ئێمە لە تۆرە کۆمەڵایەتیەکان

ئابوری

حكومەتی هەرێم چەند بڕیارێك دەربارەی فەرمانبەران و پێشینەكان دەردەكات

خەڵك- بەشی هەواڵ
سبەینی ئەنجوومەنی وەزیرانی هەرێم كۆدەبێتەوە و چەند بڕیارێك دەربارەی پڕۆژەكانی تایبەت بە سندوقی خانەنشینی فەرمانبەران و پێشینەكان و دامەزراندنی پلەباڵاكان دەردەكات.

سبەینێ چوار شەممە 15ی تەمموز، ئەنجوومەنی وەزیرانی هەرێمی كوردستان كۆبوونەوەی ئاسایی خۆی لەڕێگەی ڤیدیۆ كۆنفڕانس ئەنجام دەدات و تێیدا گفتوگۆ لەسەر سێ‌ تەوەر دەكرێت و بڕیاری پێویستیان لەبارەوە دەدرێت.

تەوەری یەكەم: پڕۆژەی پەیڕەوی ناوخۆی سندوقی خانەنشینی فەرمانبەران و پەیڕەوی دیاریكردنی مەرجەكانی دامەزراندن لە پلە باڵاكاندا.

تەوەری دووەم:
دوو پێشنیاری وەزارەتەكانی شارەوانی و گەشتوگوزار و كشتوكاڵ تایبەت بە دەستپێكردنی پڕۆسەی جێبەجێكردنی یاسای ڕێكخستنی مافی دەستكاری زەوی و زار تایبەت بەقەرەبووكردنەوەی ئەو جوتیارانەی، كە ڕووبەری زەوییان لەسەر دابەشكراوە و گریبەستیان لەسەر كراوە بە ڕێژەی (3٪) ڕوبەری زەوییەكە قەرەبوو دەكرێنەوە.

تەوەری سێیەم:
پێشنیاری لیژنەی یاسایی سەبارەت پێشنیارەكانی پەڕلەمانی كوردستان بۆ (بیمەی كشتوكاڵ) و (یاسای دامەزراندنی سندوقی دارایی نیشتەجێبوون) و (پێشینە خانووبەرە و هاوسەرگیری).

ئابوری

ئاوات شێخ جەناب: ڕاگەیەندراوەكەی دارایی عیراق ڕاست نییە و وەڵاممان دەبێت

خەڵك – بەشی هەواڵ
وەزیری دارایی هەرێم ڕاگەیەندراوەكەی وەزارەتی دارایی عیراق ڕەتدەكاتەوە و بڕیارە حكومەتی هەرێمی كوردستانیش وەڵامی بداتەوە.

مەم بورهان ئەندامی پەرلەمانی كوردستان لە هەژماری خۆی لە فەیسبووك ڕایگەیاند كە دەربارەی ڕاگەیەندراوەكەی شەوی ڕابردووی وەزارەتی دارایی عیراق بەدواداچوونیان كردووە.

پەرلەمانتارەكە نووسیوێتی: ئاوات شێخ جەناب “وەزیری دارایی هەرێم، پێیراگەیاندم (راگەیەندراوەكەی وەزارەتی دارایی عیراق) راست نییە و حکومەتی هەرێم وەڵامی بۆ ئەو راگەیەندراوە دەبێت”.

مەم بورهان پێشنیازیشی كرد كە “لە نزیکەوە هەردوو پەرلەمانی عیراق و کوردستان چاودێری دانوستانەکانی نێوان هەرێم و بەغدا بکەن و بێلایەنانە ڕاستییەکان بۆ خەڵکی کوردستان و عیراق رابگەیەنن”.

شەوی ڕابردوو وەزارەتی دارایی عیراق وەڵامێكی تونددا راگەیەندراوەكەی كۆبوونەوەی ئەنجومەنی وەزیرانی هەرێمی كوردستانی دایەوە و بەرپرسیارێتی ڕێكنكەوتنی هەولێر و بەغداشی خستە ئەستۆی حكومەتی هەرێم.

بەردەوام بە لە خوێندنەوە

ئابوری

نرخی زێڕ و دراوەکان

خەڵك – بەشی هەواڵ

نرخی زێڕ و نەوت و دراوەکان بۆ ئەمڕۆ پێنج شەممە بەم شێوەیە کە لە زەڕنگەری پێشین لە سلێمانی وەرگیراوە.

زێڕ

Oz: 1931$

24K: 384,000

21K: 336,000

18K: 288,000

Lira 22K= 409$

دراوەکان

100$= 123.750

100€= 145,000

100£= 159,000

100$= 733 لیرەی تورکی

100$= 2,170,000 تمەن (نەقدی)

100$= 2,270,000 تمەن (حەواڵە)

بەردەوام بە لە خوێندنەوە

ئابوری

ئاڵوگۆڕی بازرگانی عیراق و ئێران دەگاتە 20 ملیار دۆلار

خەڵك – بەشی هەواڵ
ئیرەج مەسجیدی باڵیۆزی ئێرنا لە بەغدا دوای دیدارێكی لەگەڵ ئەحمەد حسێن وەزیری بازرگانی عیراق ڕایگەیاند ئاسی ئاڵوگۆڕی بازرگانی نێوان هەردوو وڵات بۆ 20 ملیار دۆلار بەرزدەكرێتەوە.

لە دیدارەكەدا وەزیری بازرگانی عیراق و باڵیۆزی ئێران باسیان لە پرسی چۆنێتی پێدانی كرێی هاوردەكردنی كارەبا و غازی ئێران كرد كە تاران خوازیارە بە دۆلاری ئەمریكی بێت.

بەڵام تا ئێستا عیراق لە پێناو خۆپاراستن لە سزاكانی ئەمریكا، ئامادە نییە ئەو داواكارییەی ئێران جێبەجێ بكات.

پێشتر ئەمریكا هۆشداری دابوو لەوەی هەر وڵاتێك بە دۆلار مامەڵە لەگەڵ ئێران بكات، ڕووبەڕووی سزای واشنتۆن دەبێتەوە.

بەردەوام بە لە خوێندنەوە

کوردستان