ئێمە لە تۆرە کۆمەڵایەتیەکان

کوردستان

خەڵك؛ نرخی دەرمانە ڕوسیەكە ئاشكرادەكات
دەرمانی دژە كۆرۆنا لە دەرمانخانەكانی هەرێم دەفرۆشرێت

خەڵك- بەشی هەواڵ
دوای ئەوەی كۆمپانیایەكی ناوخۆیی (دەرمانی فاڤیپیڕاڤیر) دەرمانی دژە كۆرۆنای بەرهەمهێنا لەهەولێر، لەئێستادا ئەو دەرمانە خراوەتە بازاڕ و بەپێی پلانی كۆمپانیاكەش بە مەرج لە چەند دەرمانخانەیەك دادەنرێت، كە دەبێت تەنها بە ڕەچەتەی پزیشك بفرۆشرێت.

دكتۆر دیار ئیبراهیم، بەڕێوەبەری كۆگای سەرەكی دەرمان لەهەرێمی كوردستان بە(خەڵك)ی ڕاگەیاند، كۆمپانیای ئاوا مێدیكا لەبەر ئەوەی كۆمپانیایەكی بازرگانیە دەرمانی (فاڤیپیڕاڤیر)ی دژە كۆرۆنا بۆ كەرتی گشتی و تایبەت بەرهەم دێنێت، بەڵام تاوەكو ئێستا بۆ كۆگای سەرەكی دەرمانی هەرێم نەهاتووە، بەڵام حكومەتی هەرێم و وەزارەتی تەندروستی لەهەوڵدایە ئەو دەرمانە بۆ كۆگاكانی حكومەت و سەنتەرەكانی چارەسەری كۆڕۆنا دابین بكات.

دەشڵێت: “لەئێستادا لەكۆگاكانی دەرمان و دەرمانخانەكان دەست دەكەوێت، بەڵام ئەگەر پزیشكی تایبەت داوای بكات بۆ نەخۆشێك، كە پێویستی بێت”.

ئاماژەی بۆ ئەوەشكرد، بەشێك لەم دەرمانە دراوەتە بەغداد و چاوەڕوان دەكرێت لەم بڕە پشكی هەرێمی كوردستانیش ڕەوانە بكرێت، هاوشێوەی پشكی دەرمانی هەرێم، كەلە لایەن حكومەتی عیراق هاوشێوەی سەرجەم پارێزگاكان دابین دەكرێت.

بەپێی زانیاریەكان، دەرمانی (فاڤیپیڕاڤیر)ی دژە كۆڕۆنا لەكەرتی تایبەت بەنرخی ۱۹۰ دۆلار بۆ ۲۰۰ دۆلار دەفرۆشرێت.

لای خۆشیەوە، عیسا عەبدولڕەحمان، پزیشكی دەرمانساز لە كۆنتڕۆڵی جۆری دەرمانی هەرێم لە هەژماری خۆی لە فەیسبووك ڕایگەیاندووە، پێشتر قەراربوو تەنها بدرێتە حكومەت، بەڵام حكومەت نەیكڕی و دەخرێتە بازاڕەوە و لە كەرتی تایبەت لە دەرمانخانەكان دەفرۆشرێت.

کوردستان

وێنە.. خەڵك؛ زانیاری نوێ‌ لەبارەی بۆردوومانی فڕۆكە جەنگییەكانی توركیا لە دهۆك ئاشكرا دەكات

خەڵك – بەشی هەواڵ

فڕۆكە جەنگییەكانی توركیا لە سنووری پارێزگای دهۆك ئۆتۆمبێلێكیان كردە ئامانج و بەهۆیەوە چوار كەس شەهید بوون.

بەپێی زانیارییەكانی (تۆڕی میدیایی خەڵك)، ئەمشەو فڕۆكە جەنگییەكانی توركیا لە نزیك گوندی (ڕەشانكێ‌) كە تەنها 8 كیلۆمەتر لە سەنتەری پارێزگای دهۆك دوورە، ئۆتۆمبێلێكیان كردووەتە ئامانج، 4 سەرنشینی ئۆتۆمبێلەكە شەهید بوون.

بەوتەی دانیشتووانی ناوچەكە، ئۆتۆمبێلەكە مەدەنی بووە و 4 گەریلای پارتی كرێكارانی كوردستان (پەكەكە)ی تێدابووە و بەهۆی بۆردوومانەكە هەر چواریان دەستبەجێ‌ گیانیان لەدەستداوە.

بەردەوام بە لە خوێندنەوە

کوردستان

فڕۆكە جەنگییەكانی توركیا لە دهۆك ئۆتۆمبێلێكیان كردە ئامانج

خەڵك – بەشی هەواڵ

فڕۆكە جەنگییەكانی توركیا لە سنووری پارێزگای دهۆك ئۆتۆمبێلێكیان كردە ئامانج.

بەپێی زانیارییەكانی (تۆڕی میدیایی خەڵك)، كەمێك لەمەوبەر فڕۆكە جەنگییەكانی توركیا لە نزیك گوندی (ڕەشانكێ‌) كە تەنها 8 كیلۆمەتر لە سەنتەری پارێزگای دهۆك دوورە، ئۆتۆمبێلێكیان كردووەتە ئامانج، بەڵام تا ئێستا زیانەكانی ئەو بۆردوومانە نەزانراوە.

بەردەوام بە لە خوێندنەوە

کوردستان

بەڕێوەبەری نەخۆشخانەی جمهوری سلێمانی: كۆرۆنا ژیان ناوەستێنێ‌
بڕیارێك لە بەرژەوەندی نەخۆشانی (ڕۆماتیزمەی درێژخایەن) ڕادەگەیەنێت

خەڵك – بەشی هەواڵ

بەڕێوەبەری نەخۆشخانەی جمهوری سلێمانی ڕایدەگەیەنێت: لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان دەكرێت بۆ پێدانی (دەرزی مانگانەی ڕۆماتیزمە) بۆ نەخۆشانی (ڕۆماتیزمەی درێژخایەن).

د.داهات حەوێزی بەڕێوەبەری نەخۆشخانەی جمهوری سلێمانی لە هەژماری تایبەتی خۆی لە تۆڕی كۆمەڵایەتی فەیسبوك بڵاویكردەوە: كۆڕۆنا ژیان ناوەستێنێ، سەرەڕای تووشبوونی زۆر لە پزیشكان و كارمەندان و وەرنەگرتنی مووچەكانیان، بەڵام لەپێناو زیاتر خزمەتكردنی هاووڵاتیانی شاری سلێمانی و دەوروبەری كە نەخۆشی (ڕۆماتیزمەی درێژخایەن)یان هەیە بڕیارماندا لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان بكەین بۆ پێدانی (دەرزی مانگانەی ڕۆماتیزمە)، بەهیوای كەمكردنەوەی ئێش و ئازارەكانیان.

دەقی نووسینەكە:

كۆڕۆنا ژیان ناوەستێنێ:
سەرەڕای تووشبونی زۆر لە پزیشكان و كارمەندان و وەرنەگرتنی مووچەكانیان، بەڵام لەپێناو زیاتر خزمەتكردنی هاوڵاتیانی شاری سلێمانی و دەوروبەری كە نەخۆشی (ڕۆماتیزمەی درێژخایەنیان) هەیە بڕیارمان دا لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان بكەین بۆ پێدانی (دەرزی مانگانەی ڕۆماتیزمە)، بەهیوای كەمكردنەوەی ئێش و ئازارەكانیان.
سوپاس بۆ كارمەندو پزیشكە دڵسۆزەكان.

“بەهیوای لەشساغی بۆ گشت لایەك”

د.داهات حەوێزی

بەڕێوەبەری نەخۆشخانەی جمهوری سلێمانی

بەردەوام بە لە خوێندنەوە

کوردستان