ئێمە لە تۆرە کۆمەڵایەتیەکان

کوردستان

ئیدارەی خۆسەری لە ڕۆژئاوای كوردستان: سندوقی دەنگدانی هەڵبژاردنەكانی سوریا لە ناوچەكانمان بوونی نییە

خەڵك – بەشی هەواڵ

ئیدارەی خۆسەری لە ڕۆژئاوای كوردستان لەبارەی هەڵبژاردنەكانی پەرلەمانی سوریاوە كە بڕیارە سبەینێ یەكشەممە 19/7/2020 بەڕێوە پچێت، جەختیكردەوە كە ئەوان بەهیچ شێوەیەك پەیوەندییان بەو هەڵبژاردنەوە نییە و سندووقەكانی دەنگدانیش لەناوچەكانیان بوونی نییە.

لوقمان ئەحمی وتەبێژی ئیدارەی خۆسەری لە ڕۆژئاوای كوردستان لەمیانی كۆنگرەیەكی ڕۆژنامەوانیدا كە لە فەرمانگەی پەیوەندییەكانی دەرەوە لە شاری قامیشلۆ ئەنجامیدا ڕایگەیاند: سوریاییەكان خوازیاری ئەوەن قەیرانەكانی وڵاتەكەیان كە ماوەی 10 ساڵە بەرۆكی گرتوون بە ئاشتی چارەسەر بكرێن، بەڵام حكومەتی سوریا لەسەر هەمان ڕێبازی خۆیەتی و هەمان ڕوانبینینی بۆ كێشەكانی سوریا هەیە، وەك ئەوەی لە ساڵی 2011 ەوە هیچ شتێك ڕووی نەدابێت.

وتەبێژی ئیدارەی خۆسەری لە ڕۆژئاوای كوردستان ڕوونیشی كردەوە: پێداگری حكومەتی سوریا لەسەر ئەنجامدانی هەڵبژاردنی ئەنجومەنی گەل، جگە لە پێداگری حكومەتی سوریا لەسەر هەمان ڕێبازی سەرەتای قەیرانەكە هیچی تر نییە، حكومەتی سوریا هیچ روانبینێكی بۆ دۆخی سوریا و قەیرانەكان نییە، تەنانەت ئەوەش ناخوازێت كە هیچ لایەنێكی تر بەشداری بكات لە گفتوگۆی نێوان سورییەكان خۆیاندا و چارەسەركردنی قەیرانەكە.

لوقمان ئەحمی ئاماژە بەوەش دەكات كە ئەوان خوازیاری ئەوەن كۆبوونەوەیەك ئەنجام بدرێت و حكومەتی سوریا داوا لەسەرجەم هێزە بەرهەڵستكارەكان و هێزە جیاوازەكانی سوریا بكات بەشداری لەو كۆبوونەوەیەدا بكەن و لەڕێگەی گفتوگۆی نێوان سوریاییەكان خۆیانەوە چارەسەری قەیرانەكە بكرێت و پرنسیپە بنچینەییەكانی دەستوور بنووسرێتەوە و هەڵبژاردنی گشتیی بۆ پەرلەمان بكرێت.

وتەبێژی ئیدارەی خۆسەری لە ڕۆژئاوای كوردستان جەختیشیكردەوە: ئەوان وەك ئیدارەی خۆسەری لە ڕۆژئاوای كوردستان ناچنە ژێر باری هیچ بڕیارێكی تاك لایەنەوە.

کوردستان

وێنە.. خەڵك؛ زانیاری نوێ‌ لەبارەی بۆردوومانی فڕۆكە جەنگییەكانی توركیا لە دهۆك ئاشكرا دەكات

خەڵك – بەشی هەواڵ

فڕۆكە جەنگییەكانی توركیا لە سنووری پارێزگای دهۆك ئۆتۆمبێلێكیان كردە ئامانج و بەهۆیەوە چوار كەس شەهید بوون.

بەپێی زانیارییەكانی (تۆڕی میدیایی خەڵك)، ئەمشەو فڕۆكە جەنگییەكانی توركیا لە نزیك گوندی (ڕەشانكێ‌) كە تەنها 8 كیلۆمەتر لە سەنتەری پارێزگای دهۆك دوورە، ئۆتۆمبێلێكیان كردووەتە ئامانج، 4 سەرنشینی ئۆتۆمبێلەكە شەهید بوون.

بەوتەی دانیشتووانی ناوچەكە، ئۆتۆمبێلەكە مەدەنی بووە و 4 گەریلای پارتی كرێكارانی كوردستان (پەكەكە)ی تێدابووە و بەهۆی بۆردوومانەكە هەر چواریان دەستبەجێ‌ گیانیان لەدەستداوە.

بەردەوام بە لە خوێندنەوە

کوردستان

فڕۆكە جەنگییەكانی توركیا لە دهۆك ئۆتۆمبێلێكیان كردە ئامانج

خەڵك – بەشی هەواڵ

فڕۆكە جەنگییەكانی توركیا لە سنووری پارێزگای دهۆك ئۆتۆمبێلێكیان كردە ئامانج.

بەپێی زانیارییەكانی (تۆڕی میدیایی خەڵك)، كەمێك لەمەوبەر فڕۆكە جەنگییەكانی توركیا لە نزیك گوندی (ڕەشانكێ‌) كە تەنها 8 كیلۆمەتر لە سەنتەری پارێزگای دهۆك دوورە، ئۆتۆمبێلێكیان كردووەتە ئامانج، بەڵام تا ئێستا زیانەكانی ئەو بۆردوومانە نەزانراوە.

بەردەوام بە لە خوێندنەوە

کوردستان

بەڕێوەبەری نەخۆشخانەی جمهوری سلێمانی: كۆرۆنا ژیان ناوەستێنێ‌
بڕیارێك لە بەرژەوەندی نەخۆشانی (ڕۆماتیزمەی درێژخایەن) ڕادەگەیەنێت

خەڵك – بەشی هەواڵ

بەڕێوەبەری نەخۆشخانەی جمهوری سلێمانی ڕایدەگەیەنێت: لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان دەكرێت بۆ پێدانی (دەرزی مانگانەی ڕۆماتیزمە) بۆ نەخۆشانی (ڕۆماتیزمەی درێژخایەن).

د.داهات حەوێزی بەڕێوەبەری نەخۆشخانەی جمهوری سلێمانی لە هەژماری تایبەتی خۆی لە تۆڕی كۆمەڵایەتی فەیسبوك بڵاویكردەوە: كۆڕۆنا ژیان ناوەستێنێ، سەرەڕای تووشبوونی زۆر لە پزیشكان و كارمەندان و وەرنەگرتنی مووچەكانیان، بەڵام لەپێناو زیاتر خزمەتكردنی هاووڵاتیانی شاری سلێمانی و دەوروبەری كە نەخۆشی (ڕۆماتیزمەی درێژخایەن)یان هەیە بڕیارماندا لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان بكەین بۆ پێدانی (دەرزی مانگانەی ڕۆماتیزمە)، بەهیوای كەمكردنەوەی ئێش و ئازارەكانیان.

دەقی نووسینەكە:

كۆڕۆنا ژیان ناوەستێنێ:
سەرەڕای تووشبونی زۆر لە پزیشكان و كارمەندان و وەرنەگرتنی مووچەكانیان، بەڵام لەپێناو زیاتر خزمەتكردنی هاوڵاتیانی شاری سلێمانی و دەوروبەری كە نەخۆشی (ڕۆماتیزمەی درێژخایەنیان) هەیە بڕیارمان دا لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان بكەین بۆ پێدانی (دەرزی مانگانەی ڕۆماتیزمە)، بەهیوای كەمكردنەوەی ئێش و ئازارەكانیان.
سوپاس بۆ كارمەندو پزیشكە دڵسۆزەكان.

“بەهیوای لەشساغی بۆ گشت لایەك”

د.داهات حەوێزی

بەڕێوەبەری نەخۆشخانەی جمهوری سلێمانی

بەردەوام بە لە خوێندنەوە

کوردستان