ئێمە لە تۆرە کۆمەڵایەتیەکان

کوردستان

پەڕلەمانی عیراق لەسەر مامۆستا و هاوژینە كۆچكردووەكەی ناو نەخۆشخانەی كەركوك هاتەدەنگ

خەڵك- بەشی هەواڵ
دوابەدوای ئەو ڕووداوەی لە نەخۆشخانەی كۆماری كەركوك ڕوویدا، كە تێیدا مامۆستایەكی كورد بە قەرەوێڵەی ژنە كۆچكردووەكەیەوە بە كۆرۆنا كەلەپچە كرا، جێگری سەرۆكی پەڕلەمانی عیراق پۆلیس و پەرلەمانتارانی كەركووك ڕادەسپێرێت بەدواداچوون بۆ ڕووداوەكە بكەن.

بەپێی ڕاگەیەنراوێكی نووسینگەی جێگری سەرۆكی پەڕلەمانی عیراق، د. بەشیر خەلیل حەداد، لە ڕێگەی تەلەفۆنەوە پەیوەندی بە بەڕێوەبەرایەتیی گشتی پۆلیسی كەركووكەوە كرد و ڕایسپارد تاوەكو لیژنەیەكی تایبەتی لە لایەنە پەیوەندیدارەكان دروست بكەن بۆ ئەوەی بە دواداچوون بۆ ئەو ڕووداوە بكەن، كە لە نەخۆشخانەی كۆماری شاری كەركووك ڕوویداوە.

دكتۆر بەشیر حەداد ئاماژەی بەوەدا، پێویستە دامودەزگاكان و كارمەندان و فەرمانبەرانی حكومەت بە ئەركی سەرشانی خۆیان هەستن و لە خزمەت هاووڵاتیان دا بن و وتیشی، “هەر كەس و لایەنێك لەو ڕووداوەدا تاوانبار بێت پێویستە سزا بدرێت تاوەكو جارێكی دیكە ڕووداوێكی نەخوازراوی لەو شوەیە ڕوونەداتەوە”.

حەداد، پەرلەمانتارانی كەركووكی ڕاسپارد بەدواداچوون بۆ كارەكانی ئەو لیژنەیە بكەن و چاودێربن بەسەریەوە و گوشار دروست بكەن تاوەكو بە زووترین كات تاوانباری ئەو ڕووداوە دەستنیشان بكرێت.

بەپێی گێڕانەوەی شایەتحاڵانی ڕووداوەكە، كە میدیاكان بڵاویانكردۆتەوە، محەمەد كەریم جەباری، مامۆستا لە شاری كەركوك، خۆی و خێزانەكەی توشی كۆرۆنا بوون، بەهۆی كەمی ئۆكسجینەوە لەنەخۆشخانە لەدەرەوە ئۆكسجینی كڕیوە بۆ خێزانەكەی، دوای ئەوەی لەلایەن چەند كەسێكەوە ئۆكسجینەكەی دەبرێت بۆ كەسێكی تر، مامۆستا توڕە دەبێت و هەندێك ئامێری نەخۆشخانەكە دەشكێنێت، پۆلیس دەستگیری دەكەن و خێزانەكەی لەدۆخێكی خراپا بەتەنها جێدەهێڵن، دواتر دەیهێننەوە بۆ نەخۆشخانە و بەكەلەپچەكراوی بەتەنیشت خێزانەكەی جێیدەهێڵن، خێزانە نەخۆشەكەشی ئیهمال دەكرێت تا گیان لەدەست دەدات.

کوردستان

وێنە.. خەڵك؛ زانیاری نوێ‌ لەبارەی بۆردوومانی فڕۆكە جەنگییەكانی توركیا لە دهۆك ئاشكرا دەكات

خەڵك – بەشی هەواڵ

فڕۆكە جەنگییەكانی توركیا لە سنووری پارێزگای دهۆك ئۆتۆمبێلێكیان كردە ئامانج و بەهۆیەوە چوار كەس شەهید بوون.

بەپێی زانیارییەكانی (تۆڕی میدیایی خەڵك)، ئەمشەو فڕۆكە جەنگییەكانی توركیا لە نزیك گوندی (ڕەشانكێ‌) كە تەنها 8 كیلۆمەتر لە سەنتەری پارێزگای دهۆك دوورە، ئۆتۆمبێلێكیان كردووەتە ئامانج، 4 سەرنشینی ئۆتۆمبێلەكە شەهید بوون.

بەوتەی دانیشتووانی ناوچەكە، ئۆتۆمبێلەكە مەدەنی بووە و 4 گەریلای پارتی كرێكارانی كوردستان (پەكەكە)ی تێدابووە و بەهۆی بۆردوومانەكە هەر چواریان دەستبەجێ‌ گیانیان لەدەستداوە.

بەردەوام بە لە خوێندنەوە

کوردستان

فڕۆكە جەنگییەكانی توركیا لە دهۆك ئۆتۆمبێلێكیان كردە ئامانج

خەڵك – بەشی هەواڵ

فڕۆكە جەنگییەكانی توركیا لە سنووری پارێزگای دهۆك ئۆتۆمبێلێكیان كردە ئامانج.

بەپێی زانیارییەكانی (تۆڕی میدیایی خەڵك)، كەمێك لەمەوبەر فڕۆكە جەنگییەكانی توركیا لە نزیك گوندی (ڕەشانكێ‌) كە تەنها 8 كیلۆمەتر لە سەنتەری پارێزگای دهۆك دوورە، ئۆتۆمبێلێكیان كردووەتە ئامانج، بەڵام تا ئێستا زیانەكانی ئەو بۆردوومانە نەزانراوە.

بەردەوام بە لە خوێندنەوە

کوردستان

بەڕێوەبەری نەخۆشخانەی جمهوری سلێمانی: كۆرۆنا ژیان ناوەستێنێ‌
بڕیارێك لە بەرژەوەندی نەخۆشانی (ڕۆماتیزمەی درێژخایەن) ڕادەگەیەنێت

خەڵك – بەشی هەواڵ

بەڕێوەبەری نەخۆشخانەی جمهوری سلێمانی ڕایدەگەیەنێت: لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان دەكرێت بۆ پێدانی (دەرزی مانگانەی ڕۆماتیزمە) بۆ نەخۆشانی (ڕۆماتیزمەی درێژخایەن).

د.داهات حەوێزی بەڕێوەبەری نەخۆشخانەی جمهوری سلێمانی لە هەژماری تایبەتی خۆی لە تۆڕی كۆمەڵایەتی فەیسبوك بڵاویكردەوە: كۆڕۆنا ژیان ناوەستێنێ، سەرەڕای تووشبوونی زۆر لە پزیشكان و كارمەندان و وەرنەگرتنی مووچەكانیان، بەڵام لەپێناو زیاتر خزمەتكردنی هاووڵاتیانی شاری سلێمانی و دەوروبەری كە نەخۆشی (ڕۆماتیزمەی درێژخایەن)یان هەیە بڕیارماندا لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان بكەین بۆ پێدانی (دەرزی مانگانەی ڕۆماتیزمە)، بەهیوای كەمكردنەوەی ئێش و ئازارەكانیان.

دەقی نووسینەكە:

كۆڕۆنا ژیان ناوەستێنێ:
سەرەڕای تووشبونی زۆر لە پزیشكان و كارمەندان و وەرنەگرتنی مووچەكانیان، بەڵام لەپێناو زیاتر خزمەتكردنی هاوڵاتیانی شاری سلێمانی و دەوروبەری كە نەخۆشی (ڕۆماتیزمەی درێژخایەنیان) هەیە بڕیارمان دا لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان بكەین بۆ پێدانی (دەرزی مانگانەی ڕۆماتیزمە)، بەهیوای كەمكردنەوەی ئێش و ئازارەكانیان.
سوپاس بۆ كارمەندو پزیشكە دڵسۆزەكان.

“بەهیوای لەشساغی بۆ گشت لایەك”

د.داهات حەوێزی

بەڕێوەبەری نەخۆشخانەی جمهوری سلێمانی

بەردەوام بە لە خوێندنەوە

کوردستان