ئێمە لە تۆرە کۆمەڵایەتیەکان

کوردستان

لاهور شێخ جەنگی: ناكرێت چاكسازی تەنها مووچەی فەرمانبەران بگرێتەوە

خەڵك- بەشی هەواڵ
هاوسەرۆكی یەكێتی نیشتمانی كوردستان ڕایدەگەیەنێت، حزبەكەی دەیەوێت هاوبەشێكی راستەقینە بێت لە حكومەت و حوكمڕانی دا و دەشڵێت: “بە هیچ جۆرێك دادپەروەرانە نییە و ناكرێت چاكسازی تەنها مووچەی فەرمانبەران بگرێتەوە”.

لاهور شێخ جەنگی، هاوسەرۆكی یەكێتی لە هەژماری خۆی لە فەیسبووك بڵاویكردەوە، خۆشحال بووم بە بینینی ڕۆبەرت وۆڵەر، كونسوڵی گشتی ئەمریكا لە هەرێمی كوردستان، كە پێكەوە لەسەر هەندێك پرسی گرنگی تایبەت بە خەڵك و هەرێمی كوردستان و عێراق گفتوگۆمان كرد.

دەشڵێت: “لەو دیدارەدا جەختم كردەوە، كە یەكێتیی و یەكبوونی گەلی كوردستان، بنەمای سەرەكیی پڕۆسەی سیاسیی هەرێمە و یەكێتیی نیشتمانیی كوردستان دەیەوێت هاوبەشێكی ڕاستەقینە بێت لە حكومەت و حوكمڕانی دا. پێگەی ئێستای یەكێتی و قوربانیدان و خەباتە مێژووییەكەی، ئەوە دەخوازن كه ‌پێكهاتەیەكی سەرەكی بێت لە دروستكردنی بڕیار و خاوەندارێتی كردن لە چارەسەرە سەرەكی و ستراتیژییەكاندا”.

لاهور شێخ جەنگی دووپاتیشی كردۆتەوە، كە یەكێتی، بەراورد بە چەند ساڵی ڕابردووی، ئێستا حزبێكی بەهێزترە، سەركردایەتییەكی یەكگرتووی هەیە و سەركەوتنی هەر پڕۆسەیەكی حوكمڕانیی ژیرانە و تەندروست لە هەرێمی كوردستان، پێویستی بە بەرنامە و تواناكانی یەكێتییە.

لەسەر پرسی چاكسازی ڕوونیشی كردۆتەوە، “باوەڕی خۆم نیشاندا كه،‌ بۆ ئەوەی بتوانین چاكسازییەكی بنچینەیی و گەورە بكەین لە دۆخی كوردستاندا، پێویستە پێشوەختە شەفافییەتێكی تەواومان هەبێت لە داهاتی حكومەتی هەرێمدا، پێویستە پێداچوونەوە بكەین بە داهاتەكانی حكومەت و داهاتی خاڵە سنورییەكان و هەروەها ڕێككەوتنەكانی نەوت و گاز بە شەفافییەت ئاشكرا بكرێن و بە هیچ جۆرێك دادپەروەرانە نییە و ناكرێت چاكسازی تەنها مووچەی فەرمانبەران بگرێتەوە”.

سەبارەت بە پەیوەندییەكانی نێوان هەرێم و بەغدادیش، هاوسەرۆكی یەكێتی جەختیشی كردۆتەوە لە گرنگیی و بەردەوامبوونی گفتوگۆكانی نێوان هەردولا بۆ ئەوەی ڕێككەوتنێكی بنچینەیی لەسەر بودجەی هەرێم بێتە ئارا، كە سوودی بۆ تەواوی خەڵكی كوردستان هەبێت.

کوردستان

وێنە.. خەڵك؛ زانیاری نوێ‌ لەبارەی بۆردوومانی فڕۆكە جەنگییەكانی توركیا لە دهۆك ئاشكرا دەكات

خەڵك – بەشی هەواڵ

فڕۆكە جەنگییەكانی توركیا لە سنووری پارێزگای دهۆك ئۆتۆمبێلێكیان كردە ئامانج و بەهۆیەوە چوار كەس شەهید بوون.

بەپێی زانیارییەكانی (تۆڕی میدیایی خەڵك)، ئەمشەو فڕۆكە جەنگییەكانی توركیا لە نزیك گوندی (ڕەشانكێ‌) كە تەنها 8 كیلۆمەتر لە سەنتەری پارێزگای دهۆك دوورە، ئۆتۆمبێلێكیان كردووەتە ئامانج، 4 سەرنشینی ئۆتۆمبێلەكە شەهید بوون.

بەوتەی دانیشتووانی ناوچەكە، ئۆتۆمبێلەكە مەدەنی بووە و 4 گەریلای پارتی كرێكارانی كوردستان (پەكەكە)ی تێدابووە و بەهۆی بۆردوومانەكە هەر چواریان دەستبەجێ‌ گیانیان لەدەستداوە.

بەردەوام بە لە خوێندنەوە

کوردستان

فڕۆكە جەنگییەكانی توركیا لە دهۆك ئۆتۆمبێلێكیان كردە ئامانج

خەڵك – بەشی هەواڵ

فڕۆكە جەنگییەكانی توركیا لە سنووری پارێزگای دهۆك ئۆتۆمبێلێكیان كردە ئامانج.

بەپێی زانیارییەكانی (تۆڕی میدیایی خەڵك)، كەمێك لەمەوبەر فڕۆكە جەنگییەكانی توركیا لە نزیك گوندی (ڕەشانكێ‌) كە تەنها 8 كیلۆمەتر لە سەنتەری پارێزگای دهۆك دوورە، ئۆتۆمبێلێكیان كردووەتە ئامانج، بەڵام تا ئێستا زیانەكانی ئەو بۆردوومانە نەزانراوە.

بەردەوام بە لە خوێندنەوە

کوردستان

بەڕێوەبەری نەخۆشخانەی جمهوری سلێمانی: كۆرۆنا ژیان ناوەستێنێ‌
بڕیارێك لە بەرژەوەندی نەخۆشانی (ڕۆماتیزمەی درێژخایەن) ڕادەگەیەنێت

خەڵك – بەشی هەواڵ

بەڕێوەبەری نەخۆشخانەی جمهوری سلێمانی ڕایدەگەیەنێت: لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان دەكرێت بۆ پێدانی (دەرزی مانگانەی ڕۆماتیزمە) بۆ نەخۆشانی (ڕۆماتیزمەی درێژخایەن).

د.داهات حەوێزی بەڕێوەبەری نەخۆشخانەی جمهوری سلێمانی لە هەژماری تایبەتی خۆی لە تۆڕی كۆمەڵایەتی فەیسبوك بڵاویكردەوە: كۆڕۆنا ژیان ناوەستێنێ، سەرەڕای تووشبوونی زۆر لە پزیشكان و كارمەندان و وەرنەگرتنی مووچەكانیان، بەڵام لەپێناو زیاتر خزمەتكردنی هاووڵاتیانی شاری سلێمانی و دەوروبەری كە نەخۆشی (ڕۆماتیزمەی درێژخایەن)یان هەیە بڕیارماندا لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان بكەین بۆ پێدانی (دەرزی مانگانەی ڕۆماتیزمە)، بەهیوای كەمكردنەوەی ئێش و ئازارەكانیان.

دەقی نووسینەكە:

كۆڕۆنا ژیان ناوەستێنێ:
سەرەڕای تووشبونی زۆر لە پزیشكان و كارمەندان و وەرنەگرتنی مووچەكانیان، بەڵام لەپێناو زیاتر خزمەتكردنی هاوڵاتیانی شاری سلێمانی و دەوروبەری كە نەخۆشی (ڕۆماتیزمەی درێژخایەنیان) هەیە بڕیارمان دا لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان بكەین بۆ پێدانی (دەرزی مانگانەی ڕۆماتیزمە)، بەهیوای كەمكردنەوەی ئێش و ئازارەكانیان.
سوپاس بۆ كارمەندو پزیشكە دڵسۆزەكان.

“بەهیوای لەشساغی بۆ گشت لایەك”

د.داهات حەوێزی

بەڕێوەبەری نەخۆشخانەی جمهوری سلێمانی

بەردەوام بە لە خوێندنەوە

کوردستان