ئێمە لە تۆرە کۆمەڵایەتیەکان

کوردستان

داوای هەڵوەشاندنەوەی قەدەغەی هاتووچۆی نێوان پارێزگاكان دەكرێت

خەڵك-ئارام سەردار
سەرۆكی فڕاكسیۆنی یەكگرتوو لە ئەنجوومەنی پارێزگای هەولێر ڕایدەگەیەنێت، ئێستا لەهەموو پارێزگاكانی هەرێم ڤایرۆسی كۆڕۆنا بڵاوبۆتەوە و ناتوانرێت بەری لێبگیرێت، قەدەغەی هاتووچۆی نێوان پارێزگاكانی هەرێم سوودی نەماوە و داوا دەكەین ئەو قەدەغەیە درێژ نەكرێتەوە.

غازی عەلی، سەرۆكی فڕاكسیۆنی یەكگرتوو لەئەنجوومەنی پارێزگای هەولێر بە(خەڵك)ی ڕگەیاند، درێژ كردنەوەی قەدەغەی ھاتووچۆ لەمە زیاتر لەنێوان پارێزگاكانی ھەرێمدا، بێ مانایە و لە ئازاردانی ھاووڵاتیان هیچی تر نیە، هەر بۆیە ئەمڕۆ حەوت ئەندامی ئەنجوومەنی پارێزگای هەولێر یادشتمان بۆ هەڵوەشاندنەوەی قەدەغەی هاتووچۆی نێوان پارێزگاكانی هەرێم پێشكەش بە سەرۆكی ئەنجوومەنی پارێزگای هەولێر كرد.

دەشڵێت: “لە ناوەڕۆكی یاداشتەكەمان هاتووە، بەهۆی ئەوەی ئێستا لەهەموو پارێزگاكانی هەرێم ڤایرۆسی كۆڕۆنا بڵاوبۆتەوە و ناتوانرێت بەرێ لێبگیرێت، قەدەغەی هاتووچۆی نێوان پارێزگاكانی هەرێم سوودی نەماوە و داوا دەكەین درێژ نەكرێتەوە، لەبڕی ئەوە ڕێكارە تەندروستیەكان بگیرێتە بەر و تاكپارێزی پەیڕەوبكرێت، لەهەمان كاتدا شوێنەكانی قەرەباڵغ و بەریەك كەوتنی تێدایە بەداخراوی بمێننەوە”.

ئەوەشدەخاتەڕوو، ئێمە داوا لەلێژنەی باڵا دەكەین ڕێگای نێوان پارێزگاكان بكرێنەوە، ئەگەر ئەوەنەكرا كۆبوونەوەی ئەنجوومەنی پارێزگا بكرێت بۆ پێداچوونەوە بەبڕیاری قەدەغەی هاتووچۆ.

کوردستان

وێنە.. خەڵك؛ زانیاری نوێ‌ لەبارەی بۆردوومانی فڕۆكە جەنگییەكانی توركیا لە دهۆك ئاشكرا دەكات

خەڵك – بەشی هەواڵ

فڕۆكە جەنگییەكانی توركیا لە سنووری پارێزگای دهۆك ئۆتۆمبێلێكیان كردە ئامانج و بەهۆیەوە چوار كەس شەهید بوون.

بەپێی زانیارییەكانی (تۆڕی میدیایی خەڵك)، ئەمشەو فڕۆكە جەنگییەكانی توركیا لە نزیك گوندی (ڕەشانكێ‌) كە تەنها 8 كیلۆمەتر لە سەنتەری پارێزگای دهۆك دوورە، ئۆتۆمبێلێكیان كردووەتە ئامانج، 4 سەرنشینی ئۆتۆمبێلەكە شەهید بوون.

بەوتەی دانیشتووانی ناوچەكە، ئۆتۆمبێلەكە مەدەنی بووە و 4 گەریلای پارتی كرێكارانی كوردستان (پەكەكە)ی تێدابووە و بەهۆی بۆردوومانەكە هەر چواریان دەستبەجێ‌ گیانیان لەدەستداوە.

بەردەوام بە لە خوێندنەوە

کوردستان

فڕۆكە جەنگییەكانی توركیا لە دهۆك ئۆتۆمبێلێكیان كردە ئامانج

خەڵك – بەشی هەواڵ

فڕۆكە جەنگییەكانی توركیا لە سنووری پارێزگای دهۆك ئۆتۆمبێلێكیان كردە ئامانج.

بەپێی زانیارییەكانی (تۆڕی میدیایی خەڵك)، كەمێك لەمەوبەر فڕۆكە جەنگییەكانی توركیا لە نزیك گوندی (ڕەشانكێ‌) كە تەنها 8 كیلۆمەتر لە سەنتەری پارێزگای دهۆك دوورە، ئۆتۆمبێلێكیان كردووەتە ئامانج، بەڵام تا ئێستا زیانەكانی ئەو بۆردوومانە نەزانراوە.

بەردەوام بە لە خوێندنەوە

کوردستان

بەڕێوەبەری نەخۆشخانەی جمهوری سلێمانی: كۆرۆنا ژیان ناوەستێنێ‌
بڕیارێك لە بەرژەوەندی نەخۆشانی (ڕۆماتیزمەی درێژخایەن) ڕادەگەیەنێت

خەڵك – بەشی هەواڵ

بەڕێوەبەری نەخۆشخانەی جمهوری سلێمانی ڕایدەگەیەنێت: لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان دەكرێت بۆ پێدانی (دەرزی مانگانەی ڕۆماتیزمە) بۆ نەخۆشانی (ڕۆماتیزمەی درێژخایەن).

د.داهات حەوێزی بەڕێوەبەری نەخۆشخانەی جمهوری سلێمانی لە هەژماری تایبەتی خۆی لە تۆڕی كۆمەڵایەتی فەیسبوك بڵاویكردەوە: كۆڕۆنا ژیان ناوەستێنێ، سەرەڕای تووشبوونی زۆر لە پزیشكان و كارمەندان و وەرنەگرتنی مووچەكانیان، بەڵام لەپێناو زیاتر خزمەتكردنی هاووڵاتیانی شاری سلێمانی و دەوروبەری كە نەخۆشی (ڕۆماتیزمەی درێژخایەن)یان هەیە بڕیارماندا لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان بكەین بۆ پێدانی (دەرزی مانگانەی ڕۆماتیزمە)، بەهیوای كەمكردنەوەی ئێش و ئازارەكانیان.

دەقی نووسینەكە:

كۆڕۆنا ژیان ناوەستێنێ:
سەرەڕای تووشبونی زۆر لە پزیشكان و كارمەندان و وەرنەگرتنی مووچەكانیان، بەڵام لەپێناو زیاتر خزمەتكردنی هاوڵاتیانی شاری سلێمانی و دەوروبەری كە نەخۆشی (ڕۆماتیزمەی درێژخایەنیان) هەیە بڕیارمان دا لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان بكەین بۆ پێدانی (دەرزی مانگانەی ڕۆماتیزمە)، بەهیوای كەمكردنەوەی ئێش و ئازارەكانیان.
سوپاس بۆ كارمەندو پزیشكە دڵسۆزەكان.

“بەهیوای لەشساغی بۆ گشت لایەك”

د.داهات حەوێزی

بەڕێوەبەری نەخۆشخانەی جمهوری سلێمانی

بەردەوام بە لە خوێندنەوە

کوردستان