ئێمە لە تۆرە کۆمەڵایەتیەکان

ئابوری

مەسرور بارزانی دوو بڕیاری بۆ خاوەن دوكانەكانی بازاڕی سیم دەركرد

خەڵك- بەشی هەواڵ
پارێزگای هەولێر ئاشكرای دەكات، كە سەرۆكی حكومەتی هەرێم دوو بڕیاری بۆ خاوەن دوكانەكانی بازاڕی سیم، كە بەم دواییە سووتان دەركردووە و دەشڵێت: “بازاڕێكی مۆدێرن دروست دەكرێت بۆیان”.

نووسینگەی پارێزگاری هەولێر لە ڕاگەیەنراوێكدا ئاماژەی بەوەكردووە، دوای ئەوەی لەبەرەبەیانی ڕۆژی هەینی ڕابردوو 24-7-2020 بازاڕی سیمی گەڕەكی كوردستان بەهۆی ئاگركەوتنەوە سووتا و زیاتر لە 230 دوكان زیانیان پێگەیشت، پارێزگاری هەولێر بۆ چارەسەركردنی كێشەی زیان لێكەوتوان و دوكاندارانی ئەم بازاڕە سەردانی بازاڕەكەی كرد و لێژنەیەك بۆ كۆبوونەوە و گفتوگۆكردن لەگەڵ ئەنجوومەنی بازاڕەكە پێكهێنرا بۆ گواستنەوەی بازاڕەكە بۆ شوێنكی گونجاو، تا گەیشتنە ئاكامی گفتوگۆكان ئەو بڕیارانە دران:

1- بۆ یارمەتیدانی كاسبكاران، ئەوانەی لەئاكامی ئاگركەتنەوەكە زەرەرمەند بوونە، هەروەها بۆ ئەوەی كار و كاسبی خەڵك نەوەستێت و بتوانن لە كاری ڕۆژانەی خۆیان بەردەوامبن، جەنابی سەرۆكی حكومەتی هەرێمی كوردستان بڕیاریدا لەسەر ئەركی حكومەتی هەرێمی كوردستان بەشێوەیەكی كاتی ئەو دوكانانەی، كە سووتاون نۆژەن بكرێنەوە.

2- بۆ گواستنەوەی بازاڕەكە و دروستكردنی بازاڕێكی مۆدێرن و سەردەمیانە بە میكانیزمێكی گونجاو و ڕەزامەندی كاسبكاران، مەسرور بارزانی، سەرۆكی حكومەتی هەرێمی كوردستان بڕیاریدا ئەو شوێنەی كە دەستنیشان دەكرێت بۆیان، تەواوی خزمەتگوزارییەكانی وەك تۆڕەكانی (ئاو، كارەبا، قیڕتاوكردنی شەقامەكانی، سیستەمی بەرگری شارستانی) لەسەر ئەركی حكومەتی هەرێمی كوردستان دابین بكرێت.

ئابوری

بەهای دۆلار و تمەن دابەزی

خەڵك- بەشی هەواڵ
جارێكی دیكە بەهای تمەن و دۆلاری ئەمریكی لە بازاڕەكانی هەرێم دابەزینی تۆماركرد.

خاوەن نووسینگەیەكی ئاڵوگۆڕی دراو لە سلێمانی بۆ (خەڵك) ڕایگەیاند، دوای ماوەیەكی زۆر لە سەقامگیری لە بەهای دۆلاری ئەمریكیدا بەرامبەر بە دیناری عیراقی، ئەمڕۆ بەهای 100 دۆلار دابەزی بۆ 123 هەزار دینار و لە دەرەوەی بازاڕیش بە 122 هەزار و 750 فرۆشراوە.

ئاماژەی بەوەشكرد، كە تمەن بەردەوامە لە دابەزین و ئەمڕۆ 100 دۆلار بە 2 ملیۆن و 740 هەزار بە حەواڵە و هەروەها بە 2 ملیۆن و 640 هەزار بە دەستی مامەڵەی پێوەكراوە.

بەهۆی ناسەقامیگری دۆخی ئابووری و پەتای كۆرۆنا و ئەو سزایانەی ئەمریكا خستونیە سەر ئێران، بەهای دراوی ئەو وڵاتە بەردەوام لە دابەزیندایە.

بەردەوام بە لە خوێندنەوە

ئابوری

“دادگا لەبەرژەوەندی هاووڵاتیان و دژی كۆمپانیاكانی مۆبایل بڕیاریدا”

خەڵك- بەشی هەواڵ
پەڕلەمانتارێكی كورد لە بەغدا ڕایدەگەیەنێت، كە دادگا لەبەرژەوەندی هاووڵاتیان و دژی كۆمپانیاكانی مۆبایل بڕیاریدا.

د. غالب محەمەد، ئەندامی پەڕلەمانی عیراق لە كۆنگرەیەكی ڕۆژنامەوانیدا ڕایگەیاند، پاش كۆكردنەوەی واژوو، تۆماركردنی داوای یاسایی، ئەمڕۆ ۲٠/۹/۲٠۲٠ لەگەڵ سەركەوت شەمسەدین و هاوپیشەكانمان لە فراكسیۆنە جیاوازەكان (محمد شیاع سودانی، علا‌و روبەیعی، محمد دەراجی، عالییە نوسەیف) پشتیوانی خۆمان دەربڕی بۆ بڕیاری دادگای كەرخ بۆ هەڵوەشاندنەوەی بڕیاری ژمارە (٥٠) ی ساڵی ۲٠۲٠ ی ئەنجوومەنی وەزیران و ڕەتكردنەوەی تانە و تەزەڵومی حكومەتی عیراق و كۆمپانیای ئاسیا و زەین.

ڕاشیگگەیاند، ئەو هەنگاوە بە كۆكردنەوەی واژوی ۹۲ پەڕلەمانتار و تۆماركردنی سكاڵا لەلایەن محمد شیاع سودانی وەك نوێنەری پەڕلەمانتاران دژی بڕیارەكەی حكومەت بۆ نوێكردنەوەی مۆڵەتی ئەو كۆمپانیایانە.

ئاشكراشی كرد، بەپێی بڕیاری دادگا حكومەت ناتوانێت ڕاستەوخۆ مۆڵەتی ئەو كۆمپانیایانە نوێ بكاتەوە، كۆمپانیاكان دەبێت قەرزەكانیان بدەنەوە بە حكومەتی هەرێم و حكومەتی عیراق، كرێی ئینتەرنێت و مۆبایل بەرزە و خزمەتگوزاری وەك پێویست نییە، بۆیە دەبێت دەرفەت بۆ كۆمپانیای تریش بكرێتەوە و بازاڕەكە قۆرغ نەكرێت.

لە ماوەی ڕابردوودا هەردوو لیژنەی دەستپاكی و لیژنەی پەیوەندییەكان و ڕاگەیاندنی پەڕلەمانی عیراق بڕیارێكی حكومەتی عیراقی بۆ نوێكردنەوەی مۆڵەتی كۆمپاكانیانی گەیاندن (مۆبایل) ڕەتكردەوە و ڕایگەیاند، كە دەبێت ڕەزامەندی بۆ نوێكردنەوەی مۆڵەتی ئەو كۆمپانیایانە چەند مەرجێكی تێدابێت و لە بەرژەوەندی هاوولاتیان بێت و قەرزەكانیشیان بدەنەوە.

دادگا لەبەرژەوەندی هاوڵاتیان و دژی کۆمپانیاکانی مۆبایل بریاریداپاش کۆکردنەوەی واژوو، تۆمارکردنی داوای یاسایی، ئەمڕۆ ۲٠/۹/۲٠۲٠ لەگەڵ هاورێم کاک سەركەوت شەمسەدین و هاوپیشەکانمان لە فراکسیۆنە جیاوازەکان(محمد شیاع سودانی، علاء روبەیعی، محمد دەراجی، عالییە نوسەیف) لە کۆنگرەیەکی رۆژنامەوانی سەرکەوتنی هەوڵەکانمان دژی کۆمپانیاکانی مۆبایل راگەیاند، و پشتیوانی خۆمان دەربری بۆ بریاری دادگای کەرخ بۆ هەڵوەشان بریاری ژمارە (٥٠ ) ی ساڵی ۲٠۲٠ ی ئەنجومەنی وەزیران و رەتکردنەوەی تانە و تەزەڵومی حکومەتی عێراق و کۆمپانیای ئاسیا و زەین.ئەو هەنگاوە بە کۆکردنەوەی واژوی ۹۲ پەرلەمانتار و تۆمارکردنی سکاڵا لەلایەن بەرێز محمد شیاع سودانی وەک نوێنەری پەرلەمانتاران دژی بریارەکەی حکومەت بۆ نوێکردنەوەی مۆڵەتی ئەو کۆمپانیایانە.بەپێی بریاری دادگا حکومەت ناتوانێت راستەوخۆ مۆڵەتی ئەو کۆمپانیایانە نوێ بکاتەوە، کۆمپانیاکان دەبێتە قەرزەکانیان بدەنەوە بە حکومەتی هەرێم و حکومەتی عێراق، کرێی ئینتەرنێت و مۆبایل بەرزە و خزمەتگوزاری وەک پێویست نییە. بۆیە دەبێت دەرفەت بۆ کۆمپانیای تریش بکرێتەوە و بازارەکە قۆرغ نەکرێت.پێکەوە بەردەوام ئەبین و کاری هاوبەش لەگەڵ پەرلەمانتاران فراوانی دەكەینغالب محمد عەلی

Gepostet von ‎Ghalib M. Ali-غالب محەمەد عەلی‎ am Sonntag, 20. September 2020

بەردەوام بە لە خوێندنەوە

ئابوری

سلێمانی لەسەر غەرامەی نەبەستنی پێوەری ئاو هاتەدەنگ

خەڵك- بەشی هەواڵ
بە بڕیاری وەزارەتی شارەوانی حكومەتی هەرێم، لەم مانگەوە هەر ماڵ و شوێنێك پێوەری ئاوی نەبەستبێت بڕی 100 تاوەكو 250 هەزار دینار غەرامە دەكرێت و سەرۆكی ئەنجوومەنی پارێزگای سلێمانی-ش ڕایدەگەیەنێت، ئاوی پێویست بۆ هاووڵاتیان دابین نەكراوە و خەڵك مووچەی نییە تاوەكو غەرامەش بكرێت.

بەپێی ڕێنماییەكی وەزارەتی شارەوانی هەرێم، كە دەست (خەڵك) كەوتووە، هەر ماڵێك یان شوێنێكی نیشتەجێبوون یان پەرستگایەك پێوەری ئاوی نەبەستبێت بڕی 100 هەزار دینار غەرامە دەكرێت و دوای 3 مانگ ئەگەر هەر نەیبەست بڕەكە دەبێتە 200 هەزار و بۆ فەرمانگەكان و كەرتی تایبەت و بازرگانی بڕی غەرامەكە زیاترە و زۆرترین غەرامەش بۆ شووشتنگە (غەسل) دیاری كراوە، كە 250 هەزار دینارە و دوای 3 مانگ دەبێتە 450 هەزار دینار.

ئازاد محەمەد، سەرۆكی ئەنجوومەنی پارێزگای سلێمانی لەكۆنگرەیەكی ڕۆژنامەوانیدا ڕایگەیاند، بڕیاری حكومەتی هەرێم بۆ غەرامەكردن بە بڕی 100 هەزار دینار بۆ ئەوانەی، كە پێوەری ئاویان نەبەستووە لەگەڵ باروگوزەرانی هاووڵاتیان و ئەو مووچەیە ناگونجێت، كە حكومەت دابەشی دەكات.

وتیشی، “ناكرێت حكومەت ئەركەكانی خۆی وەكو پێویست جێبەجێ نەكات و بڕیاری لەو جۆرەش دەربكات، كە بارگرانی بۆ هاووڵاتیان دروست دەكات، چونكە حكومەت نەیتوانیوە ئاوی پێویست بۆ هاووڵاتیان دابین بكات”.

جەختیشی كردەوە، كە پێشنیاز دەكەین ئەو بڕیارە ڕابگیرێت تاوەكو ئەو كاتەی دۆخی دارایی هاوولاتیان باش دەبێت.

بەپێی نووسراوی بەڕێوەبەرایەتی گشتی ئاو و ئاوەڕۆ ژمارە (٢٢١٩ لە ٢٠٢٠/٩/٨)، كە دەست (خەڵك) كەوتووە، پێویستە ماددەی (٩) لە ڕێنمایی تایبەت بە بەستن و خوێندنەوەی پێوەری ئاوی خواردنەوە لە هەرێمی کوردستان ژمارە (١)ی ساڵی ٢٠١٨ جێبەجێ بکرێت بۆ گشت بەکارهێنەرانی ئاو لە ڕێکەوتی دەستپێکردنی خولی (٧)، كە دەكاتە 13-9-2020.

بەردەوام بە لە خوێندنەوە

کوردستان