ئێمە لە تۆرە کۆمەڵایەتیەکان

ئابوری

لەسەر پلەبەرزكردنەوەی فەرمانبەران لیژنەی لێكۆڵینەوە پێكدەهێنرێت

خەڵك- بەشی هەواڵ
لەسەر ڕاگرتنی پلەبەرزكردنەوەی فەرمانبەران، پەڕلەمانی عیراق داوای دروست كردنی لیژنەی لێكۆڵینەوە لە ئەمیندارێتی ئەنجوومەنی وەزیران لەسەر بەڕێوەبەری گشتی فەرمانگەی یاسایی وەزارەتی دارایی دەكات.

بەپێی یاسای خزمەتی شارستانی ژمارە 24ی ساڵی 1960، كە لە عیراق و هەرێمی كوردستان كاری پێدەكرێت، هەموو فەرمانبەرێك دوای 4 بۆ 5 ساڵ خزمەت مافی پلەبەرزكردنەوەی هەیە بەپێی چەند ڕێكارێكی یاسایی و سالانەش دەبێت سەرمووچەی خۆی پێ بدرێت، كە بەو هۆیەشەوە مووچە و پلەی یاسایی فەرمانبەرەكە بەرزدەبێتەوە.

بەپێی نووسراوێك، كە واژۆی جێگری سەرۆكی لیژنەی یاسایی پەڕلەمانی عیراقی لەسەرە و ئاڕاستەی ئەمیندارێكی گشتی ئەنجوومەنی وەزیران كراوە، ڕاگرتنی پلەبەرزكردنەوەی فەرمانبەران بە كارێكی نایاسایی هەژمار كراوە.

وەك لە نووسراوەكەدا هاتووە، “دەبێت لیژنەی لێكۆڵینەوە پێكبهێنرێت لەسەر بەڕێوەبەری گشتی فەرمانگەی یاسایی لە وەزارەتی دارایی بەهۆی ئەوەی سەرپێچی یاسای خزمەتی شارستانی كردووە و پلەبەرزكردنەوەی فەرمانبەرانی بەبێ‌ هیچ بەڵگەیەكی یاسایی ڕاگرتووە”.

ئەمە لەكاتێكدایە، كە ماوەی نزیكەی 5 ساڵە لە هەرێمی كوردستان پلە بەرزكردنەوەی فەرمانبەران ڕاگیراوە و تا ئێستاش حكومەت هیچ بڕیارێكی نەداوە بۆ پێدانەوەی ئەو مافە یاساییە بە فەرمانبەران.

ئابوری

زیاترە لە دوو ملیار دینار
داهاتی یەك ڕۆژی بەندەرێكی عیراقی ئاشكرادەكرێت

خەڵك- بەشی هەواڵ
دەزگای خاڵە سنورییەكانی عیراق، داهاتی بەدەستهاتووی ڕۆژی دوێنێی بەندەری ئوم قەسری ناوەڕاست ئاشكرا دەكات.

بەپێی بەیاننامەیەك كە ئەمڕۆ هەینی لەلایەن دەزگای خاڵە سنورییەكانی عیراقەوە بڵاوكرایەوە”بڕی داهاتووی بەدەستهاتووی بەندەری ئوم قەسری ناوەڕاست لە پارێزگەی بەسرە بۆ خەزێنەی دەوڵەت گەیشتە (2.126.509.000) دینار كە داهاتی ڕۆژی 13ی ئابی 2020، ئەمەش لەڕێی وەرگرتنی باجی گومرگی جموجۆڵی بازرگانی كە لەڕێی یاسا و ڕێنماییەكانی دەزگای خاڵە سنورییەكانەوە جێبەجێ‌ دەكرێت”.

هەر لە بەیاننامەكەدا هاتووە”زیادبوونی داهاتەكان لە خاڵە سنورییەكان، لە ئەنجامی كاریی بەردەوام و بەجێگەیاندنی ئەركانە لەلایەن دەزگای خاڵە سنورییەكان كە بەشێوەیەكی ورد یاسا و ڕێنماییەكانی چاودێری و وردبینی و پشكینی ئەمنی جێبەجێ‌ دەكات و هەماهەنگە لەگەڵ فەرمانگە پەیوەندیدارەكان”.

دەزگای خاڵە سنورییەكانی عیراق دەڵێت”ئەوان ڕێنماییەكانی سەرۆك وەزیران جێبەجێ‌ دەكەن بۆ زیادكردن و پتەوكردنی داهاتەكانی دەوڵەت كە هەنگاو بەرەو كاروانی چاكسازیی هەڵدەنێت بۆ تێپەڕاندنی ئەم تەنگژە ئابوری و داراییەی ڕووی لە وڵات كردووە”.

بەردەوام بە لە خوێندنەوە

ئابوری

ئاوات شێخ جەناب: ڕاگەیەندراوەكەی دارایی عیراق ڕاست نییە و وەڵاممان دەبێت

خەڵك – بەشی هەواڵ
وەزیری دارایی هەرێم ڕاگەیەندراوەكەی وەزارەتی دارایی عیراق ڕەتدەكاتەوە و بڕیارە حكومەتی هەرێمی كوردستانیش وەڵامی بداتەوە.

مەم بورهان ئەندامی پەرلەمانی كوردستان لە هەژماری خۆی لە فەیسبووك ڕایگەیاند كە دەربارەی ڕاگەیەندراوەكەی شەوی ڕابردووی وەزارەتی دارایی عیراق بەدواداچوونیان كردووە.

پەرلەمانتارەكە نووسیوێتی: ئاوات شێخ جەناب “وەزیری دارایی هەرێم، پێیراگەیاندم (راگەیەندراوەكەی وەزارەتی دارایی عیراق) راست نییە و حکومەتی هەرێم وەڵامی بۆ ئەو راگەیەندراوە دەبێت”.

مەم بورهان پێشنیازیشی كرد كە “لە نزیکەوە هەردوو پەرلەمانی عیراق و کوردستان چاودێری دانوستانەکانی نێوان هەرێم و بەغدا بکەن و بێلایەنانە ڕاستییەکان بۆ خەڵکی کوردستان و عیراق رابگەیەنن”.

شەوی ڕابردوو وەزارەتی دارایی عیراق وەڵامێكی تونددا راگەیەندراوەكەی كۆبوونەوەی ئەنجومەنی وەزیرانی هەرێمی كوردستانی دایەوە و بەرپرسیارێتی ڕێكنكەوتنی هەولێر و بەغداشی خستە ئەستۆی حكومەتی هەرێم.

بەردەوام بە لە خوێندنەوە

ئابوری

نرخی زێڕ و دراوەکان

خەڵك – بەشی هەواڵ

نرخی زێڕ و نەوت و دراوەکان بۆ ئەمڕۆ پێنج شەممە بەم شێوەیە کە لە زەڕنگەری پێشین لە سلێمانی وەرگیراوە.

زێڕ

Oz: 1931$

24K: 384,000

21K: 336,000

18K: 288,000

Lira 22K= 409$

دراوەکان

100$= 123.750

100€= 145,000

100£= 159,000

100$= 733 لیرەی تورکی

100$= 2,170,000 تمەن (نەقدی)

100$= 2,270,000 تمەن (حەواڵە)

بەردەوام بە لە خوێندنەوە

کوردستان