ئێمە لە تۆرە کۆمەڵایەتیەکان

کوردستان

گەنجانی وڵات پارێز و ژنانی گەنجی تێكۆشەر ڕاگەیەنراوێك بڵاودەكەنەوە

خەڵك – بەشی هەواڵ

كۆمەڵەی گەنجانی وڵات پارێز و ژنانی گەنجی تێكۆشەر ڕایدەگەیەنن، هەڵمەتێكی بەرفراوانی ئیمزا كۆكردنەوەیان لەدژی لەشكركێشی دەوڵەتی توركیا كە دەستی پێكردووە و دەشڵێن :”گەلی ئێمە گەلێكی هۆشیارە و بە هیچ شێوەیەك قبوڵی ئەو داگیركاریانەی دەوڵەتی توركیا ناكات”.

كۆمەڵەی گەنجانی وڵات پارێز و ژنانی گەنجی تێكۆشەر لە ڕاگەیەنراوێكدا، كە وێنەیەكی دەست (خەڵك) كەوتووە ڕایگەیاندووە، بە هاوكاری ڕێكخراوەكانی كۆمەڵی مەدەنی هەڵمەتێكی بەرفراوانی ئیمزا كۆكردنەوەمان دەستپێكردووە، لەدژی ئەو لەشكركێشی و داگیركاریانەی دەوڵەتی توركیا بۆ سەر باشووری كوردستان.

دەشڵێت،”ئامانج لەكۆكردنەوەی ئەم ئیمزایانە بۆ ئەوەیە، كە پەیامی گەلی خۆمان بگەیەنینە پەڕلەمانی كوردستان و پەڕلەمانی عێراق و نەتەوە یەكگرتووەكان و ئاگاداریان بكەینەوە لەوەی، كە گەلی ئێمە گەلێكی هۆشیارە و بە هیچ شێوەیەك قبوڵی ئەو داگیركاریانەی دەوڵەتی تورك ناكا”.

ڕاشیگەیاندووە، پێویستە بە زووترین كاتیش بە دەنگ داوای گەلەوە بێن و بڕیاری دەركردنی سوپای توركیا بدەن و سەروەری خاكمان بپارێزن و نەیەڵن چیتر سوپای بێگانە بتوانێ بە ئارەزووی خۆی بێتە ناو خاكی وڵاتمان و ھاوڵاتیانمان شەھید بكەن.

ڕاگەیەنراوێك بۆ ڕای گشتی:
ئێمە وەك كۆمەڵەی گەنجانی وڵات پارێز و ژنانی گەنجی تێكۆشەر ، بە ھاوكاری ڕێكخراوەكانی كۆمەڵی مەدەنی ھەڵمەتێكی بەرفراوانی ئیمزا كۆكردنەوەمان ڕاگەیاندووە، لەدژی ئەو لەشكركێشی و داگیركاریانەی دەوڵەتی فاشیستی تورك كە دەستی پێكردووە بۆ سەر باشوری كوردستان،ئامانج لەكۆكردنەوەی ئەم ئیمزایانە بۆ ئەوەیە كە پەیامی گەلی خۆمان بگەیەنینە (پەرلەمانی كوردستان و پەرلەمانی عێراق و نەتەوە یەكگرتووەكان )و ئاگاداریان بكەینەوە لەوەی كە گەلی ئێمە گەلێكی ھۆشیارە و بە ھیچ شێوەیەك قبوڵی ئەو داگیركاریانەی دەوڵەتی تورك ناكا ،و پێویستە بە زوترین كاتیش بە دەنگ داوای گەلەوە بێن ،و بڕیاری دەركردنی سوپای توركیا بدەن و سەروەری خاكمان بپارێزن و نەیەڵن چیتر سوپای بێگانە بتوانێ بە ئارەزووی خۆی بێتە ناو خاكی وڵاتمان و ھاوڵاتیانمان شەھید بكەن ،وەلەو چوارچێوەیەشدا داواكاریمان لە ھەر كەس و لایەنێكی وڵات پارێز ئەوەیە كە پێشوازی لەم ھەڵمەتە بكەن و پشتگیری تەواوی خۆیانی بۆ دەرببڕن ، تا بتوانین بەیەكەوە فشارێكی بە كۆمەڵ بكەین بۆ وە دەرنانی دەوڵەتی توركی داگیركەر ،و زامنكردنی ژیانێكی دوور لە دڵە ڕاوكێ بۆ گەلی خۆمان لە باشور .
بژی یەكدەنگی كوردان
بژی سەركەوتنی كوردستان

ریکلام

کوردستان

وێنە.. لە هەولێر كەسێك بە تۆمەتی بەكارهێنانی ماددەی كریستاڵ دەستگیركرا

خەڵك – بەشی هەواڵ

بەڕێوەبەرایەتی پۆلیسی پارێزگای هەولێر ڕایدەگەیەنێت، كەسێكیان بە تۆمەتی بەكارهێنانی ماددەی هۆشبەر دەستگیركردووە.

بەڕێوەبەرایەتی پۆلیسی پارێزگای هەولێر لە لاپەڕەی فەڕمی خۆی لە تۆڕی كۆمەڵایەتی فەیسبوك بڵاویكردەوە، هێزەكانیان ئاگاداركرانەوە لەوەی ئۆتۆمبێلێكی جۆری (مارسیدس) بۆ ماوەیەكی زۆر لە شەقامی كۆیە وەستاوە، دوای گەیشتنی پۆلیس دەركەوت كە شۆفێری ئۆتۆمبێلەكە بە هۆی بەكارهێنانی ماددەی هۆشبەرەوە بێ هۆش بووە.

پۆلیسی هەولێر ڕوونیشیكردووەتەوە، تۆمەتبارەكە ناوی (هـ.ن.ر)ە، بڕێكی زۆر ماددەی هۆشبەری لە جۆری (كریستاڵ) و حەب و كەلوپەلی بەكارهێنانی ماددەی هۆشبەر و چەقۆ پێبووە.

پۆلیسی هەولێر ئەوەشیخستووەتەڕوو، پەڕاوی لێكۆڵینەوە بۆ تۆمەتبار كراوەتەوە و بەپێی ماددەی (١٤)ی ماددە هۆشبەرەكان ڕاگیراوە.

 

بەردەوام بە لە خوێندنەوە

ئابوری

سامانە سرووشتییەكان: باشترە عیراق وەك هەرێمی كوردستان بهێڵن لایەنی سەربەخۆ وردبینی لە پرسی نەوت بكات

خەڵك – بەشی هەواڵ

دوای ئەوەی وەزیری نەوتی عیراق ئاماژەی بەوەكردبوو، كەنەوتی هەرێم بەقاچاغ دەبرێت و لەئۆپیك كێشەی بۆ عیراق دروست كردووە، وەزارەتی سامانە سرووشتییەكانی هەرێم ئەو وتانە ڕەتدەكاتەوە.

وەزارەتی سامانە سرووشتییەكانی حكومەتی هەرێمی كوردستان لە ڕاگەیەنراوێكدا ڕایگەیاند:”ئامار و زانیاریی بەرهەمهێنانی نەوت لە هەرێمی كوردستان لەلایەن كۆمپانیای دیلۆیتی جیهانییەوە وردبینیی تێدا دەكرێت و بەشێوەیەكی بەردەوام بڵاودەكرێتەوە، بۆیە باشترە كە حكومەتی فیدراڵیی عیراق وردتربن لە لێدوانەكانیان، باشترە عیراقیش وەك هەرێمی كوردستان بهێڵن لایەنی سەربەخۆ وردبینی لە زانیارییەكانی تایبەت بە پرسی نەوت بكات”.

وەزارەتی سامانە سرووشتییەكان ئاماژەی بەوەشكردووە:” حكومەتی هەرێمی كوردستان دوای ڕێككەوتنی ئۆپيك پڵەس قەبارەی بەرهەمهێنانی كەمكردووەتەوە و كۆی گشتیی بەرهەمەكانی لە ئاستی پێویستدا نین بەراورد بە بەرهەمەكانی بەشەكانی دیكەی عیراق”.

وەزارەتی سامانە سرووشتییەكانی هەرێم بسی لەوەش كردووە:” ئەو ڕوونكردنەوەیان بۆ حكومەتی فیدراڵی وەكو بەشێك لە گفتوگۆیەكی گشتگیرتر لەقەڵەم دەدەن”.

بەردەوام بە لە خوێندنەوە

کوردستان

فراكسیۆنی پارتی؛ بە شانازییەوە یادی ریفراندۆمی سەربەخۆیی كوردستان دەكەینەوە

خەڵك – بەشی هەواڵ

فراكسیۆنی پارتی لە پەڕلەمانی كوردستان ڕایدەگەیەنێت ، بە شانازییەوە یادی ریفراندۆمی سەربەخۆیی كوردستان دەكەینەوە، كە خاڵێكی وەرچەرخانی گرنگ بوو لە مێژووی بزاڤی رزگاریخوازی گەلی كوردستان.

فراكسیۆنی پارتی لە پەڕلەمانی كوردستان لە ڕاگەیەنراوێكدا بڵاویكردەوە ، ریفراندۆمی سەربەخۆیی كوردستان، كە لە 25ـی ئەیلوولی 2017 ئەنجام درا، رۆژێكی نیشتمانیی شكۆدارە و شانازییەكی گەورەیە بۆ هەموو ئەوانەی بە بەڵێ، دەنگیان بۆ سەركەوتنی دا.

ڕاگەیەنراوى فراكسیۆنی پارتی لە ساڵیادی ریفراندۆمی سەربەخۆیی كوردستان
بە شانازییەوە یادی ریفراندۆمی سەربەخۆیی كوردستان دەكەینەوە، كە خاڵێكی وەرچەرخانی گرنگ بوو لە مێژووی بزاڤی رزگاریخوازی گەلی كوردستان.
ریفراندۆمی سەربەخۆیی كوردستان، كە لە 25ـی یٔەیلوولی 2017 یٔەنجام درا، رۆژێكی نیشتمانیی شكۆدارە و شانازییەكی گەورەیە بۆ هەموو یٔەوانەی بە بەڵێ، دەنگیان بۆ سەركەوتنی دا.
لە ساڵیادی ریفراندۆمدا، بەڵێن بە سەرۆك بارزانی دەدەین تا بمێنین پێشمەرگەی یٔەو ڕێیە دەبین كە یٔەو بۆ گەلەكەی هەڵیبژاردووە، كۆڵنەدان و وەفای یٔەو بۆ گەلەكەی دەنگی یٔازادیخوازانی كوردی بە گوێی كۆمەڵگەی نێودەوڵەتی و یار و نەیارانی گەلی كوردستان، گەیاند.
یٔێمە وەك فراكسیۆنی پارتی لە پەرلەمانی كوردستان هەردەم شانازی بەو دەستكەوتە مەزنەی گەلەكەمان دەكەین و بە رابەرایەتیی جەنابی سەرۆك بارزانی و بە پێشڕەویی پارتە نەتەوەییخوازەكەمانەوە، خەبات بۆ بەدیهاتنی دەكەین.
سڵاو بۆ هەموو یٔەو كەسانەی بەشداربوون لە سەركەوتنی ڕیفراندۆمی سەربەخۆیی كوردستان و دروود بۆ گیانی شەهیدانی كاروانی رزگاری و سەربەخۆیی كوردستان.
فراكسیۆنی پارتی
لە پەرلەمانی كوردستان

بەردەوام بە لە خوێندنەوە

کوردستان