ئێمە لە تۆرە کۆمەڵایەتیەکان

کوردستان

هونەرمەندێک پاش تووشبوونی بەکۆرۆنا گیانی لەدەستدا

خەڵک – بەشی هەواڵ

 

ھونەرمەند و ڕاگەیاندنکار (سەڵاح پەرچەم بڵباس) دوای تووشبوونی بەکۆرۆنا گیانی لەدەستدا.

 

هونەرمەندی ناوبراو ماوەى زیاتر لە ١٠ ڕۆژ بوو تووشی کۆرۆنا ببوو  و لەژێر چارەسەردابوو، کە ئەمڕۆ گیانی سپارد.

 

سەڵاح پەرچەم بڵباس وێڕای پێشکەشکردنی بەرنامەی تەلەفزیۆنی، بەشداری لەچەندین فیلم و دراما کردوە، دوایین داراماش کەتێیدا بەشداربوو، درامای (مقۆمقۆ) بوو، کە لەکەناڵی سپێدە پێشکەش دەکرا.

 

کۆتا پۆستی ناوبراو لەتۆڕی کۆمەڵایەتی فەیسبووک:

 

یەکەم جار سوپاس لۆتوخوایە گیان،،

ئەوشەوکۆتافەحسم نێگەتیڤ بوو شوکر،

دوای ۱۷ ڕۆژ ململانێ لەگەر بەئازارترین نەخۆشی کەهەرچی شانازیم پێوەی دەکرد لەخیلالی ۷ ڕۆژی لێی ساندمەوە زوبان وقسەکردن هەنگاو ڕۆیشتن ،نان و خواردن ،هەستان و دانیشن ،
پێکەنین ودرخۆشی ،بینینی کەس و کارو مارو مندارم ،هەناسەدانی ئاسای،،،

سوپاس لۆخوای ئەوشەو شەونەخۆشخانەی کۆڕۆنام بەجێهێشت قۆناغی دووەم لەمارێ لەگەر بڵتە ئۆکسجینە گچکۆکەکەی بەدەولەناودەوی یەکتر شەوڕۆژی بەڕێدەکەین هەتائەوقۆناغەبەڕێدەکەم،

سوپاس نامەکی لەکانگای درم لۆ هەموو خوشک و برایانم و هەموو ئەو پەیج و ئەکاونت و ئەوانەی بەلایک و کۆمێنت هاوخەمیان لۆمن دەربڕی و دوعای خێریان لۆ کردم،،

بەڕێزانم ئەمن سەد هەندە موشتاق و شەیدای دووبارە دیتن و دانیشتی مەجریستان و باوشتان بووم ئاوتی ڕۆژەی نوێ بوێ بووم ،ئەوچاککبونەوەو دەرد پەڕاندنەش واللەی دووعای و نزاکانی ینگۆبوو و فەزڵی خوای گەورەبوو،
ئەمن لێرە گەلەک سوپاس دەکەم دەست و چاوێ یەکە بەیەکەتان ماچ دەکەم زۆرسوپاسی هەمووئەوکەسانەدەکەم هەواڵیان پرسیمە چوینە سەردانی ماڵ و منداڵی منیان کردیەو دڵ نەوایی خێزان و منداڵی منیان داوە،،

بەڕێزان ،
لەیەکەم ڕۆژی زمانم لەکارکەوت تەلەفۆنەکانم داخست چاوم پڕگریان دەبوو تەلەفۆنم لۆدەهات نەمدەتانی جوابتان بدەمەوەو تێتان بگەیەنم لۆیێ ناچاربووم ژمارەکانم داخست،،

دووەم،
لەبەرئەوی بڵاومان نەکردەوە بەڕاستی پێم عەیب بوو لەمارێ خۆم کەرەنتینە کرد گۆتم وەک ئەرکەکی مرۆڤ دۆستی ناچمە ناو خەڵک نەوەک خوانەخواستە یەکێک توشی نەخۆشیەکی تربی برێن لەومان گرتەوە ،
هەرلەبەرئەوەش بوو ئیعلانمان نەکرد ،،،،

بەڕێزان سوپاسی خوای گەورە دەکەم کەمنی بەو بەڵایە تاقی کردەوە واللە چەند ژیانم پێ خۆش بوو واللە شەوی واهەبوو دووسەد بەقەدژیان مردنم پێ خۆشتر بوو ،
چونکە ئەمن لەمێژە مردن و ژیانی خۆم لۆخوای یەکلای کردیتەوە ،
بەژیانم وەلائم لۆهیچ کەس و حزب و پارەو شەخس و پۆست پلە و سەرم نزم نەکردیە ،
لۆیێ مردن و ژیان لۆمن یەک تامی هەیە لۆخوای ،

دووبارە سوپاسی هەموولایەکی دەکەم ،سوپاسی خوای گەورە دەکەم دووبارە ژیانی لەگەرەنگۆ پێ بەخشیمەوە ،،

سەڵاح پەرچەم
14/72020

ریکلام

کوردستان

وەزارەتی دارایی هەرێم ؛عیراق لەمانگی نیسانەوە هیچ بڕە پارەیەكی بۆ مووچە نەناردووە

خەڵك – بەشی هەواڵ

وەزارەتی دارایی و ئابووریی هەرێمی كوردستان ڕایدەگەیەنێت ، وەزارەتی دارایی عیراق لە 16 نیسانی 2020وە هیچ بڕە پارەیەكی وەك مووچە بۆ مووچەخۆرانی هەرێم نەناردووە، دەشڵێت،”وەزارەتی دارایی عیراق هۆكار بووە بۆ ئەوەی نەگەینە چارەسەر”.

وەزارەتی دارایی و ئابووریی هەرێمی كوردستان لە وەڵامی ڕاگەیەنراوەكەی وەزارەتی دارایی عیراق ،كە بە زمانی عەرەبی بڵاویكردەوە ڕایگەیاندووە، وەزارەتی دارایی عیراق لە 16 نیسانی 2020وە هیچ بڕە پارەیەكی وەك مووچە بۆ مووچەخۆرانی هەرێم نەناردووە، دەروازە سنوورییەكانی هەرێمی كوردستان پێشێلی ماددەی 114ی دەستووریان نەكردووە، تا هۆكاری ڕێكەنەكەوتن بێت .
لە ڕاگەیەنراوەكەدا هاتووە، وەزارەتی دارایی عیراق نایەوێت كار بە دەستور بكات، بۆیە بنەمای كێشەكە پەیوەندی بە بەڕیوەبردنی گومرگەكانەوە نیە وەزارەتی دارایی عیراق بە هەوڵدان بۆ قۆستنەوەی دۆخی ئابووری هەرێم و وروژاندنی سۆزی فەرمانبەران بۆ سەپاندنی ئیرادەی خۆی بەسەر هەرێمدا كار دەكات.

ئەوەشخراوەتەڕوو ، داوا لە حكوومەتی عێراق دەكەین بگەڕێتەوە بۆ گفتوگۆ و حكوومەتی هەرێمی كوردستانیش پاپەندی دەستوورە.

بەردەوام بە لە خوێندنەوە

کوردستان

تەندروستی هەرێم؛ تا ئیستا كەمتر لە سەدا 1%ی نەخۆشانی كۆرۆنا لە نەخۆشخانە ئەهلییەكان چارەسەر دەكرێت

خەڵك – بەشی هەواڵ

وەزارەتی تەندروستی حكومەتی هەرێم ڕایدەگەیەنێت، نەخۆشخانە حكومییەكان بەردەوامن لە چارەسەری كۆرۆنا بۆ هاووڵاتیان و تا ئێستا كەمتر لە سەدا 1%ی نەخۆشانی كۆرۆنا لە نەخۆشخانە ئەهلییەكان چارەسەر دەكرێن.

وەزارەتی تەندروستی حكومەتی هەرێم لە راگەیەندراوێكدا، كە وێنەیەكی دەست (خەڵك) كەوتووە ڕایگەیاندووە ، هەموو چارەسەرێكی توشبووانی كۆرۆنا لە نەخۆشخانەكانی حكومەت دەكرێت تا ئێستا كەمتر لە 1%ی نەخۆشەكان لە نەخۆشخانە ئەهلیەكان چارەسەر دەكرێن ،كە ئەویش تەنها بۆ چاودێری چڕی هەناسەدان.

وەزارەتی تەندروستی پێشتر لە ڕێگەی خشتەیەكەوە بڕیاری دابەزاندنی نرخی نەخۆشخانە ئەهلییەكانی بۆ توشبووانی كۆرۆنا خستەڕوو، بە جۆرێك بۆ هەر شەوێكی مانەوە لە قاوش 500 هەزار دینار وەردەگیرێت و ئەگەر ئۆكسجینی پێویست بێت بە 700 هەزار دینارە.

هاوكات باسی لەوەشكرد، ئەوانەی لەژێر چاودێری چڕی هەناسەدان بە ئامێری Ventilator دا دەبن ، بۆ هەر شەوێك بڕی ملیۆنێك 500 هەزار دیناریان لێوەردەگیرێت .

بەردەوام بە لە خوێندنەوە

کوردستان

سلێمانی؛ تۆمەتبارێك بەبڕێك مادەی ھۆشبەرەوە دەستگیركرا

خەڵك – بەشی هەواڵ

بەڕێوەبەرایەتی پۆلیسی پارێزگای سلێمانی ڕایدەگەیەنێت ، ھێزەكانی پۆلیس تۆمەتبارێكیان بەبڕێك مادەی ھۆشبەرەوە دەستگیركرد، بەفەرمانی دادوەری لێكۆڵینەوەو بەپێی ماددەی ١٤ی هۆشبەر ڕاگیراوە و لێكۆڵینەوەكان لەگەڵیدا بەردەوامە.

بەڕێوەبەرایەتی پۆلیسی پارێزگای سلێمانی لە ڕاگەیەنراوێكدا، كەوێنەیەكی بۆ (خەڵك) هاتووە ڕایگەیاندووە، دوای ئەوەی زانیاری گەیشت كە كەسێك بڕێك مادەی هۆشبەری پێیە، مەفرەزەكانی بەشی پۆلیسی نەهێشتنی تاوانی سلێمانی توانییان تۆمەتبارەكە لەپاركی ھەواری شاری سلێمانی دەستگیربكەن.

ڕاشیگەیاندووە، تۆمەتبارەكە ناوی (ز، ع، ح)و لەدایكبووی ١٩٩٠یە، لەكاتی دەستگیركردنیدا ھێزەكانی پۆلیس دەستیان بەسەر ئۆتومبیلی تۆمەتبارەكەدا گرتووە كە بێ سەرەتایە.

ئاماژە بۆ ئەوەشكراوە، لە ئێستادا تۆمەتباری ناوبراو بەفەرمانی دادوەری لێكۆڵینەوەو بەپێی ماددەی ١٤ی هۆشبەر ڕاگیراوەو لێكۆڵینەوەكان لەگەڵیدا بەردەوامە.

بەردەوام بە لە خوێندنەوە

کوردستان