ئێمە لە تۆرە کۆمەڵایەتیەکان

کوردستان

داوای گەڕانەوەی هێزەكانی پێشمەرگەی ڕۆژ دەكرێت بۆ ڕۆژئاوای كوردستان

خەڵك-بەشی هەواڵ

 

ئەندامێكی دەستەی سەرۆكایەتی ئەنجومەنی نیشتمانیی كوردی سوریا ڕایدەگەیەنێت، گەڕانەوەی پێشمەرگەی ڕۆژ بۆ كوردستانی سوریا و پێكهێنانی هێزێكی هاوبەشی سەربازیی زۆر گرنگە.

سولەیمان ئوسۆ سەرۆكی پارتی یەكێتی كوردستانی سوریا و ئەندامی دەستەی سەرۆكایەتی ئەنجومەنی نیشتمانیی كوردی سوریا لە لێدوانێكی ڕۆژنامەوانیدا ڕایگەیاند، پرسی گەڕانەوەی هێزەكانی پێشمەرگەی ڕۆژ بۆ كوردستانی سوریا بڕگەی سەرەكی ڕێككەوتنی دهۆك لەنێوان ئەنەكەسە و حزبەكانی یەكێتیی نیشتمانیی كورد بووە.

وتیشی”ئێمە گفتوگۆكانی خۆمان لەسەر بنەمای بەندەكانی ئەم ڕێككەوتننامەیە تاكو گەیشتن بە ئەنجام درێژە پێدەدەین”.

ئاماژەی بۆ ئەوەش كرد، بێگۆمان لەمكاتەدا كە گفتوگۆكانمان دەست پێكردووە، كارێكی دژوارمان لە پێشە بەڵام هەموو هەوڵەكانی ئێمە وەكو ئەنەكەسە ئەوەیە كە لەگەڵ لایەنی دیكە بگەینە ڕێككەوتنێكی گشتگیر.

ئاشكراشیكرد، گەڕانەوەی پێشمەرگەی ڕۆژ بۆ كوردستانی سوریا و پێكهێنانی هێزێكی سەربازیی هاوبەش لای ئێمەوە زۆر گرنگە.

ڕوونیشیكردەوە، دووهەمین خولی دانوستانەكانی یەكگرتنی كوردی سوریا بەپێی ڕێككەوتنی دهۆك بەڕێوەدەچێت، گرنگترین بڕگەی دانوستانەكەش بێگۆمان دامەزراندنی هێزێكی سەربازیی هاوبەشە، لەم چوارچێوەیەدا پرسی گەڕانەوەی هێزی پێشمەرگەی ڕۆژ تەوەری سەرەكیی كۆبوونەوەكانە.

کوردستان

وێنە.. خەڵك؛ زانیاری نوێ‌ لەبارەی بۆردوومانی فڕۆكە جەنگییەكانی توركیا لە دهۆك ئاشكرا دەكات

خەڵك – بەشی هەواڵ

فڕۆكە جەنگییەكانی توركیا لە سنووری پارێزگای دهۆك ئۆتۆمبێلێكیان كردە ئامانج و بەهۆیەوە چوار كەس شەهید بوون.

بەپێی زانیارییەكانی (تۆڕی میدیایی خەڵك)، ئەمشەو فڕۆكە جەنگییەكانی توركیا لە نزیك گوندی (ڕەشانكێ‌) كە تەنها 8 كیلۆمەتر لە سەنتەری پارێزگای دهۆك دوورە، ئۆتۆمبێلێكیان كردووەتە ئامانج، 4 سەرنشینی ئۆتۆمبێلەكە شەهید بوون.

بەوتەی دانیشتووانی ناوچەكە، ئۆتۆمبێلەكە مەدەنی بووە و 4 گەریلای پارتی كرێكارانی كوردستان (پەكەكە)ی تێدابووە و بەهۆی بۆردوومانەكە هەر چواریان دەستبەجێ‌ گیانیان لەدەستداوە.

بەردەوام بە لە خوێندنەوە

کوردستان

فڕۆكە جەنگییەكانی توركیا لە دهۆك ئۆتۆمبێلێكیان كردە ئامانج

خەڵك – بەشی هەواڵ

فڕۆكە جەنگییەكانی توركیا لە سنووری پارێزگای دهۆك ئۆتۆمبێلێكیان كردە ئامانج.

بەپێی زانیارییەكانی (تۆڕی میدیایی خەڵك)، كەمێك لەمەوبەر فڕۆكە جەنگییەكانی توركیا لە نزیك گوندی (ڕەشانكێ‌) كە تەنها 8 كیلۆمەتر لە سەنتەری پارێزگای دهۆك دوورە، ئۆتۆمبێلێكیان كردووەتە ئامانج، بەڵام تا ئێستا زیانەكانی ئەو بۆردوومانە نەزانراوە.

بەردەوام بە لە خوێندنەوە

کوردستان

بەڕێوەبەری نەخۆشخانەی جمهوری سلێمانی: كۆرۆنا ژیان ناوەستێنێ‌
بڕیارێك لە بەرژەوەندی نەخۆشانی (ڕۆماتیزمەی درێژخایەن) ڕادەگەیەنێت

خەڵك – بەشی هەواڵ

بەڕێوەبەری نەخۆشخانەی جمهوری سلێمانی ڕایدەگەیەنێت: لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان دەكرێت بۆ پێدانی (دەرزی مانگانەی ڕۆماتیزمە) بۆ نەخۆشانی (ڕۆماتیزمەی درێژخایەن).

د.داهات حەوێزی بەڕێوەبەری نەخۆشخانەی جمهوری سلێمانی لە هەژماری تایبەتی خۆی لە تۆڕی كۆمەڵایەتی فەیسبوك بڵاویكردەوە: كۆڕۆنا ژیان ناوەستێنێ، سەرەڕای تووشبوونی زۆر لە پزیشكان و كارمەندان و وەرنەگرتنی مووچەكانیان، بەڵام لەپێناو زیاتر خزمەتكردنی هاووڵاتیانی شاری سلێمانی و دەوروبەری كە نەخۆشی (ڕۆماتیزمەی درێژخایەن)یان هەیە بڕیارماندا لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان بكەین بۆ پێدانی (دەرزی مانگانەی ڕۆماتیزمە)، بەهیوای كەمكردنەوەی ئێش و ئازارەكانیان.

دەقی نووسینەكە:

كۆڕۆنا ژیان ناوەستێنێ:
سەرەڕای تووشبونی زۆر لە پزیشكان و كارمەندان و وەرنەگرتنی مووچەكانیان، بەڵام لەپێناو زیاتر خزمەتكردنی هاوڵاتیانی شاری سلێمانی و دەوروبەری كە نەخۆشی (ڕۆماتیزمەی درێژخایەنیان) هەیە بڕیارمان دا لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان بكەین بۆ پێدانی (دەرزی مانگانەی ڕۆماتیزمە)، بەهیوای كەمكردنەوەی ئێش و ئازارەكانیان.
سوپاس بۆ كارمەندو پزیشكە دڵسۆزەكان.

“بەهیوای لەشساغی بۆ گشت لایەك”

د.داهات حەوێزی

بەڕێوەبەری نەخۆشخانەی جمهوری سلێمانی

بەردەوام بە لە خوێندنەوە

کوردستان