ئێمە لە تۆرە کۆمەڵایەتیەکان

کوردستان

كەجەكە؛ جەژنی قوربان پیرۆز دەكات
“گەلانی مسوڵمان بەهۆی سیاسەتی نەتەوە دەوڵەت و حكومەتەكانەوە لە قەیرانی جدیدا دەژین”

خەڵك – بەشی هەواڵ

كۆمیتەی باوەڕ و گەلانی كۆما جڤاكێن كوردستان بەبۆنەی هاتنی جەژنی قوربانەوە پەیامێكی بڵاوكردەوە و ڕایدەگەیەنێت، جەژنی ڕۆژانی ئاشتی و پشتیوانی و هاوبەشیكردنە جەژن لە دژی مونافیق زاڵم و ئەوانەی ماف و هەق قبوڵ ناكەن، نوێنەرایەتی كولتوری تێكۆشانە، بەڵام دەسەڵاتی ئیسلامی ئایین لە ژێر ناوی ئومەتدا بۆ خۆی بەكار دەهێنێت و لەو رێگەیەوە دووركەوتنەوە لە باوەڕی ئایین دەسەپێنێت.

كۆمیتەی باوەڕ و گەلانی كۆما جڤاكێن كوردستان (كەجەكە) لە ڕاگەیەنراوێكدا بە بۆنەی هاتنەوەی جەژنی پیرۆزی قوربان، پیرۆزبایی لەكوردانی هەرچوارپارچە دەكات و ڕایگەیاندووە، گەلانی مسوڵمان بەهۆی سیاسەتی نەتەوە دەوڵەت و حكومەتە فاشیستەكانەوە لە قەیرانی جدیدا دەژین
ڕایگەیاندووە، ئیسلامبوونی توركیا و خەونی ئیمپراتۆری و خەلافەت لە رۆژهەڵاتی ناوەڕاست رێگای بۆ خوێنڕشتن، هەڵوەشاندنەوە و كاولكردن، هەژاری و تاڵانی كردووەتەوە و بووەتە هۆی گەورەتركردنی كێشەكان.

ئاماژەی بۆ ئەوەشكردووە، هێرشەكانی ئەم دواییانەی توركیا بۆ سەر هەبوونی كورد و عەرەب، كولتور و ناسنامەكان، هەڕەشەی جدیی بە دوای خۆیدا هێناوە، توركیا بە بەكارهێنانی ئایین دەیەوێت لیبیا تا عیراق، سوریا یەمەن، عەرەبستانی سعودییەوە تاوەكو باشوور و ڕۆژئاوای كوردستان داگیر بكات.

دەقی ڕاگەیەنراوەكەی كەجەكە :
رێگای پیرۆزكردنی جەژن بە رۆحی برایەتی، یەكێتیی دیموكراتیكی گەلان، پەیوەستە بە تێكشكاندنی دیكتاتۆریی فاشیستیی ئاكەپە – مەهەپەوە. چەند رۆژ لەوە پێش لە ئایاسۆفیا لە خوتبەی هەینیدا، كە وەك شانۆگەرییەك بەڕێوەیان برد، ئەوە دەركەوت، كە سەنتزی تورك – ئیسلام دوژمنی گەلان، باوەڕ و ئایین و كولتورەكانە. ئیسلامی تورك، ئیسلامێكە كە خودا، قورئان و سونەت بۆ هەموو جۆرە درۆیەك، فیتنە و فەسادییەك، كە خۆی تیادا بشارێتەوە بەكار دەهێنێت. ئەوانەی لەسەر هێڵی موحەمەد باوەڕیان هێناوە، ئەگەر لە دژی ئەو ئیسلامە نەژادپەرەستە تێكۆشان نەكەن، دەبێت ئەوە بزانرێت كە هەر چی عیبادەت بكرێت هیچی ناگاتە واتای پیرۆزی خۆی. لەبەر ئەوەش دەڵێین، تێكۆشانی مسوڵمانانی توركیا لە دژی سیاسەتەكانی ئاكەپە – مەهەپە بە ئەندازەی عیبادەت خێرە. لەو بڕوایەداین یەكێك لە ئەركەكانی مسوڵمانانی كوردستان و توركیای خاوەن ویژدان ئەوەیە كە نابنە هاوبەشی ئەو هەمو تاوان و گوناحانە كە بە ناوی ئیسلامەوە ئەنجام دەدرێن. لەبەر ئەو هۆكارەش بانگ لە مسوڵمانانی كورد و تورك و گەلانی تری خاوەن ویژدان دەكەین كە نەڕۆن بۆ ئەو مزگەوتانە، كە خوتبەی دیانەت (دەزگای دیانەتی دەوڵەتی تورك)یان تیایدا دەخوێنرێتەوە. بانگتان لێدەكەین بەو بڕوایەوە كە ‘هەموو لایەكی دونیا مزگەوتە’ نوێژەكانی خۆتان بكەن. ئێمە دەمانەوێت سەرنج راكێشینە سەر ئەو هەڵوێستە موحەمەدییە. هەموو جۆرە هەڵوێستێك و نزیكایەتییەك كە پشتیوانی لە رژێمی ئاكەپە – مەهەپە بكات دژایەتیكردنی موحەمەدی و ئیسلامە.

داگیركەری تورك بە چاوی غەنیمە سەیری خاكی كوردستان دەكات

كوردستانیانی هێژا؛

لە هێرشە قڕكەر و داگیركەرییەكانی دەوڵەتی تورك دا زۆرترین زیان بەر گەلی كورد دەكەوێت. لە عەقڵییەتی سەنتەزی ئیسلام تورك دا لە ٢٤ی تەممووزی ٢٠٢٠دا لە ئایاسۆفیا كە سەرۆكی دەزگای دیانەتی تورك لە شانۆگەرییەكدا نوێژی كرد بەو وەزع و خوتبەیەی دای، جارێكیتر ئێمە ئەوەمان بینی كە لە چ ئاستێك و بە چ رادەیەك لە ئیسلام تێگەیشتووە. بۆ سەروەرانی تورك، ئیسلام، مافی شمشێر دەدات و ئایینێكە كە مافی داگیركەری و غەنیمەیان پێدەبەخشێت. لەبەر ئەوەی سەروەرانی تورك خاوەنی ئەو عەقڵیەتەن كە لە لیبیا، سوریا و كوردستان هێرشی داگیركەری ئەنجام دەدەن. ئەوان بە چاوی غەنیمە سەیری خاكی كوردستان دەكەن. چەوساندنەوە و دادۆشین و داگیركەری لە كوردستان بەو عەقڵییەتی ئیسلامەوە بەڕێوەدەچێت. لەبەر ئەوەش دەبێت هەموو كوردانی مسوڵمان و هەموو كوردێك ئەوە بزانێت، كە پشتئەستووریی ئایدۆلۆژیی داگیركەریی تورك لەو عەقڵییەتە ئیسلامییە توركییەوە سەرچاوەی گرتووە. بە راگرتنی هەندێك كورد لەلای خۆیان دەیانەوێت ئەو لە رێ دەرچوونەیان رەنگی ئیسلامیی پێوە بلكێنن. ئەوەی موحەمەدی و ئیسلام ئەمڕۆ بەسەر كوردی مسوڵماندا فەرزی دەكات تێكۆشانە لە دژی ئەو مونافیق و زاڵمانە. لە دژی داگیركەریی تورك لە كوردستان كە دەستدرێژی دەكەنە سەر ژنان، پەلاماریان دەدەن و دەیانكوژن، تێكۆشان نەكرێت ئەوە بەو مانایە دێت، كە لە مانا پیرۆزەكەی خۆیدا عیبادەت ناكرێت.

بانگی گەورەكردنی تێكۆشانی بە رێكخستنكراو دەكەین

مسوڵمانانی رێزداری كوردستان؛

دەبێت ئەم جەژنە لە سەردانی مەزارگەی شەهیدان دا بكەنەوە و قەرزی سەر شانی خۆتان كەم بكەنەوە. سەردانی هاوڕێیانی زیندانی، پشتیوانی لە بنەماڵەكان كولتور و نەریتی جەژنە. پێشنیاز دەكەین، كە خێرەكانی خۆتان بدەن بەو كەس و رێكخراوانە تاوەكو بتوانن بیگەیەننە دەستی موحتاجەكانی كوردستان. لەو بڕوایەداین، كە هاوكاری و خێرەكانتان كە سوود بە كەسەكان و رێكخراوەكانی سەر بە دەوڵەتی توركی فاشیست بگەیەنێت كە لە ئێستادا لە هەوڵ دان، لە حوزری هەق دا و دەرگای باری تەعالادا وەك خێر نابینرێت.

ئێمە وەك بزووتنەوەی ئازادیی كوردستان بەو هەست و بیركردنەوانەوە جارێكیتر جەژنی قوربان لە مسوڵمانانی كوردستان پیرۆز دەكەین. بانگ لە هەمووتان دەكەین كە لە دژی دەوڵەتی توركی قڕكەر و داگیركەر تێكۆشانێكی بە رێكخستنكراو بكەن. بە بۆنەی جەژنەوە لە كەسایەتیی هەموو شەهیدانی ئازادیدا و هەروەها رۆستەم جودی كە بە قارەمانی لە حەفتانین بەرەنگاریی كرد و شەهید بوو، یادی هەموو شەهیدانی حەفتانین دەكەینەوە، بەڵێنی پێبەندبوون و پەیوەستبوونی خۆمانیان بۆ دووبارە دەكەینەوە. جەژنی بنەماڵەی شەهیدان پیرۆز دەكەین”.

کوردستان

پۆلیسی هەولێر؛ڕێگری لەو كەسانە كرا شەقامەگشتییەكان بۆ نێرگەلە و مەی خواردنەوە بەكاردەهێنن

خەڵك – بەشی هەواڵ

بەڕێوەبەرایەتی پۆلیسی پارێزگای هەولێر ڕایدەگەیەنێت، هێزەكانیان لە هەڵمەتێكدا هەڵسان بە چۆڵكردنی زۆربەی شوین و شەقامە گشتییەكان، كە بەشێك لە هاووڵاتیان بۆ مەیخواردنەوە و نێرگەلەكێشان بەكاریان دەهێنا .

بەڕێوەبەرایەتی پۆلیسی پارێزگای هەولێر لە ڕاگەیەنراوێكدا ،كە وێنەیەكی دەست (خەڵك) كەتووە ڕایگەیاندووە، بەشی پۆلیسی چالاكییە مەدەنییەكان لە هەڵمەتێكدا هەڵسان بە چۆڵكردنی زۆربەی شوین و شەقامە گشتییەكان ، كە بەشێك لە هاووڵاتیان بۆ مەیخواردنەوە و نێرگەلەكێشان بەكاریان دەهێنا و خەڵكیان بێزار دەكرد.

ئەمە لەكاتێكدایە، لەماوەی ڕابردوودا بەشێكی زۆر لە شەقامەگشتییەكان و نزیك پاركەكانی هەولێر بە هۆی ئەو هاووڵاتیانەی ئێواران نێرگەلە و خواردنەوە كهولییەكانیان دەخواردەوە بوو بووە هۆی بێزاربوونی هاووڵاتیان و ئەو خیزانانەی بۆ پشوودان سەردانی ئەو شوێنە گشتیانەیان دەكرد.

بەردەوام بە لە خوێندنەوە

کوردستان

مەحموود محەمەد؛ ئەمساڵ بەجۆش وخرۆشەوە لە نێو دڵ و دەروونی گەلەخۆڕاگرەكەمان یادی 74 ساڵە دەكەینەوە

خەڵك – بەشی هەواڵ
وتەبێژ و ئەندامی مەكتەبی سیاسی پارتی دیموكراتی كوردستان ڕایدەگەیەنێت ، یادكردنەوەی جەماوەری بۆ ساڵیادی دامەزراندنی پارتی، لە شێوەی گردبوونەوە و مەڕاسیمە جەماوەریەكان بەڕێوەناچن و ئەم یادە بەجۆش و خرۆشەوە لە نێو دڵ و دەروونی گەلە خۆڕاگرەكەمان و كادیر و لایەنگران و جەماوەری پارتی بەرز و پیرۆز ڕادەگرێت.

مەحموود محەمەد، وتەبێژ و ئەندامی مەكتەبی سیاسی پارتی دیموكراتی كوردستان ، لە لێدوانێكی تایبەتدا بۆ ماڵپەڕی فەرمی حزبەكەی بە بۆنەی ٧٤ ساڵەی یادی دامەزراندنی پارتی ڕایگەیاندووە، ١٦ی ئاب ساڵیادی پارتی وەك ڕۆژێكی مێژوویی و پڕ شكۆ و ڕووداوێكی گرنگی مێژوویی سەر گۆڕەپانی سیاسی و تێكۆشانی كوردستان بوو.

دەشڵێت،”لەگەڵ ئەوەی بە شكۆوە لە ١٦ی ئابی ھەموو ساڵێكدا ساڵیادی پارتی بەرز و پیرۆز ڕادەگرین، هاوكات لەم ساڵدا بەلەبەرچاوگرتنی ڕەوشی ئابووری و تەندروستی ھەرێم و پابەندبوون بە رێككارەكانی خۆپارێزی لە ڤایرۆسی كۆڕۆنا یادكردنەوەی جەماوەری بۆ ساڵیادی پارتی، لە شێوەی گردبوونەوە و مەڕاسیمەكانی گردبوونەوەی خەڵك و جەماوەر بەڕێوەناچن”.

ڕاشیگەیاندووە ، بۆ یادەكە تەنیا لە ڕێگەی كەناڵەكانی میدیاوە ئەم یادە بەجۆش و خرۆشە لە نێو دڵ و دەروونی گەلە خۆڕاگرەكەمان و كادیر و ئەندام و لایەنگران و جەماوەری سەربەرزی پارتی دیموكراتی كوردستان بەرز و پیرۆز رادەگرین.

بەردەوام بە لە خوێندنەوە

کوردستان

دوكان؛ ئەو گەنجەی هەفتەی پێشوو خنكا ئەمڕۆ تەرمەكەی دۆزرایەوە

خەڵك – بەشی هەواڵ
دوای ئەوەی پێنج شەممەی هەفتەی ڕابردوو گەنجێكی بەرەگەز عەرەب لەكاتی مەلەكردندا لە بەنداوی دوكاندا خنكاوە و ئەمڕۆ تەرمەكەی لە زێی بچوك لە گوندی بۆگدی دۆزرایەوە.

بەڕێوەبەرایەتی بەرگری شارستانی كۆیە بڵاویكردەوە، ئەو گەنجەی پێنج شەممەی هەفتەی پێشوو لە زێی دوكاندا لەكاتی مەلەكردندا خنكا ئەمڕۆ لە لایەن تیمی غەواس لە نزیك گوندی بۆگدی شارەدێی ئاشتی لە زێی بچوكدا بە خنكاوی دۆزرایەوە.

لە ڕاگەیەنراوەكەدا هاتووە ، گەنجەكە دانیشتوی شاری بەغدا بووە و لەدایكبووی ساڵی ١٩٩٢-ە دوای دۆزینەوەی تەرمەكەی دراوە بە پۆلیسی دوكان، بەمەبەستی گەڕاندنەوەی تەرمەكەی بۆ كەس و كارەكەی.

بەردەوام بە لە خوێندنەوە

کوردستان