ئێمە لە تۆرە کۆمەڵایەتیەکان

کوردستان

نێچیرڤان بارزانی پەیامێك ئاڕاستەی لایەنەكان دەكات
“تواناكانمان یەك بخەین بۆ چارەسەركردن و تێپەڕاندنی قەیرانەكان”

خەڵك – بەشی هەواڵ

سەرۆكی هەرێمی كوردستان بەبۆنەی جەژنی قوربانەوە پیرۆزبایی لە خێزان و كەسوكاری سەربەرزی شەهیدان و پێشمەرگە قارەمانەكان و موسڵمانانی كوردستان و عیراق و جیهان دەكات و داواش دەكات جەژن‌ بكرێتە دەرفەتی قووڵكردنەوەی زیاتری گیانی لێبوردەیی، تەبایی و پێكەوەییی پێكهاتە ئایینی و نەتەوەیییەكانی كوردستان.

نێچیرڤان بارزانی ، سەرۆكی هەرێمی كوردستان لە پەیامێكدا بەبۆنەی هاتنەوەی جەژنی پیرۆزی قوربان ڕایگەیاندووە، جەژنی قوربان لە خێزان و كەسوكاری سەربەرزی شەهیدان و پێشمەرگە قارەمانەكان، لە موسڵمانانی كوردستان، عێراق و جیهان، هەروەها لە هێزەكانی ناوخۆ، پزیشكان و كارمەندانی تەندروستی و دامەزراوە پەیوەندارەكانی هەرێمی كوردستان‌ كە بۆ پاراستنی گیانی هاووڵاتیان بەرەنگاری پەتای ڤایرۆسی كۆرۆنا بوونەتەوە، بە گەرمی پیرۆز دەكەم.

ڕاشیگەیاندووە، هیوادارین ئەم جەژنە بكرێتە دەرفەتێك بۆ قووڵكردنەوەی زیاتری گیانی لێبوردەیی كوردستانیان دڵنیا دەكاتەوە لەو پێناوەدا بەردەوام دەبن و دەبێ هەموو لایەك تواناكانمان یەك بخەین و پێكەوە كار بكەین بۆ چارەسەركردن و تێپەڕاندنی قەیران و گرفتەكان و مسۆگەركردنی ماف و شایستە دەستوورییەكان و پاراستنی پێگە و قەوارەی هەرێمی كوردستان.

دەقی پەیامەكەی :
جەژنی قوربان لە خێزان و كەسوكاری سەربەرزی شەهیدان و پێشمەرگە قارەمانەكان، لە موسڵمانانی كوردستان، عێراق و جیهان، هەروەها لە هێزەكانی ناوخۆ، پزیشكان و كارمەندانی تەندروستی و دامەزراوە پەیوەندارەكانی هەرێمی كوردستان‌ كە بۆ پاراستنی گیانی هاووڵاتیان بەرەنگاری پەتای ڤایرۆسی كۆرۆنا بوونەتەوە، بە گەرمی پیرۆز دەكەم.

هیوادارم جەژن‌ بكەینە دەرفەتی قووڵكردنەوەی زیاتری گیانی لێبوردەیی، تەبایی و پێكەوەییی پێكهاتە ئایینی و نەتەوەیییەكانی كوردستان، هەوڵەكانی هەموو لایەكیشمان بۆ نەهێشتنی ناكۆكییەكان بگاتە سەركەوتنی یەكجاری. كوردستانیان دڵنیا دەكەمەوە لەم پێناوەدا بەردەوام دەبین و دەبێ هەموو لایەك تواناكانمان یەك بخەین و پێكەوە كار بكەین بۆ چارەسەركردن و تێپەڕاندنی قەیران و گرفتەكان و مسۆگەركردنی ماف و شایستە دەستوورییەكان و پاراستنی پێگە و قەوارەی هەرێمی كوردستان.

‌بە ڕێز و پێزانینێكی زۆرەوە لە خۆڕاگری و پشوودرێژیی كوردستانیان دەڕوانم كە بەهۆی پەتای ڤایرۆسی كۆرۆنا و لێكەوتە ئابوورییەكانییەوە، بەرگەی قەیران و سەختییەكان دەگرن، هیوادارم جەژنەكانی داهاتوومان لە خۆشی و ئاسودەییدا بگێڕین، سەختییەكانمان تێپەڕاندبێت و ئاسۆیەكی گەش بە ڕووی كوردستاندا كرابێتەوە، هەروەها داواكارم هەمووان ڕەچاوی ڕێكارە تەندروستییەكان و خۆپارێزی بكەن.

جەژنی هەمووان پیرۆز بێت، هەموو ساڵێك بە خۆشی. ئاشتی و سەقامگیری بۆ كوردستان، عێراق و ناوچەكه، جیهان و تەواوی مرۆڤایەتی دەخوازم.‌

نێچیرڤان بارزانی
سەرۆكی هەرێمی كوردستان
30/7/2020

کوردستان

وێنە.. خەڵك؛ زانیاری نوێ‌ لەبارەی بۆردوومانی فڕۆكە جەنگییەكانی توركیا لە دهۆك ئاشكرا دەكات

خەڵك – بەشی هەواڵ

فڕۆكە جەنگییەكانی توركیا لە سنووری پارێزگای دهۆك ئۆتۆمبێلێكیان كردە ئامانج و بەهۆیەوە چوار كەس شەهید بوون.

بەپێی زانیارییەكانی (تۆڕی میدیایی خەڵك)، ئەمشەو فڕۆكە جەنگییەكانی توركیا لە نزیك گوندی (ڕەشانكێ‌) كە تەنها 8 كیلۆمەتر لە سەنتەری پارێزگای دهۆك دوورە، ئۆتۆمبێلێكیان كردووەتە ئامانج، 4 سەرنشینی ئۆتۆمبێلەكە شەهید بوون.

بەوتەی دانیشتووانی ناوچەكە، ئۆتۆمبێلەكە مەدەنی بووە و 4 گەریلای پارتی كرێكارانی كوردستان (پەكەكە)ی تێدابووە و بەهۆی بۆردوومانەكە هەر چواریان دەستبەجێ‌ گیانیان لەدەستداوە.

بەردەوام بە لە خوێندنەوە

کوردستان

فڕۆكە جەنگییەكانی توركیا لە دهۆك ئۆتۆمبێلێكیان كردە ئامانج

خەڵك – بەشی هەواڵ

فڕۆكە جەنگییەكانی توركیا لە سنووری پارێزگای دهۆك ئۆتۆمبێلێكیان كردە ئامانج.

بەپێی زانیارییەكانی (تۆڕی میدیایی خەڵك)، كەمێك لەمەوبەر فڕۆكە جەنگییەكانی توركیا لە نزیك گوندی (ڕەشانكێ‌) كە تەنها 8 كیلۆمەتر لە سەنتەری پارێزگای دهۆك دوورە، ئۆتۆمبێلێكیان كردووەتە ئامانج، بەڵام تا ئێستا زیانەكانی ئەو بۆردوومانە نەزانراوە.

بەردەوام بە لە خوێندنەوە

کوردستان

بەڕێوەبەری نەخۆشخانەی جمهوری سلێمانی: كۆرۆنا ژیان ناوەستێنێ‌
بڕیارێك لە بەرژەوەندی نەخۆشانی (ڕۆماتیزمەی درێژخایەن) ڕادەگەیەنێت

خەڵك – بەشی هەواڵ

بەڕێوەبەری نەخۆشخانەی جمهوری سلێمانی ڕایدەگەیەنێت: لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان دەكرێت بۆ پێدانی (دەرزی مانگانەی ڕۆماتیزمە) بۆ نەخۆشانی (ڕۆماتیزمەی درێژخایەن).

د.داهات حەوێزی بەڕێوەبەری نەخۆشخانەی جمهوری سلێمانی لە هەژماری تایبەتی خۆی لە تۆڕی كۆمەڵایەتی فەیسبوك بڵاویكردەوە: كۆڕۆنا ژیان ناوەستێنێ، سەرەڕای تووشبوونی زۆر لە پزیشكان و كارمەندان و وەرنەگرتنی مووچەكانیان، بەڵام لەپێناو زیاتر خزمەتكردنی هاووڵاتیانی شاری سلێمانی و دەوروبەری كە نەخۆشی (ڕۆماتیزمەی درێژخایەن)یان هەیە بڕیارماندا لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان بكەین بۆ پێدانی (دەرزی مانگانەی ڕۆماتیزمە)، بەهیوای كەمكردنەوەی ئێش و ئازارەكانیان.

دەقی نووسینەكە:

كۆڕۆنا ژیان ناوەستێنێ:
سەرەڕای تووشبونی زۆر لە پزیشكان و كارمەندان و وەرنەگرتنی مووچەكانیان، بەڵام لەپێناو زیاتر خزمەتكردنی هاوڵاتیانی شاری سلێمانی و دەوروبەری كە نەخۆشی (ڕۆماتیزمەی درێژخایەنیان) هەیە بڕیارمان دا لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان بكەین بۆ پێدانی (دەرزی مانگانەی ڕۆماتیزمە)، بەهیوای كەمكردنەوەی ئێش و ئازارەكانیان.
سوپاس بۆ كارمەندو پزیشكە دڵسۆزەكان.

“بەهیوای لەشساغی بۆ گشت لایەك”

د.داهات حەوێزی

بەڕێوەبەری نەخۆشخانەی جمهوری سلێمانی

بەردەوام بە لە خوێندنەوە

کوردستان