ئێمە لە تۆرە کۆمەڵایەتیەکان

کوردستان

تەندروستی سلێمانی: له‌كاره‌سات گه‌ڕاینه‌وه، بەڵام هاووڵاتییان پابەند نەبن تووشبووانی كۆرۆنا هەڵدەكشێتەوە

خەڵك – بەشی هەواڵ
جێگری بەڕێوەبەری گشتی تەندروستی سلێمانی ڕایدەگەیەنێت كە سلێمانی گەڕاوەتەوە لەوەی لبە هۆی كۆرۆناوە تووشی كارەسات بێت، بەڵام لەگەڵ ئەوەشدا هۆشداری دەدات كە ئەگەر هاووڵاتییان خاوببنەوە لە جێبەجێكردنی ڕێنماییە تەندروستییەكان، ئەوا سەرلەنوێ ژمارەی تووشبووان بەرەو هەڵكشان دەچێت.

د. هێرش سەلیم جێگری بەڕێوەبەری گشتی تەندروستی سلێمانی لە لێدوانێكی بۆ بەشی كوردی دەنگی ئەمریكا سەبارەت بە دۆخی كۆرۆنا لە سلێمانی ڕایگەیاند ئه‌م چه‌ند ڕۆژه‌ی ڕابردوو ئاماره‌كانی تووشبوون به‌ ڤایڕۆسی كۆرۆنا ئه‌گه‌ر نه‌شڵێم دابه‌زیووه،‌ به‌ڵام له‌ ئاستێكی سه‌قامگیردایه‌ واته‌ به‌رزبوونه‌وه‌ نییه‌ و نزمبوونه‌وه‌یه‌كی واش نییه‌ كه‌ بڵێین ئه‌مه‌ نزمبوونه‌وه‌یه‌ چونكه‌ ده‌بێت ئێمه‌ ماوه‌یه‌كی 10 ڕۆژ بۆ دوو هه‌فته‌ سه‌قامگیریه‌ك به‌ ئاماره‌كانه‌وه‌ ببینینه‌وه‌ ئه‌و دابه‌زینه‌ش كه‌ هه‌یه‌ بیبینین ئینجا ده‌توانیین بڕیاربده‌ین و بڵێین ئاماری توشبووه‌كان ڕوو له‌ داكشانه‌ ڕوو له‌ نزمبوونه‌وه‌یه‌ هاوكات ژماره‌ی كۆچككردوو-گیان له‌ده‌ستدان كه‌م بۆته‌وه‌ ئه‌وه‌ شتێكی به‌رچاوه‌ و دیاریشه‌ به‌ڵام ژماره‌ی توشبوون ئێستا له‌ ئاستێكی سه‌قامگیردایه‌ نزمبوونه‌وه‌یه‌كی وه‌هاش نییه‌ بتوانیین بڕیاری له‌سه‌ر بده‌ین كێرڤه‌كه‌ ڕوو له‌خواره‌وه‌یه‌.

وتیشی: ئێستا “له‌كاره‌سات گه‌ڕاینه‌وه‌ی به‌ره‌و سه‌قامگیری ده‌ڕۆین ئه‌گه‌ر به‌م شێوه‌ خۆپارێزییه‌ به‌رده‌وام بێت، ڕاسته‌ ژماره‌ی تووشبوون زۆر زیادیكرد 80% بۆ 85% ئه‌و خه‌ڵكانه‌ی كه‌ له‌ سلێمانی توشی نه‌خۆشیه‌كه‌ بوون ده‌توانم بڵێم به‌شێوه‌یه‌كی هێواش نه‌خۆشیه‌كه‌یان گرتووه‌ یاخود له‌ بنه‌ڕه‌ته‌دا هه‌ر نیشانه‌شیان نه‌بووه‌ ئه‌و ژماره‌ زۆره‌ وایكرد كه‌ زۆرینه‌ی خه‌ڵك تووش ببێت، ئاماره‌كان له‌وه‌ زیاتر هه‌ڵنه‌كشاوه‌ ئیتر ئایا گۆڕینی كه‌شوهه‌وایه‌ یاخود هه‌رخۆی ڤایڕۆسه‌كه‌ له‌م ماوه‌یه‌دا به‌شێوه‌یه‌ك له‌ شێوه‌كان لاوازتر ده‌ربكه‌وێت، ئێستا ئیتر خه‌ڵك وای لێدێت به‌رگری په‌یدا بكات به‌رامبه‌ر ڤایڕۆسه‌كه‌ كه‌ پێی ده‌ڵێن (immunize) چونكه‌ ژماره‌یه‌كی زۆر له‌ هاووڵاتییان تووشبوون هه‌روه‌ها ژماره‌یه‌كی زۆر زۆریش چاك بۆته‌وه‌ئه‌مه‌ وایكردووه‌ كه‌ ئێستا ئاماره‌كان ڕوو له‌ داكشان بێت كه‌واته‌ ئێمه‌ نه‌گه‌یشتینه‌ ئه‌و كاره‌ساته‌ی كه‌ باس ده‌كرێت.”

لەگەڵ ئەوەشدا جێگری بەڕێوەبەری گشتی تەندروستی سلێمانی دەڵێت “ترسی ئه‌وه‌مان هه‌یه‌ ئه‌گه‌ر هاووڵاتییان پابه‌ندنه‌بن یان كه‌مته‌رخه‌مییه‌ك بنوێنن له‌ مه‌سه‌له‌ی خۆپارێزی ڕێی تێده‌چێت كه‌ هه‌ڵكشاندن ڕووبداته‌وه‌ جه‌خت له‌وه‌ ده‌كه‌ینه‌وه‌ كه‌ هاووڵاتییان وانه‌كه‌ن كه‌شتێك ڕوو بدات یاخود كه‌مته‌رخه‌می بنوێنن له‌ خۆپارێزی بۆ ئه‌وه‌ی ئاماره‌كان به‌و شێوه‌ سه‌قامگیریه‌ بهێڵینه‌وه‌و ڕوو له‌داكشان بێت.”

د. هێرش سەلیم ڕاشیگەیاند له‌جاری پێشوودا خه‌ڵك هاوكاری ئێمه‌بوو له‌سه‌ر مه‌سه‌له‌ی خۆپاراستن و به‌ره‌نگاربوونه‌وه‌ له‌خه‌تی یه‌كه‌می كۆرۆنا ئه‌مجاره‌ش هه‌ر هاووڵاتییان خۆیانن كه‌ ده‌توانن بارودۆخه‌كه‌ وا لێبكه‌ن كه‌ئاماری هه‌ڵكشانه‌كان به‌ره‌و خواره‌وه‌ بێننه‌وه‌ و خه‌ڵك پارێزراوبێت و خه‌ڵك زیاتر ده‌چێته‌وه‌ كه‌نارێكی ئارامه‌وه‌ به‌وه‌ی كه‌مه‌سه‌له‌ی تاكپارێزی و خۆپارێزی چڕتر بكرێته‌وه‌ بۆیه‌ ئێستاش داوا له‌ هاووڵاتییان ده‌كه‌ین كه‌ به‌رده‌وام بن له‌سه‌ر مه‌سه‌له‌ی خۆپارێزی خۆیان و ده‌وروبه‌ریان بۆ ئه‌وه‌ی بارودۆخه‌كه‌ له‌و ئاسته‌دا له‌ژێر كۆنتڕۆڵی خۆماندا بێت و چاره‌سه‌ری بارودۆخه‌كه‌ بكه‌ین به‌شێوه‌یه‌كی ئاسانتر و دوور له‌مه‌ترسی بڵاوبوونه‌وه‌ یاخود ته‌شه‌نه‌سه‌ندن به‌شێوه‌یه‌كی سه‌خت و گیان له‌ده‌ستدانی خه‌ڵك.

سەبارەت بەو مەترسییانەش كە لە كاتی هاتنی دەروێشەكانی تەریقەتی قادری لە ڕۆژهەڵاتی كوردستان و ئێرانەوە بۆ سلێمانی باسیان لێوەدەكرا، جێگری بەڕێوەبەری گشتی تەندروستی سلێمانی ڕایگەیاند له‌ماوه‌ی 10 ڕۆژدا ده‌بێت شوێنه‌واره‌كانی ده‌ربكه‌وێت ئه‌گه‌ر ئاماره‌كان به‌و شێوه‌یه‌ زیادیكردبێت و ده‌ریشكه‌وت كه‌ ئه‌و خه‌ڵكانه‌ له‌ڕێی ته‌كیه‌كه‌وه‌ تووش بوون، له‌ڕێی پرسه‌كه‌وه‌ تووشبوون ئه‌وكاته‌ ده‌توانیین بڵێن به‌ڵێ مه‌ترسی ئه‌وه‌ ده‌رده‌كه‌وێت.

کوردستان

وێنە.. خەڵك؛ زانیاری نوێ‌ لەبارەی بۆردوومانی فڕۆكە جەنگییەكانی توركیا لە دهۆك ئاشكرا دەكات

خەڵك – بەشی هەواڵ

فڕۆكە جەنگییەكانی توركیا لە سنووری پارێزگای دهۆك ئۆتۆمبێلێكیان كردە ئامانج و بەهۆیەوە چوار كەس شەهید بوون.

بەپێی زانیارییەكانی (تۆڕی میدیایی خەڵك)، ئەمشەو فڕۆكە جەنگییەكانی توركیا لە نزیك گوندی (ڕەشانكێ‌) كە تەنها 8 كیلۆمەتر لە سەنتەری پارێزگای دهۆك دوورە، ئۆتۆمبێلێكیان كردووەتە ئامانج، 4 سەرنشینی ئۆتۆمبێلەكە شەهید بوون.

بەوتەی دانیشتووانی ناوچەكە، ئۆتۆمبێلەكە مەدەنی بووە و 4 گەریلای پارتی كرێكارانی كوردستان (پەكەكە)ی تێدابووە و بەهۆی بۆردوومانەكە هەر چواریان دەستبەجێ‌ گیانیان لەدەستداوە.

بەردەوام بە لە خوێندنەوە

کوردستان

فڕۆكە جەنگییەكانی توركیا لە دهۆك ئۆتۆمبێلێكیان كردە ئامانج

خەڵك – بەشی هەواڵ

فڕۆكە جەنگییەكانی توركیا لە سنووری پارێزگای دهۆك ئۆتۆمبێلێكیان كردە ئامانج.

بەپێی زانیارییەكانی (تۆڕی میدیایی خەڵك)، كەمێك لەمەوبەر فڕۆكە جەنگییەكانی توركیا لە نزیك گوندی (ڕەشانكێ‌) كە تەنها 8 كیلۆمەتر لە سەنتەری پارێزگای دهۆك دوورە، ئۆتۆمبێلێكیان كردووەتە ئامانج، بەڵام تا ئێستا زیانەكانی ئەو بۆردوومانە نەزانراوە.

بەردەوام بە لە خوێندنەوە

کوردستان

بەڕێوەبەری نەخۆشخانەی جمهوری سلێمانی: كۆرۆنا ژیان ناوەستێنێ‌
بڕیارێك لە بەرژەوەندی نەخۆشانی (ڕۆماتیزمەی درێژخایەن) ڕادەگەیەنێت

خەڵك – بەشی هەواڵ

بەڕێوەبەری نەخۆشخانەی جمهوری سلێمانی ڕایدەگەیەنێت: لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان دەكرێت بۆ پێدانی (دەرزی مانگانەی ڕۆماتیزمە) بۆ نەخۆشانی (ڕۆماتیزمەی درێژخایەن).

د.داهات حەوێزی بەڕێوەبەری نەخۆشخانەی جمهوری سلێمانی لە هەژماری تایبەتی خۆی لە تۆڕی كۆمەڵایەتی فەیسبوك بڵاویكردەوە: كۆڕۆنا ژیان ناوەستێنێ، سەرەڕای تووشبوونی زۆر لە پزیشكان و كارمەندان و وەرنەگرتنی مووچەكانیان، بەڵام لەپێناو زیاتر خزمەتكردنی هاووڵاتیانی شاری سلێمانی و دەوروبەری كە نەخۆشی (ڕۆماتیزمەی درێژخایەن)یان هەیە بڕیارماندا لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان بكەین بۆ پێدانی (دەرزی مانگانەی ڕۆماتیزمە)، بەهیوای كەمكردنەوەی ئێش و ئازارەكانیان.

دەقی نووسینەكە:

كۆڕۆنا ژیان ناوەستێنێ:
سەرەڕای تووشبونی زۆر لە پزیشكان و كارمەندان و وەرنەگرتنی مووچەكانیان، بەڵام لەپێناو زیاتر خزمەتكردنی هاوڵاتیانی شاری سلێمانی و دەوروبەری كە نەخۆشی (ڕۆماتیزمەی درێژخایەنیان) هەیە بڕیارمان دا لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان بكەین بۆ پێدانی (دەرزی مانگانەی ڕۆماتیزمە)، بەهیوای كەمكردنەوەی ئێش و ئازارەكانیان.
سوپاس بۆ كارمەندو پزیشكە دڵسۆزەكان.

“بەهیوای لەشساغی بۆ گشت لایەك”

د.داهات حەوێزی

بەڕێوەبەری نەخۆشخانەی جمهوری سلێمانی

بەردەوام بە لە خوێندنەوە

کوردستان