ئێمە لە تۆرە کۆمەڵایەتیەکان

کوردستان

یەك شەممەی داهاتوو هەڵمەتەكە دەست پێدەكات
لەهەولێر داوا لە هاووڵاتیان دەكرێت ئاوە نایاساییەكانیان ببڕن

خەڵك-ئارام سەردار

جێگری پارێزگاری هەولێر ڕایدەگەیەنێت، لە هەولێر وەكو كێشە كێشەی بێ ئاویمان نیە، بەڵام ڕەنگە گەڕەكێك یان چەند كۆڵانێك كێشەیان هەبێت، هەر بۆیە هەڵمەتێكمان ڕاگەیاندوە لەڕۆژی یەك شەممەی داهاتوو دەست پێدەكات و ئێستا هاووڵاتیان ئاگادار دەكەینەوە ئاوە نایاساییەكانیان ببڕن و ئەو باخچانەشی دروستیان كردوون شێوەی موڵكی گشتی پێبدەن.
مەسعود كاڕەش، جێگری پارێزگاری هەلێر بە(خەڵك)ی ڕاگەیاند، لەهەولێر وەكو كێشە كێشەی بێ ئاویمان نیە، بەڵام ڕەنگە گەڕەكێك یان چەند كۆڵانێك كێشەیان هەبێت كە ئەگەر هەمووی كۆبكەینەوە لەوانەیە چەند ماڵێك بن، لەگەڵ ئەوەش ئێمە بەهەندی وەردەگرین و بەدواداچوون دەكەین تاوەكو كێشەكانیان بۆ چارەسەر بكەین.

دەشڵێت”بۆ دابینكردنی ئاو لەهەولێر پشت دەبەستین بە پڕۆژەكانی ئاوی ئیفراز یەك و دوو و سێ كەڕۆژانە ٢٤ كاتژمێر ئاو دابین دەكەن، ئەو گەڕەكانەشی لەسەر ئەو پڕۆژانەن كێشەی بێ ئاوی نیە، بەڵام ئەو شوێنانەی كێشەی بێ ئاویمان لێی هەیە زیاتر كەوتوونەتە باكور و ڕۆژهەوڵاتی هەولێر وەك هەندێ شوێن لەقەرەبووی كەسنەزان یان بنەسڵاوە و حەسارۆكان كێشەكەش ئەوەیە پڕۆژەی ئاوی ئیفرازیان نیە و بیرەكانیش بەرهەمی ئاویان بەم شێوەیە نیە وەك لەشوێنەكانی تر هەیە”.

ئاماژەی بۆ ئەوەشكرد، ڕۆژانە ٤٢٠ هەزار مەتر سێ جا ئاو بۆ هاووڵاتیان دابین دەكرێت، ئەگەر دانیشتوانی هەولێر ملیۆنێك كەس بێت، ئەوا هەر كەسێك نزیكەی ٤٠٠ لیتری دەست دەكەوێت، واتە ئەو ئاوەی هەیە زۆر زیاترە لەپێداویستی، چونكە پێویستی هەولێر ڕۆژانە بەگوێرەی ستاندەر ٣٠٠ هەزار لیتر ڕەنگە زیادیش بێت، بەڵام كێشەكە زۆر لەگەڕەك و ماڵەكان سەرچاوەی یەكەمیان بیری ئاوەكانە، ئەو باخچانەی لەگەڕەكەكان دروستكراون بەنایاسایی و ئاوێكی نایاسایشی بۆ ڕاكێشاوە.

لەبارەی چۆنیەتی چارەسەركردنی كێشەكان، ناوبراو باسی لەوەكرد، ئێستا هەڵمەتێكمان ڕاگەیاندوە لەڕۆژی یەك شەممەی داهاتوو دەست پێدەكات، هاووڵاتیانیش ئاگادار دەكەینەوە ئاوە نایاساییەكان ببڕن و ئەو باخچانەشی دروستیان كردوون شێوەی موڵكی گشتی پێبدەن، تاكو هەموو كەسێك سوودیان لێوەربگرن ئەگەر نا ڕووبەڕووی لێپێچینەوەی یاسایی دەكرێنەوە، هەروەها ٢١ بیری نوێش لێ دەدرێت لەم شوێنانەی كەوا كێشەی كەم ئاویان هەیە.

کوردستان

شەنگال.. ئۆتۆمبێلێكی بۆمبڕێژكراو تەقییەوە

خەڵك – بەشی هەواڵ

ئۆتۆمبێلێكی بۆمبڕێژكراو لە باكووری شەنگال تەقییەوە.

بەپێی زانیارییەكان، كاتژمێر 9:30 خولەكی‌ ئەمشەو ئۆتۆمبێلێكی بۆمبڕێژكراو لەجۆری ئۆپڵ لە باكووری شەنگال تەقییەوە.

تەقینەوەكە كیلۆمەترێك لە مەزارگەی شێخ شەرەفەدین دوورە و تا ئێستا زیانەكانی ئەو تەقینەوەیە ئاشكرا نەكراوە.

پاش ڕووداوەكەش هێزە ئەمنییەكان گەیشتوونەتە ناوچەكە و لێكۆڵینەوە لە ڕووداوەكە دەستیپێكردووە.

بەردەوام بە لە خوێندنەوە

کوردستان

سلێمانی.. مامۆستایانی ناڕازی و ئەنجومەنی فشار و مامۆستایانی زانكۆ هەڵوێست ڕادەگەیەنن

خەڵك – بەشی هەواڵ

مامۆستایانی ناڕازی و ئەنجومەنی فشار و مامۆستایانی زانكۆ و پەیمانگاكان لە ئاگادارینامەیەكدا ڕایدەگەیەنن، سبەینێ‌ دووشەممە ڕێكەوتی 21/9/2020 كاتژمێر 11ی پێش نیوەڕۆ لە بەردەم پەروەردەی ڕۆژئاوا، ئەنجومەنی فشار، مامۆستایانی ناڕازی، مامۆستایانی زانكۆ و پەیمانگاكان، بەیەكەوە لەكۆنگرەیەكی ڕۆژنامەوانیدا هەڵوێستی هاوبەش ڕادەگەیەنن.

مامۆستا دڵشاد بابانی ئەندامی ئەنجومەنی فشار بە (تۆڕی میدیایی خەڵك)ی ڕاگەیاند، سبەینێ‌ لەو كۆنفڕانسە ڕۆژنامەوانییەدا ڕاگەیەنراوێكدا بۆ ڕای گشتی بڵاودەكەنەوە لە هەمان كاتدا چەند داواكارییەك دەخەنەڕوو.

مامۆستا دڵشاد بابانی وتیشی، لەو كۆنفڕانسە ڕۆژنامەوانییەدا بە هەماهەنگی لەگەڵ مامۆستایانی ناڕازی و مامۆستایانی زانكۆ و پەیمانگاكان وادەی ئەنجامدانی خۆپیشاندانی سەرتاسەری ڕادەگەیەنن.

بەردەوام بە لە خوێندنەوە

کوردستان

هاوسەری جەعفەر شێخ مستەفا جێگری سەرۆكی هەرێم كۆچی دوایی كرد

خەڵك – بەشی هەواڵ

كەمێك پێش ئێستا پرشنگ ڕەشید عەبدولكەریم خێزانی شێخ جەعفەر شێخ مستەفا جێگری سەرۆكی هەرێمی كوردستان كۆچی دوایی كرد.

بەردەوام بە لە خوێندنەوە

کوردستان