ئێمە لە تۆرە کۆمەڵایەتیەکان

ئابوری

خول دەكرێتەوە و بۆ هەر ڕۆژێك 10 هەزار دینارە
بۆ نەهێشتنی بێكاری 41 هەزار هەلی كار ڕادەگەیەنرێت

خەڵك- بەشی هەواڵ
بە مەبەستی نەهێشتنی بێكاری و وەك وەڵامدانەوەیەك بۆ داخوازی خۆپیشاندەران، شانەی قەیرانەكانی عیراق بڕیاریدا بە تەرخان كردنی بڕی 400 ملیۆن دینار بۆ ئەو مەبەستە و وەزارەتی كار-یش ڕایدەگەیەنێت، هەلی كار دابین دەكرێت لە ڕێگەی مەشق كردن بە 41 هەزار هاوڵاتی و پێدانی كرێی ڕۆژانە پێیان.

محەمەد شیاع سۆدانی، وەزیری كاری عیراق لە بەیاننامەیەكدا، كە نووسینگەكەی بڵاویكردۆتەوە ڕایگەیاندووە، ناوەندەكانی مەشق و ڕاهێنانی پیشەیی لە بەغدا و پارێزگاكان ڕاسپێردراون بە ڕێكخستنەوەی كارەكانیان بە مەبەستی وەرگرتنی ئەو كەسانەی بەدوای كاردا دەگەڕێن و بۆ ئەوەش سەجەم پێداویستیە لۆجستیەكان ئامادە بكەن بەمەبەستی كردنەوەی خول بۆ هاوڵاتیان بەپێی سروشتی پارێزگاكان.

ڕاشیگەیاندووە، شانەی قەیرانەكان لە ئەنجومەنی وەزیران ڕەزامەندی داوە لەسەر تەرخان كردنی بڕی 4 ملیار دینار، كە مەشقكارەكان لە ناوەندەكانی ڕاهێنان دابەشی بكەن بەسەر ئەو كەسانەی ناونووس دەكرێن بۆ مەشق، كە بەرامبەر هەر ڕۆژێك بڕی 10 هەزار دیناریان بۆ خەرج بكرێت.

وەزیری كاری عیراق ئاماژەی بەوەشكردووە، پێویستە ناوەندەكانی مەشقی پیشەیی بكرێنەوە، كە 38 ناوەندی ڕاهێنانە و 41 هەزار هاوڵاتی وەربگرن و خولی ڕاهێنانیان بۆ بكەنەوە.

جەختیشی كردۆتەوە، كە لەلایەن شانەی قەیرانەكان بڕی 400 ملیۆن دینار تەرخان كراوە بۆ دابینكردنی پێویستیە لۆجستیەكانی خولەكان.

ئەم بڕیارەی ئەنجومەنی وەزیران و وەزارەتی كار دوای ئەو خۆپیشاندانانە هات، كە پارێزگاكانی باشووری عیراقی گرتەوە، كە خۆپیشاندەران داوای خزمەتگوزارییەكان و هەلی كار-یان دەكرد.

ئابوری

تیکتۆک و ویچات قەدەغەدەکرێن

 

خەڵک – بەشی هەواڵ

تیکتۆک و ویچات لەڕۆژی یەک شەممەوە لەئەپ ستۆر و پلەی ستۆری ئەمریکا قەدەغەدەکرێن.

 

بەپێی بڕیارێکی ولایەتە یەکگرتووەکانی ئەمریکا، ڕێگری دەکرێت لەداونلۆدکردنی هەردوو ئەپلیکەیشنی تیکتۆک و ویچات لەئەپستۆر و پلەی ستۆری ئەمریکا.

 

بڕیارەکە لەیەک شەممەی داهاتووەوە دەچێتە بواری جێبەجێکردنەوە و بەتەواویش لەبەرواری ١٢/١١/٢٠٢٠ بەکارهێنانی قەدەغەدەکرێن.

 

ئەم بڕیارە  لەکاتێکدایە ئەمریکا پێیوایە ئەم ئەپلیکەشنانە هەڕەشەن بۆسەر ئاسایشی نیشتیمانی.

 

ئەو دوو ئەپلیکەیشتە لەلایەن دوو کۆمپانیای چینییەوە بەرهەمهێنراون و بەڕێوەدەبرێن، بۆیە گرژییەکانی نێوان ئەمریکا و چین وایکردووە ئەم جۆرە بڕیارانە دەربکرێن.

 

بەردەوام بە لە خوێندنەوە

ئابوری

بازاڕچەكانی نێوان ڕۆژهەڵات و باشووری كوردستان ڕێكدەخرێنەوە

خەڵك – بەشی هەواڵ
بڕیارە بازاڕچەكانی سنووری پارێزگاكانی ورمێ و كرماشان و سنەی ڕۆژهەڵاتی كوردستان لەگەڵ هەرێمی كوردستان ڕێكبخرێنەوە.

نادر سادقی جێگری هەماهەنگی کاروباری ئابووری پارێزگاری ورمێ ڕایگەیاند: بە پێێ پەسەند کراوی ئەنجومەنی گەشە و ئاسایشی سەقامگیری ڕۆژهەڵات و ڕۆژئاوای ئێران و بە ڕاگەیاندنی گومروک، وەزارەتی پیشە، کانگا و بازرگانی و بانکی ناوەندی ئاییننامەی ڕێکخستنی هەناردە و هاوردەی کاڵا لە بازاڕچە سنوورییەکان ناسراو بە کۆڵبەری، لە سێ پارێزگای سنووری ورمێ، کرماشان و کوردستان بەڕێوە دەچێت.

سادقی وتیشی: وا بڕیار دراوە کە ئیدارەی پارێزگارییەکان و لیژنەی ناوەندی بەرەنگار بوونەوەی قاچاغی کاڵا و دراو، لە سەر ڕەوتی بەڕێوە چوونی ئەو پەسەند کراوە چاوەدێری بکەن و هیوادارین بەشێکی بەرچاو لە کێشەی کۆڵبەرەکانی پارێزگا چارەسەر ببێت.

بەردەوام بە لە خوێندنەوە

ئابوری

نرخی نەوتی ئۆپیك 41 دۆلاری تێپەڕاند

خەڵك- بەشی هەواڵ
بەر لە كۆبوونەوەی نیوەڕۆی ئەمڕۆی ڕێكخراوەكە، نرخی بەرمیلێك نەوتی ئۆپیك گەیشتە 41.29 دۆلار.

بەپێی بەیاننامەیەك كە لەلایەن ڕێكخراوی ئۆپیكەوە بڵاوكرایەوە”نرخی بەرچنەی ئۆپیك كە لە سیانزە بەرمیل نەوتی خاو پێكدێت، بۆ هەرمیلێكی 1.94 دۆلار زیادی كرد .

هەر لە بەیاننامەكەی ئۆپیكدا هاتووە”دوێنێ‌ چوار شەممە، نرخی بەرمیلێك نەوتی ئۆپیك لە 38.96 دۆلارەوە بۆ 39.35 دۆلار زیادی كرد”.

ئەمڕۆ پێنج شەممە، ئۆپیك و (هاوپەیمانەكانی) كە لەلایەن ڕوسیاوە سەركردایەتی دەكرێن، لەڕێی ئینتەرنێتەوە كۆبوونەوەیەكیان سازكرد بۆ تاوتوێكردنی مەودای پابەندبوون بە كەمكردنەوەی ئاستی بەرهەم كە بەهۆی دابەزینی نرخ و خاوبوونەوەی ئابوریی جیهانییەوە، ڕێكەوتنی لەسەر كرابوو.

بەرچنەی ڕێكخراوی وڵاتانی هەناردەكردنی نەوت (ئۆپیك) لەمانە پێكدێت:” تێكەڵەی بیابانی جەزائیر، جیراسۆڵی ئەنگۆلا، ئۆرێنت ئیكوادۆر، زاڤیرۆ گینیا، رابی لیت گابۆن، ئێران ئێران، بەسرە لیت عیراق، كوێت ئێكسپۆرت كوێت، ئێس سیدر لیبیا، بونی ڵایت نەیجیریا، تیشكی عەرەبی سعودیە، مۆربان ئیمارات، میری ڤەنزوێلا”.

بەردەوام بە لە خوێندنەوە

کوردستان