ئێمە لە تۆرە کۆمەڵایەتیەکان

کوردستان

بزوتنەوەی گۆڕان؛ بەردەوام دەبین لە خزمەتكردنی خەڵك

خەڵك – بەشی هەواڵ

بزوتنەوەی گۆڕان ڕایدەگەیەنێت، ڕۆژی 25ی تەمموز لای خەڵكی ئازادیخواز و هاونیشتمانیان ، ساتەوەختێكی پڕشنگدارە لە سەركەوتنی خەباتی مەدەنی و دورخستنەوەی چەك لە كێبڕكێی سیاسیی، ئەمڕۆ یادكردنەوەی سەركەوتنی هەموو ئەو دەنگ و خواستە جەماوەرییەی خەڵكی كوردستانە.

بزوتنەوەی گۆڕان لە ڕاگەیەنراوێكی ڕۆژنامەوانیدا بەبۆنەی یادی 11 ساڵەی دامەزراندنی بڵاویكردەوە و ڕایگەیاندووە، گۆڕان وەك رێكخراوێكی سیاسیی خاوەن بەرنامەیەكی گشتگیری نیشتمانی و نەتەوەیی سەنگەرێكی پتەوی بەرگریكردن بووە لە داخوازیەكانی خەڵكی كوردستان ، بەگژداچونەوەی گەندەڵی، سەروەری یاسا، بەشداریپێكردنی زیاتری هاوڵاتیان لە كایەی گشتی و هەوڵدان بۆ پەیڕەوكردنی چاكسازی گشگیر.

ئاماژە بۆ ئەوەشكراوە، وەك بزوتنەوەی گۆڕان بەڵێن دەدەین لەچواچێوەی جێبەجێكردنی بەرنامەی سیاسیی بزوتنەوەی گۆڕاندا بەردەوام دەبین لە خزمەتكردنی خەڵك و بەهەندوەرگرتنی خواست و داواكارییەكانی هاوڵاتیان و گۆڕانخوازان بۆ سەرخستنی خەباتی مەدەنی و بەدیهێنانی خواستە رەواكانی هاونیشتمانیان.

راگەیەندراوی رۆژنامەوانی بزوتنەوەی گۆڕان :
ئەمڕۆ، (25)ی (7)ی (2020)، (11) ساڵ تێدەپەڕێت بەسەر سەركەوتنی لیستی بزوتنەوەی گۆڕان، لە هەڵبژاردنی خولی سێیەمی پەرلەمانی كوردستان.
ئەم رۆژە لای خەڵكی ئازادیخواز و هاونیشتمانیان، ساتەوەختێكی پڕشنگدارە لە سەركەوتنی خەباتی مەدەنی و دورخستنەوەی چەك لە كێبڕكێی سیاسیی، لەبەرامبەریشدا یادكردنەوەی سەركەوتنی هەمو ئەو دەنگ و خواستە جەماوەرییەی خەڵكی كوردستانە كە لەرێی بزوتنەوەی گۆڕانەوە گوزارشتی لەخۆی كرد.
بزوتنەوەی گۆڕان وەك رێكخراوێكی سیاسیی خاوەن بەرنامەیەكی گشتگیری نیشتمانی و نەتەوەیی، سەنگەرێكی پتەوی بەرگریكردن بوە لە داخوازیەكانی خەڵكی كوردستان، بەگژداچونەوەی گەندەڵی، سەروەری یاسا، بەشداریپێكردنی زیاتری هاوڵاتیان لە كایەی گشتی و هەوڵدان بۆ پەیڕەوكردنی چاكسازی گشگیر.
لەم رۆژەدا، سەرەڕای جەختكردنەوە لە كاراكردنی رۆڵی پەرلەمان كە بەداخەوە لەئێستادا ئەو رۆڵە فەرامۆشكراوە، بەپێویستیشی دەزانین سوپاسی هەمو ئەو خەڵكە دڵسۆزانە بكەین كە لەقۆناغە جیاوازەكانی خەباتی سیاسیی بزوتنەوەی گۆڕاندا بەشدار و پشتیوان و هاوسۆز و دەنگدەرمان بوون.
بەڵێنیش دەدەین لەچواچێوەی جێبەجێكردنی بەرنامەی سیاسیی بزوتنەوەی گۆڕاندا بەردەوام دەبین لە خزمەتكردنی خەڵك و بەهەندوەرگرتنی خواست و داواكارییەكانی هاوڵاتیان و گۆڕانخوازان بۆ سەرخستنی خەباتی مەدەنی و بەدیهێنانی خواستە رەواكانی هاونیشتمانیان.
بزوتنەوەی گۆڕان
٢٥ی٧ی٢٠٢٠

کوردستان

شیرین-ی كاوە گەرمیانی وەسێتنامەیەك بڵاودەكاتەوە

خەڵك- بەشی هەواڵ
لە حەوتەمین ساڵیادی تیرۆركردنی كاوە گەرمیانی ڕۆژنامەنووس، هاوسەرەكەی، كە ئێستا ئەندامی پەڕلەمانی كوردستانە لە فراكسیۆنی گۆڕان وەسێتنامەیەك بڵاودەكاتەوە.

ئەمڕۆ 5-12-2020، حەوت ساڵ تێپەڕ دەبێت بەسەر تیرۆركردنی ڕۆژنامەنووس كاوە گەرمیانی لە بەردەم ماڵەكەی خۆی، بەو بۆنەیەوە ڕۆژنامەنووسان و چالاكوانان لە كاتژمێر 2ی دوانیوەڕۆی ئەمڕۆ لەسەر گۆڕەكەی مەڕاسیمێك ئەنجام دەدەن و تێیدا خەڵاتی ساڵانەی كاوە گەرمیانی دابەش دەكرێت.

هەر بەپێی زانیارییەكانی (خەڵك) لە كاتژمێر 8ی شەو مەڕاسیمێكی دیكە لە بەردەم ماڵی كاوە گەرمیانی ئەنجام دەدرێت.

لای خۆشیەوە، شیرین ئەمین، هاوسەری كاوە گەرمیانی لە هەژماری خۆی لە فەیسبووك ئاماژەی بەوەكردووە، لە‌م جە‌نگە‌ڵە‌دا ژیان پڕە‌ لە‌قە‌دە‌ری ڕە‌ش پێدە‌چێت ئامە‌د گە‌ورە‌ نە‌كە‌م.

دەشڵێت: “وە‌سێتی من كە ‌مردم بستێك لە‌كراسە‌ خوێناوییە‌كە‌ی كاوە‌ و كراسێكی ئامە‌د بخە‌نە‌ سە‌ر دڵم، ئە‌و كات كفنم كە‌ن با لە‌گۆڕدا لە‌دوری ئە‌وان ‌ بتوانم ئۆقرە‌ بگرم”.

بەردەوام بە لە خوێندنەوە

کوردستان

لە دهۆك زیاتر لە 200 تووشبووی كۆرۆنا چاكبوونەوە

خەڵك- بەشی هەواڵ
بەڕێوەبەرایەتی گشتی تەندروستی دهۆك ئاشكرای دەكات، كە 219 نەخۆشی تووشبوو بە ڤایرۆسی كۆرۆنا چاكبوونەتەوە و بەوەش كۆی گەشتی چاكبوونەوە لە پەتاكە گەیشتۆتە نزیكەی 18 هەزار كەس.

بەڕێوەبەرایەتی گشتی تەندروستی دهۆك لە ڕاگەیەنراوێكدا ئاماژەی بەوەكردووە، ئەمڕۆ شەممە 219 نەخۆشی تووشبوو بە ڤایرۆسی كۆرۆنای نوێ‌ بەتەواوی چارەسەر بوون و گەڕانەوە ماڵەوە.

ڕاشیگەیاندووە، ئەو نەخۆشانە هەموو پشكنینەكانیان بۆ ئەنجامدرا و دەركەوت بەتەواوی چاكبوونەوە و سەلامەت، بۆیە نەخۆشخانەیان جێهێشت.

ئاشكراشی كردووە، تاوەكو ئێستا 17678 تووشبووی كۆرۆنا چاكبوونەتەوە و 12707 كەسیش لەژێر چارەسەری پزیشكی لە نەخۆشخانە ماون.

تەندروستی دهۆك داوا لە هاووڵاتیان دەكات پابەندی ڕێنماییە تەندروستی و خۆپارێزییەكان بن و بەردەوام دەمامك ببەستن و خۆیان لە قەرەباڵغی بەدوور بگرن.

بەردەوام بە لە خوێندنەوە

کوردستان

بەنداوی دەربەندیخان پێویستی بە بودجەیەكی تایبەت هەیە بۆ چارەسەركردنی گرفتەكانی

خەڵك-بەشی هەواڵ

 

بەڕێوەبەری بەنداوی دەربەندیخان ڕایدەگەیەنێت، داوای بودجەیەكی گونجاومان كردووە بۆ چارەسەركردنی كێشەكانی بەنداوی دەربەندیخان.

بەهۆی ڕوودانی بومەلەرزەیەكی بەهێز لە باشوور و ڕۆژهەڵاتی كوردستان بەنداوی دەربەندیخان زیانی بەركەوت و بەو هۆیەوە لە ساڵانی ڕابردوو نەتوانراوە ئاوێكی زیاتر گل بدرێتەوە، بەڵام بەڕێوەبەری بەنداوی دەربەندیخان ئاشكرایدەكات، لە ئێستادا كێشەی گلدانەوەی ئاومان نییە و پێشوازی لە وەرزی لافاو باران دەكەین.

ڕەحمان خانی بەڕێوەبەری بەنداوی دەربەندیخان بە (خەڵك)ی ڕاگەیاند، هەندێك لەو كارانەی كە پەیوەست بوون بە زیانەكانی بومەلەرزە جێبەجێ كراون، بەڵام كۆمەڵێك كاریتر ماون لە بەنداوەكە پێویستە چارەسەر بكرێن.

وتیشی”ئێمە لەگەڵ حكومەتی هەرێم و بەغدا لەسەر خەتین و داوامان كردووە بودجەیەكی گونجاو بۆ بەنداوەكە دابین بكەن بۆ ئەوە ئەو كارانەش چارەسەر بكەین”.

بەردەوام بە لە خوێندنەوە

کوردستان