ئێمە لە تۆرە کۆمەڵایەتیەکان

عێراق

سەرۆككۆمار پێشوازی لە وەزیری دەرەوەی فەرەنسا كرد

خەڵك – بەشی هەواڵ
سەرۆككۆماری عیراق پێشوازی لە وەزیری دەرەوەی فەرەنسا كرد و جەختی لە هاوكاری نێودەوڵەتی بۆ راگرتنی پێشێلكارییە سەربازییەكانی توركیا بۆ سەر خاكی وڵاتەكەی كردەوە و پشتیوانی فەرەنساشی بەرزنرخاند، بە تایبەتی بەشداری كارای لە چوارچێوەی هەوڵەكانی هاوپەیمانی نێودەوڵەتی لە جەنگی دژ بە داعش.

نوسینگەی سەرۆكایەتی كۆماری عیراق بڵاویكردەوە ، ئەمڕۆ پێنجشەممە 16ی تەمموز لە كۆشكی بەغداد بەرهەم ساڵح پێشوازی لە ژان ئیف لۆردیان ، وەزیری دەرەوەی فەرەنسا و شاندی هاوڕێی كردو لەودیدارەدا باس لە چۆنیەتی پەرەپێدانی پەیوەندی دۆستانەی نێوان عیراق و فەرەنسا و فراوانكردنی ئاسۆی هاریكاریی لە بواری ئابووری و فەرھەنگی و بایەخی هاوكاری ستراتیجی نێوانیان كرا بەئاڕاستەی ئاوەدانی عیراق و هاوكاری لە رووبەڕووبوونەوەی پەتای كۆرۆنا.

لە بەشێكی دیكەی دیدارەكەدا سەرۆككۆمار جەختی لەپێویستی پشتیوانیكردنی كۆمەڵی نێودەوڵەتی لە دەوڵەتی عیراقی خاوەن سەروەری تەواو كردووە وەك بناغەیەك بۆ پرۆژەی نیشتمانی و پاراستنی سەقامگیری عیراق، هاوكات هێنانەكایەوەی سیستەمی هەرێمایەتی، كە زامنی ئاشتی و سەقامگیری و خۆشگوزرانی بێت بۆ سەرجەم گەلانی ناوچەكە.

بەرھەم ساڵح دوپاتیكردەوە، كە عیراق بە گرنگییەوە دەڕوانێت لە هەڵوێستی نێودەوڵەتی بۆ پشتیوانی لە پاراستنی سەروەری و سەلامەتی خاكەكەی و راگرتنی پێشێلكارییە سەربازییەكانی توركیا بۆ سەر خاكەكەی ، بۆیە جەختیشكردەوە لە پێویستی چارەسەركردنی كێشە سنورییەكان لە رێگەی هاریكاری نێوان هەردوو دەوڵەتی دراوسێ‌ و دووركەوتنەوە لە گرتنەبەری رێوشوێنی تاك لایەنە.

سەرۆككۆمار پشتیوانی فەرەنسای بۆ عیراق بەرزنرخاند، بەتایبەتی بەشداری كارای لە چوارچێوەی هەوڵەكانی هاوپەیمانی نێودەوڵەتی لە جەنگی دژ بە داعش، ھاوكات ئاماژەشیكرد بۆ پێویستی بەردەوامبوونی هاریكاری و هەماهەنگی و كاری هاوبەشی نێودەوڵەتی و ھەرێمایەتی بۆ تەواوكردنی سەركەوتنی یەكجارەكی بۆ ریشەكێشكردن و وشككردنی سەرچاوەكانی تیرۆر و توندڕەوی.

لەلای خۆیەوە، وەزیری دەرەوەی فەرەنسا پشتیوانی وڵاتەكەی دووپاتكردەوە بۆ هەوڵەكانی عیراق لە پارێزگاریكردن لە سەروەری و زامنكردنی سەقامگیری و بەدیهێنانی داواكاری گەلی عێراق لە ھێنانەدی خۆشگوزەرانی و پێشكەوتندا.

لە كۆتایی دیدارەكەدا دواین گۆرانكاری ناوچەكەو نێودەوڵەتی خرایەروو، جەختیشكرایەوە لە پێویستی دیالۆگی بونیادنەر بۆ چارەسەركردنی قەیران و گرژییەكان لە ناوچەكە.

No description available.No description available.

عێراق

ترسی وشكبوونی ئاوى دیجلە و فورات لەئارادایە

خەڵك- بەشی هەواڵ
ڕاپۆرتێكی (ئەلمۆنتیتۆر)ی ئەمریكایی هۆشداریی دەدات لە دابەزینی ئاستی ئاوی هەردوو ڕوباری دیجلە و فورات لەم ماوەیەی دواییدا كە مەترسی وشكبوونی تەواوەتییان لێدەكرێت.

ئەو ماڵپەڕە ئەمریكاییە لە ڕاپۆرتەكەیدا باس هۆكارەكانی دابەزینی ئاستی ئاوى دوو ڕوبارەكە دەكات كە بۆ كەمبوونەوەی بارانی وەرزی و شكستخواردنی دەسەڵاتداران لە دروستكردنی تۆڕێكی ئاودێری بۆ كشتوكاڵ و پابەندنەبوونی هاووڵاتیان بەدەستگرتن بە بەكارهێنانی ئاوەوە، دەگێڕێتەوە.

لەگەڵ ئەمەشدا، ڕاپۆرتەكە باس لە بوونی فاكتەرە درەكییەكانیش دەكات كە دەبنە مایەی وشكبووی ڕوبارەكان و گرنگترینیان دروستكردنی بەنداو و جیاكردنەوەی زێی لابەلايه كە كاریگییان لەسەر پشكی ئاوی عیراق دروستكردووە، بەتایبەتیش لە بەری توركیاوە كە هەوڵ دەدات ئاوی ئەو دوو ڕوبارە بۆ بەرهەمهیًَنانی وزەی كارەبا بەكاربهێنێت، بۆ ئەو مەبەستەش سەرقاڵی دروستكردنی چەند بەنداوێكە.

توركیا لە ساڵی 2006، دەستیكرد بە دروستكردنی بەنداوی ئەلیسۆ و لە ساڵی 2018دا بەنداوەكەی بەكارهێنا، ئەمەش بووە مایەی كەمبوونەوەی ئەو ئاوەی دەڕژێتە عیراقەوە كە هێندەی تر مەترسی كەمبوونەوەی ئاوی لە وڵاتی نێوان دوو ڕوبارەكە دروستكردووە.

(ئەلمۆنیتۆر) باس لە سكاڵای چەندان ساڵەی عیراق دەكات بەهۆی دابەزینی ئاستی ئاوى دیجلە و فورات، بەڵام حكومەتە یەك لەدوا یەكەكانی عیراق، شكستخواردوو بوون لە گەیشتن بە ڕێكەوتن لەگەڵ توركیا بۆ ڕێكخستنی دابەشكردنی پشكی ئاو لەنێوان هەردوو وڵاتدا.

بەردەوام بە لە خوێندنەوە

عێراق

لەسەر عیراقە
عەرەب ڕووبەڕووی توركیا دەبێتەوە

خەڵك- بەشی هەواڵ
ئەحمەد ئەبو لغەیت ئەمینداری گشتی كۆمكاریی وڵاتانی عەرەب، لە پەیوەندییەكی تەلەفۆنی لەگەڵ فوئاد حسێن وەزیری دەرەوەی عیراق ڕایدەگەیەنێت، لە قۆناغی داهاتوودا هەڵوێستێكی عەرەبی بەكۆمەڵ دێتەئارا بەڕووی دەستوەردانەكانی توركیا لە وڵاتانی عەرەبی.

لە پەیوەندییە تەلەفۆنییەكەدا ئەبو لفوئادغەیت، جارێكی تر ئیدانەی هێرشەكەی توركیای كردەوە بۆسەر ناوچەی سیدەكان كە بووە مایەی شەهیدبوونی ژمارەیەك لە هێزەكانی پاراستنی سنور كە دوو فەرماندەی باڵای ئەو هێزانە لەنێوان شەهیدەكاندا بوون.

هەر لەو چوارچێوەیەدا، بەرپرسێكی باڵا لە ئەمیندارێتی گشتی كۆمكاریی عەرەبی ڕایگەیاند، ئەبو غەیت لە پەیوەندییە تەلەفۆنییەكەیدا لەگەڵ فوئاد حسێن، جەختی لەسەر هاتنەبەری هەڵوێستێكی عەرەبی یەكگرتوو كردۆتەوە لە قۆناغی داهاتوو دژ بە دەستوەردانەكانی توركیا لە كاروباری وڵاتانی عەرەبی، بە پێشێلكارییەكانی وڵاتەكە لە عیراق و سوریا و دەستوەردانی سەربازی لە لیبیا.

پێشتر ئەمینداری گشتی كۆمكاریی وڵاتانی عەرەب، لە بەیاننامەیەكی فەرمیدا، ئیدانەی پێشێلكارییەكانی توركیای كردبوو بۆ سەروەریی خاكی عیراق و پشتیوانی رێكخراوەكەی بۆ هەر جموجۆڵێكی حكومەتی عیراقی لەسەر گۆڕەپانی نێودەوڵەتی، دژ بە توركیا دەربڕیبوو.

بەردەوام بە لە خوێندنەوە

عێراق

بەوێنە، لە بەغدا خۆپیشاندان لەدژی بۆردومانەكانی توركیا سازدەكرێت

خەڵك- بەشی هەواڵ
دەیان هاووڵاتی لەبەردەم باڵیۆزخانەی توركیا لە بەغدا لە دژی بۆردومانەكەی ئەم دواییە كە پاسەوانانی سنوری عیراقی كردە ئامانج، خۆپیشاندانیان كرد.

بەپێی زانیارییە ڕۆژتامەوانییەكان، دەیان خۆپیشاندەر، وەك ناڕەزایی بەرانبەر بە بۆردومانەكەی ئەم دواییەی سیدەكان لە پارێزگەی هەولێر كە بووە مایەی شەهیدبوونی دوو ئەفسەری هێزەكانی پاسەوانی سنور و شۆفێركەیان، خۆپیشاندانیان لەبەردەم بارەگای باڵیۆزخانەی ئەنقەرە لە بەغدا سازكرد.

لە خۆپیشاندانەكەدا، خۆپیشاندەران دروشمی”ئیدانەی بۆردومانەكەی توركیا دەكەین، بایكۆتی كاڵا و شتومەكی توركی دەكەین، ئەردۆغان سنورەكانی خۆت قایم بكە، ئەردۆغان سەربازەكان پاشەكشە پێبكە، ئیدانەی ئەو كارە تیرۆریستییە دەكەين كە ئەردۆغان لەدژی وڵاتەكەم ئەنجامیدا، بەرزكردبۆوە”.

دوێنێ‌ چوار شەممە، وەزارەتی دەرەوەی عیراق، فاتح یەڵدز باڵیۆزی توزكیای لە بەغدا بانگ كرد و یاداشتێكی ناڕەزایی توندی ڕادەستكرد، لەبەرانبەر بۆردومانەكەی ناوچەی سیدەكان لە هەرێمی كوردستان.

بە هەمان شێوە سەردانەكەی خەڵوسی ئاكار وەزیری بەرگری توركیا بۆ بەغدا هەڵوەشێنرایەوە كە وابڕیاربوو ئەمڕۆ ئەنجام بدرێت، لەگەڵ هەڵوەشاندنەوەی هەموو سەردانی بەرپرسانی تورك بۆ عیراق.

بەردەوام بە لە خوێندنەوە

کوردستان