ئێمە لە تۆرە کۆمەڵایەتیەکان

کوردستان

سۆران عومەر لە پەڕلەمان دەستلەكاردەكێشێتەوە

خەڵك- بەشی هەواڵ
سۆران عومەر، ئەندامی پەڕلەمانی كوردستان لە فراكسیۆنی كۆمەڵی ئیسلامی دەستبەرداری كاری پەڕلەمانتاری دەبێت و دەستلەكار دەكێشێتەوە.

سەرچاوەیەكی نزیك لە سۆران عومەر بۆ (خەڵك) ئاشكرای كرد، كە وەك كاردانەوەیەك بەرامبەر هەنگاوە تاكلایەنەكان لە پەڕلەمان و بەها دانەنان بۆ كاری پەڕلەمانتاری سۆران عومەر بڕیاری داوە دەستبەرداری كاری پەڕلەمانتاری ببێت و دەستلەكار بكێشێتەوە.

ئاشكراشی كرد، كە لە دوو ڕۆژی داهاتوودا سۆران عومەر بە فەرمی بۆ میدیاكان و ڕای گشتی بڕیارەكەی ڕادەگەیەنێت.

سۆران عومەر، ئەندامی پەڕلەمانی كوردستان لە فراكسیۆنی كۆمەڵی ئیسلامی بەهۆی لێدوانێكی پێشوویەوە لەلایەن سەرۆكی حكومەتی هەرێمی كوردستانەوە سكاڵای لەدادگای هەولێر لەسەر تۆماركرا و ڕۆژی 7 ئایاری، بە دەنگی 57 پەرلەمانتاری پارتی و كەمە نەتەوایەتییەكان پارێزبەندی لێ وەرگیرایەوە، بەڵام لە ڕۆژی 15ی حوزەیران ڕێواز فایەق، سەرۆكی پەڕلەمانی كوردستان بڕیاری هەڵوەشاندنەوەی بڕیاری هەڵگرتنی پارێزبەندی لەسەر ئەو پەڕلەمانتارە دەركرد.

دواتر وەزیری داد بڕیاریدا بڕیارەكەی سەرۆكی پەڕلەمان لە وەقائیعی كوردستان بڵاونەكاتەوە و لە ڕۆژی 12ی ئەم مانگەشدا، دادگای لێكۆڵینەوەی هەولێر فەرمانی دەستگیركردنی بۆ سۆران عومەر دەركرد.

پێشتر سۆران عومەر ڕایگەیاندبوو، “بڕیاری دەستگیركردنی من تەنیا شانۆییەكی سیاسییە، كە لەلایەن پارتی دیموكراتی كوردستانەوە دروستكراوە، لەبەر ئەوە ئامادەنیم بچمە بەردەم دادگا”.

کوردستان

وێنە.. خەڵك؛ زانیاری نوێ‌ لەبارەی بۆردوومانی فڕۆكە جەنگییەكانی توركیا لە دهۆك ئاشكرا دەكات

خەڵك – بەشی هەواڵ

فڕۆكە جەنگییەكانی توركیا لە سنووری پارێزگای دهۆك ئۆتۆمبێلێكیان كردە ئامانج و بەهۆیەوە چوار كەس شەهید بوون.

بەپێی زانیارییەكانی (تۆڕی میدیایی خەڵك)، ئەمشەو فڕۆكە جەنگییەكانی توركیا لە نزیك گوندی (ڕەشانكێ‌) كە تەنها 8 كیلۆمەتر لە سەنتەری پارێزگای دهۆك دوورە، ئۆتۆمبێلێكیان كردووەتە ئامانج، 4 سەرنشینی ئۆتۆمبێلەكە شەهید بوون.

بەوتەی دانیشتووانی ناوچەكە، ئۆتۆمبێلەكە مەدەنی بووە و 4 گەریلای پارتی كرێكارانی كوردستان (پەكەكە)ی تێدابووە و بەهۆی بۆردوومانەكە هەر چواریان دەستبەجێ‌ گیانیان لەدەستداوە.

بەردەوام بە لە خوێندنەوە

کوردستان

فڕۆكە جەنگییەكانی توركیا لە دهۆك ئۆتۆمبێلێكیان كردە ئامانج

خەڵك – بەشی هەواڵ

فڕۆكە جەنگییەكانی توركیا لە سنووری پارێزگای دهۆك ئۆتۆمبێلێكیان كردە ئامانج.

بەپێی زانیارییەكانی (تۆڕی میدیایی خەڵك)، كەمێك لەمەوبەر فڕۆكە جەنگییەكانی توركیا لە نزیك گوندی (ڕەشانكێ‌) كە تەنها 8 كیلۆمەتر لە سەنتەری پارێزگای دهۆك دوورە، ئۆتۆمبێلێكیان كردووەتە ئامانج، بەڵام تا ئێستا زیانەكانی ئەو بۆردوومانە نەزانراوە.

بەردەوام بە لە خوێندنەوە

کوردستان

بەڕێوەبەری نەخۆشخانەی جمهوری سلێمانی: كۆرۆنا ژیان ناوەستێنێ‌
بڕیارێك لە بەرژەوەندی نەخۆشانی (ڕۆماتیزمەی درێژخایەن) ڕادەگەیەنێت

خەڵك – بەشی هەواڵ

بەڕێوەبەری نەخۆشخانەی جمهوری سلێمانی ڕایدەگەیەنێت: لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان دەكرێت بۆ پێدانی (دەرزی مانگانەی ڕۆماتیزمە) بۆ نەخۆشانی (ڕۆماتیزمەی درێژخایەن).

د.داهات حەوێزی بەڕێوەبەری نەخۆشخانەی جمهوری سلێمانی لە هەژماری تایبەتی خۆی لە تۆڕی كۆمەڵایەتی فەیسبوك بڵاویكردەوە: كۆڕۆنا ژیان ناوەستێنێ، سەرەڕای تووشبوونی زۆر لە پزیشكان و كارمەندان و وەرنەگرتنی مووچەكانیان، بەڵام لەپێناو زیاتر خزمەتكردنی هاووڵاتیانی شاری سلێمانی و دەوروبەری كە نەخۆشی (ڕۆماتیزمەی درێژخایەن)یان هەیە بڕیارماندا لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان بكەین بۆ پێدانی (دەرزی مانگانەی ڕۆماتیزمە)، بەهیوای كەمكردنەوەی ئێش و ئازارەكانیان.

دەقی نووسینەكە:

كۆڕۆنا ژیان ناوەستێنێ:
سەرەڕای تووشبونی زۆر لە پزیشكان و كارمەندان و وەرنەگرتنی مووچەكانیان، بەڵام لەپێناو زیاتر خزمەتكردنی هاوڵاتیانی شاری سلێمانی و دەوروبەری كە نەخۆشی (ڕۆماتیزمەی درێژخایەنیان) هەیە بڕیارمان دا لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان بكەین بۆ پێدانی (دەرزی مانگانەی ڕۆماتیزمە)، بەهیوای كەمكردنەوەی ئێش و ئازارەكانیان.
سوپاس بۆ كارمەندو پزیشكە دڵسۆزەكان.

“بەهیوای لەشساغی بۆ گشت لایەك”

د.داهات حەوێزی

بەڕێوەبەری نەخۆشخانەی جمهوری سلێمانی

بەردەوام بە لە خوێندنەوە

کوردستان