ئێمە لە تۆرە کۆمەڵایەتیەکان

کوردستان

پۆلیسی سلێمانی: هێزەكانمان خستە حاڵەتی ئامادەباشی زیاترەوە

خەڵك – بەشی هەواڵ

بەڕێوەبەرایەتی پۆلیسی پارێزگای سلێمانی ڕایدەگەیەنێت: بەبۆنەی جەژنی قوربانەوە سەرجەم هێزەكانیان دەخاتە حاڵەتی ئامادەباشی زیاترەوە.

بەڕێوەبەرایەتی پۆلیسی پارێزگای سلێمانی لە ڕاگەیەنراوێكدا ڕایگەیاند: بە بۆنەی جەژنی قوربانی پیرۆزەوە و بەسەرپەرشتی ڕاستەوخۆی عەمیدی مافپەروەر ئاسۆ شێخ تەها بەڕێوەبەری پۆلیسی پارێزگای سلێمانی، بەڕێوەبەرایەتی پۆلیسی پارێزگای سلێمانی سەرجەم بەش و بنكەكانی لەناو شار و لەقەزا و ناحیەكانی سەر بە بەڕێوەبەرایەتی دەخاتە حاڵەتی ئامادەباشی زیاترەوە و لەسەرجەم شاڕێ و شەقام و شوێنە گشتی و بازاڕەكاندا مەفرەزەكانی پۆلیسی سلێمانی ئامادەییان دەبێت بۆ بەرگرتن لەئەنجامدانی ھەر تاوان و سەرپێچییەك، ھاوكات هەر كەسێك ھەر سەرپێچییەك ئەنجامبدات ڕوبەڕوی لێپرسینەوەی یاسایی دەكرێتەوە.

بەڕێوەبەرایەتی پۆلیسی پارێزگای سلێمانی ئە وەشی خستووەتەڕوو: داوا لە هاووڵاتیان دەكەین لەكاتی بینینی ھەر ڕووداوێك یان هەر حاڵەتێكی نەخوازراو پەیوەندی بەهێڵەگەرمەكانی بەڕێوەبەرایەتی پۆلیسی پارێزگای سلێمانییەوە بكەن (‎104) بەشی پۆلیسی فریاكەوتن، (‎105) بەشی پۆلیسی نەهێشتنی تاوان.

دەقی ڕاگەیەنراوەكە:

‎ڕاگەیەندراوێك لەبەڕێوەبەرایەتی پۆلیسی پارێزگای سلێمانییەوە

‎بەبۆنەی جەژنی قوربانی پیرۆزەوە، پیرۆزبایی لەسەرجەم مسوڵمانان و خەڵكی خۆشەویستی ھەرێمی كوردستان و سەرجەم ئەفسەران و كارمەندانی بەڕێوەبەرایەتیمان دەكەین، هیوادارین ئەم جەژنە ببێتە مایەی كۆتاییهاتنی سەرجەم قەیرانەكانی ھەرێمی كوردستان.

‎بەم بۆنەیەوە و بەسەرپەرشتی ڕاستەوخۆی بەڕێز عەمیدی مافپەروەر ئاسۆ شێخ تەها بەڕێوەبەری پۆلیسی پارێزگای سلێمانی، بەڕێوەبەرایەتی پۆلیسی پارێزگای سلێمانی سەرجەم بەش و بنكەكانی لەناو شار و لەقەزا و ناحیەكانی سەر بە بەڕێوەبەرایەتی دەخاتە حاڵەتی ئامادەباشی زیاترەوە و لەسەرجەم شاڕێ و شەقام و شوێنە گشتی و بازاڕەكاندا مەفرەزەكانی پۆلیسی سلێمانی ئامادەییان دەبێت بۆ بەرگرتن لەئەنجامدانی ھەر تاوان و سەرپێچییەك، ھاوكات هەر كەسێك ھەر سەرپێچییەك ئەنجامبدات ڕوبەڕوی لێپرسینەوەی یاسایی دەكرێتەوە.

‎لێرەوە داوا لەهاوڵاتیان دەكەین لەكاتی بینینی ھەر ڕوداوێك یان هەر حاڵەتێكی نەخوازراو پەیوەندی بەهێڵەگەرمەكانی بەڕێوەبەرایەتی پۆلیسی پارێزگای سلێمانییەوە بكەن:
‎104 بەشی پۆلیسی فریاكەوتن
‎105 بەشی پۆلیسی نەهێشتنی تاوان

‎بەڕێوەبەرایەتی پۆلیسی پارێزگای سلێمانی – ڕاگەیاندن و پەیوەندییەكان

کوردستان

پۆلیسی هەولێر؛ڕێگری لەو كەسانە كرا شەقامەگشتییەكان بۆ نێرگەلە و مەی خواردنەوە بەكاردەهێنن

خەڵك – بەشی هەواڵ

بەڕێوەبەرایەتی پۆلیسی پارێزگای هەولێر ڕایدەگەیەنێت، هێزەكانیان لە هەڵمەتێكدا هەڵسان بە چۆڵكردنی زۆربەی شوین و شەقامە گشتییەكان، كە بەشێك لە هاووڵاتیان بۆ مەیخواردنەوە و نێرگەلەكێشان بەكاریان دەهێنا .

بەڕێوەبەرایەتی پۆلیسی پارێزگای هەولێر لە ڕاگەیەنراوێكدا ،كە وێنەیەكی دەست (خەڵك) كەتووە ڕایگەیاندووە، بەشی پۆلیسی چالاكییە مەدەنییەكان لە هەڵمەتێكدا هەڵسان بە چۆڵكردنی زۆربەی شوین و شەقامە گشتییەكان ، كە بەشێك لە هاووڵاتیان بۆ مەیخواردنەوە و نێرگەلەكێشان بەكاریان دەهێنا و خەڵكیان بێزار دەكرد.

ئەمە لەكاتێكدایە، لەماوەی ڕابردوودا بەشێكی زۆر لە شەقامەگشتییەكان و نزیك پاركەكانی هەولێر بە هۆی ئەو هاووڵاتیانەی ئێواران نێرگەلە و خواردنەوە كهولییەكانیان دەخواردەوە بوو بووە هۆی بێزاربوونی هاووڵاتیان و ئەو خیزانانەی بۆ پشوودان سەردانی ئەو شوێنە گشتیانەیان دەكرد.

بەردەوام بە لە خوێندنەوە

کوردستان

مەحموود محەمەد؛ ئەمساڵ بەجۆش وخرۆشەوە لە نێو دڵ و دەروونی گەلەخۆڕاگرەكەمان یادی 74 ساڵە دەكەینەوە

خەڵك – بەشی هەواڵ
وتەبێژ و ئەندامی مەكتەبی سیاسی پارتی دیموكراتی كوردستان ڕایدەگەیەنێت ، یادكردنەوەی جەماوەری بۆ ساڵیادی دامەزراندنی پارتی، لە شێوەی گردبوونەوە و مەڕاسیمە جەماوەریەكان بەڕێوەناچن و ئەم یادە بەجۆش و خرۆشەوە لە نێو دڵ و دەروونی گەلە خۆڕاگرەكەمان و كادیر و لایەنگران و جەماوەری پارتی بەرز و پیرۆز ڕادەگرێت.

مەحموود محەمەد، وتەبێژ و ئەندامی مەكتەبی سیاسی پارتی دیموكراتی كوردستان ، لە لێدوانێكی تایبەتدا بۆ ماڵپەڕی فەرمی حزبەكەی بە بۆنەی ٧٤ ساڵەی یادی دامەزراندنی پارتی ڕایگەیاندووە، ١٦ی ئاب ساڵیادی پارتی وەك ڕۆژێكی مێژوویی و پڕ شكۆ و ڕووداوێكی گرنگی مێژوویی سەر گۆڕەپانی سیاسی و تێكۆشانی كوردستان بوو.

دەشڵێت،”لەگەڵ ئەوەی بە شكۆوە لە ١٦ی ئابی ھەموو ساڵێكدا ساڵیادی پارتی بەرز و پیرۆز ڕادەگرین، هاوكات لەم ساڵدا بەلەبەرچاوگرتنی ڕەوشی ئابووری و تەندروستی ھەرێم و پابەندبوون بە رێككارەكانی خۆپارێزی لە ڤایرۆسی كۆڕۆنا یادكردنەوەی جەماوەری بۆ ساڵیادی پارتی، لە شێوەی گردبوونەوە و مەڕاسیمەكانی گردبوونەوەی خەڵك و جەماوەر بەڕێوەناچن”.

ڕاشیگەیاندووە ، بۆ یادەكە تەنیا لە ڕێگەی كەناڵەكانی میدیاوە ئەم یادە بەجۆش و خرۆشە لە نێو دڵ و دەروونی گەلە خۆڕاگرەكەمان و كادیر و ئەندام و لایەنگران و جەماوەری سەربەرزی پارتی دیموكراتی كوردستان بەرز و پیرۆز رادەگرین.

بەردەوام بە لە خوێندنەوە

کوردستان

دوكان؛ ئەو گەنجەی هەفتەی پێشوو خنكا ئەمڕۆ تەرمەكەی دۆزرایەوە

خەڵك – بەشی هەواڵ
دوای ئەوەی پێنج شەممەی هەفتەی ڕابردوو گەنجێكی بەرەگەز عەرەب لەكاتی مەلەكردندا لە بەنداوی دوكاندا خنكاوە و ئەمڕۆ تەرمەكەی لە زێی بچوك لە گوندی بۆگدی دۆزرایەوە.

بەڕێوەبەرایەتی بەرگری شارستانی كۆیە بڵاویكردەوە، ئەو گەنجەی پێنج شەممەی هەفتەی پێشوو لە زێی دوكاندا لەكاتی مەلەكردندا خنكا ئەمڕۆ لە لایەن تیمی غەواس لە نزیك گوندی بۆگدی شارەدێی ئاشتی لە زێی بچوكدا بە خنكاوی دۆزرایەوە.

لە ڕاگەیەنراوەكەدا هاتووە ، گەنجەكە دانیشتوی شاری بەغدا بووە و لەدایكبووی ساڵی ١٩٩٢-ە دوای دۆزینەوەی تەرمەكەی دراوە بە پۆلیسی دوكان، بەمەبەستی گەڕاندنەوەی تەرمەكەی بۆ كەس و كارەكەی.

بەردەوام بە لە خوێندنەوە

کوردستان