ئێمە لە تۆرە کۆمەڵایەتیەکان

کوردستان

“جگە لە كاندیدەكانی حزبی بەعس هیچ كەسی دیكە لە هەڵبژاردنەكانی سوریا سەرناكەوێت”

خەڵك-بەشی هەواڵ

 

سەرۆكی پارتی برایەتی كوردستانی سوریا ڕایدەگەیەنێت، جگە لە كاندیدەكانی حزبی بەعس هیچ كەسی دیكە لە هەڵبژاردنەكانی سوریا سەرناكەوێت و ئەمەش نیشانەی ئەوەیە هەڵبژادنەكە دیموكراتی نییە.

عەدنان كیلو سەرۆكی پارتی برایەتی كوردستانی سوریا لە لێدوانێكی ڕۆژنامەوانیدا ڕایگەیاند، پێشتر ژمارەیەك لە كەسایەتییە كوردەكان لە ڕێگای هەندێك حزبەوە وەكو پەڕلەمانتاری كورد لە پەڕلەمانی سوریا ئامادە بوون، بەڵام ئامادەبوونیان هیچ دەستكەوتێكی بۆ كوردی سوریا نەبووە.
وتیشی”هێشتا پارتی دەسەڵاتداری سوریا بە عەقڵیەتی پێش 2011ەوە مامەڵە لەگەڵ پرسەكانی سوریا دەكات”.

ئاماژەی بۆ ئەوەش كرد، حكومەتێك لەسەر بنەمای سیاسەتە هەڵەكانی ڕابردووی خۆی بە پرس و بابەتەكاندا بڕوانێت، ناتوانێت هەڵبژاردنێكی دیموكراتی بەڕێوەببات و ئامادەبوون لە پەڕلەمانیش هیچ سوودێكی نییە.

ئاشكراشیكرد، حزبە كوردییەكان لە سوریا لەو بڕوایەداین كە ئامادەبوونی پەڕلەمانتارە كوردەكان لە پەڕلەمانی سوریا ڕەنگ و بۆی نادیموكراتی پەڕلەمان ناگۆڕێت، بۆیە بڕوامان بە بەشداریكردن لە هەڵبژاردنەكاندا نییە و بوونی نوێنەرانی كوردیش لە پەڕلەمانی سوریا هیچ سوودێكی بۆ میللەتی سوریا نییە چونكە تەنها ئەركیان چەپڵەلێدانە بۆ سیاسەتەكانی حكومەت.

کوردستان

وێنە.. خەڵك؛ زانیاری نوێ‌ لەبارەی بۆردوومانی فڕۆكە جەنگییەكانی توركیا لە دهۆك ئاشكرا دەكات

خەڵك – بەشی هەواڵ

فڕۆكە جەنگییەكانی توركیا لە سنووری پارێزگای دهۆك ئۆتۆمبێلێكیان كردە ئامانج و بەهۆیەوە چوار كەس شەهید بوون.

بەپێی زانیارییەكانی (تۆڕی میدیایی خەڵك)، ئەمشەو فڕۆكە جەنگییەكانی توركیا لە نزیك گوندی (ڕەشانكێ‌) كە تەنها 8 كیلۆمەتر لە سەنتەری پارێزگای دهۆك دوورە، ئۆتۆمبێلێكیان كردووەتە ئامانج، 4 سەرنشینی ئۆتۆمبێلەكە شەهید بوون.

بەوتەی دانیشتووانی ناوچەكە، ئۆتۆمبێلەكە مەدەنی بووە و 4 گەریلای پارتی كرێكارانی كوردستان (پەكەكە)ی تێدابووە و بەهۆی بۆردوومانەكە هەر چواریان دەستبەجێ‌ گیانیان لەدەستداوە.

بەردەوام بە لە خوێندنەوە

کوردستان

فڕۆكە جەنگییەكانی توركیا لە دهۆك ئۆتۆمبێلێكیان كردە ئامانج

خەڵك – بەشی هەواڵ

فڕۆكە جەنگییەكانی توركیا لە سنووری پارێزگای دهۆك ئۆتۆمبێلێكیان كردە ئامانج.

بەپێی زانیارییەكانی (تۆڕی میدیایی خەڵك)، كەمێك لەمەوبەر فڕۆكە جەنگییەكانی توركیا لە نزیك گوندی (ڕەشانكێ‌) كە تەنها 8 كیلۆمەتر لە سەنتەری پارێزگای دهۆك دوورە، ئۆتۆمبێلێكیان كردووەتە ئامانج، بەڵام تا ئێستا زیانەكانی ئەو بۆردوومانە نەزانراوە.

بەردەوام بە لە خوێندنەوە

کوردستان

بەڕێوەبەری نەخۆشخانەی جمهوری سلێمانی: كۆرۆنا ژیان ناوەستێنێ‌
بڕیارێك لە بەرژەوەندی نەخۆشانی (ڕۆماتیزمەی درێژخایەن) ڕادەگەیەنێت

خەڵك – بەشی هەواڵ

بەڕێوەبەری نەخۆشخانەی جمهوری سلێمانی ڕایدەگەیەنێت: لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان دەكرێت بۆ پێدانی (دەرزی مانگانەی ڕۆماتیزمە) بۆ نەخۆشانی (ڕۆماتیزمەی درێژخایەن).

د.داهات حەوێزی بەڕێوەبەری نەخۆشخانەی جمهوری سلێمانی لە هەژماری تایبەتی خۆی لە تۆڕی كۆمەڵایەتی فەیسبوك بڵاویكردەوە: كۆڕۆنا ژیان ناوەستێنێ، سەرەڕای تووشبوونی زۆر لە پزیشكان و كارمەندان و وەرنەگرتنی مووچەكانیان، بەڵام لەپێناو زیاتر خزمەتكردنی هاووڵاتیانی شاری سلێمانی و دەوروبەری كە نەخۆشی (ڕۆماتیزمەی درێژخایەن)یان هەیە بڕیارماندا لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان بكەین بۆ پێدانی (دەرزی مانگانەی ڕۆماتیزمە)، بەهیوای كەمكردنەوەی ئێش و ئازارەكانیان.

دەقی نووسینەكە:

كۆڕۆنا ژیان ناوەستێنێ:
سەرەڕای تووشبونی زۆر لە پزیشكان و كارمەندان و وەرنەگرتنی مووچەكانیان، بەڵام لەپێناو زیاتر خزمەتكردنی هاوڵاتیانی شاری سلێمانی و دەوروبەری كە نەخۆشی (ڕۆماتیزمەی درێژخایەنیان) هەیە بڕیارمان دا لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان بكەین بۆ پێدانی (دەرزی مانگانەی ڕۆماتیزمە)، بەهیوای كەمكردنەوەی ئێش و ئازارەكانیان.
سوپاس بۆ كارمەندو پزیشكە دڵسۆزەكان.

“بەهیوای لەشساغی بۆ گشت لایەك”

د.داهات حەوێزی

بەڕێوەبەری نەخۆشخانەی جمهوری سلێمانی

بەردەوام بە لە خوێندنەوە

کوردستان