دەكرێت لافاوێكی زۆر لە سنورەكانی خۆرهەڵاتەوە ڕوو لە وڵات بكات”.

بەردەوام بە لە خوێندنەوە

ژینگە

كەشناسی هەرێم ڕاگەیەنراوێكی بڵاوكردەوە

خەڵك – بەشی هەواڵ

بەڕێوەبەرایەتی گشتی كەشناسی و بومەلەرزەزانی هەرێمی كوردستان ڕایدەگەیەنێت ، ئێستا باران بارین لە ناوچەكانی باكور و ڕۆژهەڵاتی هەرێم بەردەوامە لە كاتژمێرەكانی داهاتوشدا پێش بینی دەكرێ ڕێژەی باران بارین زیاتر بێت و بەفر بارینیش لە ناوچە شاخاوییەكانی بەشێك باكوور و باكووری ڕۆژهەڵاتی هەرێم بەردەوامە.

بەڕێوەبەرایەتی گشتی كەشناسی و بومەلەرزەزانی هەرێمی كوردستان لە ڕاگەیەنراوێكدا بڵاویكردەوە، لە ئێستادا باران بارین وەك ئەوەی پێشتر پێشبینی كرا بوو لە ناوچەكانی باكور و ڕۆژهەڵاتی هەرێم بەردەوامە لە كاتژمێرەكانی داهاتوشدا پێش بینی دەكرێ ڕێژەی باران بارین زیاتر بێت.

ڕاشیگەیاندووە، لە ئێستادا بەفر بارین لە ناوچە شاخاوییەكانی بەشێك باكوور و باكووری ڕۆژهەڵاتی هەرێم بەردەوامە.

بەردەوام بە لە خوێندنەوە

ژینگە

بڕی باران بارین لە ناوچەكانی هەرێمی كوردستان

خەڵك-بەشی هەواڵ

بەرێوەبەرایەتی گشتی كەشناسی و بومەلەرزەزانی هەرێمی كوردستان، بڕی باران بارینی لە 24 كاتژمێری ڕابردوو لە شارەكانی هەرێم بڵاوكردەوە.

بەرێوەبەرایەتی گشتی كەشناسی و بومەلەرزەزانی هەرێمی كوردستان لە ڕاگەیەنراوێكدا ئاماژە بۆ ئەوە دەكات، لە 24 كاتژمێری ڕابردوودا زۆرترین باران لە ناوچەی چوارتا سەر بە پارێزگای سلێمانی بە بڕی 12.5 ملم باریوە.

بەردەوام بە لە خوێندنەوە

کوردستان