ئێمە لە تۆرە کۆمەڵایەتیەکان

کوردستان

لە مانگێكدا 32 هاووڵاتی خۆیان كوشتووە

خەڵك- بەشی هەواڵ
لە ماوەی مانگی ڕابردوو لانیكەم ٣٢ هاووڵاتی كورد لە شارە جیاجیاكانی ڕۆژهەڵاتی كوردستان كۆتاییان بە ژیانی خۆیان هێناوە، كە تەمەنی پێنج كەسیان ژێر ١٨ ساڵ بووە.

ڕێكخراوی مافی مرۆڤی هەنگاو بڵاویكردەوە، لە ماوەی مانگی پووشپەڕی ٢٧٢٠، لانیكەم ٣٢ هاووڵاتی كورد كۆتاییان بە ژیانی خۆیان هێناوە، كە ١٦ ژن و ١٦ پیاو بوون و تەمەنی پێنج كەسیان ژێر ١٨ ساڵ بووە. هۆكاری زۆربەی خۆكوشتنەكانیش كێشەی خێزانی و كێشەی ئابووری و هەژاری بووە.

ناوی ئەو كەسانەی، كە خۆیان كوشتووە و زانیاری زیاتر لەسەر چۆنێتی خۆكوشتنەكەیان بە شێوەی خوارەوەیە؛

١ی پووشپەڕی ٢٧٢٠
حوسێن مەولانایی خەڵكی سنە بە هۆی كێشەی خێزانی خۆی هەڵواسیوە.

٢ی پووشپەڕی ٢٧٢٠:
١_ شیوا ئیسماعیلی خەڵكی مەهاباد بە هۆی كێشەی خێزانی خۆی هەڵواسیوە.
٢_ كچێكی تەمەن ١٣ ساڵی خەڵكی ئیلام بە هۆی ئەوەی كە نمرەی پێویستی لە قوتابخانە بە دەست نەهێنابوو، خۆی هەڵواسیوە.

٤ی پووشپەڕی ٢٧٢٠
١_ زارا نامداری خەڵكی تیكاب بە هۆی كێشەی خێزانییەوە خۆی هەڵواسی و كۆتایی بە ژیانی خۆی هێنا.
٢_ ژنێكی خەڵكی ئیلام بە ناوی ”حەسیبە نوورمحەمەدی بە هۆی كێشەی خێزانییەوە خۆی هەڵواسی.

٩ی پووشپەڕی ٢٧٢٠
١_ خوێندكارێكی خەڵكی سەقز بە ناوی ”مستەفا تەیمووری“ بە هۆی ڕێكخری بەرپرسانی زانكۆ لەدرێژەدان بە خوێندنی خۆی هەڵواسی.
٢_ فەخرەدین مەحموودی خەڵكی پیرانشار بە هۆی كێشەی خێزانییەوە خۆی هەڵواسیوە.

١٠ی پووشپەڕی ٢٧٢٠
١_ بەسنا ئەحمەدی تەمەن ٦٠ ساڵ و خەڵكی ئورمیە بە هۆی كێشەی خێزانییەوە ئاگری لە جەستەی خۆی بەرداوە.
٢_ ژنێكی تەمەن ٣٥ ساڵ لە مەریوان بە ناوی ”سەمیرا“ بە هۆی كێشەی خێزانییەوە كۆتایی بە ژیانی خۆی هێنا.
٣_ سمەیە قەجەری تەمەن ٢٩ ساڵ و خەڵكی ئیلام، بە هۆی كێشەی خێزانی كۆتایی بە ژیانی خۆی هێناوە.

١٢ی پووشپەڕی ٢٧٢٠
١_ ئەسرین سەحرایی خەڵكی كرماشان بە هۆی كێشەی خێزانییەوە لە ڕێگای خواردنی حەبی برنج كۆتایی بە ژیانی خۆی هێنا.

١٣ی پووشپەڕی ٢٧٢٠
١_ ئەمیر ئەرسەلان تاك تەمەن ١٦ ساڵ و خەڵكی پیرانشار بە هۆی كێشەی خێزانی و كە ڕێگای بەكارهێنانی چەك كۆتایی بە ژیانی خۆی هێنا.
٢_ لاوێكی تەمەن ٢٢ ساڵی خەڵكی كرماشان بە ناوی ”مێهدی ڕەحمانی“ بە هۆی هەژارییەوە خۆی هەڵواسی.

١٥ی پووشپەڕی ٢٧٢٠
١_ محەمەد سەعید شامحەمەدی تەمەن ٥٠ ساڵ و خەڵكی دیواندەرە بە هۆی كێشەی خێزانییەوە خۆی هەڵواسی.

١٦ی پووشپەڕی ٢٧٢٠
١_ زانیار نادری تەمەن ١٢ ساڵ و خەڵكی جوانڕۆ، بە هۆكارێكی نادیار خۆی هەڵواسی و كۆتایی بە ژیانی خۆی هێنا.

١٨ی پووشپەڕی ٢٧٢٠
١_ شەكیلا زەحمەتكێش خەڵكی پاوە بە هۆی كێشەی خێزانی لە ڕێگای خواردنی حەبی برینجەوە كۆتایی بە ژیانی خۆی هێنا.
٢_ عەبدوڵڵا سادقی خەڵكی سەقز بە هۆی كێشەی خێزانی لە سەر بان خۆی خستە خوارەوە و گیانی لە دەست دا.
٣_ هاووڵاتییەكی خەڵكی ئیلام بە ناوی ”مازیار میرئەحمەدی“ بە هۆی هەژاری و كێشەی ئابووری خۆی هەڵواسی.

٢٠ی پووشپەڕی ٢٠٢٠
١_ كچێكی تەمەن ١٨ ساڵی خەڵكی مەهاباد بە ناوی ”ژیلا ئیسماعیلی فەڕ“ بە هۆی كێشەی خێزانی خۆی هەڵواسی.

٢٤ی پووشپەڕی ٢٠٢٠
١_ ژنێكی تەمەن ٣٣ ساڵی خەڵكی ڕوانسەر بە ناوی ”شیوا قوبادی“ بە هۆی كێشەی خێزانییەوە خۆی هەڵواسیوە.
٢_ كچێكی لاوی خەڵكی بانەوڕەی پاوە بە ناوی ”حەفسێ فەتاحی“ بە هۆی كێشەی خێزانییەوە خۆی هەڵواسیوە.

٢٥ی پووشپەڕی ٢٧٢٠
١_ یوسف بەگ نژادی خەڵكی كۆیەشتی كوڕستان، دوای ئەوەی كچەكەی دایە بەر لێدان و كوتان، لەڕێگای خواردنی حەبەوە كۆتایی بە ژیانی خۆی هێنا. كچی ناوبراو ئێستا لە كۆمادایە.

٢٦ی پووشپەڕێ ٢٧٢٠
١_ لاوێكی خەڵكی كرماشان بە ناوی ”سیروان نەزەری“ بە هۆكارێكی نادیار لە ڕێگای خواردنی حەب هەوڵی خۆكوشتنی داوە.
٢_ ژنێكی خەڵكی دێهلۆڕان بە ناوی ”سومەیە سوبحانی“ بە هۆی كێشەی خێزانی لە ڕێگای خواردنی حەبی برینج كۆتایی بە ژیانی خۆی هێنا.

٢٧ی پووشپەڕی ٢٧٢٠
١_ لاوێكی تەمەن ١٥ ساڵی خەڵكی دڵزی سەر بە سەوڵاوا بە ناوی سرووش سوبحانی بە هۆكارێكی نادیار خۆی هەڵواسیوە.
٢_ عەدنان حاجی زادە خەڵكی شنۆ بە هۆی كێشەی خێزانی خۆی هەڵواسیوە و كۆتایی بە ژیانی خۆی هێناوە.
٣_ هدیە ئەردەڵان، تەمەن ١٩ ساڵ و خەڵكی كامێران كە بە تازەیی لە هاوژینەكەی جیا ببوە، بە هۆی ئەوەی هاوژینەكەی ڕێگەی نەداوە منداڵەكەی ببنێت، خۆی هەڵواسیوە.

٢٨ی پووشپەڕی ٢٧٢٠
١_ دوكتور عەمار ئەلانی خەڵكی قەسری شیرین بە هۆكارێكی نادیار كۆتایی بە ژیانی خۆی هێنا.

٢٩ی پووشپەڕی ٢٧٢٠
١_ هاووڵاتییەكی خەڵكی دیواندەرە بە ناوی ”عەتا قەیسەری“ بە هۆی هەژاری خۆی هەڵواسی.

٣٠ی پووشپەڕی ٢٧٢٠
١_ هاووڵاتییەكی تەمەن ٤٢ ساڵی خەڵكی سنە بە ناوی ”عەبدوڵڵا گویەلی“ بە هۆكارێكی نادیار خۆی هەڵواسی.

٣١ی پووشپەڕی ٢٧٢٠
١_ سارینا مورادی تەمەن ٢٠ ساڵ و خەڵكی گوندی خامسانی كامێران، بە هۆی كێشەی خێزانیەوە خۆی هەڵواسی.
٢_ كچێكی تەمەن ١٥ ساڵی خەڵكی كۆتۆل كە ناوەكەی نەزانراوە، لە سەر بەرزەپردێكی ئەو شارە خۆی خستە خوارەوە و گیانی لە دەست دا.

کوردستان

وێنە.. لە هەولێر كەسێك بە تۆمەتی بەكارهێنانی ماددەی كریستاڵ دەستگیركرا

خەڵك – بەشی هەواڵ

بەڕێوەبەرایەتی پۆلیسی پارێزگای هەولێر ڕایدەگەیەنێت، كەسێكیان بە تۆمەتی بەكارهێنانی ماددەی هۆشبەر دەستگیركردووە.

بەڕێوەبەرایەتی پۆلیسی پارێزگای هەولێر لە لاپەڕەی فەڕمی خۆی لە تۆڕی كۆمەڵایەتی فەیسبوك بڵاویكردەوە، هێزەكانیان ئاگاداركرانەوە لەوەی ئۆتۆمبێلێكی جۆری (مارسیدس) بۆ ماوەیەكی زۆر لە شەقامی كۆیە وەستاوە، دوای گەیشتنی پۆلیس دەركەوت كە شۆفێری ئۆتۆمبێلەكە بە هۆی بەكارهێنانی ماددەی هۆشبەرەوە بێ هۆش بووە.

پۆلیسی هەولێر ڕوونیشیكردووەتەوە، تۆمەتبارەكە ناوی (هـ.ن.ر)ە، بڕێكی زۆر ماددەی هۆشبەری لە جۆری (كریستاڵ) و حەب و كەلوپەلی بەكارهێنانی ماددەی هۆشبەر و چەقۆ پێبووە.

پۆلیسی هەولێر ئەوەشیخستووەتەڕوو، پەڕاوی لێكۆڵینەوە بۆ تۆمەتبار كراوەتەوە و بەپێی ماددەی (١٤)ی ماددە هۆشبەرەكان ڕاگیراوە.

 

بەردەوام بە لە خوێندنەوە

ئابوری

سامانە سرووشتییەكان: باشترە عیراق وەك هەرێمی كوردستان بهێڵن لایەنی سەربەخۆ وردبینی لە پرسی نەوت بكات

خەڵك – بەشی هەواڵ

دوای ئەوەی وەزیری نەوتی عیراق ئاماژەی بەوەكردبوو، كەنەوتی هەرێم بەقاچاغ دەبرێت و لەئۆپیك كێشەی بۆ عیراق دروست كردووە، وەزارەتی سامانە سرووشتییەكانی هەرێم ئەو وتانە ڕەتدەكاتەوە.

وەزارەتی سامانە سرووشتییەكانی حكومەتی هەرێمی كوردستان لە ڕاگەیەنراوێكدا ڕایگەیاند:”ئامار و زانیاریی بەرهەمهێنانی نەوت لە هەرێمی كوردستان لەلایەن كۆمپانیای دیلۆیتی جیهانییەوە وردبینیی تێدا دەكرێت و بەشێوەیەكی بەردەوام بڵاودەكرێتەوە، بۆیە باشترە كە حكومەتی فیدراڵیی عیراق وردتربن لە لێدوانەكانیان، باشترە عیراقیش وەك هەرێمی كوردستان بهێڵن لایەنی سەربەخۆ وردبینی لە زانیارییەكانی تایبەت بە پرسی نەوت بكات”.

وەزارەتی سامانە سرووشتییەكان ئاماژەی بەوەشكردووە:” حكومەتی هەرێمی كوردستان دوای ڕێككەوتنی ئۆپيك پڵەس قەبارەی بەرهەمهێنانی كەمكردووەتەوە و كۆی گشتیی بەرهەمەكانی لە ئاستی پێویستدا نین بەراورد بە بەرهەمەكانی بەشەكانی دیكەی عیراق”.

وەزارەتی سامانە سرووشتییەكانی هەرێم بسی لەوەش كردووە:” ئەو ڕوونكردنەوەیان بۆ حكومەتی فیدراڵی وەكو بەشێك لە گفتوگۆیەكی گشتگیرتر لەقەڵەم دەدەن”.

بەردەوام بە لە خوێندنەوە

کوردستان

فراكسیۆنی پارتی؛ بە شانازییەوە یادی ریفراندۆمی سەربەخۆیی كوردستان دەكەینەوە

خەڵك – بەشی هەواڵ

فراكسیۆنی پارتی لە پەڕلەمانی كوردستان ڕایدەگەیەنێت ، بە شانازییەوە یادی ریفراندۆمی سەربەخۆیی كوردستان دەكەینەوە، كە خاڵێكی وەرچەرخانی گرنگ بوو لە مێژووی بزاڤی رزگاریخوازی گەلی كوردستان.

فراكسیۆنی پارتی لە پەڕلەمانی كوردستان لە ڕاگەیەنراوێكدا بڵاویكردەوە ، ریفراندۆمی سەربەخۆیی كوردستان، كە لە 25ـی ئەیلوولی 2017 ئەنجام درا، رۆژێكی نیشتمانیی شكۆدارە و شانازییەكی گەورەیە بۆ هەموو ئەوانەی بە بەڵێ، دەنگیان بۆ سەركەوتنی دا.

ڕاگەیەنراوى فراكسیۆنی پارتی لە ساڵیادی ریفراندۆمی سەربەخۆیی كوردستان
بە شانازییەوە یادی ریفراندۆمی سەربەخۆیی كوردستان دەكەینەوە، كە خاڵێكی وەرچەرخانی گرنگ بوو لە مێژووی بزاڤی رزگاریخوازی گەلی كوردستان.
ریفراندۆمی سەربەخۆیی كوردستان، كە لە 25ـی یٔەیلوولی 2017 یٔەنجام درا، رۆژێكی نیشتمانیی شكۆدارە و شانازییەكی گەورەیە بۆ هەموو یٔەوانەی بە بەڵێ، دەنگیان بۆ سەركەوتنی دا.
لە ساڵیادی ریفراندۆمدا، بەڵێن بە سەرۆك بارزانی دەدەین تا بمێنین پێشمەرگەی یٔەو ڕێیە دەبین كە یٔەو بۆ گەلەكەی هەڵیبژاردووە، كۆڵنەدان و وەفای یٔەو بۆ گەلەكەی دەنگی یٔازادیخوازانی كوردی بە گوێی كۆمەڵگەی نێودەوڵەتی و یار و نەیارانی گەلی كوردستان، گەیاند.
یٔێمە وەك فراكسیۆنی پارتی لە پەرلەمانی كوردستان هەردەم شانازی بەو دەستكەوتە مەزنەی گەلەكەمان دەكەین و بە رابەرایەتیی جەنابی سەرۆك بارزانی و بە پێشڕەویی پارتە نەتەوەییخوازەكەمانەوە، خەبات بۆ بەدیهاتنی دەكەین.
سڵاو بۆ هەموو یٔەو كەسانەی بەشداربوون لە سەركەوتنی ڕیفراندۆمی سەربەخۆیی كوردستان و دروود بۆ گیانی شەهیدانی كاروانی رزگاری و سەربەخۆیی كوردستان.
فراكسیۆنی پارتی
لە پەرلەمانی كوردستان

بەردەوام بە لە خوێندنەوە

کوردستان