ئێمە لە تۆرە کۆمەڵایەتیەکان

کوردستان

حەمەی حاجی ڕەشید، كەسایەتیی دیاری ناوچەی شارباژێڕ و شاری سلێمانی كۆچی دوایی كرد

خەڵك-بەشی هەواڵ

كەسایەتییەكی دیاری شاری سلێمانی و ناوچەی شارباژیڕ كۆچی دوایی كرد.

ئەمڕۆ دوو شەممە حەمەی حاجی ڕەشید، كەسایەتی دیاری شاری سلێمانی و ناوچەی شارباژێڕ و خێرخوازی ڕاستەقینەی ڕۆژە سەختەكان و ڕیش سپی و سەرۆك هۆزی موبڕەییەكان كۆچی دوایی كرد.

حەمەی حاجی ڕەشیدی موبڕەیی، دەكاتە مامی یاسین مەحمود ڕەشید سەرۆكی یەكێتی وەبەرهێنەرانی كوردستان ـ سلێمانی و ناوبراو، یەكێك بووە لە كەسایەتییە، نان بدە و خێرخوازەكانی شاری سلێمانی و لەزۆربەی ناوچەكان بە دروستكردنی مزگەوت و قوتابخانە، جێدەستی دیار بووە و لەسەر دەستیشیدا، سەدان گرفت و كێشەی كۆمەڵایەتی چارەسەر كراون.

لەو بارەوە، یاسین مەحمود ڕەشید سەرۆكی یەكێتی وەبەرهێنەرانی كوردستان ـ سلێمانی، برازای حەمەی حاجی ڕەشید، بە (تۆڕی میدیایی خەڵك)ی ڕاگەیاند، لەگەڵ داوای لێبوردن لەهەموو لایەك بە هۆی ئەم دۆخە نەخوازراوە تەندروستییەی لەئارادایە، پرسەی بۆ دانانێن.

کوردستان

شەنگال.. ئۆتۆمبێلێكی بۆمبڕێژكراو تەقییەوە

خەڵك – بەشی هەواڵ

ئۆتۆمبێلێكی بۆمبڕێژكراو لە باكووری شەنگال تەقییەوە.

بەپێی زانیارییەكان، كاتژمێر 9:30 خولەكی‌ ئەمشەو ئۆتۆمبێلێكی بۆمبڕێژكراو لەجۆری ئۆپڵ لە باكووری شەنگال تەقییەوە.

تەقینەوەكە كیلۆمەترێك لە مەزارگەی شێخ شەرەفەدین دوورە و تا ئێستا زیانەكانی ئەو تەقینەوەیە ئاشكرا نەكراوە.

پاش ڕووداوەكەش هێزە ئەمنییەكان گەیشتوونەتە ناوچەكە و لێكۆڵینەوە لە ڕووداوەكە دەستیپێكردووە.

بەردەوام بە لە خوێندنەوە

کوردستان

سلێمانی.. مامۆستایانی ناڕازی و ئەنجومەنی فشار و مامۆستایانی زانكۆ هەڵوێست ڕادەگەیەنن

خەڵك – بەشی هەواڵ

مامۆستایانی ناڕازی و ئەنجومەنی فشار و مامۆستایانی زانكۆ و پەیمانگاكان لە ئاگادارینامەیەكدا ڕایدەگەیەنن، سبەینێ‌ دووشەممە ڕێكەوتی 21/9/2020 كاتژمێر 11ی پێش نیوەڕۆ لە بەردەم پەروەردەی ڕۆژئاوا، ئەنجومەنی فشار، مامۆستایانی ناڕازی، مامۆستایانی زانكۆ و پەیمانگاكان، بەیەكەوە لەكۆنگرەیەكی ڕۆژنامەوانیدا هەڵوێستی هاوبەش ڕادەگەیەنن.

مامۆستا دڵشاد بابانی ئەندامی ئەنجومەنی فشار بە (تۆڕی میدیایی خەڵك)ی ڕاگەیاند، سبەینێ‌ لەو كۆنفڕانسە ڕۆژنامەوانییەدا ڕاگەیەنراوێكدا بۆ ڕای گشتی بڵاودەكەنەوە لە هەمان كاتدا چەند داواكارییەك دەخەنەڕوو.

مامۆستا دڵشاد بابانی وتیشی، لەو كۆنفڕانسە ڕۆژنامەوانییەدا بە هەماهەنگی لەگەڵ مامۆستایانی ناڕازی و مامۆستایانی زانكۆ و پەیمانگاكان وادەی ئەنجامدانی خۆپیشاندانی سەرتاسەری ڕادەگەیەنن.

بەردەوام بە لە خوێندنەوە

کوردستان

هاوسەری جەعفەر شێخ مستەفا جێگری سەرۆكی هەرێم كۆچی دوایی كرد

خەڵك – بەشی هەواڵ

كەمێك پێش ئێستا پرشنگ ڕەشید عەبدولكەریم خێزانی شێخ جەعفەر شێخ مستەفا جێگری سەرۆكی هەرێمی كوردستان كۆچی دوایی كرد.

بەردەوام بە لە خوێندنەوە

کوردستان