ئێمە لە تۆرە کۆمەڵایەتیەکان

کوردستان

باسی ڕووداوەكەی نەخۆشخانەی ڕزگای هەولێر دەكات
جوتیار عادل: چەند كەس و لایەنێك موزایەدەی دڵسۆزی و خەمخۆری بەسەر حكومەتەوە دەكەن

خەڵك – بەشی هەواڵ

عادل وتەبێژی حكومەتی هەرێمی كوردستان ڕایدەگەیەنێت: بە فەرمانی سەرۆكی حكومەت لیژنەیەكی لێكۆڵینەوە بۆ ڕووداوەكەی نەخۆشخانەی ڕزگاری پێك دەهێنرێت.

جوتیار عادل وتەبێژی حكومەتی هەرێمی كوردستان ڕایگەیاند: سەبارەت بە ڕووداوەكەی ئەمڕۆی نەخۆشخانەی ڕزگاری لە هەولێر، مەسرور بارزانی سەرۆكی حكومەتی هەرێمی كوردستان، پارێزگاری هەولێری ڕاسپارد لیژنەیەكی لێكۆڵینەوە و بەدواداچوون پێكبهێنێت بۆ زانینی هۆكاری كەمبوونی ئۆكسجین و لە نزیكترین كاتدا ئەنجامەكانی بۆ ڕای گشتی ڕابگەیەنرێت.

جوتیار عادل وتیشی، حكومەتی هەرێمی كوردستان لە سەرەتای بڵاوبوونەوەی كۆرۆنا لە چەند وڵاتێك، ڕێكاری پێویستی گرتەبەر كە بووە جێی ستایشی هەموو لایەك و هاووڵاتییانیشی ئاگادار كردەوە لە مەترسییەكانی تەشەنەكردنی ڤایرۆسەكە. بەداخەوە خەڵكانێك مەترسییەكانی ڤایرۆسەكەیان بۆ سەر ژیانی خەڵك بە هەند وەرنەدەگرت و گومان و دردۆنگیان لە ئاستی مەترسییەكانی دروست دەكرد و هاووڵاتییانیان هان دەدا بۆ سەرپێچیكردنی رێكارەكانی خۆپارێزی و ڕێنماییە تەندروستییەكان، كەچی ئەمڕۆ هەمان ئەو كەس و لایەنانە موزایەدەی دڵسۆزی و خەمخۆری بەسەر حكومەتەوە دەكەن!

جوتیار عادل ئاماژەی بەوەشدا، حكومەتی هەرێمی كوردستان بەردەوامە لە ئەرك و هەوڵەكانی بۆ پاراستنی هاووڵاتییان له ڤایرۆسی كۆرۆنا و داواش لە هاووڵاتییان دەكاتەوە كە مەترسییەكانی ڤایرۆسەكە بە جیددی وەربگرن و لە پێناو پاراستنی خۆیان و خێزانەكانیان، پابەندیی رێنماییە تەندروستییەكان بن كه باشترین چارەسەرە‌ بۆ سنوورداركردنی ئەم پەتایە.

کوردستان

وێنە.. خەڵك؛ زانیاری نوێ‌ لەبارەی بۆردوومانی فڕۆكە جەنگییەكانی توركیا لە دهۆك ئاشكرا دەكات

خەڵك – بەشی هەواڵ

فڕۆكە جەنگییەكانی توركیا لە سنووری پارێزگای دهۆك ئۆتۆمبێلێكیان كردە ئامانج و بەهۆیەوە چوار كەس شەهید بوون.

بەپێی زانیارییەكانی (تۆڕی میدیایی خەڵك)، ئەمشەو فڕۆكە جەنگییەكانی توركیا لە نزیك گوندی (ڕەشانكێ‌) كە تەنها 8 كیلۆمەتر لە سەنتەری پارێزگای دهۆك دوورە، ئۆتۆمبێلێكیان كردووەتە ئامانج، 4 سەرنشینی ئۆتۆمبێلەكە شەهید بوون.

بەوتەی دانیشتووانی ناوچەكە، ئۆتۆمبێلەكە مەدەنی بووە و 4 گەریلای پارتی كرێكارانی كوردستان (پەكەكە)ی تێدابووە و بەهۆی بۆردوومانەكە هەر چواریان دەستبەجێ‌ گیانیان لەدەستداوە.

بەردەوام بە لە خوێندنەوە

کوردستان

فڕۆكە جەنگییەكانی توركیا لە دهۆك ئۆتۆمبێلێكیان كردە ئامانج

خەڵك – بەشی هەواڵ

فڕۆكە جەنگییەكانی توركیا لە سنووری پارێزگای دهۆك ئۆتۆمبێلێكیان كردە ئامانج.

بەپێی زانیارییەكانی (تۆڕی میدیایی خەڵك)، كەمێك لەمەوبەر فڕۆكە جەنگییەكانی توركیا لە نزیك گوندی (ڕەشانكێ‌) كە تەنها 8 كیلۆمەتر لە سەنتەری پارێزگای دهۆك دوورە، ئۆتۆمبێلێكیان كردووەتە ئامانج، بەڵام تا ئێستا زیانەكانی ئەو بۆردوومانە نەزانراوە.

بەردەوام بە لە خوێندنەوە

کوردستان

بەڕێوەبەری نەخۆشخانەی جمهوری سلێمانی: كۆرۆنا ژیان ناوەستێنێ‌
بڕیارێك لە بەرژەوەندی نەخۆشانی (ڕۆماتیزمەی درێژخایەن) ڕادەگەیەنێت

خەڵك – بەشی هەواڵ

بەڕێوەبەری نەخۆشخانەی جمهوری سلێمانی ڕایدەگەیەنێت: لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان دەكرێت بۆ پێدانی (دەرزی مانگانەی ڕۆماتیزمە) بۆ نەخۆشانی (ڕۆماتیزمەی درێژخایەن).

د.داهات حەوێزی بەڕێوەبەری نەخۆشخانەی جمهوری سلێمانی لە هەژماری تایبەتی خۆی لە تۆڕی كۆمەڵایەتی فەیسبوك بڵاویكردەوە: كۆڕۆنا ژیان ناوەستێنێ، سەرەڕای تووشبوونی زۆر لە پزیشكان و كارمەندان و وەرنەگرتنی مووچەكانیان، بەڵام لەپێناو زیاتر خزمەتكردنی هاووڵاتیانی شاری سلێمانی و دەوروبەری كە نەخۆشی (ڕۆماتیزمەی درێژخایەن)یان هەیە بڕیارماندا لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان بكەین بۆ پێدانی (دەرزی مانگانەی ڕۆماتیزمە)، بەهیوای كەمكردنەوەی ئێش و ئازارەكانیان.

دەقی نووسینەكە:

كۆڕۆنا ژیان ناوەستێنێ:
سەرەڕای تووشبونی زۆر لە پزیشكان و كارمەندان و وەرنەگرتنی مووچەكانیان، بەڵام لەپێناو زیاتر خزمەتكردنی هاوڵاتیانی شاری سلێمانی و دەوروبەری كە نەخۆشی (ڕۆماتیزمەی درێژخایەنیان) هەیە بڕیارمان دا لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان بكەین بۆ پێدانی (دەرزی مانگانەی ڕۆماتیزمە)، بەهیوای كەمكردنەوەی ئێش و ئازارەكانیان.
سوپاس بۆ كارمەندو پزیشكە دڵسۆزەكان.

“بەهیوای لەشساغی بۆ گشت لایەك”

د.داهات حەوێزی

بەڕێوەبەری نەخۆشخانەی جمهوری سلێمانی

بەردەوام بە لە خوێندنەوە

کوردستان