ئێمە لە تۆرە کۆمەڵایەتیەکان

کوردستان

تەندروستی هەولێر؛ هیچ نەخۆشێك بەهۆی نەبوونی ئۆكسجینەوە گیانی لەدەست نەداوە

خەڵك – بەشی هەواڵ

وتەبێژی بەڕێوەبەرایەتی گشتی تەندروستی هەولێر ڕایدەگەیەنێت ، لەنەخۆشخانەكان بە دوو شێواز ئۆكسجین دابین دەكرێت بۆ نەخۆشانی تووشبووی ڤایرۆسی كۆڕۆنا، دەشڵێت،”بەهۆی بەهەڵەنیشاندانی بابەتەكە لەلایەن هەندێك لە میدیاكانەوە خانەوادەی ئەم تووشبوانە كەوتوونەتە ترس و دڵەڕاوكێ هەوڵیانداوە ئۆكسجین دابین بكەن بۆ تووشبوان”.

د. بژار موسی ، وتەبێژی بەڕێوەبەرایەتی گشتی تەندروستی هەولێر لە ڕوونكردنەوەیەكدا، كە وێنەیەكی دەست (خەڵك) كەوتووە ڕایگەیاندووە، ڕاستە بۆ ماوەیەكی كاتی ئۆكسیجینی شل دواكەوتووە لە گەیشتنی بەڵام لەهەمان كات لە ڕێگای دووەم كە ئۆكسجینی بوتڵە بۆ تەواوی ئەوانەی پێویستیان بە ئۆكسجین بووە دابین كراوە لەناو نەخۆشخانە و لەهەمان كات تیمەكان خەریكی چارەسەركردنی دواكەوتنی ئۆكسجینی شلبوون توانرا بەماوەیەكی كاتی كەم كێشەكە چارەسەربكرێت.

دەشڵێت،”بەهۆی بەهەڵە نیشاندانی بابەتەكە لەلایەن هەندێك لە میدیاكانەوە خانەوادەی ئەم تووشبوانە كەوتوونەتە ترس و دڵەڕاوكێ هەوڵیانداوە ئۆكسجین دابین بكەن بۆ تووشبووان”.

وتەبێژی بەڕێوەبەرایەتی گشتی تەندروستی هەولێر ڕەتی دەكاتەوە كە هیچ نەخۆشێك بەهۆی نەبوونی ئۆكسجین گیانی سپارد بێت ، ڕاشیگەیاندووە، نەخۆشخانەی ڕزگاری زۆربەی ئەو حاڵەتانەی لێخەوێندراوە كەوا باری تەندروستیان باش نییە و دۆخی تەندروستیان جێگیر نییە و بەردەوام پێویستیان بە چارەسەری وردی پزیشكی یە.

ڕوونكردنەوەیەك بۆ ڕای گشتی سەبارەت بە دۆخی ڤایرۆسی كۆڕۆنا و نەخۆشخانەی ڕزگاری:
سەبارەت بەدۆخی نەخۆشخانەی ڕزگاری بۆ هەموو لایەك ڕووندەكەینەوە كەوا بە دوو شێواز ئۆكسجین دابین دەكرێت بۆ نەخۆشانی تووشبووی ڤایرۆسی كۆڕۆنا لە نەخۆشخانەكان و بەنەخۆشخانەی ڕزگاریشەوە: یەكەمیان لە ڕێگای ئۆكسجینی مەركەزی نەخۆشخانە و ڕێگای دووەم بە شێوازی بوتڵ ( قنینە)، ڕاستە بۆماوەیەكی كاتی كاتی ئۆكسیجینی شل دواكەوتووە لە گەیشتنی بەڵام لەهەمان كات لە ڕێگای دووەم كە ئۆكسجینی بوتڵە بۆ تەواوی ئەوانەی پێویستیان بە ئۆكسجین بووە دابین كراوە لەناو نەخۆشخانە و لەهەمان كات تیمەكان خەریكی چارەسەركردنی دواكەوتنی ئۆكسجینی شل بوون توانرا بەماوەیەكی كاتی كەم كێشەكە چارەسەربكرێت، بەڵام بەهۆی بەهەڵەنیشاندانی بابەتەكە لەلایەن هەندێك لە میدیاكانەوە خانەوادەی ئەم تووشبوانە كەوتوونەتە ترس و دڵەڕاوكێ هەوڵیانداوە ئۆكسجین دابین بكەن بۆ تووشبوان، و ڕەتیدەكەینەوە هیچ نەخۆشێك بەهۆی نەبوونی ئۆكسجین گیانی سپاردبێت، بۆ زانیاری هەموولایەك نەخۆشخانەی ڕزگاری زۆربەی ئەو حاڵەتانەی لێخەوێندراوە كەوا باری تەندروستیان باش نییە و دۆخی تەندروستیان جێگیر نییە و بەردەوام پێویستیان بە چارەسەری وردی پزیشكی یە، بەداخەوە دەبین ڕۆژانە ڕێژەیەك بەهۆی قورسی باری نەخۆشیەكەیان گیان دەسپێرن كە ئێمە پرسە و سەرەخۆشی خۆمان بۆ خانەوادەی خوالێخۆشبوان دەنێرین و هیوای چاكبوونەوە بۆ تووشبوان دەخوازین.
زۆر سوپاسی ماندووبوونی تەواوی پزیشكان و كارمەندانی تەندروستی دەكەین كە پارێزگاری لە تەندروستی هاوڵاتیان دەكەن، لە هەوڵەكان بەردەوام دەبین لەپێناو پاراستن و سەلامەتی هاوڵاتیان.
داوا لەهاوڵاتیان دەكەین بە هۆشیاریەكی زیاترەوە مامەڵە لەگەڵ ئەم دۆخە مەترسیدارە بكەن، مەترسی ئەم ڤایرۆسە جدیە، بە پەیڕەوكردنی ڕێنماییە خۆپارێزیەكان خۆتان و خانەوادەكەتان و سەرجەم هاوڵاتیان دەپارێزن، و دەبنە هاوكار و پاڵپشتی تیمە تەندروستیەكان و دەزگا و پێداویستیە پزیشكیەكان.
د. بژار موسی
وتەبێژی بەڕێوەبەرایەتی گشتی تەندروستی هەولێر
۳٠ی تەمووز ۲٠۲٠

ئابوری

سامانە سرووشتییەكان: باشترە عیراق وەك هەرێمی كوردستان بهێڵن لایەنی سەربەخۆ وردبینی لە پرسی نەوت بكات

خەڵك – بەشی هەواڵ

دوای ئەوەی وەزیری نەوتی عیراق ئاماژەی بەوەكردبوو، كەنەوتی هەرێم بەقاچاغ دەبرێت و لەئۆپیك كێشەی بۆ عیراق دروست كردووە، وەزارەتی سامانە سرووشتییەكانی هەرێم ئەو وتانە ڕەتدەكاتەوە.

وەزارەتی سامانە سرووشتییەكانی حكومەتی هەرێمی كوردستان لە ڕاگەیەنراوێكدا ڕایگەیاند:”ئامار و زانیاریی بەرهەمهێنانی نەوت لە هەرێمی كوردستان لەلایەن كۆمپانیای دیلۆیتی جیهانییەوە وردبینیی تێدا دەكرێت و بەشێوەیەكی بەردەوام بڵاودەكرێتەوە، بۆیە باشترە كە حكومەتی فیدراڵیی عیراق وردتربن لە لێدوانەكانیان، باشترە عیراقیش وەك هەرێمی كوردستان بهێڵن لایەنی سەربەخۆ وردبینی لە زانیارییەكانی تایبەت بە پرسی نەوت بكات”.

وەزارەتی سامانە سرووشتییەكان ئاماژەی بەوەشكردووە:” حكومەتی هەرێمی كوردستان دوای ڕێككەوتنی ئۆپيك پڵەس قەبارەی بەرهەمهێنانی كەمكردووەتەوە و كۆی گشتیی بەرهەمەكانی لە ئاستی پێویستدا نین بەراورد بە بەرهەمەكانی بەشەكانی دیكەی عیراق”.

وەزارەتی سامانە سرووشتییەكانی هەرێم بسی لەوەش كردووە:” ئەو ڕوونكردنەوەیان بۆ حكومەتی فیدراڵی وەكو بەشێك لە گفتوگۆیەكی گشتگیرتر لەقەڵەم دەدەن”.

بەردەوام بە لە خوێندنەوە

کوردستان

فراكسیۆنی پارتی؛ بە شانازییەوە یادی ریفراندۆمی سەربەخۆیی كوردستان دەكەینەوە

خەڵك – بەشی هەواڵ

فراكسیۆنی پارتی لە پەڕلەمانی كوردستان ڕایدەگەیەنێت ، بە شانازییەوە یادی ریفراندۆمی سەربەخۆیی كوردستان دەكەینەوە، كە خاڵێكی وەرچەرخانی گرنگ بوو لە مێژووی بزاڤی رزگاریخوازی گەلی كوردستان.

فراكسیۆنی پارتی لە پەڕلەمانی كوردستان لە ڕاگەیەنراوێكدا بڵاویكردەوە ، ریفراندۆمی سەربەخۆیی كوردستان، كە لە 25ـی ئەیلوولی 2017 ئەنجام درا، رۆژێكی نیشتمانیی شكۆدارە و شانازییەكی گەورەیە بۆ هەموو ئەوانەی بە بەڵێ، دەنگیان بۆ سەركەوتنی دا.

ڕاگەیەنراوى فراكسیۆنی پارتی لە ساڵیادی ریفراندۆمی سەربەخۆیی كوردستان
بە شانازییەوە یادی ریفراندۆمی سەربەخۆیی كوردستان دەكەینەوە، كە خاڵێكی وەرچەرخانی گرنگ بوو لە مێژووی بزاڤی رزگاریخوازی گەلی كوردستان.
ریفراندۆمی سەربەخۆیی كوردستان، كە لە 25ـی یٔەیلوولی 2017 یٔەنجام درا، رۆژێكی نیشتمانیی شكۆدارە و شانازییەكی گەورەیە بۆ هەموو یٔەوانەی بە بەڵێ، دەنگیان بۆ سەركەوتنی دا.
لە ساڵیادی ریفراندۆمدا، بەڵێن بە سەرۆك بارزانی دەدەین تا بمێنین پێشمەرگەی یٔەو ڕێیە دەبین كە یٔەو بۆ گەلەكەی هەڵیبژاردووە، كۆڵنەدان و وەفای یٔەو بۆ گەلەكەی دەنگی یٔازادیخوازانی كوردی بە گوێی كۆمەڵگەی نێودەوڵەتی و یار و نەیارانی گەلی كوردستان، گەیاند.
یٔێمە وەك فراكسیۆنی پارتی لە پەرلەمانی كوردستان هەردەم شانازی بەو دەستكەوتە مەزنەی گەلەكەمان دەكەین و بە رابەرایەتیی جەنابی سەرۆك بارزانی و بە پێشڕەویی پارتە نەتەوەییخوازەكەمانەوە، خەبات بۆ بەدیهاتنی دەكەین.
سڵاو بۆ هەموو یٔەو كەسانەی بەشداربوون لە سەركەوتنی ڕیفراندۆمی سەربەخۆیی كوردستان و دروود بۆ گیانی شەهیدانی كاروانی رزگاری و سەربەخۆیی كوردستان.
فراكسیۆنی پارتی
لە پەرلەمانی كوردستان

بەردەوام بە لە خوێندنەوە

کوردستان

ئاسایشی سلێمانی ؛ باندێكی باندێكی‌ چوار كەسی‌ دەستگیركرد

خەڵك – بەشی هەواڵ

بەڕێوەبەرایەتی‌ ئاسایشی‌ پارێزگای‌ سلێمانی‌ ڕایدەگەیەنێت، باندێكی‌ چوار كەسیان دەستگیركردووە، كە كاریان بارزگانی بووە بە شوێنەوار و ماددەی‌ هۆشبەرەوە و بە چەكی بێ ‏مۆڵەتەوە هەستاون بە ‏هەڕەشەكردن لە خەڵك .

بەڕێوەبەرایەتی‌ ئاسایشی‌ پارێزگای‌ سلێمانی‌ ئەمڕۆ پێنجشەممە 24ی‌ ئەیلولی‌ 2020، لە ڕاگەیەندراوێكدا ، كە وێنەیەكی بۆ (خەڵك) هاتووە ڕایگەیاندووە، هێزەكانیان لە رۆژی 10ی ئەیلوولی 2020 باندێكی چوار كەسییان ‏دەستگیركرد كە بازرگانییان بە شوێنەوار و ماددە هۆشبەرەكانەوە ‏كردووە.

ڕاشیگەیاندووە، ئەو چوار كەسە هەستاون بە ‏هەڕەشەكردن لە خەڵك بە چەكی بێ ‏مۆڵەت و بازرگانییان بە شوێنەوار و ‏ماددە هۆشبەرەكانەوە كردووە، هاوكات بە چەقۆ و چەكیش خەڵكیان بریندار ‏كردووە.‏

ئاشكراشیكردووە، ئەو چوار كەسە ‏تەمەنیان لەنێوان 40 بۆ 44 ساڵدا بووە، سیانیان دانیشتووی وڵاتی ‏بەریتانیان ‌و یەكێكیشیان دانیشتووی شاری سلێمانییە‌ و سەرجەمیشیان دانیان بە تاوانەكانیاندا ناوە، ئێستاش رووبەڕووی یاسا كراونەتەوە و ‏لێكۆڵینەوەش لەگەڵیاندا بەردەوامە.‏

 

بۆ بەڕێز / كەناڵەكانی ڕاگەیاندن
بابەت / دەستگیركردنی باندێكی تۆمەتبار
لەدرێژەی كارو چالاكیەكانی بەڕێوەبەرایەتی ئاسایشی سلێمانی , بەمەبەستی پاراستنی سەروماڵا و كەرامەتی هاوڵاتیان و ڕوو بەڕوو بونەوەی هەرجۆرە كارێكی هەڵخەڵەتاندن و فریودان و ئەنجامدانی كاری نایاسی تێكدانی ئاسایش و ئارامی هاوڵاتیان
هێزەكانی ئاسایشی سلێمانی توانیان لەڕۆژی (10/9/2020 ) لە چالاكیەكدا چوار تۆمەتبار دەستكیربكەن بەفەرمانی دادوەر و بەپێی ماددەی ( 431) لەیاسای سزادانی عێراقی بە ناوەكانی ( ك،ع،خ لەدایكبوی ساڵی 1981 ڕەگەز كورد دانیشتوی وڵاتی بەڕیتانیا / س،م،ص لەدایكبوی 1985 ڕەگەز كورد دانیشتوی وڵاتی بەڕیتانیا / ب،ص،ڕ لەدایكبوی 1980 ڕەگەز كورد دانیشتوی وڵاتی بەڕیتانیا / ز،م،م لەدایكبوی 1976 دانیشتوی سلێمانی) ، تۆمەتباران هەستاون بە هەڕەشەكردن لەخەڵكی بەچەكی بێ مۆڵەت و بازركانی كردن بە شوێنەوار و بازرگانی بە ماددەی هۆشبەر و برینداركردنی هاوڵاتیان بەچەقۆ و،هەڵگرتنی چەكی بێ مۆڵەت ، سەرجەمیان دانیان بەتاوانەكانیاندا ناوە و ڕوبەڕوی یاسا كراونەتەوە و لێكۆڵینەوە لەگەڵیاندا بەردەوامە .

لەگەڵ ڕێزدا….

ڕاگەیاندنی
بەڕێوەبەرایەتی ئاسایشی پارێزگای سلێمانی

بەردەوام بە لە خوێندنەوە

کوردستان