ئێمە لە تۆرە کۆمەڵایەتیەکان

ئابوری

“پێویستە لەئێستاوە پلان بۆ زەوییەکانی دەوروبەری شەقامی ١٠٠ مەتری دابنرێت”

 

خەڵک – نزار جەزا

 

جێگری سەرۆکی لیژنەى خزمەتگوزاری و شارەوانی و گواستنەوە و گەیاندن لەئەنجومەنی پارێزگای سلێمانی ڕایدەگەیەنێت، زەوییەکانی دەوروبەری شەقامی ١٠٠ مەتریی سلێمانی زەوی زۆر باش و گرنگن، کە پێویستە لەئێستاوە بەڕاوێژ لەگەڵ شارەزایانی ناوخۆیی و دەرەکی پلانیان بۆ دابنرێن، کە چۆن بەکاربهێنرێن، چونکە زەوی زۆر باشن بۆ بابەتی گەشتوگوزاری و بارزگانی، کە هەلی کاری زۆر دابیندەکات و ژێرخانی ئابووری پێ دەبووژێتەوە.

 

شەقامی ١٠٠ مەتری لەشاری سالێمانی بەردی بناغەی بۆ دانرایەوە و بڕیارە لەماوەى سێ ساڵدا قۆناغی یەکەمی لەلایەن کۆمپانیای قەیوانەوە جێبەجێبکرێت.

 

زیاد کاکە ڕەزا جێگری سەرۆکی لیژنەى خزمەتگوزاری و شارەوانی و گواستنەوە و گەیاندن لەئەنجومەنی پارێزگای سلێمانی بە(خەڵک)ی ڕاگەیاند، ئەو زەوییانەى دەوروبەری شەقامی ١٠٠ مەتریی سلێمانى دەکەونە ناو ماستەرپلانی سلێمانییەوە و پلانێکی تایبەتی خۆی دەوێت کە چۆن مامەڵە لەگەڵ ئەو زەوییانە بکرێت.

 

ئاماژەى بەئەوەشدا، ئەو زەوییانەی دەوروبەری شەقامەکە دەشتاییە و زۆر باشن بۆ ئەنجامدانی هەر پڕۆژەیەکی گونجاو، کە پێویستە لەئێستاوە حکومەتى هەرێم یان حکومەتی خۆجێی سلێمانى دەستبکات بەدانانی پلانێک بۆ ئەو زەوییانە کە چۆن بتوانرێت سوودی لێ وەربگیرێت.

 

زیاتر ڕوونیکردەوە، دەکرێت لەئێستاوە پرس بە کەسانی شارەزا لەدەرەوە و ناوەوەی هەرێم، بەتایبەت کۆمپانیا بیانییەکان بکرێت، بۆئەوەی پلانێکی باش دابنێن، کە سوود لەو زەوییانە وەربگیرێن و خەسارنەبن.

 

ئەوەشی خستەڕوو، ئەگەر پڕۆژەى جۆراوجۆری لێ دروستبکرێت، بێگومان هەلی کار بۆ هاوڵاتییان دەڕەخسێت و ژێرخانی ئابووری پێ دەبووژێتەوە.

 

ناوبراو باسی لەئەوەشکرد، ئەو ناوچەیەی شەقامە ١٠٠ مەترییەکەی پێدا تێدەپەڕێت، لەناوچەى کشتووکاڵی دەردەچێت، بەجۆرێک دەبیتە ناوچەیەکی گەشتیاری و بازرگانی زۆر گرنگ، چونکە ئاو و ئاوەدانی بەیەکەوەیە، لەبەرئەوە دەکرێت پڕۆژەى گەشتیاری زۆر گەورەى تێدا دروستبکرێت.

 

وتیشی: ئەگەر پلان و بەرنامە هەبێت هەم حکومەت و هەم خەڵکیش سوودی باش لەو زەوییانە وەردەگرن.

 

پڕۆژەكە لە ماستەرپلانی سلێمانیدا لە دوو شەقامی شێوە تەریب پێكهاتووە، كە لە ڕۆژئاوا بۆ ڕۆژهەڵاتی سلێمانی درێژدەبێتەوە، لەكاتی تەواوبوونی هەموو پڕۆژەكە شەقامەكانی 60 مەتری و 100 مەتری بەشێوەی تۆڕێك لە شەقام بەیەكەوە دەبەستێتەوە و ڕووپۆشی ڕووبەری 472 كیلۆمەتر دووجا دەكات. تاوەكو 20 ساڵی دیكەش كێشەی جەنجاڵیی هاتووچۆ لە سلێمانی ناهێڵێت.

 

درێژیی شەقامی 100 مەتری سلێمانی لەگەڵ تۆڕی شەقامە لاوەكییەكانی 146 كیلۆمەترە، لە تاسڵوجەوە بۆ تونێلی پێشڕەو دەبێت و لە 100 مەترییەوە دەستپێدەكات تاوەكو كۆتاییەكەی كە دەبێتە 40 مەتریی. پڕۆژەكە بە سێ قۆناغ جێبەجێ دەكرێت، ئەوەی ئێستا قۆناغی یەكەمە، كە لە 33 كیلۆمەتر پێكدێت، هەشت یەكتربڕ و شەش ئاوبەری سندووقی تێدایە و بەپێی ستانداردی جیهانی دروست دەكرێت.

 

ریکلام

ئابوری

نرخی زێڕ و دراوەكان

خەڵك – بەشی هەواڵ
نرخی زێڕ و دراوەکان بۆ ئەمڕۆ یەك شەممە بەم شێوەیەیە كە لە زەڕنگەری پێشین لە سلێمانی وەرگیراوە:

زێڕ:
Oz: 2035$
24K: 405,000
21K: 354,000
18K: 303,000
Lira 22K= 431$

دراوەكان:
100$= 123.750
100€= 145,000
100£= 159,000
100$= 723 لیرەی تورکی
100$= 2,180,000 تمەن (نەقدی)
100$= 2,300,000 تمەن (حەواڵە)

بەردەوام بە لە خوێندنەوە

ئابوری

نرخی نەوت لە بازاڕەكانی جیهان

خەڵك-بەشی هەواڵ

نرخی‌ نەوت لەبازاڕەكانی‌ جیهان بەراورد بە ڕۆژانی ڕابردوو بە جێگیری ماوەتەوە.

ئاژانسەكانی جیهان بڵاویانكردەوە، نرخی نەوت بۆ ئەمڕۆ یەك شەممە، 9ی‌ ئابی 2020 بە جێگیری ماوەتەوە، بەشێوەیەك نرخی‌ نەوتی برێنت بە 44 دۆلار و 66 سەنت لە بازاڕەكانی جیهان مامەڵەی پێوەكراوە و هاوكات نرخی بەرمیلێك نەوتی خاوی ئەمریكیش بە 41 دۆلارو 56 سەنت مامەڵەی پێوەكراوە.

هەڵكشان و داكشانی نرخی نەوت لەكاتێكدایە، ژمارەیەك لەو وڵاتانەی بۆ ڕووبەڕووبوونەوەی ڤایرۆسی كۆرۆنا سەرجەم كەرتە پیشەسازی و بازرگانییەكانیان وەستاندبوو، بەڵام لە ئێستادا و بەهۆی كەمبوونەوەی مەترسییەكانی كۆرۆنا، بەشێك لە چالاكییە ئابوورییەكانیان دەستپێكردووەتەوە، ئەمەش بووەتە هۆی بەرزبوونەوەی نرخی نەوت.

بەردەوام بە لە خوێندنەوە

ئابوری

بێگەرد تاڵەبانی: چەندین بەرهەمی هاوردەمان قەدەغەكرد

خەڵك – بەشی هەواڵ

وەزیری كشتوكاڵ و سەرچاوەكانی ئاوی هەرێم ڕایدەگەیەنێت: ئەنجومەنی وەزیران و وەزارەتی ناوخۆ هەماهەنگن بۆپاراستنی بەرهەمی جوتیارانمان.

بێگەرد تاڵەبانی وەزیری كشتوكاڵ و سەرچاوەكانی ئاو لە ڕاگەیەنراوێكدا ڕایگەیاند: لەپێناو پاراستنی بەرهەمی جوتیارانمان چەندین بەرهەمی هاوردەمان قەدەغەكرد و ئەنجومەنی وەزیران و وەزارەتی ناوخۆ هەماهەنگن بۆپاراستنی بەرهەمی جوتیارانمان.

بێگەرد تاڵەبانی ئاماژەی بەوەشداوە: لەماوەی ڕابردوو زانیاریمان دەستكەوت كە لە چەند دەروازەیەك بەرهەمی قەدەغەكراو هاوردە دەكەن، ئەمەش كاریگەری ڕاستەوخۆی لەسەر بەرهەمی جوتیارانمان دەبێت، بۆیە نووسرامان ئاڕاستەی ئەنجومەنی وەزیران كرد بۆ ئەوەی هەماهەنگی پێویستمان لەگەڵ بكەن و ڕێگربن لە هاوردەكردنی بەرهەمی قەدەغەكراو.

وەزیری كشتوكاڵ و سەرچاوەكانی ئاو ئەوەشی خستەڕوو: بە سوپاسەوە لە ئێستادا ئەنجومەنی وەزیران و وەزارەتی ناوخۆ هەماهەنگی پێویستمان لەگەڵ دەكەن بۆ ڕێگری لەو بەرهەمانەی قەدەغەمان كردوون.

 

بەردەوام بە لە خوێندنەوە

کوردستان