ئێمە لە تۆرە کۆمەڵایەتیەکان

کوردستان

“ئەوەی لەپەڕلەمان دەگوزەرێ دەست بەسەراگرتنی یەكجاریە لە بێدەنگكردن و چاوترساندن”

خەڵك-بەشی هەواڵ

پەڕلەمانتاری دەستلەكاركێشاوەی پەڕلەمانی كوردستان ڕایدەگەیەنێت، ئەوە ڕوونە پارتی پەڕلەمانی بەم دەردە برد، لەسەر سكاڵایەكی سەرۆكی حكومەت پەڕلەمانتاری گەیاند بە دەركردنی فەرمانی گرتن! پەڕلەمانێك كە نەیتوانیبێ وەزیرێك لەسەر مووچە میوانداری بكات، بەڵام لەسەر ڕەخنە لەسەرۆكی حكومەت پەڕلەمانتاری خۆی تەسلیم بەدادگاو فەرمانی گرتن بكات! ئەوە من ئەو پەڕلەمانە كە بەوجۆرە بێت جێیدێڵم، ئێوە بەمە ڕازی مەبن، ئێوە ئەنجامی هەڵبژاردنی پڕ لەتەزویرتان قبوڵ كرد ئێستا بۆ پەرلەمانێكی پەكخراوی بێ ئەرزشكراو قبوڵ دەكەن؟ تەنها نوقتە نیزام ئەم دۆخە ڕاناگرێ، پەڕلەمانێك وەك دیوەخان نەتوانێ میوانداری حكومەتیش بكات لەسەر كێشەی خەڵك بۆ بەوەها پەڕلەمانێك ڕازی دەبن؟

سۆران عومەر پەڕلەمانتاری دەستلەكاركێشاوەی كۆمەڵی ئیسلامی لە پەڕلەمانی كوردستان لە هەژماری خۆی نوسیوێتی”ئێوەش حزبی سیاسین سبەی پێویستان بەخەڵكە دەنگی لێوەرگرن بۆ چوونەوە پەڕلەمان! ئێستا داكۆكی لەدەنگی خەڵك بكەن، خەڵك بۆ ئەوە دەنگی پێنەدان نەتوانن بەرگری لەخۆشتان بكەن و لەپەڕلەمانێكی بێ دەسەڵاتی پەكخراوی بێ ئەرزشكراوا دابنیشن! “.

دەشڵێت”ئەوەی لەپەڕلەمان دەگوزەرێ دەست بەسەراگرتنی یەكجاریە لە بێدەنگكردن و چاوترساندن، ئەوكاتەی سەرۆكی پەڕلەمان جورئەتی ئەوەی نیە بەرگری لەشكۆی خۆی و دەسەڵاتەكانی و پەڕلەمانتاران بكات و بۆ سكاڵایەكی سەرۆكی حكومەت تەسلیم دەبێ، تەسلیم بوونێك كە بەهەمووان دەڵێ لەمەبەدوا وەك سۆرانتان لێ دەكەین! “.

سۆران عومەر ئاشكرایدەكات، ئێستاش درێژكراوەی ئەو بابەتە گەشتووە بەوەی لەئامادەبوونی سەرۆكی پەڕلەماندا جێگرەكەی دەسەڵاتەكانی بەكاردەهێنێ و بانگێشتی كۆبوونەوە دەكات و بەرنامەی كار دادەنێ مانای ئەوەیە كە ئیدی پەڕلەمان بەتەواوی لەچنگی ئەواندایەو سەرۆكەكەی هیچ بەهاو دەسەڵاتێكی نیەو سیناریۆكانیان بۆ تەواو دەكات و بەشداری كۆبوونەوەكە ناكات!
وتیشی”بەداخەوە لەناو حزبەكانی دەرەوەی پارتی بەشێكی زۆریان هێشتا زۆر سادە تەماشای پەكخران و دەست بەسەراگرتنی پەڕلەمان لەلایەن پارتیەوە دەكەن و پێیان وایە ئەوەی ڕوودەدات ململانێی نێوان یەكێتی و پارتیە! “.

ڕوونیشیكردەوە، ڕاستیەكەی ئەوەیە پارتی ئەمجارە دەرگای پەڕلەمانی دانەخست، بەڵكو لەمەهامی سەرەكی دەریكردو سەرۆكەكەشی وا بێ ئەرزش كردووە هیچی بۆ نەهێشتووەتەوە، بەمجۆرە ئەمە پەڕلەمان نیە كەسانێك كە بزنس و بەرژەوەندیان لەگەڵ پارتیە پێیان ئاسایی بێ بە وەها سەرۆكێك لەدەسەڵاتی یاسادانان ڕازی بن، كەسانێكی دیكە هیچ مەهامێكیان وەك حزبی سیاسی نەماوەو چاوەڕێن كۆبوونەوەیەك بكرێ و بەنوقتە نیزامیەك هەندێ قسە بكەن! كەڕۆژانە لەتۆڕە كۆمەڵایەتیەكان و چایخانەكانیش هەمان قسە دەكرێ و هەردووكیان تەنها دێنە تۆڕی كۆمەڵایەتی و هیچ لێ سەوز نابێ، هەندێكیش پێیان وایە با هەرێم لەمە ئاڵۆز تر نەبێ! وەك ئەوەی كێشەمان نیە ئەمەی پەڕلەمان نەبێ.
سۆران عومەر نوسیویشێتی”پێویستە لایەنەكانی دەرەوەی پارتی قسەو جوڵەی جددیان هەبێ لەبەرامبەر ئەوەی پارتی و سەرۆكی پەڕلەمان بەم پەڕلەمانەی دەكەن بۆ ڕازین بەوەها پەڕلەمانێك كە نە پڕۆژەیان وەردەگیرێ نە لێپرسینەوە دەكرێ نە وەزیر بۆ میواندرێش دێ، ناكرێ ئەمەیان لا ئاسایی بێ و بەشوێن بانگێشتی نایاسایی جێگری سەرۆكی پەڕلەماندا بڕۆن و بەشداری كۆبوونەوەش بكەن تەنها لەپێناو نوقتە نیزامێك كە پێناچێ ڕێیان پێ بدرێ”.

کوردستان

پۆلیسی هەولێر؛ڕێگری لەو كەسانە كرا شەقامەگشتییەكان بۆ نێرگەلە و مەی خواردنەوە بەكاردەهێنن

خەڵك – بەشی هەواڵ

بەڕێوەبەرایەتی پۆلیسی پارێزگای هەولێر ڕایدەگەیەنێت، هێزەكانیان لە هەڵمەتێكدا هەڵسان بە چۆڵكردنی زۆربەی شوین و شەقامە گشتییەكان، كە بەشێك لە هاووڵاتیان بۆ مەیخواردنەوە و نێرگەلەكێشان بەكاریان دەهێنا .

بەڕێوەبەرایەتی پۆلیسی پارێزگای هەولێر لە ڕاگەیەنراوێكدا ،كە وێنەیەكی دەست (خەڵك) كەتووە ڕایگەیاندووە، بەشی پۆلیسی چالاكییە مەدەنییەكان لە هەڵمەتێكدا هەڵسان بە چۆڵكردنی زۆربەی شوین و شەقامە گشتییەكان ، كە بەشێك لە هاووڵاتیان بۆ مەیخواردنەوە و نێرگەلەكێشان بەكاریان دەهێنا و خەڵكیان بێزار دەكرد.

ئەمە لەكاتێكدایە، لەماوەی ڕابردوودا بەشێكی زۆر لە شەقامەگشتییەكان و نزیك پاركەكانی هەولێر بە هۆی ئەو هاووڵاتیانەی ئێواران نێرگەلە و خواردنەوە كهولییەكانیان دەخواردەوە بوو بووە هۆی بێزاربوونی هاووڵاتیان و ئەو خیزانانەی بۆ پشوودان سەردانی ئەو شوێنە گشتیانەیان دەكرد.

بەردەوام بە لە خوێندنەوە

کوردستان

مەحموود محەمەد؛ ئەمساڵ بەجۆش وخرۆشەوە لە نێو دڵ و دەروونی گەلەخۆڕاگرەكەمان یادی 74 ساڵە دەكەینەوە

خەڵك – بەشی هەواڵ
وتەبێژ و ئەندامی مەكتەبی سیاسی پارتی دیموكراتی كوردستان ڕایدەگەیەنێت ، یادكردنەوەی جەماوەری بۆ ساڵیادی دامەزراندنی پارتی، لە شێوەی گردبوونەوە و مەڕاسیمە جەماوەریەكان بەڕێوەناچن و ئەم یادە بەجۆش و خرۆشەوە لە نێو دڵ و دەروونی گەلە خۆڕاگرەكەمان و كادیر و لایەنگران و جەماوەری پارتی بەرز و پیرۆز ڕادەگرێت.

مەحموود محەمەد، وتەبێژ و ئەندامی مەكتەبی سیاسی پارتی دیموكراتی كوردستان ، لە لێدوانێكی تایبەتدا بۆ ماڵپەڕی فەرمی حزبەكەی بە بۆنەی ٧٤ ساڵەی یادی دامەزراندنی پارتی ڕایگەیاندووە، ١٦ی ئاب ساڵیادی پارتی وەك ڕۆژێكی مێژوویی و پڕ شكۆ و ڕووداوێكی گرنگی مێژوویی سەر گۆڕەپانی سیاسی و تێكۆشانی كوردستان بوو.

دەشڵێت،”لەگەڵ ئەوەی بە شكۆوە لە ١٦ی ئابی ھەموو ساڵێكدا ساڵیادی پارتی بەرز و پیرۆز ڕادەگرین، هاوكات لەم ساڵدا بەلەبەرچاوگرتنی ڕەوشی ئابووری و تەندروستی ھەرێم و پابەندبوون بە رێككارەكانی خۆپارێزی لە ڤایرۆسی كۆڕۆنا یادكردنەوەی جەماوەری بۆ ساڵیادی پارتی، لە شێوەی گردبوونەوە و مەڕاسیمەكانی گردبوونەوەی خەڵك و جەماوەر بەڕێوەناچن”.

ڕاشیگەیاندووە ، بۆ یادەكە تەنیا لە ڕێگەی كەناڵەكانی میدیاوە ئەم یادە بەجۆش و خرۆشە لە نێو دڵ و دەروونی گەلە خۆڕاگرەكەمان و كادیر و ئەندام و لایەنگران و جەماوەری سەربەرزی پارتی دیموكراتی كوردستان بەرز و پیرۆز رادەگرین.

بەردەوام بە لە خوێندنەوە

کوردستان

دوكان؛ ئەو گەنجەی هەفتەی پێشوو خنكا ئەمڕۆ تەرمەكەی دۆزرایەوە

خەڵك – بەشی هەواڵ
دوای ئەوەی پێنج شەممەی هەفتەی ڕابردوو گەنجێكی بەرەگەز عەرەب لەكاتی مەلەكردندا لە بەنداوی دوكاندا خنكاوە و ئەمڕۆ تەرمەكەی لە زێی بچوك لە گوندی بۆگدی دۆزرایەوە.

بەڕێوەبەرایەتی بەرگری شارستانی كۆیە بڵاویكردەوە، ئەو گەنجەی پێنج شەممەی هەفتەی پێشوو لە زێی دوكاندا لەكاتی مەلەكردندا خنكا ئەمڕۆ لە لایەن تیمی غەواس لە نزیك گوندی بۆگدی شارەدێی ئاشتی لە زێی بچوكدا بە خنكاوی دۆزرایەوە.

لە ڕاگەیەنراوەكەدا هاتووە ، گەنجەكە دانیشتوی شاری بەغدا بووە و لەدایكبووی ساڵی ١٩٩٢-ە دوای دۆزینەوەی تەرمەكەی دراوە بە پۆلیسی دوكان، بەمەبەستی گەڕاندنەوەی تەرمەكەی بۆ كەس و كارەكەی.

بەردەوام بە لە خوێندنەوە

کوردستان