ئێمە لە تۆرە کۆمەڵایەتیەکان

عێراق

میدیای ئێران: دوای پێنج مانگ خۆپارێزیی، خامنەیی یەكەم دیداری راستەوخۆ لەگەڵ كازمی ئەنجام دەدات

خەڵك – بەشی هەواڵ
بڕیارە ئەمڕۆ سێ شەممە عەلی خامنەیی ڕابەری باڵای شۆڕشی ئیسلامی ئێران پێشوازی لە مستەفا كازمی سەرۆك وەزیرانی عیراق بكات كە ماوەی پێنج مانگە بە هۆی ڕێكارە خۆپارێزییەكانی ڤایرۆسی كۆرۆناوە هیچ دیدارێكی ڕاستەوخۆی ئەنجام نەداوە.

ئاژانسی هەواڵی فەرمی ئێران “ئیرنا” ڕایگەیاند ئەنجامدانی ئەو دیدارە ڕاستەوخۆیە لەگەڵ كازمی، ئاماژەیە بۆ گرنگیدانی خامنەیی بە پەیوەندییە دووقۆڵییەكان لەگەڵ عیراق، چونكە ماوەی پێنج مانگە هیچ دیدارێكی ڕاستەوخۆی ناوخۆیی و دەرەكی ئەنجام نەداوە، مەگەر لە حاڵەتێكی ئەوپەڕی پێویستیدا نەبووبێت.

ڕوونیشیكردەوە كە دیدارەكە لێكگەیشتنی هاوبەشی دەربارەی ئایندەی پەیوەندییەكانی نێوان هەردوو وڵاتی لێبكەوێتەوە.

پێش نیوەڕۆی ئەمڕۆ مستەفا كازمی بە سەرۆكایەتی شاندێك گەیشتە تاران كە وەزیرانی دەرەوە، نەوت، كارەبا، دارایی، بەرگری، تەندروستی و ڕاوێژكاری ئاسایشی نەتەوەیی عیراق لە خۆ دەگرێت.

عێراق

پەرلەمانی عیراق کۆدەبێتەوە

 

 

خەڵک – بەشی هەواڵ

 

بڕیارە نیوەڕۆی ئەمڕۆ شەممە پەرلەمانی عیراق کۆببێتەوە.

 

نیوەڕۆی ئەمڕۆ کاتژمێر ١٢ پەرلەمانی عیراق کۆدەبێتەوە و بڕیارە خوێندنەوە بۆ چەند پڕۆژە یاسایەک بکرێن.

 

لەکۆبوونەوەی ئەمڕۆی پەرلەمانی عیراقدا بڕیارە گفتوگۆ لەبارەى ژمارەیەک پڕۆژەیاسایەک بکرێت، لەوانە: خوێندنەوەی یەکەم بۆ پڕۆژە یاساکانی هەموارکردنی یاسای دادگای تاوانەکانی عێراق، پڕۆژەیاسای دەستەی نیشتمانیی چاودێری ئەتۆمی، تیشکی، کیمیایی و بایەلۆجی، پڕۆژەیاسای پەیوەندیکردنی عیراق بە ڕێککەوتننامەی نێودەوڵەتی هێڵی بار، پڕۆژە یاسای پەیوەندیکردنی عیراق بە پرۆتۆکۆڵی ئامادەکاریی و بەرپەرچدانەوە و هاوکار لەبارەی پیسبوون بە ماددەی ترسناک و زیانمەندی گشتی و چەند پڕۆژە یاسایەکی دیکە.

 

 

بەردەوام بە لە خوێندنەوە

عێراق

ئێران: پێویستە عیراق گیانی دیپلۆماتكارەكانمان بپارێزێت

خەڵك – بەشی هەواڵ

وتەبێژی وەزارەتی دەرەوەی ئێران ڕایدەگەیەنێت: هێرش و پێشێلكارییەكان دژ بەهاووڵاتیانی ئێران لە عیراق بەشێوەیەكی بەرچاو زیادیكردووە.

سەعید خەتیب زادە وتەبێژی وەزارەتی دەرەوەی ئێران لە كۆنفڕانسێكی ڕۆژنامەوانیدا ئیدانەی ئەو هێرشانەی كرد كە لە بەغدای پایتەختی عیراق دەكرێنە سەر دیپلۆماتكار و كەسانی بیانی بەتایبەت ئێرانییەكان.

وتەبێژی وەزارەتی دەرەوەی ئێران ئاماژەی بەوەشدا، هێرش و پێشێلكارییەكان دژ بەهاووڵاتیانی ئێران لەو وڵاتە بەشێوەیەكی بەرچاو زیادیكردووە.

سەعید خەتیب زادە داواشیكرد، حكومەتی عیراق ئاسایشی هاووڵاتیانیان بپارێزێت و ڕاشیگەیاند، ئەركی هێزە ئەمنییەكانی ئەو وڵاتەیە گیانی دیپلۆماتكار و كەسانی بیانی بپارێزن و ڕێكاری توند بۆ ئەو مەبەستە بگرنەبەر.

بەردەوام بە لە خوێندنەوە

عێراق

سەڵاحەدین.. بۆمبێك بەكاروانێكی لۆجیستی هاوپەیمانان تەقییەوە

خەڵك – بەشی هەواڵ

لە سنووری پارێزگای سەڵاحەدین بۆمبێك بە كاروانێكی هاوپەیمانان تەقییەوە و سەربازێكی عیراقی برینداربوو.

شانەی ئەمنی عیراق بڵاویكردەوە، لە شارۆچكەیەكی سەر بە پارێزگای سەڵاحەدین بۆمبێكی چێنراو بەكاروانێكی لۆجیستی هێزەكانی هاوپەیمانی نێودەوڵەتی دژ بە داعش تەقیوەتەوە.

شانەی ئەمنی عیراقی ئەوەشی خستووەتەڕوو: بۆمبێك بەكاروانێكی لۆجیستی هێزەكانی هاوپەیمانی نێودەوڵەتی دژ بەداعش لە شارۆچكەی ئیسحاقی لە سنووری پارێزگای سەڵاحەدین تەقیوەتەوە و بەوهۆیەوە سەربازێكی هێزەكانی سوپای عیراق برینداربووە.

بەردەوام بە لە خوێندنەوە

کوردستان