بەشێکی توونی بابا لە سنووری شارۆچكەی دەربەندیخان بەسەر گرووپێكی شاخەوانیدا داڕماوە دوو شاخەوان گیانیان لەدەستداوە و یەکێکی دیکەش بریندارە.
بەپێی زانیارییەكان، ئێوارەی ئەمڕۆ دوای شەپۆلی بەهێزی باران بارین، بەشێكی توونی بابا لە دەربەندیخان داڕماوە.
هەر بەپێی زانیارییەكان، لەو كاتەدا گرووپێكی شاخەوانی سەردانی ئەو شوێنەوارە مێژووییەكان كردووە و بەهۆی داڕووخانەكەوە دوو شاخەوان گیانیان لەدەستداوە و یەكێكی دیكەش بریندارە.
ئەو دوو شاخەوانەی گیانیان لەدەستداوە ناویان (شەبەنگ ئیراهیم)، تەمەن 23 ساڵ و خەڵكی دەربەندیخانە و ئەوی دیكەیان بەناوی (بینەر) خەڵكی شارەزوورە، هەروەها (محەمەد ئیراهیم)ی 27 ساڵ بریندارە و خەڵكی دەربەندیخانە.
بۆ وەرگرتنی زانیاری زیاتر (خەڵك) پەیوەندی كرد بە سلێمان محەمەد، قائیمقامی دەربەندیخانەوە، بەڵام پەیوەندییەكەی بەردەست نەبوو.
بۆ بینینی ڤیدیۆی كاتی دەرهێنانەوەی تەرمەكان، (كلیك لەم لینكی تیلیگرامەی خەڵك) بكەن.
